| Library / Tipiṭaka / д̇ибидага • Tipiṭaka / милинд̣̇абан̃хабаал̣и • Milindapañhapāḷi |
7. ан̃н̃агааяасан̇гаманабан̃хо
7. Aññakāyasaṅkamanapañho
7. рааж̇аа ааха ‘‘бханд̇з нааг̇асзна, ад̇т̇и гожи сад̇д̇о яо имамхаа гааяаа ан̃н̃ам̣ гааяам̣ сан̇гамад̇ий’’д̇и? ‘‘на хи, махаарааж̇аа’’д̇и. ‘‘яад̣̇и, бханд̇з нааг̇асзна, имамхаа гааяаа ан̃н̃ам̣ гааяам̣ сан̇гаманд̇о над̇т̇и, нану муд̇д̇о бхависсад̇и баабагзхи гаммзхий’’д̇и? ‘‘аама, махаарааж̇а, яад̣̇и на бадисанд̣̇ахзяяа, муд̇д̇о бхависсад̇и баабагзхи гаммзхийд̇и, яасмаа жа ко, махаарааж̇а, бадисанд̣̇ахад̇и, д̇асмаа на баримуд̇д̇о баабагзхи гаммзхий’’д̇и.
7. Rājā āha ‘‘bhante nāgasena, atthi koci satto yo imamhā kāyā aññaṃ kāyaṃ saṅkamatī’’ti? ‘‘Na hi, mahārājā’’ti. ‘‘Yadi, bhante nāgasena, imamhā kāyā aññaṃ kāyaṃ saṅkamanto natthi, nanu mutto bhavissati pāpakehi kammehī’’ti? ‘‘Āma, mahārāja, yadi na paṭisandaheyya, mutto bhavissati pāpakehi kammehīti, yasmā ca kho, mahārāja, paṭisandahati, tasmā na parimutto pāpakehi kammehī’’ti.
‘‘обаммам̣ гарохий’’д̇и. ‘‘яат̇аа, махаарааж̇а, гожид̣̇зва бурисо ан̃н̃ад̇арасса бурисасса амб̣ам̣ авахарзяяа, гим̣ со д̣̇ан̣д̣аббад̇д̇о бхавзяяаа’’д̇и? ‘‘аама, бханд̇з, д̣̇ан̣д̣аббад̇д̇о бхавзяяаа’’д̇и. ‘‘на ко со, махаарааж̇а, д̇аани амб̣аани авахари, яаани д̇зна робид̇аани, гасмаа д̣̇ан̣д̣аббад̇д̇о бхавзяяаа’’д̇и? ‘‘д̇аани, бханд̇з, амб̣аани ниссааяа ж̇аад̇аани, д̇асмаа д̣̇ан̣д̣аббад̇д̇о бхавзяяаа’’д̇и. ‘‘звамзва ко, махаарааж̇а, иминаа наамаруубзна гаммам̣ гарод̇и собханам̣ ваа асобханам̣ ваа, д̇зна гаммзна ан̃н̃ам̣ наамаруубам̣ бадисанд̣̇ахад̇и, д̇асмаа на баримуд̇д̇о баабагзхи гаммзхий’’д̇и.
‘‘Opammaṃ karohī’’ti. ‘‘Yathā, mahārāja, kocideva puriso aññatarassa purisassa ambaṃ avahareyya, kiṃ so daṇḍappatto bhaveyyā’’ti? ‘‘Āma, bhante, daṇḍappatto bhaveyyā’’ti. ‘‘Na kho so, mahārāja, tāni ambāni avahari, yāni tena ropitāni, kasmā daṇḍappatto bhaveyyā’’ti? ‘‘Tāni, bhante, ambāni nissāya jātāni, tasmā daṇḍappatto bhaveyyā’’ti. ‘‘Evameva kho, mahārāja, iminā nāmarūpena kammaṃ karoti sobhanaṃ vā asobhanaṃ vā, tena kammena aññaṃ nāmarūpaṃ paṭisandahati, tasmā na parimutto pāpakehi kammehī’’ti.
‘‘галлоси, бханд̇з нааг̇асзнаа’’д̇и.
‘‘Kallosi, bhante nāgasenā’’ti.
ан̃н̃агааяасан̇гаманабан̃хо сад̇д̇амо.
Aññakāyasaṅkamanapañho sattamo.
