| Library / Tipiṭaka / திபிடக • Tipiṭaka / ஸங்யுத்தனிகாய • Saṃyuttanikāya |
7. ஆணிஸுத்தங்
7. Āṇisuttaṃ
229. ஸாவத்தி²யங் விஹரதி…பே॰… ‘‘பூ⁴தபுப்³ப³ங், பி⁴க்க²வே, த³ஸாரஹானங் ஆனகோ 1 நாம முதி³ங்கோ³ அஹோஸி. தஸ்ஸ த³ஸாரஹா ஆனகே க⁴டிதே அஞ்ஞங் ஆணிங் ஓத³ஹிங்ஸு. அஹு கோ² ஸோ, பி⁴க்க²வே, ஸமயோ யங் ஆனகஸ்ஸ முதி³ங்க³ஸ்ஸ போராணங் பொக்க²ரப²லகங் அந்தரதா⁴யி. ஆணிஸங்கா⁴டோவ அவஸிஸ்ஸி. ஏவமேவ கோ², பி⁴க்க²வே, ப⁴விஸ்ஸந்தி பி⁴க்கூ² அனாக³தமத்³தா⁴னங், யே தே ஸுத்தந்தா ததா²க³தபா⁴ஸிதா க³ம்பீ⁴ரா க³ம்பீ⁴ரத்தா² லோகுத்தரா ஸுஞ்ஞதப்படிஸங்யுத்தா, தேஸு ப⁴ஞ்ஞமானேஸு ந ஸுஸ்ஸூஸிஸ்ஸந்தி ந ஸோதங் ஓத³ஹிஸ்ஸந்தி ந அஞ்ஞா சித்தங் உபட்டா²பெஸ்ஸந்தி ந ச தே த⁴ம்மே உக்³க³ஹேதப்³ப³ங் பரியாபுணிதப்³ப³ங் மஞ்ஞிஸ்ஸந்தி’’.
229. Sāvatthiyaṃ viharati…pe… ‘‘bhūtapubbaṃ, bhikkhave, dasārahānaṃ ānako 2 nāma mudiṅgo ahosi. Tassa dasārahā ānake ghaṭite aññaṃ āṇiṃ odahiṃsu. Ahu kho so, bhikkhave, samayo yaṃ ānakassa mudiṅgassa porāṇaṃ pokkharaphalakaṃ antaradhāyi. Āṇisaṅghāṭova avasissi. Evameva kho, bhikkhave, bhavissanti bhikkhū anāgatamaddhānaṃ, ye te suttantā tathāgatabhāsitā gambhīrā gambhīratthā lokuttarā suññatappaṭisaṃyuttā, tesu bhaññamānesu na sussūsissanti na sotaṃ odahissanti na aññā cittaṃ upaṭṭhāpessanti na ca te dhamme uggahetabbaṃ pariyāpuṇitabbaṃ maññissanti’’.
‘‘யே பன தே ஸுத்தந்தா கவிகதா காவெய்யா சித்தக்க²ரா சித்தப்³யஞ்ஜனா பா³ஹிரகா ஸாவகபா⁴ஸிதா, தேஸு ப⁴ஞ்ஞமானேஸு ஸுஸ்ஸூஸிஸ்ஸந்தி, ஸோதங் ஓத³ஹிஸ்ஸந்தி, அஞ்ஞா சித்தங் உபட்டா²பெஸ்ஸந்தி, தே ச த⁴ம்மே உக்³க³ஹேதப்³ப³ங் பரியாபுணிதப்³ப³ங் மஞ்ஞிஸ்ஸந்தி. ஏவமேதேஸங், பி⁴க்க²வே, ஸுத்தந்தானங் ததா²க³தபா⁴ஸிதானங் க³ம்பீ⁴ரானங் க³ம்பீ⁴ரத்தா²னங் லோகுத்தரானங் ஸுஞ்ஞதப்படிஸங்யுத்தானங் அந்தரதா⁴னங் ப⁴விஸ்ஸதி. தஸ்மாதிஹ, பி⁴க்க²வே, ஏவங் ஸிக்கி²தப்³ப³ங் – ‘யே தே ஸுத்தந்தா ததா²க³தபா⁴ஸிதா க³ம்பீ⁴ரா க³ம்பீ⁴ரத்தா² லோகுத்தரா ஸுஞ்ஞதப்படிஸங்யுத்தா, தேஸு ப⁴ஞ்ஞமானேஸு ஸுஸ்ஸூஸிஸ்ஸாம, ஸோதங் ஓத³ஹிஸ்ஸாம , அஞ்ஞா சித்தங் உபட்டா²பெஸ்ஸாம, தே ச த⁴ம்மே உக்³க³ஹேதப்³ப³ங் பரியாபுணிதப்³ப³ங் மஞ்ஞிஸ்ஸாமா’தி. ஏவஞ்ஹி வோ, பி⁴க்க²வே, ஸிக்கி²தப்³ப³’’ந்தி. ஸத்தமங்.
‘‘Ye pana te suttantā kavikatā kāveyyā cittakkharā cittabyañjanā bāhirakā sāvakabhāsitā, tesu bhaññamānesu sussūsissanti, sotaṃ odahissanti, aññā cittaṃ upaṭṭhāpessanti, te ca dhamme uggahetabbaṃ pariyāpuṇitabbaṃ maññissanti. Evametesaṃ, bhikkhave, suttantānaṃ tathāgatabhāsitānaṃ gambhīrānaṃ gambhīratthānaṃ lokuttarānaṃ suññatappaṭisaṃyuttānaṃ antaradhānaṃ bhavissati. Tasmātiha, bhikkhave, evaṃ sikkhitabbaṃ – ‘ye te suttantā tathāgatabhāsitā gambhīrā gambhīratthā lokuttarā suññatappaṭisaṃyuttā, tesu bhaññamānesu sussūsissāma, sotaṃ odahissāma , aññā cittaṃ upaṭṭhāpessāma, te ca dhamme uggahetabbaṃ pariyāpuṇitabbaṃ maññissāmā’ti. Evañhi vo, bhikkhave, sikkhitabba’’nti. Sattamaṃ.
Footnotes:
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 7. ஆணிஸுத்தவண்ணனா • 7. Āṇisuttavaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 7. ஆணிஸுத்தவண்ணனா • 7. Āṇisuttavaṇṇanā
