| Library / Tipiṭaka / ติปิฎก • Tipiṭaka / ปญฺจปกรณ-อฎฺฐกถา • Pañcapakaraṇa-aṭṭhakathā |
๒-๓-๔. อญฺญาณาทิกถาวณฺณนา
2-3-4. Aññāṇādikathāvaṇṇanā
๓๑๔. อิทานิ อญฺญาณํ, กงฺขา, ปรวิตรณาติ ติโสฺส กถา นาม โหนฺติฯ ตตฺถ เยสํ ‘‘อรหโต อิตฺถิปุริสาทีนํ นามโคตฺตาทีสุ ญาณปฺปวตฺติยา อภาเวน อตฺถิ อญฺญาณํ, ตเตฺถว สนฺนิฎฺฐานาภาเวน อตฺถิ กงฺขาฯ ยสฺมา จ เนสํ ตานิ วตฺถูนิ ปเร วิตรนฺติ ปกาเสนฺติ อาจิกฺขนฺติ, ตสฺมา เนสํ อตฺถิ ปรวิตรณา’’ติ อิมา ลทฺธิโย, เสยฺยถาปิ เอตรหิ ปุพฺพเสลิยาทีนํ; เตสํ ตา ลทฺธิโย ภินฺทิตุํ ตีสุปิ กถาสุ ปุจฺฉา สกวาทิสฺส, ปฎิญฺญา จ ปฎิเกฺขโป จ อิตรสฺสฯ ตตฺถ สเพฺพสุปิ ปเญฺหสุ เจว วิสฺสชฺชเนสุ จ ปาฬิํ อนุคนฺตฺวาว อโตฺถ เวทิตโพฺพติฯ
314. Idāni aññāṇaṃ, kaṅkhā, paravitaraṇāti tisso kathā nāma honti. Tattha yesaṃ ‘‘arahato itthipurisādīnaṃ nāmagottādīsu ñāṇappavattiyā abhāvena atthi aññāṇaṃ, tattheva sanniṭṭhānābhāvena atthi kaṅkhā. Yasmā ca nesaṃ tāni vatthūni pare vitaranti pakāsenti ācikkhanti, tasmā nesaṃ atthi paravitaraṇā’’ti imā laddhiyo, seyyathāpi etarahi pubbaseliyādīnaṃ; tesaṃ tā laddhiyo bhindituṃ tīsupi kathāsu pucchā sakavādissa, paṭiññā ca paṭikkhepo ca itarassa. Tattha sabbesupi pañhesu ceva vissajjanesu ca pāḷiṃ anugantvāva attho veditabboti.
อญฺญาณาทิกถาวณฺณนาฯ
Aññāṇādikathāvaṇṇanā.
Related texts:
ติปิฎก (มูล) • Tipiṭaka (Mūla) / อภิธมฺมปิฎก • Abhidhammapiṭaka / กถาวตฺถุปาฬิ • Kathāvatthupāḷi
(๑๑) ๒. อญฺญาณกถา • (11) 2. Aññāṇakathā
(๑๒) ๓. กงฺขากถา • (12) 3. Kaṅkhākathā
(๑๓) ๔. ปรวิตารณกถา • (13) 4. Paravitāraṇakathā
