| Library / Tipiṭaka / д̇ибидага • Tipiṭaka / ган̇каавид̇аран̣ий-бураан̣а-дийгаа • Kaṅkhāvitaraṇī-purāṇa-ṭīkā |
9. ан̃н̃абхааг̇ияасигкаабад̣̇аван̣н̣анаа
9. Aññabhāgiyasikkhāpadavaṇṇanā
ан̃н̃абхааг̇о ваа асса ад̇т̇ийд̇и яат̇аа суван̣н̣ассзд̣̇ам̣ сован̣н̣амид̇яад̇ра суван̣н̣аваа анзна суван̣н̣о ид̇яужжад̇з. д̇ам̣ бадимааяа сарийрам̣, силаабуд̇д̇агасса сарийранд̇и жа нид̣̇ассанам̣. чаг̇алагасса ‘‘д̣̇аб̣б̣о’’д̇и д̣̇иннам̣ наамам̣ ‘‘д̣̇зсо’’д̇и вужжад̇и. гасмаа? т̇зрам̣ ануд̣̇д̇хам̣сзд̇ум̣ т̇зрассааби абад̣̇исид̇аб̣б̣ад̇д̇аа. ан̃н̃амби вад̇т̇ум̣ на т̇зрам̣язва. лиссад̇и силиссад̇и вохаарамад̇д̇знзвана ад̇т̇ад̇о. ийсагам̣ аллийяад̇ийд̇и лзсод̇и ад̇хиббааяо. лисасзлачаголааллийбхаавз. д̇зна вуд̇д̇ам̣ ‘‘ийсагам̣ аллийяад̇ийд̇и лзсо’’д̇и. яасмаа д̣̇зсалзсаа ад̇т̇ад̇о ниннаанаагаран̣ам̣, д̇асмаа ‘‘гин̃жид̣̇зсам̣ лзсамад̇д̇ам̣ убаад̣̇ааяаа’’д̇и бад̣̇ам̣ уд̣̇д̇харид̇ваа ‘‘д̣̇аса лзсаа ж̇аад̇илзсо’’д̇иаад̣̇и (баараа. 394) бад̣̇абхааж̇анз вуд̇д̇ам̣.
Aññabhāgovā assa atthīti yathā suvaṇṇassedaṃ sovaṇṇamityatra suvaṇṇavā anena suvaṇṇo ityuccate. Taṃ paṭimāya sarīraṃ, silāputtakassa sarīranti ca nidassanaṃ. Chagalakassa ‘‘dabbo’’ti dinnaṃ nāmaṃ ‘‘deso’’ti vuccati. Kasmā? Theraṃ anuddhaṃsetuṃ therassāpi apadisitabbattā. Aññampi vatthuṃ na theraṃyeva. Lissati silissati vohāramattenevana atthato. Īsakaṃ allīyatīti lesoti adhippāyo. Lisaselachakolaallībhāve. Tena vuttaṃ ‘‘īsakaṃ allīyatīti leso’’ti. Yasmā desalesā atthato ninnānākaraṇaṃ, tasmā ‘‘kiñcidesaṃ lesamattaṃ upādāyā’’ti padaṃ uddharitvā ‘‘dasa lesā jātileso’’tiādi (pārā. 394) padabhājane vuttaṃ.
адтуббад̇д̇ивасзнзва аавибхууд̇анд̇и зд̇т̇а гин̃жа бхияяо анияамад̇д̇аа. на хи мзд̇д̇ияабхуумаж̇агаанам̣ вияа ан̃н̃зсам̣ саб̣б̣зсамби ‘‘чаг̇алагамзвзд̇т̇а ан̃н̃абхааг̇ияам̣ ад̇хигаран̣ам̣ ход̇и, ан̃н̃ам̣ г̇омахим̣саад̣̇игамби ход̇и, на жа мзд̇д̇ияабхуумаж̇агаа вияа саб̣б̣зби наамалзсамад̇д̇амзва убаад̣̇ияанд̇и, ан̃н̃амби ж̇аад̇илзсаад̣̇им̣ убаад̣̇ияанд̇и, д̇асмаа анияамад̇д̇аа на вибхад̇д̇ам̣. гин̃жа бхияяо д̇ат̇аавуд̇д̇з чаг̇алагассзва ан̃н̃абхааг̇ияад̇аа самбхавад̇и, на ан̃н̃асса, язна сова д̣̇ассид̇о. лзсо жа наама лзсова, на ж̇аад̇иаад̣̇и, язна сова д̣̇ассид̇од̇и звам̣ мижчааг̇аахаббасан̇г̇ад̇од̇и взд̣̇ид̇аб̣б̣ам̣. ид̇ха жа…бз… сан̃н̃инобийд̇и имасмим̣ сигкаабад̣̇з жа амуулагасигкаабад̣̇з жаад̇и ад̇т̇о.
Aṭṭhuppattivaseneva āvibhūtanti ettha kiñca bhiyyo aniyamattā. Na hi mettiyabhūmajakānaṃ viya aññesaṃ sabbesampi ‘‘chagalakamevettha aññabhāgiyaṃ adhikaraṇaṃ hoti, aññaṃ gomahiṃsādikampi hoti, na ca mettiyabhūmajakā viya sabbepi nāmalesamattameva upādiyanti, aññampi jātilesādiṃ upādiyanti, tasmā aniyamattā na vibhattaṃ. Kiñca bhiyyo tathāvutte chagalakasseva aññabhāgiyatā sambhavati, na aññassa, yena sova dassito. Leso ca nāma lesova, na jātiādi, yena sova dassitoti evaṃ micchāgāhappasaṅgatoti veditabbaṃ. Idha ca…pe… saññinopīti imasmiṃ sikkhāpade ca amūlakasikkhāpade cāti attho.
ан̃н̃абхааг̇ияасигкам̣ яо, нзва сигкад̇и яуд̇д̇ид̇о;
Aññabhāgiyasikkhaṃ yo, neva sikkhati yuttito;
г̇ажчз винаяавин̃н̃уухи, ан̃н̃абхааг̇ияад̇ам̣ва со. (важ̇ира. дий. баарааж̇ига 408);
Gacche vinayaviññūhi, aññabhāgiyataṃva so. (vajira. ṭī. pārājika 408);
ан̃н̃абхааг̇ияасигкаабад̣̇аван̣н̣анаа нидтид̇аа.
Aññabhāgiyasikkhāpadavaṇṇanā niṭṭhitā.
