| Library / Tipiṭaka / ਤਿਪਿਟਕ • Tipiṭaka / ਪਞ੍ਚਪਕਰਣ-ਅਟ੍ਠਕਥਾ • Pañcapakaraṇa-aṭṭhakathā |
੨. ਅਞ੍ਞਮਞ੍ਞਪਚ੍ਚਯਕਥਾવਣ੍ਣਨਾ
2. Aññamaññapaccayakathāvaṇṇanā
੭੧੮-੭੧੯. ਇਦਾਨਿ ਅਞ੍ਞਮਞ੍ਞਪਚ੍ਚਯਕਥਾ ਨਾਮ ਹੋਤਿ। ਤਤ੍ਥ ਯੇਸਂ ਸਮਯੇ ‘‘ਅવਿਜ੍ਜਾਪਚ੍ਚਯਾ ਸਙ੍ਖਾਰਾ’’ਤਿ ਅਯਮੇવ ਤਨ੍ਤਿ, ‘‘ਸਙ੍ਖਾਰਪਚ੍ਚਯਾਪਿ ਅવਿਜ੍ਜਾ’’ਤਿ ਅਯਂ ਨਤ੍ਥਿ, ਤਸ੍ਮਾ ਅવਿਜ੍ਜਾવ ਸਙ੍ਖਾਰਾਨਂ ਪਚ੍ਚਯੋ, ਨ ਪਨ ਸਙ੍ਖਾਰਾ ਅવਿਜ੍ਜਾਯਾਤਿ ਲਦ੍ਧਿ, ਸੇਯ੍ਯਥਾਪਿ ਮਹਾਸਙ੍ਘਿਕਾਨਂ; ਤੇ ਸਨ੍ਧਾਯ ਅવਿਜ੍ਜਾਸਙ੍ਖਾਰਾਦੀਨਂ ਅਞ੍ਞਮਞ੍ਞਪਚ੍ਚਯਤਾਪਿ ਅਤ੍ਥੀਤਿ ਦਸ੍ਸੇਤੁਂ ਪੁਚ੍ਛਾ ਸਕવਾਦਿਸ੍ਸ, ਪਟਿਞ੍ਞਾ ਇਤਰਸ੍ਸ । ਅવਿਜ੍ਜਾ ਸਙ੍ਖਾਰੇਨਾਤਿ ਏਤ੍ਥ ਅਪੁਞ੍ਞਾਭਿਸਙ੍ਖਾਰੋવ ਗਹਿਤੋ। ਤਸ੍ਮਾ ਸਙ੍ਖਾਰਪਚ੍ਚਯਾਪਿ ਅવਿਜ੍ਜਾਤਿ ਏਤ੍ਥ ਸਹਜਾਤਅਞ੍ਞਮਞ੍ਞਅਤ੍ਥਿਅવਿਗਤਸਮ੍ਪਯੁਤ੍ਤવਸੇਨ ਪਚ੍ਚਯਤਾ વੇਦਿਤਬ੍ਬਾ। ਉਪਾਦਾਨਪਚ੍ਚਯਾਪਿ ਤਣ੍ਹਾਤਿ ਏਤ੍ਥ ਠਪੇਤ੍વਾ ਕਾਮੁਪਾਦਾਨਂ ਸੇਸਾਨਿ ਤੀਣਿ ਉਪਾਦਾਨਾਨਿ ਅવਿਜ੍ਜਾਯ ਸਙ੍ਖਾਰਾ વਿਯ ਤਣ੍ਹਾਯ ਪਚ੍ਚਯਾ ਹੋਨ੍ਤੀਤਿ વੇਦਿਤਬ੍ਬਾਨਿ। ਸੇਸਂ ਯਥਾਪਾਲ਼ਿਮੇવ ਨਿਯ੍ਯਾਤਿ। ਜਰਾਮਰਣਪਚ੍ਚਯਾਤਿ ਪੁਚ੍ਛਾ ਪਰવਾਦਿਸ੍ਸ, ਨਾਮਰੂਪਂ વਿਞ੍ਞਾਣਪਚ੍ਚਯਾਤਿ ਸਕવਾਦਿਸ੍ਸਾਤਿ।
718-719. Idāni aññamaññapaccayakathā nāma hoti. Tattha yesaṃ samaye ‘‘avijjāpaccayā saṅkhārā’’ti ayameva tanti, ‘‘saṅkhārapaccayāpi avijjā’’ti ayaṃ natthi, tasmā avijjāva saṅkhārānaṃ paccayo, na pana saṅkhārā avijjāyāti laddhi, seyyathāpi mahāsaṅghikānaṃ; te sandhāya avijjāsaṅkhārādīnaṃ aññamaññapaccayatāpi atthīti dassetuṃ pucchā sakavādissa, paṭiññā itarassa . Avijjā saṅkhārenāti ettha apuññābhisaṅkhārova gahito. Tasmā saṅkhārapaccayāpi avijjāti ettha sahajātaaññamaññaatthiavigatasampayuttavasena paccayatā veditabbā. Upādānapaccayāpi taṇhāti ettha ṭhapetvā kāmupādānaṃ sesāni tīṇi upādānāni avijjāya saṅkhārā viya taṇhāya paccayā hontīti veditabbāni. Sesaṃ yathāpāḷimeva niyyāti. Jarāmaraṇapaccayāti pucchā paravādissa, nāmarūpaṃ viññāṇapaccayāti sakavādissāti.
ਅਞ੍ਞਮਞ੍ਞਪਚ੍ਚਯਕਥਾવਣ੍ਣਨਾ।
Aññamaññapaccayakathāvaṇṇanā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਅਭਿਧਮ੍ਮਪਿਟਕ • Abhidhammapiṭaka / ਕਥਾવਤ੍ਥੁਪਾਲ਼ਿ • Kathāvatthupāḷi / (੧੪੬) ੨. ਅਞ੍ਞਮਞ੍ਞਪਚ੍ਚਯਕਥਾ • (146) 2. Aññamaññapaccayakathā
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / ਪਞ੍ਚਪਕਰਣ-ਮੂਲਟੀਕਾ • Pañcapakaraṇa-mūlaṭīkā / ੨. ਅਞ੍ਞਮਞ੍ਞਪਚ੍ਚਯਕਥਾવਣ੍ਣਨਾ • 2. Aññamaññapaccayakathāvaṇṇanā
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / ਪਞ੍ਚਪਕਰਣ-ਅਨੁਟੀਕਾ • Pañcapakaraṇa-anuṭīkā / ੨. ਅਞ੍ਞਮਞ੍ਞਪਚ੍ਚਯਕਥਾવਣ੍ਣਨਾ • 2. Aññamaññapaccayakathāvaṇṇanā
