| Library / Tipiṭaka / තිපිටක • Tipiṭaka / පාචිත්‍යාදියොජනාපාළි • Pācityādiyojanāpāḷi |
උපාලිපඤ්‌චකං
Upālipañcakaṃ
අනිස්‌සිතවග්‌ගවණ්‌ණනා
Anissitavaggavaṇṇanā
417. උපාලිපඤ්‌හෙසු ‘‘කති හි නු ඛො භන්‌තෙ’’ති පුච්‌ඡාය සම්‌බන්‌ධො නත්‌ථීති කස්‌සචි මඤ්‌ඤනං නිවාරෙන්‌තො ආහ ‘‘අය සම්‌බන්‌ධො’’ති. ථෙරොති උපාලිත්‌ථෙරො, පුච්‌ඡීති සම්‌බන්‌ධො. ඉමෙසන්‌ති පඤ්‌චකානං තන්‌තින්‌ති සම්‌බන්‌ධො. කෙසං අත්‌ථාය තන්‌තිං ඨපෙස්‌සාමීති ආහ ‘‘නිස්‌සාය වසනකාරීනං අත්‌ථායා’’ති. වසනකාරීනං භික්‌ඛූනන්‌ති සම්‌බන්‌ධො. තෙසන්‌ති පඤ්‌හානං.
417. Upālipañhesu ‘‘kati hi nu kho bhante’’ti pucchāya sambandho natthīti kassaci maññanaṃ nivārento āha ‘‘aya sambandho’’ti. Theroti upālitthero, pucchīti sambandho. Imesanti pañcakānaṃ tantinti sambandho. Kesaṃ atthāya tantiṃ ṭhapessāmīti āha ‘‘nissāya vasanakārīnaṃ atthāyā’’ti. Vasanakārīnaṃ bhikkhūnanti sambandho. Tesanti pañhānaṃ.
ආපන්‌නො කම්‌මකතොති එත්‌ථ ‘‘ආපන්‌නො’’ති පදං ‘‘කම්‌මකතො’’ති පදස්‌ස කාරණදස්‌සනන්‌ති ආහ ‘‘ආපත්‌තිං ආපන්‌නො, තප්‌පච්‌චයාව සඞ්‌ඝෙන කම්‌මං කතං හොතී’’ති. තප්‌පච්‌චයාවාති තංආපත්‌තිආපන්‌නසඞ්‌ඛාතා කාරණා එව.
Āpannokammakatoti ettha ‘‘āpanno’’ti padaṃ ‘‘kammakato’’ti padassa kāraṇadassananti āha ‘‘āpattiṃ āpanno, tappaccayāva saṅghena kammaṃ kataṃ hotī’’ti. Tappaccayāvāti taṃāpattiāpannasaṅkhātā kāraṇā eva.
Related texts:
තිපිටක (මූල) • Tipiṭaka (Mūla) / විනයපිටක • Vinayapiṭaka / පරිවාරපාළි • Parivārapāḷi / 1. අනිස්‌සිතවග්‌ගො • 1. Anissitavaggo
අට්‌ඨකථා • Aṭṭhakathā / විනයපිටක (අට්‌ඨකථා) • Vinayapiṭaka (aṭṭhakathā) / පරිවාර-අට්‌ඨකථා • Parivāra-aṭṭhakathā / අනිස්‌සිතවග්‌ගවණ්‌ණනා • Anissitavaggavaṇṇanā
