| Library / Tipiṭaka / तिपिटक • Tipiṭaka / पञ्चपकरण-अट्ठकथा • Pañcapakaraṇa-aṭṭhakathā |
२-३-४. अञ्ञाणादिकथावण्णना
2-3-4. Aññāṇādikathāvaṇṇanā
३१४. इदानि अञ्ञाणं, कङ्खा, परवितरणाति तिस्सो कथा नाम होन्ति। तत्थ येसं ‘‘अरहतो इत्थिपुरिसादीनं नामगोत्तादीसु ञाणप्पवत्तिया अभावेन अत्थि अञ्ञाणं, तत्थेव सन्निट्ठानाभावेन अत्थि कङ्खा। यस्मा च नेसं तानि वत्थूनि परे वितरन्ति पकासेन्ति आचिक्खन्ति, तस्मा नेसं अत्थि परवितरणा’’ति इमा लद्धियो, सेय्यथापि एतरहि पुब्बसेलियादीनं; तेसं ता लद्धियो भिन्दितुं तीसुपि कथासु पुच्छा सकवादिस्स, पटिञ्ञा च पटिक्खेपो च इतरस्स। तत्थ सब्बेसुपि पञ्हेसु चेव विस्सज्जनेसु च पाळिं अनुगन्त्वाव अत्थो वेदितब्बोति।
314. Idāni aññāṇaṃ, kaṅkhā, paravitaraṇāti tisso kathā nāma honti. Tattha yesaṃ ‘‘arahato itthipurisādīnaṃ nāmagottādīsu ñāṇappavattiyā abhāvena atthi aññāṇaṃ, tattheva sanniṭṭhānābhāvena atthi kaṅkhā. Yasmā ca nesaṃ tāni vatthūni pare vitaranti pakāsenti ācikkhanti, tasmā nesaṃ atthi paravitaraṇā’’ti imā laddhiyo, seyyathāpi etarahi pubbaseliyādīnaṃ; tesaṃ tā laddhiyo bhindituṃ tīsupi kathāsu pucchā sakavādissa, paṭiññā ca paṭikkhepo ca itarassa. Tattha sabbesupi pañhesu ceva vissajjanesu ca pāḷiṃ anugantvāva attho veditabboti.
अञ्ञाणादिकथावण्णना।
Aññāṇādikathāvaṇṇanā.
Related texts:
तिपिटक (मूल) • Tipiṭaka (Mūla) / अभिधम्मपिटक • Abhidhammapiṭaka / कथावत्थुपाळि • Kathāvatthupāḷi
(११) २. अञ्ञाणकथा • (11) 2. Aññāṇakathā
(१२) ३. कङ्खाकथा • (12) 3. Kaṅkhākathā
(१३) ४. परवितारणकथा • (13) 4. Paravitāraṇakathā
