| Library / Tipiṭaka / д̇ибидага • Tipiṭaka / гат̇аавад̇т̇убаал̣и • Kathāvatthupāḷi |
15. баннарасамаваг̇г̇о
15. Pannarasamavaggo
(146) 2. ан̃н̃аман̃н̃абажжаяагат̇аа
(146) 2. Aññamaññapaccayakathā
718. авиж̇ж̇аабажжаяаава сан̇каараа, на вад̇д̇аб̣б̣ам̣ – ‘‘сан̇каарабажжаяааби авиж̇ж̇аа’’д̇и? ааманд̇аа. нану авиж̇ж̇аа сан̇каарзна сахаж̇аад̇аад̇и? ааманд̇аа . хан̃жи авиж̇ж̇аа сан̇каарзна сахаж̇аад̇аа, д̇зна вад̇а рз вад̇д̇аб̣б̣з – ‘‘авиж̇ж̇аабажжаяааби сан̇каараа, сан̇каарабажжаяааби авиж̇ж̇аа’’д̇и.
718. Avijjāpaccayāva saṅkhārā, na vattabbaṃ – ‘‘saṅkhārapaccayāpi avijjā’’ti? Āmantā. Nanu avijjā saṅkhārena sahajātāti? Āmantā . Hañci avijjā saṅkhārena sahajātā, tena vata re vattabbe – ‘‘avijjāpaccayāpi saṅkhārā, saṅkhārapaccayāpi avijjā’’ti.
д̇ан̣хаабажжаяаава убаад̣̇аанам̣, на вад̇д̇аб̣б̣ам̣ – ‘‘убаад̣̇аанабажжаяааби д̇ан̣хаа’’д̇и? ааманд̇аа. нану д̇ан̣хаа убаад̣̇аанзна сахаж̇аад̇аад̇и? ааманд̇аа. хан̃жи д̇ан̣хаа убаад̣̇аанзна сахаж̇аад̇аа, д̇зна вад̇а рз вад̇д̇аб̣б̣з – ‘‘д̇ан̣хаабажжаяааби убаад̣̇аанам̣, убаад̣̇аанабажжаяааби д̇ан̣хаа’’д̇и.
Taṇhāpaccayāva upādānaṃ, na vattabbaṃ – ‘‘upādānapaccayāpi taṇhā’’ti? Āmantā. Nanu taṇhā upādānena sahajātāti? Āmantā. Hañci taṇhā upādānena sahajātā, tena vata re vattabbe – ‘‘taṇhāpaccayāpi upādānaṃ, upādānapaccayāpi taṇhā’’ti.
719. ‘‘ж̇араамаран̣абажжаяаа , бхигкавз, ж̇аад̇и, ж̇аад̇ибажжаяаа бхаво’’д̇и – ад̇т̇зва суд̇д̇анд̇од̇и ? над̇т̇и. д̇зна хи авиж̇ж̇аабажжаяаава сан̇каараа, на вад̇д̇аб̣б̣ам̣ – ‘‘сан̇каарабажжаяааби авиж̇ж̇аа’’д̇и. д̇ан̣хаабажжаяаава убаад̣̇аанам̣, на вад̇д̇аб̣б̣ам̣ – ‘‘убаад̣̇аанабажжаяааби д̇ан̣хаа’’д̇и.
719. ‘‘Jarāmaraṇapaccayā , bhikkhave, jāti, jātipaccayā bhavo’’ti – attheva suttantoti ? Natthi. Tena hi avijjāpaccayāva saṅkhārā, na vattabbaṃ – ‘‘saṅkhārapaccayāpi avijjā’’ti. Taṇhāpaccayāva upādānaṃ, na vattabbaṃ – ‘‘upādānapaccayāpi taṇhā’’ti.
‘‘вин̃н̃аан̣абажжаяаа, бхигкавз, наамаруубам̣, наамаруубабажжаяааби вин̃н̃аан̣а’’нд̇и 1 – ад̇т̇зва суд̇д̇анд̇од̇и? ааманд̇аа. д̇зна хи авиж̇ж̇аабажжаяааби сан̇каараа, сан̇каарабажжаяааби авиж̇ж̇аа; д̇ан̣хаабажжаяааби убаад̣̇аанам̣, убаад̣̇аанабажжаяааби д̇ан̣хаад̇и.
‘‘Viññāṇapaccayā, bhikkhave, nāmarūpaṃ, nāmarūpapaccayāpi viññāṇa’’nti 2 – attheva suttantoti? Āmantā. Tena hi avijjāpaccayāpi saṅkhārā, saṅkhārapaccayāpi avijjā; taṇhāpaccayāpi upādānaṃ, upādānapaccayāpi taṇhāti.
ан̃н̃аман̃н̃абажжаяагат̇аа нидтид̇аа.
Aññamaññapaccayakathā niṭṭhitā.
Footnotes:
Related texts:
адтагат̇аа • Aṭṭhakathā / абхид̇хаммабидага (адтагат̇аа) • Abhidhammapiṭaka (aṭṭhakathā) / бан̃жабагаран̣а-адтагат̇аа • Pañcapakaraṇa-aṭṭhakathā / 2. ан̃н̃аман̃н̃абажжаяагат̇ааван̣н̣анаа • 2. Aññamaññapaccayakathāvaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-мууладийгаа • Pañcapakaraṇa-mūlaṭīkā / 2. ан̃н̃аман̃н̃абажжаяагат̇ааван̣н̣анаа • 2. Aññamaññapaccayakathāvaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-анудийгаа • Pañcapakaraṇa-anuṭīkā / 2. ан̃н̃аман̃н̃абажжаяагат̇ааван̣н̣анаа • 2. Aññamaññapaccayakathāvaṇṇanā
