| Library / Tipiṭaka / তিপিটক • Tipiṭaka / কথাৰত্থুপাল়ি • Kathāvatthupāḷi |
১৫. পন্নরসমৰগ্গো
15. Pannarasamavaggo
(১৪৬) ২. অঞ্ঞমঞ্ঞপচ্চযকথা
(146) 2. Aññamaññapaccayakathā
৭১৮. অৰিজ্জাপচ্চযাৰ সঙ্খারা, ন ৰত্তব্বং – ‘‘সঙ্খারপচ্চযাপি অৰিজ্জা’’তি? আমন্তা। ননু অৰিজ্জা সঙ্খারেন সহজাতাতি? আমন্তা । হঞ্চি অৰিজ্জা সঙ্খারেন সহজাতা, তেন ৰত রে ৰত্তব্বে – ‘‘অৰিজ্জাপচ্চযাপি সঙ্খারা, সঙ্খারপচ্চযাপি অৰিজ্জা’’তি।
718. Avijjāpaccayāva saṅkhārā, na vattabbaṃ – ‘‘saṅkhārapaccayāpi avijjā’’ti? Āmantā. Nanu avijjā saṅkhārena sahajātāti? Āmantā . Hañci avijjā saṅkhārena sahajātā, tena vata re vattabbe – ‘‘avijjāpaccayāpi saṅkhārā, saṅkhārapaccayāpi avijjā’’ti.
তণ্হাপচ্চযাৰ উপাদানং, ন ৰত্তব্বং – ‘‘উপাদানপচ্চযাপি তণ্হা’’তি? আমন্তা। ননু তণ্হা উপাদানেন সহজাতাতি? আমন্তা। হঞ্চি তণ্হা উপাদানেন সহজাতা, তেন ৰত রে ৰত্তব্বে – ‘‘তণ্হাপচ্চযাপি উপাদানং, উপাদানপচ্চযাপি তণ্হা’’তি।
Taṇhāpaccayāva upādānaṃ, na vattabbaṃ – ‘‘upādānapaccayāpi taṇhā’’ti? Āmantā. Nanu taṇhā upādānena sahajātāti? Āmantā. Hañci taṇhā upādānena sahajātā, tena vata re vattabbe – ‘‘taṇhāpaccayāpi upādānaṃ, upādānapaccayāpi taṇhā’’ti.
৭১৯. ‘‘জরামরণপচ্চযা , ভিক্খৰে, জাতি, জাতিপচ্চযা ভৰো’’তি – অত্থেৰ সুত্তন্তোতি ? নত্থি। তেন হি অৰিজ্জাপচ্চযাৰ সঙ্খারা, ন ৰত্তব্বং – ‘‘সঙ্খারপচ্চযাপি অৰিজ্জা’’তি। তণ্হাপচ্চযাৰ উপাদানং, ন ৰত্তব্বং – ‘‘উপাদানপচ্চযাপি তণ্হা’’তি।
719. ‘‘Jarāmaraṇapaccayā , bhikkhave, jāti, jātipaccayā bhavo’’ti – attheva suttantoti ? Natthi. Tena hi avijjāpaccayāva saṅkhārā, na vattabbaṃ – ‘‘saṅkhārapaccayāpi avijjā’’ti. Taṇhāpaccayāva upādānaṃ, na vattabbaṃ – ‘‘upādānapaccayāpi taṇhā’’ti.
‘‘ৰিঞ্ঞাণপচ্চযা, ভিক্খৰে, নামরূপং, নামরূপপচ্চযাপি ৰিঞ্ঞাণ’’ন্তি 1 – অত্থেৰ সুত্তন্তোতি? আমন্তা। তেন হি অৰিজ্জাপচ্চযাপি সঙ্খারা, সঙ্খারপচ্চযাপি অৰিজ্জা; তণ্হাপচ্চযাপি উপাদানং, উপাদানপচ্চযাপি তণ্হাতি।
‘‘Viññāṇapaccayā, bhikkhave, nāmarūpaṃ, nāmarūpapaccayāpi viññāṇa’’nti 2 – attheva suttantoti? Āmantā. Tena hi avijjāpaccayāpi saṅkhārā, saṅkhārapaccayāpi avijjā; taṇhāpaccayāpi upādānaṃ, upādānapaccayāpi taṇhāti.
অঞ্ঞমঞ্ঞপচ্চযকথা নিট্ঠিতা।
Aññamaññapaccayakathā niṭṭhitā.
Footnotes:
Related texts:
অট্ঠকথা • Aṭṭhakathā / অভিধম্মপিটক (অট্ঠকথা) • Abhidhammapiṭaka (aṭṭhakathā) / পঞ্চপকরণ-অট্ঠকথা • Pañcapakaraṇa-aṭṭhakathā / ২. অঞ্ঞমঞ্ঞপচ্চযকথাৰণ্ণনা • 2. Aññamaññapaccayakathāvaṇṇanā
টীকা • Tīkā / অভিধম্মপিটক (টীকা) • Abhidhammapiṭaka (ṭīkā) / পঞ্চপকরণ-মূলটীকা • Pañcapakaraṇa-mūlaṭīkā / ২. অঞ্ঞমঞ্ঞপচ্চযকথাৰণ্ণনা • 2. Aññamaññapaccayakathāvaṇṇanā
টীকা • Tīkā / অভিধম্মপিটক (টীকা) • Abhidhammapiṭaka (ṭīkā) / পঞ্চপকরণ-অনুটীকা • Pañcapakaraṇa-anuṭīkā / ২. অঞ্ঞমঞ্ঞপচ্চযকথাৰণ্ণনা • 2. Aññamaññapaccayakathāvaṇṇanā
