| Library / Tipiṭaka / ཏིཔིཊཀ • Tipiṭaka / པཉྩཔཀརཎ-ཨཊྛཀཐཱ • Pañcapakaraṇa-aṭṭhakathā |
༢. ཨཉྙམཉྙཔཙྩཡཀཐཱཝཎྞནཱ
2. Aññamaññapaccayakathāvaṇṇanā
༧༡༨-༧༡༩. ཨིདཱནི ཨཉྙམཉྙཔཙྩཡཀཐཱ ནཱམ ཧོཏི། ཏཏྠ ཡེསཾ སམཡེ ‘‘ཨཝིཛྫཱཔཙྩཡཱ སངྑཱརཱ’’ཏི ཨཡམེཝ ཏནྟི, ‘‘སངྑཱརཔཙྩཡཱཔི ཨཝིཛྫཱ’’ཏི ཨཡཾ ནཏྠི, ཏསྨཱ ཨཝིཛྫཱཝ སངྑཱརཱནཾ པཙྩཡོ, ན པན སངྑཱརཱ ཨཝིཛྫཱཡཱཏི ལདྡྷི, སེཡྻཐཱཔི མཧཱསངྒྷིཀཱནཾ; ཏེ སནྡྷཱཡ ཨཝིཛྫཱསངྑཱརཱདཱིནཾ ཨཉྙམཉྙཔཙྩཡཏཱཔི ཨཏྠཱིཏི དསྶེཏུཾ པུཙྪཱ སཀཝཱདིསྶ, པཊིཉྙཱ ཨིཏརསྶ ། ཨཝིཛྫཱ སངྑཱརེནཱཏི ཨེཏྠ ཨཔུཉྙཱབྷིསངྑཱརོཝ གཧིཏོ། ཏསྨཱ སངྑཱརཔཙྩཡཱཔི ཨཝིཛྫཱཏི ཨེཏྠ སཧཛཱཏཨཉྙམཉྙཨཏྠིཨཝིགཏསམྤཡུཏྟཝསེན པཙྩཡཏཱ ཝེདིཏབྦཱ། ཨུཔཱདཱནཔཙྩཡཱཔི ཏཎྷཱཏི ཨེཏྠ ཋཔེཏྭཱ ཀཱམུཔཱདཱནཾ སེསཱནི ཏཱིཎི ཨུཔཱདཱནཱནི ཨཝིཛྫཱཡ སངྑཱརཱ ཝིཡ ཏཎྷཱཡ པཙྩཡཱ ཧོནྟཱིཏི ཝེདིཏབྦཱནི། སེསཾ ཡཐཱཔཱལི༹མེཝ ནིཡྻཱཏི། ཛརཱམརཎཔཙྩཡཱཏི པུཙྪཱ པརཝཱདིསྶ, ནཱམརཱུཔཾ ཝིཉྙཱཎཔཙྩཡཱཏི སཀཝཱདིསྶཱཏི།
718-719. Idāni aññamaññapaccayakathā nāma hoti. Tattha yesaṃ samaye ‘‘avijjāpaccayā saṅkhārā’’ti ayameva tanti, ‘‘saṅkhārapaccayāpi avijjā’’ti ayaṃ natthi, tasmā avijjāva saṅkhārānaṃ paccayo, na pana saṅkhārā avijjāyāti laddhi, seyyathāpi mahāsaṅghikānaṃ; te sandhāya avijjāsaṅkhārādīnaṃ aññamaññapaccayatāpi atthīti dassetuṃ pucchā sakavādissa, paṭiññā itarassa . Avijjā saṅkhārenāti ettha apuññābhisaṅkhārova gahito. Tasmā saṅkhārapaccayāpi avijjāti ettha sahajātaaññamaññaatthiavigatasampayuttavasena paccayatā veditabbā. Upādānapaccayāpi taṇhāti ettha ṭhapetvā kāmupādānaṃ sesāni tīṇi upādānāni avijjāya saṅkhārā viya taṇhāya paccayā hontīti veditabbāni. Sesaṃ yathāpāḷimeva niyyāti. Jarāmaraṇapaccayāti pucchā paravādissa, nāmarūpaṃ viññāṇapaccayāti sakavādissāti.
ཨཉྙམཉྙཔཙྩཡཀཐཱཝཎྞནཱ།
Aññamaññapaccayakathāvaṇṇanā.
Related texts:
ཏིཔིཊཀ (མཱུལ) • Tipiṭaka (Mūla) / ཨབྷིདྷམྨཔིཊཀ • Abhidhammapiṭaka / ཀཐཱཝཏྠུཔཱལི༹ • Kathāvatthupāḷi / (༡༤༦) ༢. ཨཉྙམཉྙཔཙྩཡཀཐཱ • (146) 2. Aññamaññapaccayakathā
ཊཱིཀཱ • Tīkā / ཨབྷིདྷམྨཔིཊཀ (ཊཱིཀཱ) • Abhidhammapiṭaka (ṭīkā) / པཉྩཔཀརཎ-མཱུལཊཱིཀཱ • Pañcapakaraṇa-mūlaṭīkā / ༢. ཨཉྙམཉྙཔཙྩཡཀཐཱཝཎྞནཱ • 2. Aññamaññapaccayakathāvaṇṇanā
ཊཱིཀཱ • Tīkā / ཨབྷིདྷམྨཔིཊཀ (ཊཱིཀཱ) • Abhidhammapiṭaka (ṭīkā) / པཉྩཔཀརཎ-ཨནུཊཱིཀཱ • Pañcapakaraṇa-anuṭīkā / ༢. ཨཉྙམཉྙཔཙྩཡཀཐཱཝཎྞནཱ • 2. Aññamaññapaccayakathāvaṇṇanā
