| Library / Tipiṭaka / ਤਿਪਿਟਕ • Tipiṭaka / ਪਰਿવਾਰ-ਅਟ੍ਠਕਥਾ • Parivāra-aṭṭhakathā |
ਉਪਾਲਿਪਞ੍ਚਕਂ
Upālipañcakaṃ
ਅਨਿਸ੍ਸਿਤવਗ੍ਗવਣ੍ਣਨਾ
Anissitavaggavaṇṇanā
੪੧੭. ਉਪਾਲਿਪਞ੍ਹੇਸੁ ਕਤਿਹਿ ਨੁ ਖੋ ਭਨ੍ਤੇਤਿ ਪੁਚ੍ਛਾਯ ਅਯਂ ਸਮ੍ਬਨ੍ਧੋ। ਥੇਰੋ ਕਿਰ ਰਹੋਗਤੋ ਸਬ੍ਬਾਨਿ ਇਮਾਨਿ ਪਞ੍ਚਕਾਨਿ ਆવਜ੍ਜੇਤ੍વਾ ‘‘ਭਗવਨ੍ਤਂ ਦਾਨਿ ਪੁਚ੍ਛਿਤ੍વਾ ਇਮੇਸਂ ਨਿਸ੍ਸਾਯ વਸਨਕਾਦੀਨਂ ਅਤ੍ਥਾਯ ਤਨ੍ਤਿਂ ਠਪੇਸ੍ਸਾਮੀ’’ਤਿ ਭਗવਨ੍ਤਂ ਉਪਸਙ੍ਕਮਿਤ੍વਾ ‘‘ਕਤਿਹਿ ਨੁ ਖੋ ਭਨ੍ਤੇ’’ਤਿਆਦਿਨਾ ਨਯੇਨ ਪਞ੍ਹੇ ਪੁਚ੍ਛਿ। ਤੇਸਂ વਿਸ੍ਸਜ੍ਜਨੇ ਉਪੋਸਥਂ ਨ ਜਾਨਾਤੀਤਿ ਨવવਿਧਂ ਉਪੋਸਥਂ ਨ ਜਾਨਾਤਿ। ਉਪੋਸਥਕਮ੍ਮਂ ਨ ਜਾਨਾਤੀਤਿ ਅਧਮ੍ਮੇਨવਗ੍ਗਾਦਿਭੇਦਂ ਚਤੁਬ੍ਬਿਧਂ ਉਪੋਸਥਕਮ੍ਮਂ ਨ ਜਾਨਾਤਿ। ਪਾਤਿਮੋਕ੍ਖਂ ਨ ਜਾਨਾਤੀਤਿ ਦ੍વੇ ਮਾਤਿਕਾ ਨ ਜਾਨਾਤਿ। ਪਾਤਿਮੋਕ੍ਖੁਦ੍ਦੇਸਂ ਨ ਜਾਨਾਤੀਤਿ ਭਿਕ੍ਖੂਨਂ ਪਞ੍ਚવਿਧਂ ਭਿਕ੍ਖੁਨੀਨਂ ਚਤੁਬ੍ਬਿਧਨ੍ਤਿ ਨવવਿਧਂ ਪਾਤਿਮੋਕ੍ਖੁਦ੍ਦੇਸਂ ਨ ਜਾਨਾਤਿ।
417. Upālipañhesu katihi nu kho bhanteti pucchāya ayaṃ sambandho. Thero kira rahogato sabbāni imāni pañcakāni āvajjetvā ‘‘bhagavantaṃ dāni pucchitvā imesaṃ nissāya vasanakādīnaṃ atthāya tantiṃ ṭhapessāmī’’ti bhagavantaṃ upasaṅkamitvā ‘‘katihi nu kho bhante’’tiādinā nayena pañhe pucchi. Tesaṃ vissajjane uposathaṃ na jānātīti navavidhaṃ uposathaṃ na jānāti. Uposathakammaṃ na jānātīti adhammenavaggādibhedaṃ catubbidhaṃ uposathakammaṃ na jānāti. Pātimokkhaṃ na jānātīti dve mātikā na jānāti. Pātimokkhuddesaṃ na jānātīti bhikkhūnaṃ pañcavidhaṃ bhikkhunīnaṃ catubbidhanti navavidhaṃ pātimokkhuddesaṃ na jānāti.
ਪવਾਰਣਂ ਨ ਜਾਨਾਤੀਤਿ ਨવવਿਧਂ ਪવਾਰਣਂ ਨ ਜਾਨਾਤਿ। ਪવਾਰਣਾਕਮ੍ਮਂ ਨ ਜਾਨਾਤੀਤਿ ਅਧਮ੍ਮੇਨવਗ੍ਗਾਦਿਭੇਦਂ ਚਤੁਬ੍ਬਿਧਂ ਪવਾਰਣਾਕਮ੍ਮਂ ਨ ਜਾਨਾਤਿ।
Pavāraṇaṃ na jānātīti navavidhaṃ pavāraṇaṃ na jānāti. Pavāraṇākammaṃ na jānātīti adhammenavaggādibhedaṃ catubbidhaṃ pavāraṇākammaṃ na jānāti.
ਆਪਤ੍ਤਾਨਾਪਤ੍ਤਿਂ ਨ ਜਾਨਾਤੀਤਿ ਤਸ੍ਮਿਂ ਤਸ੍ਮਿਂ ਸਿਕ੍ਖਾਪਦੇ ਨਿਦ੍ਦਿਟ੍ਠਂ ਆਪਤ੍ਤਿਞ੍ਚ ਅਨਾਪਤ੍ਤਿਞ੍ਚ ਨ ਜਾਨਾਤਿ।
Āpattānāpattiṃ na jānātīti tasmiṃ tasmiṃ sikkhāpade niddiṭṭhaṃ āpattiñca anāpattiñca na jānāti.
ਆਪਨ੍ਨੋ ਕਮ੍ਮਕਤੋਤਿ ਆਪਤ੍ਤਿਂ ਆਪਨ੍ਨੋ ਤਪ੍ਪਚ੍ਚਯਾવ ਸਙ੍ਘੇਨ ਕਮ੍ਮਂ ਕਤਂ ਹੋਤਿ।
Āpanno kammakatoti āpattiṃ āpanno tappaccayāva saṅghena kammaṃ kataṃ hoti.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਪਰਿવਾਰਪਾਲ਼ਿ • Parivārapāḷi / ੧. ਅਨਿਸ੍ਸਿਤવਗ੍ਗੋ • 1. Anissitavaggo
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ਅਨਿਸ੍ਸਿਤવਗ੍ਗવਣ੍ਣਨਾ • Anissitavaggavaṇṇanā
