| Library / Tipiṭaka / ತಿಪಿಟಕ • Tipiṭaka / ಕಥಾವತ್ಥುಪಾಳಿ • Kathāvatthupāḷi |
೧೫. ಪನ್ನರಸಮವಗ್ಗೋ
15. Pannarasamavaggo
(೧೪೬) ೨. ಅಞ್ಞಮಞ್ಞಪಚ್ಚಯಕಥಾ
(146) 2. Aññamaññapaccayakathā
೭೧೮. ಅವಿಜ್ಜಾಪಚ್ಚಯಾವ ಸಙ್ಖಾರಾ, ನ ವತ್ತಬ್ಬಂ – ‘‘ಸಙ್ಖಾರಪಚ್ಚಯಾಪಿ ಅವಿಜ್ಜಾ’’ತಿ? ಆಮನ್ತಾ। ನನು ಅವಿಜ್ಜಾ ಸಙ್ಖಾರೇನ ಸಹಜಾತಾತಿ? ಆಮನ್ತಾ । ಹಞ್ಚಿ ಅವಿಜ್ಜಾ ಸಙ್ಖಾರೇನ ಸಹಜಾತಾ, ತೇನ ವತ ರೇ ವತ್ತಬ್ಬೇ – ‘‘ಅವಿಜ್ಜಾಪಚ್ಚಯಾಪಿ ಸಙ್ಖಾರಾ, ಸಙ್ಖಾರಪಚ್ಚಯಾಪಿ ಅವಿಜ್ಜಾ’’ತಿ।
718. Avijjāpaccayāva saṅkhārā, na vattabbaṃ – ‘‘saṅkhārapaccayāpi avijjā’’ti? Āmantā. Nanu avijjā saṅkhārena sahajātāti? Āmantā . Hañci avijjā saṅkhārena sahajātā, tena vata re vattabbe – ‘‘avijjāpaccayāpi saṅkhārā, saṅkhārapaccayāpi avijjā’’ti.
ತಣ್ಹಾಪಚ್ಚಯಾವ ಉಪಾದಾನಂ, ನ ವತ್ತಬ್ಬಂ – ‘‘ಉಪಾದಾನಪಚ್ಚಯಾಪಿ ತಣ್ಹಾ’’ತಿ? ಆಮನ್ತಾ। ನನು ತಣ್ಹಾ ಉಪಾದಾನೇನ ಸಹಜಾತಾತಿ? ಆಮನ್ತಾ। ಹಞ್ಚಿ ತಣ್ಹಾ ಉಪಾದಾನೇನ ಸಹಜಾತಾ, ತೇನ ವತ ರೇ ವತ್ತಬ್ಬೇ – ‘‘ತಣ್ಹಾಪಚ್ಚಯಾಪಿ ಉಪಾದಾನಂ, ಉಪಾದಾನಪಚ್ಚಯಾಪಿ ತಣ್ಹಾ’’ತಿ।
Taṇhāpaccayāva upādānaṃ, na vattabbaṃ – ‘‘upādānapaccayāpi taṇhā’’ti? Āmantā. Nanu taṇhā upādānena sahajātāti? Āmantā. Hañci taṇhā upādānena sahajātā, tena vata re vattabbe – ‘‘taṇhāpaccayāpi upādānaṃ, upādānapaccayāpi taṇhā’’ti.
೭೧೯. ‘‘ಜರಾಮರಣಪಚ್ಚಯಾ , ಭಿಕ್ಖವೇ, ಜಾತಿ, ಜಾತಿಪಚ್ಚಯಾ ಭವೋ’’ತಿ – ಅತ್ಥೇವ ಸುತ್ತನ್ತೋತಿ ? ನತ್ಥಿ। ತೇನ ಹಿ ಅವಿಜ್ಜಾಪಚ್ಚಯಾವ ಸಙ್ಖಾರಾ, ನ ವತ್ತಬ್ಬಂ – ‘‘ಸಙ್ಖಾರಪಚ್ಚಯಾಪಿ ಅವಿಜ್ಜಾ’’ತಿ। ತಣ್ಹಾಪಚ್ಚಯಾವ ಉಪಾದಾನಂ, ನ ವತ್ತಬ್ಬಂ – ‘‘ಉಪಾದಾನಪಚ್ಚಯಾಪಿ ತಣ್ಹಾ’’ತಿ।
719. ‘‘Jarāmaraṇapaccayā , bhikkhave, jāti, jātipaccayā bhavo’’ti – attheva suttantoti ? Natthi. Tena hi avijjāpaccayāva saṅkhārā, na vattabbaṃ – ‘‘saṅkhārapaccayāpi avijjā’’ti. Taṇhāpaccayāva upādānaṃ, na vattabbaṃ – ‘‘upādānapaccayāpi taṇhā’’ti.
‘‘ವಿಞ್ಞಾಣಪಚ್ಚಯಾ, ಭಿಕ್ಖವೇ, ನಾಮರೂಪಂ, ನಾಮರೂಪಪಚ್ಚಯಾಪಿ ವಿಞ್ಞಾಣ’’ನ್ತಿ 1 – ಅತ್ಥೇವ ಸುತ್ತನ್ತೋತಿ? ಆಮನ್ತಾ। ತೇನ ಹಿ ಅವಿಜ್ಜಾಪಚ್ಚಯಾಪಿ ಸಙ್ಖಾರಾ, ಸಙ್ಖಾರಪಚ್ಚಯಾಪಿ ಅವಿಜ್ಜಾ; ತಣ್ಹಾಪಚ್ಚಯಾಪಿ ಉಪಾದಾನಂ, ಉಪಾದಾನಪಚ್ಚಯಾಪಿ ತಣ್ಹಾತಿ।
‘‘Viññāṇapaccayā, bhikkhave, nāmarūpaṃ, nāmarūpapaccayāpi viññāṇa’’nti 2 – attheva suttantoti? Āmantā. Tena hi avijjāpaccayāpi saṅkhārā, saṅkhārapaccayāpi avijjā; taṇhāpaccayāpi upādānaṃ, upādānapaccayāpi taṇhāti.
ಅಞ್ಞಮಞ್ಞಪಚ್ಚಯಕಥಾ ನಿಟ್ಠಿತಾ।
Aññamaññapaccayakathā niṭṭhitā.
Footnotes:
Related texts:
ಅಟ್ಠಕಥಾ • Aṭṭhakathā / ಅಭಿಧಮ್ಮಪಿಟಕ (ಅಟ್ಠಕಥಾ) • Abhidhammapiṭaka (aṭṭhakathā) / ಪಞ್ಚಪಕರಣ-ಅಟ್ಠಕಥಾ • Pañcapakaraṇa-aṭṭhakathā / ೨. ಅಞ್ಞಮಞ್ಞಪಚ್ಚಯಕಥಾವಣ್ಣನಾ • 2. Aññamaññapaccayakathāvaṇṇanā
ಟೀಕಾ • Tīkā / ಅಭಿಧಮ್ಮಪಿಟಕ (ಟೀಕಾ) • Abhidhammapiṭaka (ṭīkā) / ಪಞ್ಚಪಕರಣ-ಮೂಲಟೀಕಾ • Pañcapakaraṇa-mūlaṭīkā / ೨. ಅಞ್ಞಮಞ್ಞಪಚ್ಚಯಕಥಾವಣ್ಣನಾ • 2. Aññamaññapaccayakathāvaṇṇanā
ಟೀಕಾ • Tīkā / ಅಭಿಧಮ್ಮಪಿಟಕ (ಟೀಕಾ) • Abhidhammapiṭaka (ṭīkā) / ಪಞ್ಚಪಕರಣ-ಅನುಟೀಕಾ • Pañcapakaraṇa-anuṭīkā / ೨. ಅಞ್ಞಮಞ್ಞಪಚ್ಚಯಕಥಾವಣ್ಣನಾ • 2. Aññamaññapaccayakathāvaṇṇanā
