| Library / Tipiṭaka / д̇ибидага • Tipiṭaka / д̣̇взмаад̇игаабаал̣и • Dvemātikāpāḷi |
анияад̇аган̣д̣о
Aniyatakaṇḍo
1. батамаанияад̇асигкаабад̣̇аван̣н̣анаа
1. Paṭhamāniyatasikkhāpadavaṇṇanā
анияад̇уд̣̇д̣̇зсз имз ко банаад̇иаад̣̇и вуд̇д̇анаяамзва. маад̇уг̇аамзнаад̇и д̇ад̣̇ахуж̇аад̇ааяаби ж̇ийвамаанагамануссид̇т̇ияаа. зго згааяаад̇и зго бхигку маад̇уг̇аамасан̇каад̇ааяа згааяа ид̇т̇ияаа сад̣̇д̇хим̣. раход̇и жагкусса рахо. гин̃жааби баал̣ияам̣ (баараа. 445) сод̇асса рахо ааг̇ад̇о, жагкуссзва бана рахо ‘‘рахо’’д̇и ид̇ха ад̇хиббзд̇о. сажзби хи бихид̇агаваадасса г̇аб̣бхасса д̣̇ваарз нисинно вин̃н̃уу бурисо ход̇и, нзва анаабад̇д̇им̣ гарод̇и. яад̇т̇а бана саггаа д̣̇адтум̣, д̇аад̣̇исз анд̇од̣̇ваад̣̇асахад̇т̇зби огаасз нисинно сажагкуго вигкид̇д̇ажид̇д̇оби нид̣̇д̣̇ааяанд̇оби анаабад̇д̇им̣ гарод̇и, самийбз тид̇оби анд̇хо на гарод̇и, жагкумааби нибаж̇ж̇ид̇ваа нид̣̇д̣̇ааяанд̇оби на гарод̇и, ид̇т̇ийнам̣ бана сад̇амби на гарод̇иязва, д̇зна вуд̇д̇ам̣ ‘‘раход̇и жагкусса рахо’’д̇и. бадижчаннз аасанзд̇и гуддаад̣̇ийхи бадижчанногаасз. алам̣гамманиязд̇и гаммагкамам̣ гаммаяог̇г̇анд̇и гамманияам̣, алам̣ барияад̇д̇ам̣ гамманияабхаавааяаад̇и алам̣гамманияам̣, д̇асмим̣ алам̣гамманияз. яад̇т̇а аж̇жхаажаарам̣ гаронд̇аа саггонд̇и д̇ам̣ гаммам̣ гаад̇ум̣, д̇аад̣̇исзд̇и ад̇т̇о. нисаж̇ж̇ам̣ габбзяяаад̇и нисаж̇ж̇ам̣ гарзяяа, нисийд̣̇зяяаад̇и ад̇т̇о. зд̇т̇а жа саяанамби нисаж̇ж̇ааяа зва сан̇г̇ахид̇ам̣. сад̣̇д̇хзяяаважасаад̇и сад̣̇д̇хаад̇аб̣б̣аважанаа, арияасаавигаад̇и ад̇т̇о. нисаж̇ж̇ам̣ бхигку бадиж̇аанамаанод̇и гин̃жааби зваруубаа убаасигаа д̣̇исваа вад̣̇ад̇и, ат̇а ко бхигку нисаж̇ж̇ам̣ бадиж̇аанамаанова д̇ин̣н̣ам̣ д̇хаммаанам̣ ан̃н̃ад̇арзна гаарзд̇аб̣б̣о, на аббадиж̇аанамаанод̇и ад̇т̇о. язна ваа саад̇и нисаж̇ж̇аад̣̇ийсу аагаарзсу язна ваа аагаарзна сад̣̇д̇хим̣ мзт̇унаад̣̇ийни ааробзд̇ваа саа убаасигаа вад̣̇зяяа, бадиж̇аанамаанова д̇зна со бхигку гаарзд̇аб̣б̣о, зваруубааяаби хи убаасигааяа важанамад̇д̇зна аагаарзна на гаарзд̇аб̣б̣од̇и ад̇т̇о. гасмаа? яасмаа д̣̇идтам̣ наама д̇ат̇ааби ход̇и, ан̃н̃ат̇аабийд̇и. аяам̣ д̇хаммо анияад̇од̇и д̇ин̣н̣ам̣ аабад̇д̇ийнам̣ яам̣ аабад̇д̇им̣ ваа вад̇т̇ум̣ ваа бадиж̇аанаад̇и, д̇асса васзна гаарзд̇аб̣б̣ад̇ааяа анияад̇о.
Aniyatuddese ime kho panātiādi vuttanayameva. Mātugāmenāti tadahujātāyapi jīvamānakamanussitthiyā. Eko ekāyāti eko bhikkhu mātugāmasaṅkhātāya ekāya itthiyā saddhiṃ. Rahoti cakkhussa raho. Kiñcāpi pāḷiyaṃ (pārā. 445) sotassa raho āgato, cakkhusseva pana raho ‘‘raho’’ti idha adhippeto. Sacepi hi pihitakavāṭassa gabbhassa dvāre nisinno viññū puriso hoti, neva anāpattiṃ karoti. Yattha pana sakkā daṭṭhuṃ, tādise antodvādasahatthepi okāse nisinno sacakkhuko vikkhittacittopi niddāyantopi anāpattiṃ karoti, samīpe ṭhitopi andho na karoti, cakkhumāpi nipajjitvā niddāyantopi na karoti, itthīnaṃ pana satampi na karotiyeva, tena vuttaṃ ‘‘rahoti cakkhussa raho’’ti. Paṭicchanne āsaneti kuṭṭādīhi paṭicchannokāse. Alaṃkammaniyeti kammakkhamaṃ kammayogganti kammaniyaṃ, alaṃ pariyattaṃ kammaniyabhāvāyāti alaṃkammaniyaṃ, tasmiṃ alaṃkammaniye. Yattha ajjhācāraṃ karontā sakkonti taṃ kammaṃ kātuṃ, tādiseti attho. Nisajjaṃ kappeyyāti nisajjaṃ kareyya, nisīdeyyāti attho. Ettha ca sayanampi nisajjāya eva saṅgahitaṃ. Saddheyyavacasāti saddhātabbavacanā, ariyasāvikāti attho. Nisajjaṃ bhikkhu paṭijānamānoti kiñcāpi evarūpā upāsikā disvā vadati, atha kho bhikkhu nisajjaṃ paṭijānamānova tiṇṇaṃ dhammānaṃ aññatarena kāretabbo, na appaṭijānamānoti attho. Yena vā sāti nisajjādīsu ākāresu yena vā ākārena saddhiṃ methunādīni āropetvā sā upāsikā vadeyya, paṭijānamānova tena so bhikkhu kāretabbo, evarūpāyapi hi upāsikāya vacanamattena ākārena na kāretabboti attho. Kasmā? Yasmā diṭṭhaṃ nāma tathāpi hoti, aññathāpīti. Ayaṃ dhammo aniyatoti tiṇṇaṃ āpattīnaṃ yaṃ āpattiṃ vā vatthuṃ vā paṭijānāti, tassa vasena kāretabbatāya aniyato.
саавад̇т̇ияам̣ уд̣̇ааяид̇т̇зрам̣ аараб̣бха маад̇уг̇аамзна сад̣̇д̇хим̣ вуд̇д̇аббагаарз аасанз нисаж̇ж̇агаббанавад̇т̇усмим̣ бан̃н̃ад̇д̇ам̣, асаад̇хааран̣абан̃н̃ад̇д̇и, анаан̣ад̇д̇игам̣, мзт̇унад̇хаммасанниссид̇агилзсасан̇каад̇зна рахассаад̣̇зна маад̇уг̇аамасса санд̇игам̣ г̇анд̇угаамад̇ааяа агкиан̃ж̇анаад̣̇ид̇о бадтааяа саб̣б̣абаяог̇зсу д̣̇уггадам̣. г̇анд̇ваа д̇асмим̣ ваа нисиннз ид̇т̇ий нисийд̣̇ад̇у, д̇ассаа ваа нисиннааяа со нисийд̣̇ад̇у, абажчаа абуримам̣язва убхо ваа нисийд̣̇анд̇у, убхиннам̣ нисаж̇ж̇ааяа баажид̇д̇ияам̣. сажз бана гааяасам̣саг̇г̇ам̣ ваа мзт̇унам̣ ваа самаабаж̇ж̇ад̇и, д̇зсам̣ васзна гаарзд̇аб̣б̣о. нибаж̇ж̇анзби зсзва наяо. вуд̇д̇аббагаарз бурисз нибаж̇ж̇ид̇ваа анид̣̇д̣̇ааяанд̇з ананд̇хз вин̃н̃убурисз убажаараг̇ад̇з сад̇и, тид̇асса, арахобзгкасса, ан̃н̃авихид̇асса жа нисаж̇ж̇анабажжаяаа анаабад̇д̇и. уммад̇д̇агаад̣̇ийнам̣ бана д̇ийхиби аабад̇д̇ийхи анаабад̇д̇и. сияаа сийлавибад̇д̇и, сияаа аажааравибад̇д̇и. яам̣ бана аабад̇д̇им̣ бадиж̇аанаад̇и, д̇ассаа васзна ан̇г̇абхзд̣̇о н̃аад̇аб̣б̣о. самудтаанаад̣̇ийни батамабаарааж̇игасад̣̇исаанзваад̇и.
Sāvatthiyaṃ udāyittheraṃ ārabbha mātugāmena saddhiṃ vuttappakāre āsane nisajjakappanavatthusmiṃ paññattaṃ, asādhāraṇapaññatti, anāṇattikaṃ, methunadhammasannissitakilesasaṅkhātena rahassādena mātugāmassa santikaṃ gantukāmatāya akkhiañjanādito paṭṭhāya sabbapayogesu dukkaṭaṃ. Gantvā tasmiṃ vā nisinne itthī nisīdatu, tassā vā nisinnāya so nisīdatu, apacchā apurimaṃyeva ubho vā nisīdantu, ubhinnaṃ nisajjāya pācittiyaṃ. Sace pana kāyasaṃsaggaṃ vā methunaṃ vā samāpajjati, tesaṃ vasena kāretabbo. Nipajjanepi eseva nayo. Vuttappakāre purise nipajjitvā aniddāyante anandhe viññupurise upacāragate sati, ṭhitassa, arahopekkhassa, aññavihitassa ca nisajjanapaccayā anāpatti. Ummattakādīnaṃ pana tīhipi āpattīhi anāpatti. Siyā sīlavipatti, siyā ācāravipatti. Yaṃ pana āpattiṃ paṭijānāti, tassā vasena aṅgabhedo ñātabbo. Samuṭṭhānādīni paṭhamapārājikasadisānevāti.
батамаанияад̇асигкаабад̣̇аван̣н̣анаа нидтид̇аа.
Paṭhamāniyatasikkhāpadavaṇṇanā niṭṭhitā.
2. д̣̇уд̇ияаанияад̇асигкаабад̣̇аван̣н̣анаа
2. Dutiyāniyatasikkhāpadavaṇṇanā
д̣̇уд̇ияз ид̇т̇ийби бурисоби яо гожи вин̃н̃уу ананд̇хо аб̣ад̇хиро анд̇од̣̇ваад̣̇асахад̇т̇з огаасз тид̇о ваа нисинно ваа вигкид̇д̇оби нид̣̇д̣̇ааяанд̇оби анаабад̇д̇им̣ гарод̇и. б̣ад̇хиро бана жагкумааби, анд̇хо ваа аб̣ад̇хироби на гарод̇и. баарааж̇игаабад̇д̇ин̃жа барихаабзд̇ваа д̣̇удтуллаваажаабад̇д̇и вуд̇д̇аад̇и аяам̣ висзсо. сзсам̣ буриманаязнзва взд̣̇ид̇аб̣б̣ам̣. самудтаанаад̣̇ийни банзд̇т̇а ад̣̇иннаад̣̇аанасад̣̇исаанзваад̇и.
Dutiye itthīpi purisopi yo koci viññū anandho abadhiro antodvādasahatthe okāse ṭhito vā nisinno vā vikkhittopi niddāyantopi anāpattiṃ karoti. Badhiro pana cakkhumāpi, andho vā abadhiropi na karoti. Pārājikāpattiñca parihāpetvā duṭṭhullavācāpatti vuttāti ayaṃ viseso. Sesaṃ purimanayeneva veditabbaṃ. Samuṭṭhānādīni panettha adinnādānasadisānevāti.
д̣̇уд̇ияаанияад̇асигкаабад̣̇аван̣н̣анаа нидтид̇аа.
Dutiyāniyatasikkhāpadavaṇṇanā niṭṭhitā.
уд̣̇д̣̇идтаа код̇иаад̣̇и саб̣б̣ад̇т̇а вуд̇д̇анаязнзва взд̣̇ид̇аб̣б̣ам̣.
Uddiṭṭhā khotiādi sabbattha vuttanayeneva veditabbaṃ.
ган̇каавид̇аран̣ияаа баад̇имогкаван̣н̣анааяа
Kaṅkhāvitaraṇiyā pātimokkhavaṇṇanāya
анияад̇аван̣н̣анаа нидтид̇аа.
Aniyatavaṇṇanā niṭṭhitā.
