| Library / Tipiṭaka / तिपिटक • Tipiṭaka / अपदानपाळि • Apadānapāḷi |
५. अन्नसंसावकत्थेरअपदानं
5. Annasaṃsāvakattheraapadānaṃ
१५५.
155.
‘‘सुवण्णवण्णं सम्बुद्धं, गच्छन्तं अन्तरापणे।
‘‘Suvaṇṇavaṇṇaṃ sambuddhaṃ, gacchantaṃ antarāpaṇe;
कञ्चनग्घियसंकासं, बात्तिंसवरलक्खणं॥
Kañcanagghiyasaṃkāsaṃ, bāttiṃsavaralakkhaṇaṃ.
१५६.
156.
‘‘सिद्धत्थं लोकपज्जोतं, अप्पमेय्यं अनोपमं।
‘‘Siddhatthaṃ lokapajjotaṃ, appameyyaṃ anopamaṃ;
अलत्थं परमं पीतिं, दिस्वा दन्तं जुतिन्धरं॥
Alatthaṃ paramaṃ pītiṃ, disvā dantaṃ jutindharaṃ.
१५७.
157.
‘‘सम्बुद्धं अभिनामेत्वा, भोजयिं तं महामुनिं।
‘‘Sambuddhaṃ abhināmetvā, bhojayiṃ taṃ mahāmuniṃ;
१५८.
158.
‘‘तस्मिं महाकारुणिके, परमस्सासकारके।
‘‘Tasmiṃ mahākāruṇike, paramassāsakārake;
बुद्धे चित्तं पसादेत्वा, कप्पं सग्गम्हि मोदहं॥
Buddhe cittaṃ pasādetvā, kappaṃ saggamhi modahaṃ.
१५९.
159.
‘‘चतुन्नवुतितो कप्पे, यं दानमददिं तदा।
‘‘Catunnavutito kappe, yaṃ dānamadadiṃ tadā;
दुग्गतिं नाभिजानामि, भिक्खादानस्सिदं फलं॥
Duggatiṃ nābhijānāmi, bhikkhādānassidaṃ phalaṃ.
१६०.
160.
‘‘पटिसम्भिदा चतस्सो, विमोक्खापि च अट्ठिमे।
‘‘Paṭisambhidā catasso, vimokkhāpi ca aṭṭhime;
छळभिञ्ञा सच्छिकता, कतं बुद्धस्स सासनं’’॥
Chaḷabhiññā sacchikatā, kataṃ buddhassa sāsanaṃ’’.
इत्थं सुदं आयस्मा अन्नसंसावको थेरो इमा गाथायो अभासित्थाति।
Itthaṃ sudaṃ āyasmā annasaṃsāvako thero imā gāthāyo abhāsitthāti.
अन्नसंसावकत्थेरस्सापदानं पञ्चमं।
Annasaṃsāvakattherassāpadānaṃ pañcamaṃ.
Footnotes:
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / अपदान-अट्ठकथा • Apadāna-aṭṭhakathā / ५. अन्नसंसावकत्थेरअपदानवण्णना • 5. Annasaṃsāvakattheraapadānavaṇṇanā
