| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
7. аан̣исуд̇д̇аван̣н̣анаа
7. Āṇisuttavaṇṇanā
229. ан̃н̃з рааж̇аано жа бхааг̇ам̣ г̇ан̣ханд̇аа имз вияа д̣̇асабхааг̇ам̣ г̇ан̣ханд̇ийд̇и д̇зсамаяам̣ ануг̇ад̇и бан̃н̃ааяад̇и. махааж̇анасса аанаяанад̇о аанагод̇и ааха ‘‘звам̣лад̣̇д̇ханаамо’’д̇и. ид̣̇аани д̇ам̣ аад̣̇ид̇о бадтааяа ааг̇аманаануггамам̣ д̣̇ассзд̇ум̣ ‘‘химаванд̇з гираа’’д̇иаад̣̇имааха. гарзн̣унд̇и гарзн̣угам̣, хад̇т̇ининд̇и ад̇т̇о. саггарим̣сууд̇и анад̇т̇абарихаран̣авасзна басад̇т̇уубахааравасзна жа бууж̇зсум̣. од̇арийд̇и гул̣ийрад̣̇ахам̣ баависи. бадиггамид̇ваа табанавасзна абаггамид̇ваа бад̇и.
229. Aññe rājāno ca bhāgaṃ gaṇhantā ime viya dasabhāgaṃ gaṇhantīti tesamayaṃ anugati paññāyati. Mahājanassa ānayanato ānakoti āha ‘‘evaṃladdhanāmo’’ti. Idāni taṃ ādito paṭṭhāya āgamanānukkamaṃ dassetuṃ ‘‘himavante kirā’’tiādimāha. Kareṇunti kareṇukaṃ, hatthininti attho. Sakkariṃsūti anatthapariharaṇavasena pasatthūpahāravasena ca pūjesuṃ. Otarīti kuḷīradahaṃ pāvisi. Paṭikkamitvā ṭhapanavasena apakkamitvā pati.
суван̣н̣араж̇ад̇аад̣̇имаяанд̇и гисмин̃жи чид̣̇д̣̇з суван̣н̣амаяам̣, гисмин̃жи раж̇ад̇амаяам̣, гисмин̃жи палигамаяам̣ аан̣им̣ гхадаяим̣су б̣анд̇хим̣су. буб̣б̣з парид̇ваа д̇идтанд̇асса д̣̇ваад̣̇аса яож̇анаани бамаан̣о зд̇ассаад̇и д̣̇ваад̣̇асаяож̇анаббамаан̣о, сад̣̇д̣̇о. ат̇асса анзгасад̇агаалз г̇ажчанд̇з анд̇осаалааяамби д̣̇угкзна суяяид̇т̇а аан̣исан̇гхаадамад̇д̇ад̇д̇аа.
Suvaṇṇarajatādimayanti kismiñci chidde suvaṇṇamayaṃ, kismiñci rajatamayaṃ, kismiñci phalikamayaṃ āṇiṃ ghaṭayiṃsu bandhiṃsu. Pubbe pharitvā tiṭṭhantassa dvādasa yojanāni pamāṇo etassāti dvādasayojanappamāṇo, saddo. Athassa anekasatakāle gacchante antosālāyampi dukkhena suyyittha āṇisaṅghāṭamattattā.
г̇амбхийраад̇и аг̇аад̇хаа д̣̇угког̇аал̣хаа. салласуд̇д̇ан̃хи ‘‘анимид̇д̇аманан̃н̃аад̇а’’нд̇иаад̣̇инаа баал̣ивасзна г̇амбхийрам̣, на ад̇т̇аг̇амбхийрам̣. д̇ат̇аа хи д̇ад̇т̇а д̇аа д̇аа г̇аат̇аа д̣̇увин̃н̃зяяаруубаа д̇идтанд̇и, д̣̇увин̃н̃зяяам̣ н̃аан̣зна д̣̇угког̇ааханд̇и гад̇ваа ‘‘г̇амбхийра’’нд̇и вужжад̇и. буб̣б̣аабарамбзд̇т̇а гаасан̃жи г̇аат̇аанам̣ д̣̇увин̃н̃зяяад̇ааяа д̣̇угког̇аахамзва, д̇асмаа д̇ам̣ баал̣ивасзна ‘‘г̇амбхийра’’нд̇и вуд̇д̇ам̣ ‘‘баал̣ивасзна г̇амбхийраа салласуд̇д̇асад̣̇исаа’’д̇и. иминаа наязна ‘‘ад̇т̇авасзна г̇амбхийраа’’д̇и зд̇т̇а ад̇т̇о взд̣̇ид̇аб̣б̣о. махаавзд̣̇алласуд̇д̇асса ад̇т̇авасзна г̇амбхийрад̇аа баагадааязва. логам̣ уд̇д̇арад̇ийд̇и логуд̇д̇аро, нававид̇хааббамаан̣ад̇хаммо, со ад̇т̇абхууд̇о зд̇зсам̣ ад̇т̇ийд̇и логуд̇д̇араа. д̇знааха ‘‘логуд̇д̇араад̇т̇ад̣̇ийбагаа’’д̇и. сад̇д̇асун̃н̃ад̇ад̇хаммамад̇д̇амзваад̇и сад̇д̇зна ад̇д̇анаа сун̃н̃ад̇ам̣ гзвалам̣ д̇хаммамад̇д̇амзва. уг̇г̇ахзд̇аб̣б̣ам̣ барияаабун̣ид̇аб̣б̣анд̇и жа лин̇г̇аважанавибаллаасзна вуд̇д̇анд̇и ааха ‘‘уг̇г̇ахзд̇аб̣б̣з жа барияаабун̣ид̇аб̣б̣з жаа’’д̇и. гавид̇аад̇и гавино гаммам̣ гавигад̇аа. яасса бана яам̣ гаммам̣, д̇ам̣ д̇зна гад̇анд̇и вужжад̇ийд̇и ааха ‘‘гавид̇аад̇и гавийхи гад̇аа’’д̇и. ид̇арам̣ ‘‘гаавзяяаа’’д̇и бад̣̇ам̣, габ̣б̣анд̇и вуд̇д̇ам̣ ход̇и. ‘‘габ̣б̣а’’нд̇и жа гавинаа вуд̇д̇анд̇и ад̇т̇о. д̇знааха ‘‘д̇ассзва взважана’’нд̇и. жид̇д̇агкараад̇и вижид̇раагаараагкараа. саасанад̇о б̣ахибхууд̇аад̇и на саасанааважараа. д̇зсам̣ саавагзхийд̇и ‘‘б̣уд̣̇д̇хаанам̣ саавагаа’’д̇и абан̃н̃аад̇аанам̣ язсам̣ гзсан̃жи саавагзхи. ануг̇г̇аяхамаанаад̇и на уг̇г̇аяхамаанаа саванад̇хааран̣абарижаяаад̇т̇уубабаригкаад̣̇ивасзна ануг̇г̇аяхамаанаа. анд̇арад̇хааяанд̇и ад̣̇ассанам̣ г̇ажчанд̇и.
Gambhīrāti agādhā dukkhogāḷhā. Sallasuttañhi ‘‘animittamanaññāta’’ntiādinā pāḷivasena gambhīraṃ, na atthagambhīraṃ. Tathā hi tattha tā tā gāthā duviññeyyarūpā tiṭṭhanti, duviññeyyaṃ ñāṇena dukkhogāhanti katvā ‘‘gambhīra’’nti vuccati. Pubbāparampettha kāsañci gāthānaṃ duviññeyyatāya dukkhogāhameva, tasmā taṃ pāḷivasena ‘‘gambhīra’’nti vuttaṃ ‘‘pāḷivasena gambhīrā sallasuttasadisā’’ti. Iminā nayena ‘‘atthavasena gambhīrā’’ti ettha attho veditabbo. Mahāvedallasuttassa atthavasena gambhīratā pākaṭāyeva. Lokaṃ uttaratīti lokuttaro, navavidhaappamāṇadhammo, so atthabhūto etesaṃ atthīti lokuttarā. Tenāha ‘‘lokuttaraatthadīpakā’’ti. Sattasuññatadhammamattamevāti sattena attanā suññataṃ kevalaṃ dhammamattameva. Uggahetabbaṃ pariyāpuṇitabbanti ca liṅgavacanavipallāsena vuttanti āha ‘‘uggahetabbe ca pariyāpuṇitabbe cā’’ti. Kavitāti kavino kammaṃ kavikatā. Yassa pana yaṃ kammaṃ, taṃ tena katanti vuccatīti āha ‘‘kavitāti kavīhi katā’’ti. Itaraṃ ‘‘kāveyyā’’ti padaṃ, kabbanti vuttaṃ hoti. ‘‘Kabba’’nti ca kavinā vuttanti attho. Tenāha ‘‘tasseva vevacana’’nti. Cittakkharāti vicitrākāraakkharā. Sāsanato bahibhūtāti na sāsanāvacarā. Tesaṃ sāvakehīti ‘‘buddhānaṃ sāvakā’’ti apaññātānaṃ yesaṃ kesañci sāvakehi. Anuggayhamānāti na uggayhamānā savanadhāraṇaparicayaatthūpaparikkhādivasena anuggayhamānā. Antaradhāyanti adassanaṃ gacchanti.
аан̣исуд̇д̇аван̣н̣анаа нидтид̇аа.
Āṇisuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 7. аан̣исуд̇д̇ам̣ • 7. Āṇisuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 7. аан̣исуд̇д̇аван̣н̣анаа • 7. Āṇisuttavaṇṇanā
