| Library / Tipiṭaka / д̇ибидага • Tipiṭaka / т̇зраг̇аат̇аа-адтагат̇аа • Theragāthā-aṭṭhakathā |
5. ан̃ж̇анаванияад̇т̇зраг̇аат̇ааван̣н̣анаа
5. Añjanavaniyattheragāthāvaṇṇanā
аасанд̣̇им̣ гудигам̣ гад̇ваад̇и ааяасмад̇о ан̃ж̇анаванияад̇т̇зрасса г̇аат̇аа. гаа уббад̇д̇и? со гира бад̣̇умуд̇д̇арасса бхаг̇авад̇о гаалз суд̣̇ассано наама маалаагааро худ̇ваа суманабубпзхи бхаг̇аванд̇ам̣ бууж̇зд̇ваа ан̃н̃амби д̇ад̇т̇а д̇ад̇т̇а б̣ахум̣ бун̃н̃ам̣ гад̇ваа д̣̇звамануссзсу сам̣саранд̇о гассабасса бхаг̇авад̇о саасанз баб̣б̣аж̇ид̇ваа саман̣ад̇хаммам̣ агааси. ат̇а имасмим̣ б̣уд̣̇д̇хуббаад̣̇з взсаалияам̣ важ̇ж̇ирааж̇агулз ниб̣б̣ад̇д̇ид̇ваа д̇асса ваяаббад̇д̇агаалз важ̇ж̇ирадтз авудтибхаяам̣ б̣яаад̇хибхаяам̣ амануссабхаяанд̇и д̇ийн̣и бхаяаани уббаж̇ж̇им̣су . д̇ам̣ саб̣б̣ам̣ рад̇анасуд̇д̇аван̣н̣анааяам̣ (ку. баа. адта. рад̇анасуд̇д̇аван̣н̣анаа; су. ни. адта. 1.рад̇анасуд̇д̇аван̣н̣анаа) вуд̇д̇анаязна взд̣̇ид̇аб̣б̣ам̣. бхаг̇авад̇и бана взсаалим̣ бавидтз бхаязсу жа вуубасанд̇зсу сад̇т̇у д̇хаммад̣̇зсанааяа самб̣ахулаанам̣ д̣̇звамануссаанам̣ д̇хаммаабхисамаяз жа ж̇аад̇з аяам̣ рааж̇агумааро б̣уд̣̇д̇хаанубхаавам̣ д̣̇исваа бадилад̣̇д̇хасад̣̇д̇хо баб̣б̣аж̇и. яат̇аа жааяам̣ звам̣ ананд̇арам̣ вужжамаанаа жад̇д̇аароби ж̇анаа. д̇зби хи имасса сахааяабхууд̇аа лижчавирааж̇агумаараа звам̣ иминаава нийхаарзна баб̣б̣аж̇им̣су. гассабасамб̣уд̣̇д̇хагаалзби сахааяаа худ̇ваа иминаа сахзва баб̣б̣аж̇ид̇ваа саман̣ад̇хаммам̣ агам̣су, бад̣̇умуд̇д̇арассаби бхаг̇авад̇о баад̣̇амуулз гусалаб̣ийж̇аробанаад̣̇им̣ агам̣сууд̇и. д̇ад̇т̇ааяам̣ гад̇абуб̣б̣агижжо саагзд̇з ан̃ж̇анаванз сусаанадтаанз васанд̇о убагадтааяа вассуубанааяигааяа мануссзхи чад̣д̣ид̇ам̣ ж̇ин̣н̣агам̣ аасанд̣̇им̣ лабхид̇ваа д̇ам̣ жад̇уусу баасаан̣зсу табзд̇ваа убари д̇ирияан̃жа д̇ин̣аад̣̇ийхи чаад̣̇зд̇ваа д̣̇ваарам̣ яож̇зд̇ваа вассам̣ убаг̇ад̇о. батамамаасзязва гхадзнд̇о вааяаманд̇о арахад̇д̇ам̣ баабун̣и. д̇зна вуд̇д̇ам̣ абад̣̇аанз (аба. т̇зра 1.11.24-28) –
Āsandiṃkuṭikaṃ katvāti āyasmato añjanavaniyattherassa gāthā. Kā uppatti? So kira padumuttarassa bhagavato kāle sudassano nāma mālākāro hutvā sumanapupphehi bhagavantaṃ pūjetvā aññampi tattha tattha bahuṃ puññaṃ katvā devamanussesu saṃsaranto kassapassa bhagavato sāsane pabbajitvā samaṇadhammaṃ akāsi. Atha imasmiṃ buddhuppāde vesāliyaṃ vajjirājakule nibbattitvā tassa vayappattakāle vajjiraṭṭhe avuṭṭhibhayaṃ byādhibhayaṃ amanussabhayanti tīṇi bhayāni uppajjiṃsu . Taṃ sabbaṃ ratanasuttavaṇṇanāyaṃ (khu. pā. aṭṭha. ratanasuttavaṇṇanā; su. ni. aṭṭha. 1.ratanasuttavaṇṇanā) vuttanayena veditabbaṃ. Bhagavati pana vesāliṃ paviṭṭhe bhayesu ca vūpasantesu satthu dhammadesanāya sambahulānaṃ devamanussānaṃ dhammābhisamaye ca jāte ayaṃ rājakumāro buddhānubhāvaṃ disvā paṭiladdhasaddho pabbaji. Yathā cāyaṃ evaṃ anantaraṃ vuccamānā cattāropi janā. Tepi hi imassa sahāyabhūtā licchavirājakumārā evaṃ imināva nīhārena pabbajiṃsu. Kassapasambuddhakālepi sahāyā hutvā iminā saheva pabbajitvā samaṇadhammaṃ akaṃsu, padumuttarassapi bhagavato pādamūle kusalabījaropanādiṃ akaṃsūti. Tatthāyaṃ katapubbakicco sākete añjanavane susānaṭṭhāne vasanto upakaṭṭhāya vassūpanāyikāya manussehi chaḍḍitaṃ jiṇṇakaṃ āsandiṃ labhitvā taṃ catūsu pāsāṇesu ṭhapetvā upari tiriyañca tiṇādīhi chādetvā dvāraṃ yojetvā vassaṃ upagato. Paṭhamamāseyeva ghaṭento vāyamanto arahattaṃ pāpuṇi. Tena vuttaṃ apadāne (apa. thera 1.11.24-28) –
‘‘суд̣̇ассанод̇и наамзна, маалаагааро ахам̣ д̇ад̣̇аа;
‘‘Sudassanoti nāmena, mālākāro ahaṃ tadā;
ад̣̇д̣̇асам̣ вираж̇ам̣ б̣уд̣̇д̇хам̣, логаж̇здтам̣ нараасабхам̣.
Addasaṃ virajaṃ buddhaṃ, lokajeṭṭhaṃ narāsabhaṃ.
‘‘ж̇аад̇ибубпам̣ г̇ахзд̇ваана, бууж̇аяим̣ бад̣̇умуд̇д̇арам̣;
‘‘Jātipupphaṃ gahetvāna, pūjayiṃ padumuttaraṃ;
висуд̣̇д̇хажагку сумано, д̣̇иб̣б̣ажагкум̣ самаж̇жхаг̇ам̣.
Visuddhacakkhu sumano, dibbacakkhuṃ samajjhagaṃ.
‘‘зд̇иссаа бубпабууж̇ааяа, жид̇д̇асса бан̣ид̇хийхи жа;
‘‘Etissā pupphapūjāya, cittassa paṇidhīhi ca;
габбаанам̣ сад̇асахассам̣, д̣̇уг̇г̇ад̇им̣ нубабаж̇ж̇ахам̣.
Kappānaṃ satasahassaṃ, duggatiṃ nupapajjahaṃ.
‘‘сол̣асаасим̣су рааж̇аано, д̣̇звуд̇д̇арасанаамагаа;
‘‘Soḷasāsiṃsu rājāno, devuttarasanāmakā;
чад̇д̇им̣самхи ид̇о габбз, жаггавад̇д̇ий махаб̣б̣алаа.
Chattiṃsamhi ito kappe, cakkavattī mahabbalā.
‘‘гилзсаа жхаабид̇аа маяхам̣…бз… гад̇ам̣ б̣уд̣̇д̇хасса саасана’’нд̇и.
‘‘Kilesā jhāpitā mayhaṃ…pe… kataṃ buddhassa sāsana’’nti.
арахад̇д̇ам̣ бана бад̇ваа вимуд̇д̇исукам̣ бадисам̣взд̣̇знд̇о самаабад̇д̇ид̇о вудтааяа яат̇аалад̣̇д̇хам̣ самбад̇д̇им̣ бажжавзгкид̇ваа бийд̇ивзг̇зна уд̣̇аанзнд̇о ‘‘аасанд̣̇им̣ гудигам̣ гад̇ваа’’д̇и г̇аат̇ам̣ абхааси .
Arahattaṃ pana patvā vimuttisukhaṃ paṭisaṃvedento samāpattito vuṭṭhāya yathāladdhaṃ sampattiṃ paccavekkhitvā pītivegena udānento ‘‘āsandiṃ kuṭikaṃ katvā’’ti gāthaṃ abhāsi .
55. д̇ад̇т̇а аасанд̣̇им̣ гудигам̣ гад̇ваад̇и аасанд̣̇ий наама д̣̇ийгхабаад̣̇агам̣ жад̇урассабийтам̣, ааяад̇ам̣ жад̇урассамби ад̇т̇иязва, яад̇т̇а нисийд̣̇ид̇умзва саггаа, на нибаж̇ж̇ид̇ум̣ д̇ам̣ аасанд̣̇им̣ гудигам̣ гад̇ваа ваасад̇т̇ааяа хздтаа вуд̇д̇анаязна гудигам̣ гад̇ваа яат̇аа д̇ад̇т̇а нисиннасса уд̇убариссаяаабхаавзна сукзна саман̣ад̇хаммам̣ гаад̇ум̣ саггаа, звам̣ гудигам̣ гад̇ваа. зд̇зна барамуггам̣саг̇ад̇ам̣ сзнаасанз ад̇д̇ано аббижчад̇ам̣ санд̇удтин̃жа д̣̇ассзд̇и. вуд̇д̇амби жзд̇ам̣ д̇хаммасзнаабад̇инаа –
55. Tattha āsandiṃ kuṭikaṃ katvāti āsandī nāma dīghapādakaṃ caturassapīṭhaṃ, āyataṃ caturassampi atthiyeva, yattha nisīditumeva sakkā, na nipajjituṃ taṃ āsandiṃ kuṭikaṃ katvā vāsatthāya heṭṭhā vuttanayena kuṭikaṃ katvā yathā tattha nisinnassa utuparissayābhāvena sukhena samaṇadhammaṃ kātuṃ sakkā, evaṃ kuṭikaṃ katvā. Etena paramukkaṃsagataṃ senāsane attano appicchataṃ santuṭṭhiñca dasseti. Vuttampi cetaṃ dhammasenāpatinā –
‘‘баллан̇гзна нисиннасса, ж̇ан̣н̣угзнаабхивассад̇и;
‘‘Pallaṅkena nisinnassa, jaṇṇukenābhivassati;
алам̣ паасувихаарааяа, бахид̇ад̇д̇асса бхигкуно’’д̇и. (т̇зраг̇аа. 985; ми. ба. 6.1.1);
Alaṃ phāsuvihārāya, pahitattassa bhikkhuno’’ti. (theragā. 985; mi. pa. 6.1.1);
абарз ‘‘аасанд̣̇игудига’’нд̇и баатам̣ вад̇ваа ‘‘аасанд̣̇иббамаан̣ам̣ гудигам̣ гад̇ваа’’д̇и ад̇т̇ам̣ вад̣̇анд̇и. ан̃н̃з бана ‘‘аасананисаж̇ж̇аад̣̇иг̇ад̇з мануссз уд̣̇д̣̇исса ман̃жагасса убари гад̇агудигаа аасанд̣̇ий наама, д̇ам̣ аасанд̣̇им̣ гудигам̣ гад̇ваа’’д̇и ад̇т̇ам̣ вад̣̇анд̇и. ог̇г̇аяхаад̇и ог̇аахзд̇ваа анубависид̇ваа. ан̃ж̇анам̣ вананд̇и звам̣наамагам̣ ванам̣, ан̃ж̇анаван̣н̣абубпабхаавад̇о хи ан̃ж̇анаа вужжанд̇и валлияо, д̇аб̣б̣ахулад̇ааяа д̇ам̣ ванам̣ ‘‘ан̃ж̇анавана’’нд̇и наамам̣ лабхи. абарз бана ‘‘ан̃ж̇анаа наама махааг̇ажчаа’’д̇и вад̣̇анд̇и, д̇ам̣ ан̃ж̇анаванам̣ ог̇г̇аяха аасанд̣̇игам̣ гудигам̣ гад̇ваа д̇иссо виж̇ж̇аа ануббад̇д̇аа, гад̇ам̣ б̣уд̣̇д̇хасса саасананд̇и вихарад̇аа маяаад̇и важанасзсзнзва яож̇анаа. ид̣̇амзва жа т̇зрасса ан̃н̃ааб̣яаагаран̣ам̣ ахосийд̇и.
Apare ‘‘āsandikuṭika’’nti pāṭhaṃ vatvā ‘‘āsandippamāṇaṃ kuṭikaṃ katvā’’ti atthaṃ vadanti. Aññe pana ‘‘āsananisajjādigate manusse uddissa mañcakassa upari katakuṭikā āsandī nāma, taṃ āsandiṃ kuṭikaṃ katvā’’ti atthaṃ vadanti. Oggayhāti ogāhetvā anupavisitvā. Añjanaṃ vananti evaṃnāmakaṃ vanaṃ, añjanavaṇṇapupphabhāvato hi añjanā vuccanti valliyo, tabbahulatāya taṃ vanaṃ ‘‘añjanavana’’nti nāmaṃ labhi. Apare pana ‘‘añjanā nāma mahāgacchā’’ti vadanti, taṃ añjanavanaṃ oggayha āsandikaṃ kuṭikaṃ katvā tisso vijjā anuppattā, kataṃ buddhassa sāsananti viharatā mayāti vacanaseseneva yojanā. Idameva ca therassa aññābyākaraṇaṃ ahosīti.
ан̃ж̇анаванияад̇т̇зраг̇аат̇ааван̣н̣анаа нидтид̇аа.
Añjanavaniyattheragāthāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зраг̇аат̇аабаал̣и • Theragāthāpāḷi / 5. ан̃ж̇анаванияад̇т̇зраг̇аат̇аа • 5. Añjanavaniyattheragāthā
