| Library / Tipiṭaka / তিপিটক • Tipiṭaka / অপদানপাল়ি • Apadānapāḷi |
৫. অন্নসংসাৰকত্থেরঅপদানং
5. Annasaṃsāvakattheraapadānaṃ
১৫৫.
155.
‘‘সুৰণ্ণৰণ্ণং সম্বুদ্ধং, গচ্ছন্তং অন্তরাপণে।
‘‘Suvaṇṇavaṇṇaṃ sambuddhaṃ, gacchantaṃ antarāpaṇe;
কঞ্চনগ্ঘিযসংকাসং, বাত্তিংসৰরলক্খণং॥
Kañcanagghiyasaṃkāsaṃ, bāttiṃsavaralakkhaṇaṃ.
১৫৬.
156.
‘‘সিদ্ধত্থং লোকপজ্জোতং, অপ্পমেয্যং অনোপমং।
‘‘Siddhatthaṃ lokapajjotaṃ, appameyyaṃ anopamaṃ;
অলত্থং পরমং পীতিং, দিস্ৰা দন্তং জুতিন্ধরং॥
Alatthaṃ paramaṃ pītiṃ, disvā dantaṃ jutindharaṃ.
১৫৭.
157.
‘‘সম্বুদ্ধং অভিনামেত্ৰা, ভোজযিং তং মহামুনিং।
‘‘Sambuddhaṃ abhināmetvā, bhojayiṃ taṃ mahāmuniṃ;
১৫৮.
158.
‘‘তস্মিং মহাকারুণিকে, পরমস্সাসকারকে।
‘‘Tasmiṃ mahākāruṇike, paramassāsakārake;
বুদ্ধে চিত্তং পসাদেত্ৰা, কপ্পং সগ্গম্হি মোদহং॥
Buddhe cittaṃ pasādetvā, kappaṃ saggamhi modahaṃ.
১৫৯.
159.
‘‘চতুন্নৰুতিতো কপ্পে, যং দানমদদিং তদা।
‘‘Catunnavutito kappe, yaṃ dānamadadiṃ tadā;
দুগ্গতিং নাভিজানামি, ভিক্খাদানস্সিদং ফলং॥
Duggatiṃ nābhijānāmi, bhikkhādānassidaṃ phalaṃ.
১৬০.
160.
‘‘পটিসম্ভিদা চতস্সো, ৰিমোক্খাপি চ অট্ঠিমে।
‘‘Paṭisambhidā catasso, vimokkhāpi ca aṭṭhime;
ছল়ভিঞ্ঞা সচ্ছিকতা, কতং বুদ্ধস্স সাসনং’’॥
Chaḷabhiññā sacchikatā, kataṃ buddhassa sāsanaṃ’’.
ইত্থং সুদং আযস্মা অন্নসংসাৰকো থেরো ইমা গাথাযো অভাসিত্থাতি।
Itthaṃ sudaṃ āyasmā annasaṃsāvako thero imā gāthāyo abhāsitthāti.
অন্নসংসাৰকত্থেরস্সাপদানং পঞ্চমং।
Annasaṃsāvakattherassāpadānaṃ pañcamaṃ.
Footnotes:
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / খুদ্দকনিকায (অট্ঠকথা) • Khuddakanikāya (aṭṭhakathā) / অপদান-অট্ঠকথা • Apadāna-aṭṭhakathā / ৫. অন্নসংসাৰকত্থেরঅপদানৰণ্ণনা • 5. Annasaṃsāvakattheraapadānavaṇṇanā
