| Library / Tipiṭaka / ཏིཔིཊཀ • Tipiṭaka / པརིཝཱར-ཨཊྛཀཐཱ • Parivāra-aṭṭhakathā |
ཨུཔཱལིཔཉྩཀཾ
Upālipañcakaṃ
ཨནིསྶིཏཝགྒཝཎྞནཱ
Anissitavaggavaṇṇanā
༤༡༧. ཨུཔཱལིཔཉྷེསུ ཀཏིཧི ནུ ཁོ བྷནྟེཏི པུཙྪཱཡ ཨཡཾ སམྦནྡྷོ། ཐེརོ ཀིར རཧོགཏོ སབྦཱནི ཨིམཱནི པཉྩཀཱནི ཨཱཝཛྫེཏྭཱ ‘‘བྷགཝནྟཾ དཱནི པུཙྪིཏྭཱ ཨིམེསཾ ནིསྶཱཡ ཝསནཀཱདཱིནཾ ཨཏྠཱཡ ཏནྟིཾ ཋཔེསྶཱམཱི’’ཏི བྷགཝནྟཾ ཨུཔསངྐམིཏྭཱ ‘‘ཀཏིཧི ནུ ཁོ བྷནྟེ’’ཏིཨཱདིནཱ ནཡེན པཉྷེ པུཙྪི། ཏེསཾ ཝིསྶཛྫནེ ཨུཔོསཐཾ ན ཛཱནཱཏཱིཏི ནཝཝིདྷཾ ཨུཔོསཐཾ ན ཛཱནཱཏི། ཨུཔོསཐཀམྨཾ ན ཛཱནཱཏཱིཏི ཨདྷམྨེནཝགྒཱདིབྷེདཾ ཙཏུབྦིདྷཾ ཨུཔོསཐཀམྨཾ ན ཛཱནཱཏི། པཱཏིམོཀྑཾ ན ཛཱནཱཏཱིཏི དྭེ མཱཏིཀཱ ན ཛཱནཱཏི། པཱཏིམོཀྑུདྡེསཾ ན ཛཱནཱཏཱིཏི བྷིཀྑཱུནཾ པཉྩཝིདྷཾ བྷིཀྑུནཱིནཾ ཙཏུབྦིདྷནྟི ནཝཝིདྷཾ པཱཏིམོཀྑུདྡེསཾ ན ཛཱནཱཏི།
417. Upālipañhesu katihi nu kho bhanteti pucchāya ayaṃ sambandho. Thero kira rahogato sabbāni imāni pañcakāni āvajjetvā ‘‘bhagavantaṃ dāni pucchitvā imesaṃ nissāya vasanakādīnaṃ atthāya tantiṃ ṭhapessāmī’’ti bhagavantaṃ upasaṅkamitvā ‘‘katihi nu kho bhante’’tiādinā nayena pañhe pucchi. Tesaṃ vissajjane uposathaṃ na jānātīti navavidhaṃ uposathaṃ na jānāti. Uposathakammaṃ na jānātīti adhammenavaggādibhedaṃ catubbidhaṃ uposathakammaṃ na jānāti. Pātimokkhaṃ na jānātīti dve mātikā na jānāti. Pātimokkhuddesaṃ na jānātīti bhikkhūnaṃ pañcavidhaṃ bhikkhunīnaṃ catubbidhanti navavidhaṃ pātimokkhuddesaṃ na jānāti.
པཝཱརཎཾ ན ཛཱནཱཏཱིཏི ནཝཝིདྷཾ པཝཱརཎཾ ན ཛཱནཱཏི། པཝཱརཎཱཀམྨཾ ན ཛཱནཱཏཱིཏི ཨདྷམྨེནཝགྒཱདིབྷེདཾ ཙཏུབྦིདྷཾ པཝཱརཎཱཀམྨཾ ན ཛཱནཱཏི།
Pavāraṇaṃ na jānātīti navavidhaṃ pavāraṇaṃ na jānāti. Pavāraṇākammaṃ na jānātīti adhammenavaggādibhedaṃ catubbidhaṃ pavāraṇākammaṃ na jānāti.
ཨཱཔཏྟཱནཱཔཏྟིཾ ན ཛཱནཱཏཱིཏི ཏསྨིཾ ཏསྨིཾ སིཀྑཱཔདེ ནིདྡིཊྛཾ ཨཱཔཏྟིཉྩ ཨནཱཔཏྟིཉྩ ན ཛཱནཱཏི།
Āpattānāpattiṃ na jānātīti tasmiṃ tasmiṃ sikkhāpade niddiṭṭhaṃ āpattiñca anāpattiñca na jānāti.
ཨཱཔནྣོ ཀམྨཀཏོཏི ཨཱཔཏྟིཾ ཨཱཔནྣོ ཏཔྤཙྩཡཱཝ སངྒྷེན ཀམྨཾ ཀཏཾ ཧོཏི།
Āpanno kammakatoti āpattiṃ āpanno tappaccayāva saṅghena kammaṃ kataṃ hoti.
Related texts:
ཏིཔིཊཀ (མཱུལ) • Tipiṭaka (Mūla) / ཝིནཡཔིཊཀ • Vinayapiṭaka / པརིཝཱརཔཱལི༹ • Parivārapāḷi / ༡. ཨནིསྶིཏཝགྒོ • 1. Anissitavaggo
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / པཱཙིཏྱཱདིཡོཛནཱཔཱལི༹ • Pācityādiyojanāpāḷi / ཨནིསྶིཏཝགྒཝཎྞནཱ • Anissitavaggavaṇṇanā
