| Library / Tipiṭaka / ತಿಪಿಟಕ • Tipiṭaka / ಅಪದಾನಪಾಳಿ • Apadānapāḷi |
೫. ಅನ್ನಸಂಸಾವಕತ್ಥೇರಅಪದಾನಂ
5. Annasaṃsāvakattheraapadānaṃ
೧೫೫.
155.
‘‘ಸುವಣ್ಣವಣ್ಣಂ ಸಮ್ಬುದ್ಧಂ, ಗಚ್ಛನ್ತಂ ಅನ್ತರಾಪಣೇ।
‘‘Suvaṇṇavaṇṇaṃ sambuddhaṃ, gacchantaṃ antarāpaṇe;
ಕಞ್ಚನಗ್ಘಿಯಸಂಕಾಸಂ, ಬಾತ್ತಿಂಸವರಲಕ್ಖಣಂ॥
Kañcanagghiyasaṃkāsaṃ, bāttiṃsavaralakkhaṇaṃ.
೧೫೬.
156.
‘‘ಸಿದ್ಧತ್ಥಂ ಲೋಕಪಜ್ಜೋತಂ, ಅಪ್ಪಮೇಯ್ಯಂ ಅನೋಪಮಂ।
‘‘Siddhatthaṃ lokapajjotaṃ, appameyyaṃ anopamaṃ;
ಅಲತ್ಥಂ ಪರಮಂ ಪೀತಿಂ, ದಿಸ್ವಾ ದನ್ತಂ ಜುತಿನ್ಧರಂ॥
Alatthaṃ paramaṃ pītiṃ, disvā dantaṃ jutindharaṃ.
೧೫೭.
157.
‘‘ಸಮ್ಬುದ್ಧಂ ಅಭಿನಾಮೇತ್ವಾ, ಭೋಜಯಿಂ ತಂ ಮಹಾಮುನಿಂ।
‘‘Sambuddhaṃ abhināmetvā, bhojayiṃ taṃ mahāmuniṃ;
೧೫೮.
158.
‘‘ತಸ್ಮಿಂ ಮಹಾಕಾರುಣಿಕೇ, ಪರಮಸ್ಸಾಸಕಾರಕೇ।
‘‘Tasmiṃ mahākāruṇike, paramassāsakārake;
ಬುದ್ಧೇ ಚಿತ್ತಂ ಪಸಾದೇತ್ವಾ, ಕಪ್ಪಂ ಸಗ್ಗಮ್ಹಿ ಮೋದಹಂ॥
Buddhe cittaṃ pasādetvā, kappaṃ saggamhi modahaṃ.
೧೫೯.
159.
‘‘ಚತುನ್ನವುತಿತೋ ಕಪ್ಪೇ, ಯಂ ದಾನಮದದಿಂ ತದಾ।
‘‘Catunnavutito kappe, yaṃ dānamadadiṃ tadā;
ದುಗ್ಗತಿಂ ನಾಭಿಜಾನಾಮಿ, ಭಿಕ್ಖಾದಾನಸ್ಸಿದಂ ಫಲಂ॥
Duggatiṃ nābhijānāmi, bhikkhādānassidaṃ phalaṃ.
೧೬೦.
160.
‘‘ಪಟಿಸಮ್ಭಿದಾ ಚತಸ್ಸೋ, ವಿಮೋಕ್ಖಾಪಿ ಚ ಅಟ್ಠಿಮೇ।
‘‘Paṭisambhidā catasso, vimokkhāpi ca aṭṭhime;
ಛಳಭಿಞ್ಞಾ ಸಚ್ಛಿಕತಾ, ಕತಂ ಬುದ್ಧಸ್ಸ ಸಾಸನಂ’’॥
Chaḷabhiññā sacchikatā, kataṃ buddhassa sāsanaṃ’’.
ಇತ್ಥಂ ಸುದಂ ಆಯಸ್ಮಾ ಅನ್ನಸಂಸಾವಕೋ ಥೇರೋ ಇಮಾ ಗಾಥಾಯೋ ಅಭಾಸಿತ್ಥಾತಿ।
Itthaṃ sudaṃ āyasmā annasaṃsāvako thero imā gāthāyo abhāsitthāti.
ಅನ್ನಸಂಸಾವಕತ್ಥೇರಸ್ಸಾಪದಾನಂ ಪಞ್ಚಮಂ।
Annasaṃsāvakattherassāpadānaṃ pañcamaṃ.
Footnotes:
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಖುದ್ದಕನಿಕಾಯ (ಅಟ್ಠಕಥಾ) • Khuddakanikāya (aṭṭhakathā) / ಅಪದಾನ-ಅಟ್ಠಕಥಾ • Apadāna-aṭṭhakathā / ೫. ಅನ್ನಸಂಸಾವಕತ್ಥೇರಅಪದಾನವಣ್ಣನಾ • 5. Annasaṃsāvakattheraapadānavaṇṇanā
