| Library / Tipiṭaka / තිපිටක • Tipiṭaka / පඤ්‌චපකරණ-අට්‌ඨකථා • Pañcapakaraṇa-aṭṭhakathā |
2-3-4. අඤ්‌ඤාණාදිකථාවණ්‌ණනා
2-3-4. Aññāṇādikathāvaṇṇanā
314. ඉදානි අඤ්‌ඤාණං, කඞ්‌ඛා, පරවිතරණාති තිස්‌සො කථා නාම හොන්‌ති. තත්‌ථ යෙසං ‘‘අරහතො ඉත්‌ථිපුරිසාදීනං නාමගොත්‌තාදීසු ඤාණප්‌පවත්‌තියා අභාවෙන අත්‌ථි අඤ්‌ඤාණං, තත්‌ථෙව සන්‌නිට්‌ඨානාභාවෙන අත්‌ථි කඞ්‌ඛා. යස්‌මා ච නෙසං තානි වත්‌ථූනි පරෙ විතරන්‌ති පකාසෙන්‌ති ආචික්‌ඛන්‌ති, තස්‌මා නෙසං අත්‌ථි පරවිතරණා’’ති ඉමා ලද්‌ධියො, සෙය්‍යථාපි එතරහි පුබ්‌බසෙලියාදීනං; තෙසං තා ලද්‌ධියො භින්‌දිතුං තීසුපි කථාසු පුච්‌ඡා සකවාදිස්‌ස, පටිඤ්‌ඤා ච පටික්‌ඛෙපො ච ඉතරස්‌ස. තත්‌ථ සබ්‌බෙසුපි පඤ්‌හෙසු චෙව විස්‌සජ්‌ජනෙසු ච පාළිං අනුගන්‌ත්‌වාව අත්‌ථො වෙදිතබ්‌බොති.
314. Idāni aññāṇaṃ, kaṅkhā, paravitaraṇāti tisso kathā nāma honti. Tattha yesaṃ ‘‘arahato itthipurisādīnaṃ nāmagottādīsu ñāṇappavattiyā abhāvena atthi aññāṇaṃ, tattheva sanniṭṭhānābhāvena atthi kaṅkhā. Yasmā ca nesaṃ tāni vatthūni pare vitaranti pakāsenti ācikkhanti, tasmā nesaṃ atthi paravitaraṇā’’ti imā laddhiyo, seyyathāpi etarahi pubbaseliyādīnaṃ; tesaṃ tā laddhiyo bhindituṃ tīsupi kathāsu pucchā sakavādissa, paṭiññā ca paṭikkhepo ca itarassa. Tattha sabbesupi pañhesu ceva vissajjanesu ca pāḷiṃ anugantvāva attho veditabboti.
අඤ්‌ඤාණාදිකථාවණ්‌ණනා.
Aññāṇādikathāvaṇṇanā.
Related texts:
තිපිටක (මූල) • Tipiṭaka (Mūla) / අභිධම්‌මපිටක • Abhidhammapiṭaka / කථාවත්‌ථුපාළි • Kathāvatthupāḷi
(11) 2. අඤ්‌ඤාණකථා • (11) 2. Aññāṇakathā
(12) 3. කඞ්‌ඛාකථා • (12) 3. Kaṅkhākathā
(13) 4. පරවිතාරණකථා • (13) 4. Paravitāraṇakathā
