| Library / Tipiṭaka / д̇ибидага • Tipiṭaka / бариваарабаал̣и • Parivārapāḷi |
убаалибан̃жагам̣
Upālipañcakaṃ
1. аниссид̇аваг̇г̇о
1. Anissitavaggo
417. д̇зна самаязна б̣уд̣̇д̇хо бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. ат̇а ко ааяасмаа убаали язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисинно ко ааяасмаа убаали бхаг̇аванд̇ам̣ зд̇ад̣̇авожа – ‘‘гад̇ихи ну ко, бханд̇з, ан̇г̇зхи саманнааг̇ад̇зна бхигкунаа яааваж̇ийвам̣ нааниссид̇зна вад̇т̇аб̣б̣а’’нд̇и?
417. Tena samayena buddho bhagavā sāvatthiyaṃ viharati jetavane anāthapiṇḍikassa ārāme. Atha kho āyasmā upāli yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinno kho āyasmā upāli bhagavantaṃ etadavoca – ‘‘katihi nu kho, bhante, aṅgehi samannāgatena bhikkhunā yāvajīvaṃ nānissitena vatthabba’’nti?
‘‘бан̃жахубаали, ан̇г̇зхи саманнааг̇ад̇зна бхигкунаа яааваж̇ийвам̣ нааниссид̇зна вад̇т̇аб̣б̣ам̣. 1 гад̇амзхи бан̃жахи? убосат̇ам̣ на ж̇аанаад̇и, убосат̇агаммам̣ на ж̇аанаад̇и, баад̇имогкам̣ на ж̇аанаад̇и, баад̇имогкуд̣̇д̣̇зсам̣ на ж̇аанаад̇и, уунабан̃жавассо ход̇и – имзхи ко, убаали, бан̃жахан̇г̇зхи саманнааг̇ад̇зна бхигкунаа яааваж̇ийвам̣ нааниссид̇зна вад̇т̇аб̣б̣ам̣. бан̃жахубаали, ан̇г̇зхи саманнааг̇ад̇зна бхигкунаа яааваж̇ийвам̣ аниссид̇зна вад̇т̇аб̣б̣ам̣. гад̇амзхи бан̃жахи? убосат̇ам̣ ж̇аанаад̇и, убосат̇агаммам̣ ж̇аанаад̇и, баад̇имогкам̣ ж̇аанаад̇и, баад̇имогкуд̣̇д̣̇зсам̣ ж̇аанаад̇и, бан̃жавассо ваа ход̇и ад̇ирзгабан̃жавассо ваа – имзхи ко, убаали, бан̃жахан̇г̇зхи саманнааг̇ад̇зна бхигкунаа яааваж̇ийвам̣ аниссид̇зна вад̇т̇аб̣б̣ам̣.
‘‘Pañcahupāli, aṅgehi samannāgatena bhikkhunā yāvajīvaṃ nānissitena vatthabbaṃ. 2 Katamehi pañcahi? Uposathaṃ na jānāti, uposathakammaṃ na jānāti, pātimokkhaṃ na jānāti, pātimokkhuddesaṃ na jānāti, ūnapañcavasso hoti – imehi kho, upāli, pañcahaṅgehi samannāgatena bhikkhunā yāvajīvaṃ nānissitena vatthabbaṃ. Pañcahupāli, aṅgehi samannāgatena bhikkhunā yāvajīvaṃ anissitena vatthabbaṃ. Katamehi pañcahi? Uposathaṃ jānāti, uposathakammaṃ jānāti, pātimokkhaṃ jānāti, pātimokkhuddesaṃ jānāti, pañcavasso vā hoti atirekapañcavasso vā – imehi kho, upāli, pañcahaṅgehi samannāgatena bhikkhunā yāvajīvaṃ anissitena vatthabbaṃ.
‘‘абарзхиби, убаали, бан̃жахан̇г̇зхи саманнааг̇ад̇зна бхигкунаа яааваж̇ийвам̣ нааниссид̇зна вад̇т̇аб̣б̣ам̣. гад̇амзхи бан̃жахи? бавааран̣ам̣ на ж̇аанаад̇и, бавааран̣аагаммам̣ на ж̇аанаад̇и, баад̇имогкам̣ на ж̇аанаад̇и, баад̇имогкуд̣̇д̣̇зсам̣ на ж̇аанаад̇и, уунабан̃жавассо ход̇и – имзхи ко, убаали, бан̃жахан̇г̇зхи саманнааг̇ад̇зна бхигкунаа яааваж̇ийвам̣ нааниссид̇зна вад̇т̇аб̣б̣ам̣. бан̃жахубаали, ан̇г̇зхи саманнааг̇ад̇зна бхигкунаа яааваж̇ийвам̣ аниссид̇зна вад̇т̇аб̣б̣ам̣. гад̇амзхи бан̃жахи? бавааран̣ам̣ ж̇аанаад̇и , бавааран̣аагаммам̣ ж̇аанаад̇и, баад̇имогкам̣ ж̇аанаад̇и, баад̇имогкуд̣̇д̣̇зсам̣ ж̇аанаад̇и, бан̃жавассо ваа ход̇и ад̇ирзгабан̃жавассо ваа – имзхи ко, убаали, бан̃жахан̇г̇зхи саманнааг̇ад̇зна бхигкунаа яааваж̇ийвам̣ аниссид̇зна вад̇т̇аб̣б̣ам̣.
‘‘Aparehipi, upāli, pañcahaṅgehi samannāgatena bhikkhunā yāvajīvaṃ nānissitena vatthabbaṃ. Katamehi pañcahi? Pavāraṇaṃ na jānāti, pavāraṇākammaṃ na jānāti, pātimokkhaṃ na jānāti, pātimokkhuddesaṃ na jānāti, ūnapañcavasso hoti – imehi kho, upāli, pañcahaṅgehi samannāgatena bhikkhunā yāvajīvaṃ nānissitena vatthabbaṃ. Pañcahupāli, aṅgehi samannāgatena bhikkhunā yāvajīvaṃ anissitena vatthabbaṃ. Katamehi pañcahi? Pavāraṇaṃ jānāti , pavāraṇākammaṃ jānāti, pātimokkhaṃ jānāti, pātimokkhuddesaṃ jānāti, pañcavasso vā hoti atirekapañcavasso vā – imehi kho, upāli, pañcahaṅgehi samannāgatena bhikkhunā yāvajīvaṃ anissitena vatthabbaṃ.
‘‘абарзхиби, убаали, бан̃жахан̇г̇зхи саманнааг̇ад̇зна бхигкунаа яааваж̇ийвам̣ нааниссид̇зна вад̇т̇аб̣б̣ам̣. гад̇амзхи бан̃жахи? аабад̇д̇аанаабад̇д̇им̣ на ж̇аанаад̇и, лахугаг̇аругам̣ аабад̇д̇им̣ на ж̇аанаад̇и, саавасзсаанавасзсам̣ аабад̇д̇им̣ на ж̇аанаад̇и, д̣̇удтуллаад̣̇удтуллам̣ аабад̇д̇им̣ на ж̇аанаад̇и, уунабан̃жавассо ход̇и – имзхи ко, убаали, бан̃жахан̇г̇зхи саманнааг̇ад̇зна бхигкунаа яааваж̇ийвам̣ нааниссид̇зна вад̇т̇аб̣б̣ам̣. бан̃жахубаали, ан̇г̇зхи саманнааг̇ад̇зна бхигкунаа яааваж̇ийвам̣ аниссид̇зна вад̇т̇аб̣б̣ам̣. гад̇амзхи бан̃жахи? аабад̇д̇аанаабад̇д̇им̣ ж̇аанаад̇и, лахугаг̇аругам̣ аабад̇д̇им̣ ж̇аанаад̇и, саавасзсаанавасзсам̣ аабад̇д̇им̣ ж̇аанаад̇и, д̣̇удтуллаад̣̇удтуллам̣ аабад̇д̇им̣ ж̇аанаад̇и, бан̃жавассо ваа ход̇и ад̇ирзгабан̃жавассо ваа – имзхи ко, убаали, бан̃жахан̇г̇зхи саманнааг̇ад̇зна бхигкунаа яааваж̇ийвам̣ аниссид̇зна вад̇т̇аб̣б̣ам̣’’.
‘‘Aparehipi, upāli, pañcahaṅgehi samannāgatena bhikkhunā yāvajīvaṃ nānissitena vatthabbaṃ. Katamehi pañcahi? Āpattānāpattiṃ na jānāti, lahukagarukaṃ āpattiṃ na jānāti, sāvasesānavasesaṃ āpattiṃ na jānāti, duṭṭhullāduṭṭhullaṃ āpattiṃ na jānāti, ūnapañcavasso hoti – imehi kho, upāli, pañcahaṅgehi samannāgatena bhikkhunā yāvajīvaṃ nānissitena vatthabbaṃ. Pañcahupāli, aṅgehi samannāgatena bhikkhunā yāvajīvaṃ anissitena vatthabbaṃ. Katamehi pañcahi? Āpattānāpattiṃ jānāti, lahukagarukaṃ āpattiṃ jānāti, sāvasesānavasesaṃ āpattiṃ jānāti, duṭṭhullāduṭṭhullaṃ āpattiṃ jānāti, pañcavasso vā hoti atirekapañcavasso vā – imehi kho, upāli, pañcahaṅgehi samannāgatena bhikkhunā yāvajīvaṃ anissitena vatthabbaṃ’’.
418. ‘‘гад̇ихи ну ко, бханд̇з, ан̇г̇зхи саманнааг̇ад̇зна бхигкунаа на убасамбаад̣̇зд̇аб̣б̣ам̣, на ниссаяо д̣̇аад̇аб̣б̣о, на сааман̣зро убадтаабзд̇аб̣б̣о’’д̇и?
418. ‘‘Katihi nu kho, bhante, aṅgehi samannāgatena bhikkhunā na upasampādetabbaṃ, na nissayo dātabbo, na sāmaṇero upaṭṭhāpetabbo’’ti?
3 ‘‘бан̃жахубаали, ан̇г̇зхи саманнааг̇ад̇зна бхигкунаа на убасамбаад̣̇зд̇аб̣б̣ам̣, на ниссаяо д̣̇аад̇аб̣б̣о, на сааман̣зро убадтаабзд̇аб̣б̣о. гад̇амзхи бан̃жахи? на бадиб̣ало ход̇и анд̇зваасим̣ ваа сад̣̇д̇хивихаарим̣ ваа г̇илаанам̣ убадтаад̇ум̣ ваа убадтаабзд̇ум̣ ваа, анабхирад̇ам̣ вуубагаасзд̇ум̣ ваа вуубагаасаабзд̇ум̣ ваа, уббаннам̣ гуггужжам̣ д̇хаммад̇о винод̣̇зд̇ум̣ 4, абхид̇хаммз винзд̇ум̣, абхивинаяз винзд̇ум̣ – имзхи ко, убаали, бан̃жахан̇г̇зхи саманнааг̇ад̇зна бхигкунаа на убасамбаад̣̇зд̇аб̣б̣ам̣, на ниссаяо д̣̇аад̇аб̣б̣о, на сааман̣зро убадтаабзд̇аб̣б̣о. бан̃жахубаали, ан̇г̇зхи саманнааг̇ад̇зна бхигкунаа убасамбаад̣̇зд̇аб̣б̣ам̣, ниссаяо д̣̇аад̇аб̣б̣о, сааман̣зро убадтаабзд̇аб̣б̣о. гад̇амзхи бан̃жахи? бадиб̣ало ход̇и анд̇зваасим̣ ваа сад̣̇д̇хивихаарим̣ ваа г̇илаанам̣ убадтаад̇ум̣ ваа убадтаабзд̇ум̣ ваа, анабхирад̇ам̣ вуубагаасзд̇ум̣ ваа вуубагаасаабзд̇ум̣ ваа, уббаннам̣ гуггужжам̣ д̇хаммад̇о винод̣̇зд̇ум̣, абхид̇хаммз винзд̇ум̣, абхивинаяз винзд̇ум̣ – имзхи ко, убаали, бан̃жахан̇г̇зхи саманнааг̇ад̇зна бхигкунаа убасамбаад̣̇зд̇аб̣б̣ам̣, ниссаяо д̣̇аад̇аб̣б̣о, сааман̣зро убадтаабзд̇аб̣б̣о.
5 ‘‘Pañcahupāli, aṅgehi samannāgatena bhikkhunā na upasampādetabbaṃ, na nissayo dātabbo, na sāmaṇero upaṭṭhāpetabbo. Katamehi pañcahi? Na paṭibalo hoti antevāsiṃ vā saddhivihāriṃ vā gilānaṃ upaṭṭhātuṃ vā upaṭṭhāpetuṃ vā, anabhirataṃ vūpakāsetuṃ vā vūpakāsāpetuṃ vā, uppannaṃ kukkuccaṃ dhammato vinodetuṃ 6, abhidhamme vinetuṃ, abhivinaye vinetuṃ – imehi kho, upāli, pañcahaṅgehi samannāgatena bhikkhunā na upasampādetabbaṃ, na nissayo dātabbo, na sāmaṇero upaṭṭhāpetabbo. Pañcahupāli, aṅgehi samannāgatena bhikkhunā upasampādetabbaṃ, nissayo dātabbo, sāmaṇero upaṭṭhāpetabbo. Katamehi pañcahi? Paṭibalo hoti antevāsiṃ vā saddhivihāriṃ vā gilānaṃ upaṭṭhātuṃ vā upaṭṭhāpetuṃ vā, anabhirataṃ vūpakāsetuṃ vā vūpakāsāpetuṃ vā, uppannaṃ kukkuccaṃ dhammato vinodetuṃ, abhidhamme vinetuṃ, abhivinaye vinetuṃ – imehi kho, upāli, pañcahaṅgehi samannāgatena bhikkhunā upasampādetabbaṃ, nissayo dātabbo, sāmaṇero upaṭṭhāpetabbo.
‘‘абарзхиби, убаали, бан̃жахан̇г̇зхи саманнааг̇ад̇зна бхигкунаа на убасамбаад̣̇зд̇аб̣б̣ам̣, на ниссаяо д̣̇аад̇аб̣б̣о, на сааман̣зро убадтаабзд̇аб̣б̣о. гад̇амзхи бан̃жахи ? на бадиб̣ало ход̇и анд̇зваасим̣ ваа сад̣̇д̇хивихаарим̣ ваа абхисамаажааригааяа сигкааяа сигкаабзд̇ум̣, аад̣̇иб̣рахмажаарияагааяа сигкааяа винзд̇ум̣, ад̇хисийлз винзд̇ум̣, ад̇хижид̇д̇з винзд̇ум̣, ад̇хибан̃н̃ааяа винзд̇ум̣ – имзхи ко, убаали, бан̃жахан̇г̇зхи саманнааг̇ад̇зна бхигкунаа на убасамбаад̣̇зд̇аб̣б̣ам̣, на ниссаяо д̣̇аад̇аб̣б̣о, на сааман̣зро убадтаабзд̇аб̣б̣о. бан̃жахубаали, ан̇г̇зхи саманнааг̇ад̇зна бхигкунаа убасамбаад̣̇зд̇аб̣б̣ам̣, ниссаяо д̣̇аад̇аб̣б̣о, сааман̣зро убадтаабзд̇аб̣б̣о. гад̇амзхи бан̃жахи? бадиб̣ало ход̇и анд̇зваасим̣ ваа сад̣̇д̇хивихаарим̣ ваа абхисамаажааригааяа сигкааяа сигкаабзд̇ум̣, аад̣̇иб̣рахмажаарияагааяа сигкааяа винзд̇ум̣, ад̇хисийлз винзд̇ум̣, ад̇хижид̇д̇з винзд̇ум̣, ад̇хибан̃н̃ааяа винзд̇ум̣ – имзхи ко, убаали, бан̃жахан̇г̇зхи саманнааг̇ад̇зна бхигкунаа убасамбаад̣̇зд̇аб̣б̣ам̣, ниссаяо д̣̇аад̇аб̣б̣о, сааман̣зро убадтаабзд̇аб̣б̣о’’д̇и.
‘‘Aparehipi, upāli, pañcahaṅgehi samannāgatena bhikkhunā na upasampādetabbaṃ, na nissayo dātabbo, na sāmaṇero upaṭṭhāpetabbo. Katamehi pañcahi ? Na paṭibalo hoti antevāsiṃ vā saddhivihāriṃ vā abhisamācārikāya sikkhāya sikkhāpetuṃ, ādibrahmacāriyakāya sikkhāya vinetuṃ, adhisīle vinetuṃ, adhicitte vinetuṃ, adhipaññāya vinetuṃ – imehi kho, upāli, pañcahaṅgehi samannāgatena bhikkhunā na upasampādetabbaṃ, na nissayo dātabbo, na sāmaṇero upaṭṭhāpetabbo. Pañcahupāli, aṅgehi samannāgatena bhikkhunā upasampādetabbaṃ, nissayo dātabbo, sāmaṇero upaṭṭhāpetabbo. Katamehi pañcahi? Paṭibalo hoti antevāsiṃ vā saddhivihāriṃ vā abhisamācārikāya sikkhāya sikkhāpetuṃ, ādibrahmacāriyakāya sikkhāya vinetuṃ, adhisīle vinetuṃ, adhicitte vinetuṃ, adhipaññāya vinetuṃ – imehi kho, upāli, pañcahaṅgehi samannāgatena bhikkhunā upasampādetabbaṃ, nissayo dātabbo, sāmaṇero upaṭṭhāpetabbo’’ti.
419. ‘‘гад̇ихи ну ко, бханд̇з, ан̇г̇зхи саманнааг̇ад̇асса бхигкуно гаммам̣ гаад̇аб̣б̣а’’нд̇и?
419. ‘‘Katihi nu kho, bhante, aṅgehi samannāgatassa bhikkhuno kammaṃ kātabba’’nti?
бан̃жахубаали, ан̇г̇зхи саманнааг̇ад̇асса бхигкуно гаммам̣ гаад̇аб̣б̣ам̣. гад̇амзхи бан̃жахи? алаж̇ж̇ий жа ход̇и, б̣аало жа, абагад̇ад̇д̇о жа, мижчаад̣̇идтиго жа ход̇и, ааж̇ийвавибанно жа – имзхи ко, убаали, бан̃жахан̇г̇зхи саманнааг̇ад̇асса бхигкуно гаммам̣ гаад̇аб̣б̣ам̣.
Pañcahupāli, aṅgehi samannāgatassa bhikkhuno kammaṃ kātabbaṃ. Katamehi pañcahi? Alajjī ca hoti, bālo ca, apakatatto ca, micchādiṭṭhiko ca hoti, ājīvavipanno ca – imehi kho, upāli, pañcahaṅgehi samannāgatassa bhikkhuno kammaṃ kātabbaṃ.
‘‘абарзхиби, убаали, бан̃жахан̇г̇зхи саманнааг̇ад̇асса бхигкуно гаммам̣ гаад̇аб̣б̣ам̣. гад̇амзхи бан̃жахи? ад̇хисийлз сийлавибанно ход̇и, аж̇жхаажаарз аажааравибанно ход̇и, ад̇ид̣̇идтияаа д̣̇идтивибанно ход̇и , мижчаад̣̇идтиго жа ход̇и, ааж̇ийвавибанно жа – имзхи ко, убаали, бан̃жахан̇г̇зхи саманнааг̇ад̇асса бхигкуно гаммам̣ гаад̇аб̣б̣ам̣.
‘‘Aparehipi, upāli, pañcahaṅgehi samannāgatassa bhikkhuno kammaṃ kātabbaṃ. Katamehi pañcahi? Adhisīle sīlavipanno hoti, ajjhācāre ācāravipanno hoti, atidiṭṭhiyā diṭṭhivipanno hoti , micchādiṭṭhiko ca hoti, ājīvavipanno ca – imehi kho, upāli, pañcahaṅgehi samannāgatassa bhikkhuno kammaṃ kātabbaṃ.
‘‘абарзхиби, убаали, бан̃жахан̇г̇зхи саманнааг̇ад̇асса бхигкуно гаммам̣ гаад̇аб̣б̣ам̣. гад̇амзхи бан̃жахи? гааяигзна д̣̇авзна саманнааг̇ад̇о ход̇и, ваажасигзна д̣̇авзна саманнааг̇ад̇о ход̇и, гааяигаваажасигзна д̣̇авзна саманнааг̇ад̇о ход̇и, мижчаад̣̇идтиго жа ход̇и, ааж̇ийвавибанно жа – имзхи ко, убаали, бан̃жахан̇г̇зхи саманнааг̇ад̇асса бхигкуно гаммам̣ гаад̇аб̣б̣ам̣.
‘‘Aparehipi, upāli, pañcahaṅgehi samannāgatassa bhikkhuno kammaṃ kātabbaṃ. Katamehi pañcahi? Kāyikena davena samannāgato hoti, vācasikena davena samannāgato hoti, kāyikavācasikena davena samannāgato hoti, micchādiṭṭhiko ca hoti, ājīvavipanno ca – imehi kho, upāli, pañcahaṅgehi samannāgatassa bhikkhuno kammaṃ kātabbaṃ.
‘‘абарзхиби , убаали, бан̃жахан̇г̇зхи саманнааг̇ад̇асса бхигкуно гаммам̣ гаад̇аб̣б̣ам̣. гад̇амзхи бан̃жахи? гааяигзна анаажаарзна саманнааг̇ад̇о ход̇и , ваажасигзна анаажаарзна саманнааг̇ад̇о ход̇и, гааяигаваажасигзна анаажаарзна саманнааг̇ад̇о ход̇и, мижчаад̣̇идтиго жа ход̇и, ааж̇ийвавибанно жа – имзхи ко, убаали, бан̃жахан̇г̇зхи саманнааг̇ад̇асса бхигкуно гаммам̣ гаад̇аб̣б̣ам̣.
‘‘Aparehipi , upāli, pañcahaṅgehi samannāgatassa bhikkhuno kammaṃ kātabbaṃ. Katamehi pañcahi? Kāyikena anācārena samannāgato hoti , vācasikena anācārena samannāgato hoti, kāyikavācasikena anācārena samannāgato hoti, micchādiṭṭhiko ca hoti, ājīvavipanno ca – imehi kho, upāli, pañcahaṅgehi samannāgatassa bhikkhuno kammaṃ kātabbaṃ.
‘‘абарзхиби, убаали, бан̃жахан̇г̇зхи саманнааг̇ад̇асса бхигкуно гаммам̣ гаад̇аб̣б̣ам̣. гад̇амзхи бан̃жахи? гааяигзна убагхаад̇игзна саманнааг̇ад̇о ход̇и, ваажасигзна убагхаад̇игзна саманнааг̇ад̇о ход̇и, гааяигаваажасигзна убагхаад̇игзна саманнааг̇ад̇о ход̇и, мижчаад̣̇идтиго жа ход̇и, ааж̇ийвавибанно жа – имзхи ко, убаали, бан̃жахан̇г̇зхи саманнааг̇ад̇асса бхигкуно гаммам̣ гаад̇аб̣б̣ам̣.
‘‘Aparehipi, upāli, pañcahaṅgehi samannāgatassa bhikkhuno kammaṃ kātabbaṃ. Katamehi pañcahi? Kāyikena upaghātikena samannāgato hoti, vācasikena upaghātikena samannāgato hoti, kāyikavācasikena upaghātikena samannāgato hoti, micchādiṭṭhiko ca hoti, ājīvavipanno ca – imehi kho, upāli, pañcahaṅgehi samannāgatassa bhikkhuno kammaṃ kātabbaṃ.
‘‘абарзхиби, убаали, бан̃жахан̇г̇зхи саманнааг̇ад̇асса бхигкуно гаммам̣ гаад̇аб̣б̣ам̣. гад̇амзхи бан̃жахи? гааяигзна мижчааж̇ийвзна саманнааг̇ад̇о ход̇и, ваажасигзна мижчааж̇ийвзна саманнааг̇ад̇о ход̇и, гааяигаваажасигзна мижчааж̇ийвзна саманнааг̇ад̇о ход̇и, мижчаад̣̇идтиго жа ход̇и, ааж̇ийвавибанно жа – имзхи ко, убаали, бан̃жахан̇г̇зхи саманнааг̇ад̇асса бхигкуно гаммам̣ гаад̇аб̣б̣ам̣.
‘‘Aparehipi, upāli, pañcahaṅgehi samannāgatassa bhikkhuno kammaṃ kātabbaṃ. Katamehi pañcahi? Kāyikena micchājīvena samannāgato hoti, vācasikena micchājīvena samannāgato hoti, kāyikavācasikena micchājīvena samannāgato hoti, micchādiṭṭhiko ca hoti, ājīvavipanno ca – imehi kho, upāli, pañcahaṅgehi samannāgatassa bhikkhuno kammaṃ kātabbaṃ.
‘‘абарзхиби, убаали, бан̃жахан̇г̇зхи саманнааг̇ад̇асса бхигкуно гаммам̣ гаад̇аб̣б̣ам̣. гад̇амзхи бан̃жахи? аабад̇д̇им̣ аабанно гаммагад̇о убасамбаад̣̇зд̇и, ниссаяам̣ д̣̇зд̇и, сааман̣зрам̣ убадтаабзд̇и, бхигкуноваад̣̇агасаммуд̇им̣ саад̣̇ияад̇и, саммад̇оби бхигкунияо овад̣̇ад̇и – имзхи ко, убаали, бан̃жахан̇г̇зхи саманнааг̇ад̇асса бхигкуно гаммам̣ гаад̇аб̣б̣ам̣.
‘‘Aparehipi, upāli, pañcahaṅgehi samannāgatassa bhikkhuno kammaṃ kātabbaṃ. Katamehi pañcahi? Āpattiṃ āpanno kammakato upasampādeti, nissayaṃ deti, sāmaṇeraṃ upaṭṭhāpeti, bhikkhunovādakasammutiṃ sādiyati, sammatopi bhikkhuniyo ovadati – imehi kho, upāli, pañcahaṅgehi samannāgatassa bhikkhuno kammaṃ kātabbaṃ.
‘‘абарзхиби, убаали, бан̃жахан̇г̇зхи саманнааг̇ад̇асса бхигкуно гаммам̣ гаад̇аб̣б̣ам̣. гад̇амзхи бан̃жахи? яааяа аабад̇д̇ияаа сан̇гхзна гаммам̣ гад̇ам̣ ход̇и д̇ам̣ аабад̇д̇им̣ аабаж̇ж̇ад̇и, ан̃н̃ам̣ ваа д̇аад̣̇исигам̣, д̇ад̇о ваа баабидтад̇арам̣, гаммам̣ г̇арахад̇и, гаммигз г̇арахад̇и – имзхи ко, убаали, бан̃жахан̇г̇зхи саманнааг̇ад̇асса бхигкуно гаммам̣ гаад̇аб̣б̣ам̣.
‘‘Aparehipi, upāli, pañcahaṅgehi samannāgatassa bhikkhuno kammaṃ kātabbaṃ. Katamehi pañcahi? Yāya āpattiyā saṅghena kammaṃ kataṃ hoti taṃ āpattiṃ āpajjati, aññaṃ vā tādisikaṃ, tato vā pāpiṭṭhataraṃ, kammaṃ garahati, kammike garahati – imehi kho, upāli, pañcahaṅgehi samannāgatassa bhikkhuno kammaṃ kātabbaṃ.
‘‘абарзхиби , убаали, бан̃жахан̇г̇зхи саманнааг̇ад̇асса бхигкуно гаммам̣ гаад̇аб̣б̣ам̣. гад̇амзхи бан̃жахи? б̣уд̣̇д̇хасса аван̣н̣ам̣ бхаасад̇и, д̇хаммасса аван̣н̣ам̣ бхаасад̇и, сан̇гхасса аван̣н̣ам̣ бхаасад̇и, мижчаад̣̇идтиго жа ход̇и, ааж̇ийвавибанно жа – имзхи ко, убаали, бан̃жахан̇г̇зхи саманнааг̇ад̇асса бхигкуно гаммам̣ гаад̇аб̣б̣а’’нд̇и.
‘‘Aparehipi , upāli, pañcahaṅgehi samannāgatassa bhikkhuno kammaṃ kātabbaṃ. Katamehi pañcahi? Buddhassa avaṇṇaṃ bhāsati, dhammassa avaṇṇaṃ bhāsati, saṅghassa avaṇṇaṃ bhāsati, micchādiṭṭhiko ca hoti, ājīvavipanno ca – imehi kho, upāli, pañcahaṅgehi samannāgatassa bhikkhuno kammaṃ kātabba’’nti.
аниссид̇аваг̇г̇о нидтид̇о батамо.
Anissitavaggo niṭṭhito paṭhamo.
д̇ассуд̣̇д̣̇аанам̣ –
Tassuddānaṃ –
убосат̇ам̣ бавааран̣ам̣, аабад̇д̇и жа г̇илаанагам̣;
Uposathaṃ pavāraṇaṃ, āpatti ca gilānakaṃ;
абхисамаажааралаж̇ж̇ий жа, ад̇хисийлз д̣̇авзна жа.
Abhisamācāralajjī ca, adhisīle davena ca.
анаажаарам̣ убагхаад̇и, мижчаа аабад̇д̇имзва жа;
Anācāraṃ upaghāti, micchā āpattimeva ca;
яааяаабад̇д̇ияаа б̣уд̣̇д̇хасса, батамо ваг̇г̇асан̇г̇аход̇и.
Yāyāpattiyā buddhassa, paṭhamo vaggasaṅgahoti.
Footnotes:
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / бариваара-адтагат̇аа • Parivāra-aṭṭhakathā / аниссид̇аваг̇г̇аван̣н̣анаа • Anissitavaggavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / аниссид̇аваг̇г̇аван̣н̣анаа • Anissitavaggavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / аниссид̇аваг̇г̇аван̣н̣анаа • Anissitavaggavaṇṇanā
