| Library / Tipiṭaka / তিপিটক • Tipiṭaka / পঞ্চপকরণ-অট্ঠকথা • Pañcapakaraṇa-aṭṭhakathā |
২. অঞ্ঞমঞ্ঞপচ্চযকথাৰণ্ণনা
2. Aññamaññapaccayakathāvaṇṇanā
৭১৮-৭১৯. ইদানি অঞ্ঞমঞ্ঞপচ্চযকথা নাম হোতি। তত্থ যেসং সমযে ‘‘অৰিজ্জাপচ্চযা সঙ্খারা’’তি অযমেৰ তন্তি, ‘‘সঙ্খারপচ্চযাপি অৰিজ্জা’’তি অযং নত্থি, তস্মা অৰিজ্জাৰ সঙ্খারানং পচ্চযো, ন পন সঙ্খারা অৰিজ্জাযাতি লদ্ধি, সেয্যথাপি মহাসঙ্ঘিকানং; তে সন্ধায অৰিজ্জাসঙ্খারাদীনং অঞ্ঞমঞ্ঞপচ্চযতাপি অত্থীতি দস্সেতুং পুচ্ছা সকৰাদিস্স, পটিঞ্ঞা ইতরস্স । অৰিজ্জা সঙ্খারেনাতি এত্থ অপুঞ্ঞাভিসঙ্খারোৰ গহিতো। তস্মা সঙ্খারপচ্চযাপি অৰিজ্জাতি এত্থ সহজাতঅঞ্ঞমঞ্ঞঅত্থিঅৰিগতসম্পযুত্তৰসেন পচ্চযতা ৰেদিতব্বা। উপাদানপচ্চযাপি তণ্হাতি এত্থ ঠপেত্ৰা কামুপাদানং সেসানি তীণি উপাদানানি অৰিজ্জায সঙ্খারা ৰিয তণ্হায পচ্চযা হোন্তীতি ৰেদিতব্বানি। সেসং যথাপাল়িমেৰ নিয্যাতি। জরামরণপচ্চযাতি পুচ্ছা পরৰাদিস্স, নামরূপং ৰিঞ্ঞাণপচ্চযাতি সকৰাদিস্সাতি।
718-719. Idāni aññamaññapaccayakathā nāma hoti. Tattha yesaṃ samaye ‘‘avijjāpaccayā saṅkhārā’’ti ayameva tanti, ‘‘saṅkhārapaccayāpi avijjā’’ti ayaṃ natthi, tasmā avijjāva saṅkhārānaṃ paccayo, na pana saṅkhārā avijjāyāti laddhi, seyyathāpi mahāsaṅghikānaṃ; te sandhāya avijjāsaṅkhārādīnaṃ aññamaññapaccayatāpi atthīti dassetuṃ pucchā sakavādissa, paṭiññā itarassa . Avijjā saṅkhārenāti ettha apuññābhisaṅkhārova gahito. Tasmā saṅkhārapaccayāpi avijjāti ettha sahajātaaññamaññaatthiavigatasampayuttavasena paccayatā veditabbā. Upādānapaccayāpi taṇhāti ettha ṭhapetvā kāmupādānaṃ sesāni tīṇi upādānāni avijjāya saṅkhārā viya taṇhāya paccayā hontīti veditabbāni. Sesaṃ yathāpāḷimeva niyyāti. Jarāmaraṇapaccayāti pucchā paravādissa, nāmarūpaṃ viññāṇapaccayāti sakavādissāti.
অঞ্ঞমঞ্ঞপচ্চযকথাৰণ্ণনা।
Aññamaññapaccayakathāvaṇṇanā.
Related texts:
তিপিটক (মূল) • Tipiṭaka (Mūla) / অভিধম্মপিটক • Abhidhammapiṭaka / কথাৰত্থুপাল়ি • Kathāvatthupāḷi / (১৪৬) ২. অঞ্ঞমঞ্ঞপচ্চযকথা • (146) 2. Aññamaññapaccayakathā
টীকা • Tīkā / অভিধম্মপিটক (টীকা) • Abhidhammapiṭaka (ṭīkā) / পঞ্চপকরণ-মূলটীকা • Pañcapakaraṇa-mūlaṭīkā / ২. অঞ্ঞমঞ্ঞপচ্চযকথাৰণ্ণনা • 2. Aññamaññapaccayakathāvaṇṇanā
টীকা • Tīkā / অভিধম্মপিটক (টীকা) • Abhidhammapiṭaka (ṭīkā) / পঞ্চপকরণ-অনুটীকা • Pañcapakaraṇa-anuṭīkā / ২. অঞ্ঞমঞ্ঞপচ্চযকথাৰণ্ণনা • 2. Aññamaññapaccayakathāvaṇṇanā
