| Library / Tipiṭaka / ติปิฎก • Tipiṭaka / อปทานปาฬิ • Apadānapāḷi |
๕. อนฺนสํสาวกเตฺถรอปทานํ
5. Annasaṃsāvakattheraapadānaṃ
๑๕๕.
155.
‘‘สุวณฺณวณฺณํ สมฺพุทฺธํ, คจฺฉนฺตํ อนฺตราปเณ;
‘‘Suvaṇṇavaṇṇaṃ sambuddhaṃ, gacchantaṃ antarāpaṇe;
กญฺจนคฺฆิยสํกาสํ, พาตฺติํสวรลกฺขณํฯ
Kañcanagghiyasaṃkāsaṃ, bāttiṃsavaralakkhaṇaṃ.
๑๕๖.
156.
‘‘สิทฺธตฺถํ โลกปโชฺชตํ, อปฺปเมยฺยํ อโนปมํ;
‘‘Siddhatthaṃ lokapajjotaṃ, appameyyaṃ anopamaṃ;
อลตฺถํ ปรมํ ปีติํ, ทิสฺวา ทนฺตํ ชุตินฺธรํฯ
Alatthaṃ paramaṃ pītiṃ, disvā dantaṃ jutindharaṃ.
๑๕๗.
157.
‘‘สมฺพุทฺธํ อภินาเมตฺวา, โภชยิํ ตํ มหามุนิํ;
‘‘Sambuddhaṃ abhināmetvā, bhojayiṃ taṃ mahāmuniṃ;
๑๕๘.
158.
‘‘ตสฺมิํ มหาการุณิเก, ปรมสฺสาสการเก;
‘‘Tasmiṃ mahākāruṇike, paramassāsakārake;
พุเทฺธ จิตฺตํ ปสาเทตฺวา, กปฺปํ สคฺคมฺหิ โมทหํฯ
Buddhe cittaṃ pasādetvā, kappaṃ saggamhi modahaṃ.
๑๕๙.
159.
‘‘จตุนฺนวุติโต กเปฺป, ยํ ทานมททิํ ตทา;
‘‘Catunnavutito kappe, yaṃ dānamadadiṃ tadā;
ทุคฺคติํ นาภิชานามิ, ภิกฺขาทานสฺสิทํ ผลํฯ
Duggatiṃ nābhijānāmi, bhikkhādānassidaṃ phalaṃ.
๑๖๐.
160.
‘‘ปฎิสมฺภิทา จตโสฺส, วิโมกฺขาปิ จ อฎฺฐิเม;
‘‘Paṭisambhidā catasso, vimokkhāpi ca aṭṭhime;
ฉฬภิญฺญา สจฺฉิกตา, กตํ พุทฺธสฺส สาสนํ’’ฯ
Chaḷabhiññā sacchikatā, kataṃ buddhassa sāsanaṃ’’.
อิตฺถํ สุทํ อายสฺมา อนฺนสํสาวโก เถโร อิมา คาถาโย อภาสิตฺถาติฯ
Itthaṃ sudaṃ āyasmā annasaṃsāvako thero imā gāthāyo abhāsitthāti.
อนฺนสํสาวกเตฺถรสฺสาปทานํ ปญฺจมํฯ
Annasaṃsāvakattherassāpadānaṃ pañcamaṃ.
Footnotes:
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / อปทาน-อฎฺฐกถา • Apadāna-aṭṭhakathā / ๕. อนฺนสํสาวกเตฺถรอปทานวณฺณนา • 5. Annasaṃsāvakattheraapadānavaṇṇanā
