| Library / Tipiṭaka / ਤਿਪਿਟਕ • Tipiṭaka / ਖੁਦ੍ਦਸਿਕ੍ਖਾ-ਮੂਲਸਿਕ੍ਖਾ • Khuddasikkhā-mūlasikkhā |
੨੪. ਅਞ੍ਜਨੀਨਿਦ੍ਦੇਸવਣ੍ਣਨਾ
24. Añjanīniddesavaṇṇanā
੧੮੨. વਟ੍ਟਾ વਾ ਅਟ੍ਠਸੋਲ਼ਸਂਸਾ વਾ ਮਟ੍ਠਾ ਅਞ੍ਜਨੀ વਟ੍ਟਤੀਤਿ ਯੋਜਨਾ। ਅਟ੍ਠ ਚ ਸੋਲ਼ਸ ਚ ਅਂਸਾ ਕੋਣਾ ਯਸ੍ਸਾ ਸਾਤਿ વਿਗ੍ਗਹੋ। ਸੋਲ਼ਸਂਸਪਦੇਸવਿਭਤ੍ਤਾਯ ਅਟ੍ਠਂਸਾਸੁਤਿਯਾ ਅਟ੍ਠਂਸਪਦੇਸવਿਭਤ੍ਤਾ ਚਤੁਰਂਸਾਪਿ ਸਾਮਤ੍ਥਿਯਾ ਗਯ੍ਹਤੀਤਿ ਞਾਤਬ੍ਬਂ। ‘‘ਉਜੁਕਮੇવ ਪਨ ਚਤੁਰਂਸਾવਾ’’ਤਿ ਹਿ ਅਟ੍ਠਕਥਾਯਂ (ਪਾਰਾ॰ ਅਟ੍ਠ॰ ੧.੮੫) વੁਤ੍ਤਂ। ਅਞ੍ਜਨੀਤਿ ਅਞ੍ਜਨਨਾਲ਼ਿ। ਮੂਲੇ ਤਿਸ੍ਸੋਪਿ ਲੇਖਾ વਟ੍ਟਨ੍ਤੀਤਿ ਯੋਜਨਾ। ਮੂਲੇਤਿ ਬੁਨ੍ਦੇ, ਹੇਟ੍ਠਤੋਤਿ વੁਤ੍ਤਂ ਹੋਤਿ। ਲੇਖਾਤਿ વਟ੍ਟਲੇਖਾ। ਬਨ੍ਧਿਤੁਂ ਗੀવਾਯਂ ਏਕਾ ਏવ ਲੇਖਾ વਟ੍ਟਤੀਤਿ ਸਮ੍ਬਨ੍ਧੋ। ਬਨ੍ਧਿਤੁਨ੍ਤਿ ਪਿਧਾਨਬਨ੍ਧਨਤ੍ਥਂ।
182. Vaṭṭā vā aṭṭhasoḷasaṃsā vā maṭṭhā añjanī vaṭṭatīti yojanā. Aṭṭha ca soḷasa ca aṃsā koṇā yassā sāti viggaho. Soḷasaṃsapadesavibhattāya aṭṭhaṃsāsutiyā aṭṭhaṃsapadesavibhattā caturaṃsāpi sāmatthiyā gayhatīti ñātabbaṃ. ‘‘Ujukameva pana caturaṃsāvā’’ti hi aṭṭhakathāyaṃ (pārā. aṭṭha. 1.85) vuttaṃ. Añjanīti añjananāḷi. Mūle tissopi lekhā vaṭṭantīti yojanā. Mūleti bunde, heṭṭhatoti vuttaṃ hoti. Lekhāti vaṭṭalekhā. Bandhituṃ gīvāyaṃ ekā eva lekhā vaṭṭatīti sambandho. Bandhitunti pidhānabandhanatthaṃ.
੧੮੩. ਯਂ ਕਿਞ੍ਚਿ ਰੂਪਨ੍ਤਿ ਇਤ੍ਥਿਰੂਪਾਦਿ ਯਂ ਕਿਞ੍ਚਿ ਰੂਪਂ। ਮਾਲਾਦਿਕਮ੍ਮਨ੍ਤਿ ਮਾਲਾਕਮ੍ਮਂ ਲਤਾਕਮ੍ਮਂ। ਅਡ੍ਢਚਨ੍ਦਾਦੀਤਿ ਏਤ੍ਥ ਆਦਿ-ਸਦ੍ਦੇਨ ਅਗ੍ਘਿਯਾਦਿਕਂ ਗਹਿਤਂ। ਏਤ੍ਥਾਤਿ ਅਞ੍ਜਨਿਯਂ।
183.Yaṃ kiñci rūpanti itthirūpādi yaṃ kiñci rūpaṃ. Mālādikammanti mālākammaṃ latākammaṃ. Aḍḍhacandādīti ettha ādi-saddena agghiyādikaṃ gahitaṃ. Etthāti añjaniyaṃ.
੧੮੪. ਥવਿਕਾਤਿ ਅਞ੍ਜਨਿਥવਿਕਾ। ਸਿਪਾਟੀਤਿ ਖੁਰਸਿਪਾਟਿਕਾ। ਸਲਾਕਾਪਿ ਅਚਿਤ੍ਤਕਾ ਲਬ੍ਭਾਤਿ ਸਮ੍ਬਨ੍ਧੋ। ਸਲਾਕਾਤਿ ਅਞ੍ਜਨਿਸਲਾਕਾ। ਨਤ੍ਥਿ ਚਿਤ੍ਤਮੇਤਿਸ੍ਸਾਤਿ ਅਚਿਤ੍ਤਕਾ। ਤਾਦਿਸਂ ਪਨ ਲਭਿਤ੍વਾ ਉਪਾਹਨਾਯੋ વਿਯ ਨਾਸੇਤ੍વਾ ਪਰਿਭੁਞ੍ਜਿਤਬ੍ਬਂ।
184.Thavikāti añjanithavikā. Sipāṭīti khurasipāṭikā. Salākāpi acittakā labbhāti sambandho. Salākāti añjanisalākā. Natthi cittametissāti acittakā. Tādisaṃ pana labhitvā upāhanāyo viya nāsetvā paribhuñjitabbaṃ.
੧੮੫. ਅਟ੍ਠਿ-ਸਦ੍ਦੇਨ ਮਨੁਸ੍ਸਟ੍ਠਿਂ ਠਪੇਤ੍વਾ ਯਂ ਕਿਞ੍ਚਿ ਅਟ੍ਠਿ ਗਹਿਤਂ।
185.Aṭṭhi-saddena manussaṭṭhiṃ ṭhapetvā yaṃ kiñci aṭṭhi gahitaṃ.
੧੮੬. ਧੂਮਨੇਤ੍ਤਾਤਿ ਧੂਮਨਾਲ਼ਿਕਾ, ਨਿਸ੍ਸ ਆ-ਕਾਰਾਦੇਸવਸੇਨ વੁਤ੍ਤਂ। ਸਤ੍ਥਕਦਣ੍ਡਾਨੀਤਿ ਸਤ੍ਥਦਣ੍ਡਾ । ਨਤ੍ਥੁਂ ਦੇਨ੍ਤਿ ਏਤਾਯਾਤਿ ਨਤ੍ਥੁਦਾਨਾ। ਅਨਿਯਮੇਨ ਹਿ ਨਦਾਦਿਤੋ વਾ ਈ। ਤੇਹਿ ਸਙ੍ਖਨਾਭਿਆਦੀਹਿ ਨਿਬ੍ਬਤ੍ਤਾ ਤਮ੍ਮਯਾ।
186.Dhūmanettāti dhūmanāḷikā, nissa ā-kārādesavasena vuttaṃ. Satthakadaṇḍānīti satthadaṇḍā . Natthuṃ denti etāyāti natthudānā. Aniyamena hi nadādito vā ī. Tehi saṅkhanābhiādīhi nibbattā tammayā.
ਅਞ੍ਜਨੀਨਿਦ੍ਦੇਸવਣ੍ਣਨਾ ਨਿਟ੍ਠਿਤਾ।
Añjanīniddesavaṇṇanā niṭṭhitā.
