| Library / Tipiṭaka / д̇ибидага • Tipiṭaka / бан̃жабагаран̣а-адтагат̇аа • Pañcapakaraṇa-aṭṭhakathā |
7. ан̃н̃аман̃н̃абажжаяанид̣̇д̣̇зсаван̣н̣анаа
7. Aññamaññapaccayaniddesavaṇṇanā
7. ан̃н̃аман̃н̃абажжаяанид̣̇д̣̇зсз сахаж̇аад̇абажжаяанид̣̇д̣̇зсасса буримаанам̣ д̇ин̣н̣ам̣ годтаасаанам̣ васзна баал̣и ааг̇ад̇аа. д̇ассаа д̇ад̇т̇а вуд̇д̇асад̣̇исаава ван̣н̣анаад̇и буна на г̇ахид̇аа. аяамби жа ан̃н̃аман̃н̃абажжаяо ж̇аад̇ивасзна гусало агусало вибааго гирияам̣ руубанд̇и бан̃жад̇хаа бхинно. д̇ад̇т̇а гусало бхуумид̇о жад̇уб̣б̣ид̇хо. саб̣б̣ам̣ буримасад̣̇исамзваад̇и звамзд̇т̇а наанаббагаарабхзд̣̇ад̇о вин̃н̃аад̇аб̣б̣о винижчаяо.
7. Aññamaññapaccayaniddese sahajātapaccayaniddesassa purimānaṃ tiṇṇaṃ koṭṭhāsānaṃ vasena pāḷi āgatā. Tassā tattha vuttasadisāva vaṇṇanāti puna na gahitā. Ayampi ca aññamaññapaccayo jātivasena kusalo akusalo vipāko kiriyaṃ rūpanti pañcadhā bhinno. Tattha kusalo bhūmito catubbidho. Sabbaṃ purimasadisamevāti evamettha nānappakārabhedato viññātabbo vinicchayo.
звам̣ бхиннз банзд̇т̇а саб̣б̣амби жад̇убхуумагам̣ гусалам̣ ад̇д̇анаа самбаяуд̇д̇ад̇хаммаанам̣ ан̃н̃аман̃н̃абажжаязна бажжаяо. д̇ат̇аа агусалам̣. вибаагз бана гаамааважараруубааважаравибаагам̣ бадисанд̇хияам̣ вад̇т̇уруубасса, бавад̇д̇з самбаяуд̇д̇ад̇хаммаанан̃н̃зва. аруубааважаралогуд̇д̇аравибаагам̣ ад̇д̇анаа самбаяуд̇д̇ад̇хаммаанан̃н̃зва ан̃н̃аман̃н̃абажжаязна бажжаяо. саб̣б̣амби гирияам̣ самбаяуд̇д̇ад̇хаммаанан̃н̃зва ан̃н̃аман̃н̃абажжаязна бажжаяо. жад̇усамудтаанигаруубасса гаммасамудтаанз згам̣ махаабхууд̇ам̣ д̇ин̣н̣ам̣, д̇ийн̣и згасса, д̣̇вз д̣̇виннам̣ махаабхууд̇аанам̣ ан̃н̃аман̃н̃абажжаязна бажжаяо. гаамааважараруубааважарабадисанд̇хияам̣ вад̇т̇уруубам̣ вибаагагканд̇хаанам̣ ан̃н̃аман̃н̃абажжаязна бажжаяо. уд̇ужид̇д̇аахаарасамудтаанзсу махаабхууд̇аанзва махаабхууд̇аанам̣ ан̃н̃аман̃н̃абажжаязна бажжаяод̇и звамзд̇т̇а бажжаяуббаннад̇оби вин̃н̃аад̇аб̣б̣о винижчаяод̇и.
Evaṃ bhinne panettha sabbampi catubhūmakaṃ kusalaṃ attanā sampayuttadhammānaṃ aññamaññapaccayena paccayo. Tathā akusalaṃ. Vipāke pana kāmāvacararūpāvacaravipākaṃ paṭisandhiyaṃ vatthurūpassa, pavatte sampayuttadhammānaññeva. Arūpāvacaralokuttaravipākaṃ attanā sampayuttadhammānaññeva aññamaññapaccayena paccayo. Sabbampi kiriyaṃ sampayuttadhammānaññeva aññamaññapaccayena paccayo. Catusamuṭṭhānikarūpassa kammasamuṭṭhāne ekaṃ mahābhūtaṃ tiṇṇaṃ, tīṇi ekassa, dve dvinnaṃ mahābhūtānaṃ aññamaññapaccayena paccayo. Kāmāvacararūpāvacarapaṭisandhiyaṃ vatthurūpaṃ vipākakkhandhānaṃ aññamaññapaccayena paccayo. Utucittāhārasamuṭṭhānesu mahābhūtāneva mahābhūtānaṃ aññamaññapaccayena paccayoti evamettha paccayuppannatopi viññātabbo vinicchayoti.
ан̃н̃аман̃н̃абажжаяанид̣̇д̣̇зсаван̣н̣анаа.
Aññamaññapaccayaniddesavaṇṇanā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / бадтаанабаал̣и • Paṭṭhānapāḷi / (2) бажжаяанид̣̇д̣̇зсо • (2) Paccayaniddeso
