| Library / Tipiṭaka / තිපිටක • Tipiṭaka / අපදානපාළි • Apadānapāḷi |
5. අන්‌නසංසාවකත්‌ථෙරඅපදානං
5. Annasaṃsāvakattheraapadānaṃ
155.
155.
‘‘සුවණ්‌ණවණ්‌ණං සම්‌බුද්‌ධං, ගච්‌ඡන්‌තං අන්‌තරාපණෙ;
‘‘Suvaṇṇavaṇṇaṃ sambuddhaṃ, gacchantaṃ antarāpaṇe;
කඤ්‌චනග්‌ඝියසංකාසං, බාත්‌තිංසවරලක්‌ඛණං.
Kañcanagghiyasaṃkāsaṃ, bāttiṃsavaralakkhaṇaṃ.
156.
156.
‘‘සිද්‌ධත්‌ථං ලොකපජ්‌ජොතං, අප්‌පමෙය්‍යං අනොපමං;
‘‘Siddhatthaṃ lokapajjotaṃ, appameyyaṃ anopamaṃ;
අලත්‌ථං පරමං පීතිං, දිස්‌වා දන්‌තං ජුතින්‌ධරං.
Alatthaṃ paramaṃ pītiṃ, disvā dantaṃ jutindharaṃ.
157.
157.
‘‘සම්‌බුද්‌ධං අභිනාමෙත්‌වා, භොජයිං තං මහාමුනිං;
‘‘Sambuddhaṃ abhināmetvā, bhojayiṃ taṃ mahāmuniṃ;
158.
158.
‘‘තස්‌මිං මහාකාරුණිකෙ, පරමස්‌සාසකාරකෙ;
‘‘Tasmiṃ mahākāruṇike, paramassāsakārake;
බුද්‌ධෙ චිත්‌තං පසාදෙත්‌වා, කප්‌පං සග්‌ගම්‌හි මොදහං.
Buddhe cittaṃ pasādetvā, kappaṃ saggamhi modahaṃ.
159.
159.
‘‘චතුන්‌නවුතිතො කප්‌පෙ, යං දානමදදිං තදා;
‘‘Catunnavutito kappe, yaṃ dānamadadiṃ tadā;
දුග්‌ගතිං නාභිජානාමි, භික්‌ඛාදානස්‌සිදං ඵලං.
Duggatiṃ nābhijānāmi, bhikkhādānassidaṃ phalaṃ.
160.
160.
‘‘පටිසම්‌භිදා චතස්‌සො, විමොක්‌ඛාපි ච අට්‌ඨිමෙ;
‘‘Paṭisambhidā catasso, vimokkhāpi ca aṭṭhime;
ඡළභිඤ්‌ඤා සච්‌ඡිකතා, කතං බුද්‌ධස්‌ස සාසනං’’.
Chaḷabhiññā sacchikatā, kataṃ buddhassa sāsanaṃ’’.
ඉත්‌ථං සුදං ආයස්‌මා අන්‌නසංසාවකො ථෙරො ඉමා ගාථායො අභාසිත්‌ථාති.
Itthaṃ sudaṃ āyasmā annasaṃsāvako thero imā gāthāyo abhāsitthāti.
අන්‌නසංසාවකත්‌ථෙරස්‌සාපදානං පඤ්‌චමං.
Annasaṃsāvakattherassāpadānaṃ pañcamaṃ.
Footnotes:
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / ඛුද්‌දකනිකාය (අට්‌ඨකථා) • Khuddakanikāya (aṭṭhakathā) / අපදාන-අට්‌ඨකථා • Apadāna-aṭṭhakathā / 5. අන්‌නසංසාවකත්‌ථෙරඅපදානවණ්‌ණනා • 5. Annasaṃsāvakattheraapadānavaṇṇanā
