| Library / Tipiṭaka / திபிடக • Tipiṭaka / பஞ்சபகரண-அட்ட²கதா² • Pañcapakaraṇa-aṭṭhakathā |
2. அஞ்ஞமஞ்ஞபச்சயகதா²வண்ணனா
2. Aññamaññapaccayakathāvaṇṇanā
718-719. இதா³னி அஞ்ஞமஞ்ஞபச்சயகதா² நாம ஹோதி. தத்த² யேஸங் ஸமயே ‘‘அவிஜ்ஜாபச்சயா ஸங்கா²ரா’’தி அயமேவ தந்தி, ‘‘ஸங்கா²ரபச்சயாபி அவிஜ்ஜா’’தி அயங் நத்தி², தஸ்மா அவிஜ்ஜாவ ஸங்கா²ரானங் பச்சயோ, ந பன ஸங்கா²ரா அவிஜ்ஜாயாதி லத்³தி⁴, ஸெய்யதா²பி மஹாஸங்கி⁴கானங்; தே ஸந்தா⁴ய அவிஜ்ஜாஸங்கா²ராதீ³னங் அஞ்ஞமஞ்ஞபச்சயதாபி அத்தீ²தி த³ஸ்ஸேதுங் புச்சா² ஸகவாதி³ஸ்ஸ, படிஞ்ஞா இதரஸ்ஸ . அவிஜ்ஜா ஸங்கா²ரேனாதி எத்த² அபுஞ்ஞாபி⁴ஸங்கா²ரோவ க³ஹிதோ. தஸ்மா ஸங்கா²ரபச்சயாபி அவிஜ்ஜாதி எத்த² ஸஹஜாதஅஞ்ஞமஞ்ஞஅத்தி²அவிக³தஸம்பயுத்தவஸேன பச்சயதா வேதி³தப்³பா³. உபாதா³னபச்சயாபி தண்ஹாதி எத்த² ட²பெத்வா காமுபாதா³னங் ஸேஸானி தீணி உபாதா³னானி அவிஜ்ஜாய ஸங்கா²ரா விய தண்ஹாய பச்சயா ஹொந்தீதி வேதி³தப்³பா³னி. ஸேஸங் யதா²பாளிமேவ நிய்யாதி. ஜராமரணபச்சயாதி புச்சா² பரவாதி³ஸ்ஸ, நாமரூபங் விஞ்ஞாணபச்சயாதி ஸகவாதி³ஸ்ஸாதி.
718-719. Idāni aññamaññapaccayakathā nāma hoti. Tattha yesaṃ samaye ‘‘avijjāpaccayā saṅkhārā’’ti ayameva tanti, ‘‘saṅkhārapaccayāpi avijjā’’ti ayaṃ natthi, tasmā avijjāva saṅkhārānaṃ paccayo, na pana saṅkhārā avijjāyāti laddhi, seyyathāpi mahāsaṅghikānaṃ; te sandhāya avijjāsaṅkhārādīnaṃ aññamaññapaccayatāpi atthīti dassetuṃ pucchā sakavādissa, paṭiññā itarassa . Avijjā saṅkhārenāti ettha apuññābhisaṅkhārova gahito. Tasmā saṅkhārapaccayāpi avijjāti ettha sahajātaaññamaññaatthiavigatasampayuttavasena paccayatā veditabbā. Upādānapaccayāpi taṇhāti ettha ṭhapetvā kāmupādānaṃ sesāni tīṇi upādānāni avijjāya saṅkhārā viya taṇhāya paccayā hontīti veditabbāni. Sesaṃ yathāpāḷimeva niyyāti. Jarāmaraṇapaccayāti pucchā paravādissa, nāmarūpaṃ viññāṇapaccayāti sakavādissāti.
அஞ்ஞமஞ்ஞபச்சயகதா²வண்ணனா.
Aññamaññapaccayakathāvaṇṇanā.
Related texts:
திபிடக (மூல) • Tipiṭaka (Mūla) / அபி⁴த⁴ம்மபிடக • Abhidhammapiṭaka / கதா²வத்து²பாளி • Kathāvatthupāḷi / (146) 2. அஞ்ஞமஞ்ஞபச்சயகதா² • (146) 2. Aññamaññapaccayakathā
டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / பஞ்சபகரண-மூலடீகா • Pañcapakaraṇa-mūlaṭīkā / 2. அஞ்ஞமஞ்ஞபச்சயகதா²வண்ணனா • 2. Aññamaññapaccayakathāvaṇṇanā
டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / பஞ்சபகரண-அனுடீகா • Pañcapakaraṇa-anuṭīkā / 2. அஞ்ஞமஞ்ஞபச்சயகதா²வண்ணனா • 2. Aññamaññapaccayakathāvaṇṇanā
