| Library / Tipiṭaka / তিপিটক • Tipiṭaka / পঞ্চপকরণ-অট্ঠকথা • Pañcapakaraṇa-aṭṭhakathā |
২-৩-৪. অঞ্ঞাণাদিকথাৰণ্ণনা
2-3-4. Aññāṇādikathāvaṇṇanā
৩১৪. ইদানি অঞ্ঞাণং, কঙ্খা, পরৰিতরণাতি তিস্সো কথা নাম হোন্তি। তত্থ যেসং ‘‘অরহতো ইত্থিপুরিসাদীনং নামগোত্তাদীসু ঞাণপ্পৰত্তিযা অভাৰেন অত্থি অঞ্ঞাণং, তত্থেৰ সন্নিট্ঠানাভাৰেন অত্থি কঙ্খা। যস্মা চ নেসং তানি ৰত্থূনি পরে ৰিতরন্তি পকাসেন্তি আচিক্খন্তি, তস্মা নেসং অত্থি পরৰিতরণা’’তি ইমা লদ্ধিযো, সেয্যথাপি এতরহি পুব্বসেলিযাদীনং; তেসং তা লদ্ধিযো ভিন্দিতুং তীসুপি কথাসু পুচ্ছা সকৰাদিস্স, পটিঞ্ঞা চ পটিক্খেপো চ ইতরস্স। তত্থ সব্বেসুপি পঞ্হেসু চেৰ ৰিস্সজ্জনেসু চ পাল়িং অনুগন্ত্ৰাৰ অত্থো ৰেদিতব্বোতি।
314. Idāni aññāṇaṃ, kaṅkhā, paravitaraṇāti tisso kathā nāma honti. Tattha yesaṃ ‘‘arahato itthipurisādīnaṃ nāmagottādīsu ñāṇappavattiyā abhāvena atthi aññāṇaṃ, tattheva sanniṭṭhānābhāvena atthi kaṅkhā. Yasmā ca nesaṃ tāni vatthūni pare vitaranti pakāsenti ācikkhanti, tasmā nesaṃ atthi paravitaraṇā’’ti imā laddhiyo, seyyathāpi etarahi pubbaseliyādīnaṃ; tesaṃ tā laddhiyo bhindituṃ tīsupi kathāsu pucchā sakavādissa, paṭiññā ca paṭikkhepo ca itarassa. Tattha sabbesupi pañhesu ceva vissajjanesu ca pāḷiṃ anugantvāva attho veditabboti.
অঞ্ঞাণাদিকথাৰণ্ণনা।
Aññāṇādikathāvaṇṇanā.
Related texts:
তিপিটক (মূল) • Tipiṭaka (Mūla) / অভিধম্মপিটক • Abhidhammapiṭaka / কথাৰত্থুপাল়ি • Kathāvatthupāḷi
(১১) ২. অঞ্ঞাণকথা • (11) 2. Aññāṇakathā
(১২) ৩. কঙ্খাকথা • (12) 3. Kaṅkhākathā
(১৩) ৪. পরৰিতারণকথা • (13) 4. Paravitāraṇakathā
