| Library / Tipiṭaka / д̇ибидага • Tipiṭaka / абад̣̇аана-адтагат̇аа • Apadāna-aṭṭhakathā |
5. аннасам̣саавагад̇т̇зраабад̣̇аанаван̣н̣анаа
5. Annasaṃsāvakattheraapadānavaṇṇanā
суван̣н̣аван̣н̣ам̣ самб̣уд̣̇д̇ханд̇иаад̣̇игам̣ ааяасмад̇о аннасам̣саавагад̇т̇зрасса абад̣̇аанам̣. аяамби буримаб̣уд̣̇д̇хзсу гад̇аад̇хигааро д̇ад̇т̇а д̇ад̇т̇а бхавз виваддуубаниссаяаани бун̃н̃аани убажинанд̇о сид̣̇д̇хад̇т̇асса бхаг̇авад̇о гаалз згасмим̣ гулаг̇зхз ниб̣б̣ад̇д̇о бин̣д̣ааяа жаранд̇ам̣ д̣̇вад̇д̇им̣самахаабурисалагкан̣аб̣яаамаббабхааман̣д̣алобасобхид̇ам̣ бхаг̇аванд̇ам̣ д̣̇исваа басаннамаанасо бхаг̇аванд̇ам̣ ниманд̇зд̇ваа г̇зхам̣ нзд̇ваа варааннабаанзна санд̇аббзд̇ваа самбаваарзд̇ваа бхож̇зси. со д̇знзва жид̇д̇аббасаад̣̇зна д̇ад̇о жуд̇о д̣̇звалогз ниб̣б̣ад̇д̇ид̇ваа д̣̇иб̣б̣асамбад̇д̇им̣ анубхавид̇ваа д̇ад̇о жавид̇ваа мануссалогз ниб̣б̣ад̇д̇ид̇ваа мануссасамбад̇д̇им̣ анубхавид̇ваа д̇ад̇о абараабарам̣ д̣̇звамануссасамбад̇д̇ияо анубхавид̇ваа имасмим̣ б̣уд̣̇д̇хуббаад̣̇з згасмим̣ гулз ниб̣б̣ад̇д̇о саасанз басийд̣̇ид̇ваа баб̣б̣аж̇ид̇ваа вибассанам̣ вад̣дхзд̇ваа арахад̇д̇ам̣ баабун̣и. со буб̣б̣з гад̇абун̃н̃анаамавасзна аннасам̣саавагад̇т̇зрод̇и баагаданаамо ахоси.
Suvaṇṇavaṇṇaṃ sambuddhantiādikaṃ āyasmato annasaṃsāvakattherassa apadānaṃ. Ayampi purimabuddhesu katādhikāro tattha tattha bhave vivaṭṭūpanissayāni puññāni upacinanto siddhatthassa bhagavato kāle ekasmiṃ kulagehe nibbatto piṇḍāya carantaṃ dvattiṃsamahāpurisalakkhaṇabyāmappabhāmaṇḍalopasobhitaṃ bhagavantaṃ disvā pasannamānaso bhagavantaṃ nimantetvā gehaṃ netvā varaannapānena santappetvā sampavāretvā bhojesi. So teneva cittappasādena tato cuto devaloke nibbattitvā dibbasampattiṃ anubhavitvā tato cavitvā manussaloke nibbattitvā manussasampattiṃ anubhavitvā tato aparāparaṃ devamanussasampattiyo anubhavitvā imasmiṃ buddhuppāde ekasmiṃ kule nibbatto sāsane pasīditvā pabbajitvā vipassanaṃ vaḍḍhetvā arahattaṃ pāpuṇi. So pubbe katapuññanāmavasena annasaṃsāvakattheroti pākaṭanāmo ahosi.
155-6. со абарабхааг̇з ад̇д̇ано буб̣б̣агаммам̣ сарид̇ваа соманассаж̇аад̇о ‘‘звам̣ маяаа иминаа бун̃н̃асамбхаараанубхаавзна бад̇д̇ам̣ арахад̇д̇а’’нд̇и ад̇д̇ано буб̣б̣ажарид̇аабад̣̇аанам̣ уд̣̇аанавасзна багаасзнд̇о суван̣н̣аван̣н̣анд̇иаад̣̇имааха . д̇ад̇т̇а суван̣н̣асса ван̣н̣о вияа ван̣н̣о яасса бхаг̇авад̇о сояам̣ суван̣н̣аван̣н̣о, д̇ам̣ суван̣н̣аван̣н̣ам̣ самб̣уд̣̇д̇хам̣ сид̣̇д̇хад̇т̇анд̇и ад̇т̇о. г̇ажчанд̇ам̣ анд̇араабан̣зд̇и взссаанам̣ аабан̣абанд̇ийнам̣ анд̇аравийт̇ияам̣ г̇ажчамаанам̣. ган̃жанаг̇гхияасам̣гаасанд̇и суван̣н̣ад̇оран̣асад̣̇исам̣ б̣аад̇д̇им̣саваралагкан̣ам̣ д̣̇вад̇д̇им̣саваралагкан̣зхи самбаннам̣ логабаж̇ж̇од̇ам̣ сагалалогад̣̇ийбабхууд̇ам̣ аббамзяяам̣ бамаан̣авирахид̇ам̣ анобамам̣ убамаавирахид̇ам̣ ж̇уд̇инд̇харам̣ бабхаад̇хаарам̣ нийлабийд̇аад̣̇ичаб̣б̣ан̣н̣аб̣уд̣̇д̇харам̣сияо д̇хаарагам̣ сид̣̇д̇хад̇т̇ам̣ д̣̇исваа барамам̣ уд̇д̇амам̣ бийд̇им̣ алад̇т̇ам̣ алабхинд̇и самб̣анд̇хо. сзсам̣ сувин̃н̃зяяамзваад̇и.
155-6. So aparabhāge attano pubbakammaṃ saritvā somanassajāto ‘‘evaṃ mayā iminā puññasambhārānubhāvena pattaṃ arahatta’’nti attano pubbacaritāpadānaṃ udānavasena pakāsento suvaṇṇavaṇṇantiādimāha . Tattha suvaṇṇassa vaṇṇo viya vaṇṇo yassa bhagavato soyaṃ suvaṇṇavaṇṇo, taṃ suvaṇṇavaṇṇaṃ sambuddhaṃ siddhatthanti attho. Gacchantaṃ antarāpaṇeti vessānaṃ āpaṇapantīnaṃ antaravīthiyaṃ gacchamānaṃ. Kañcanagghiyasaṃkāsanti suvaṇṇatoraṇasadisaṃ bāttiṃsavaralakkhaṇaṃ dvattiṃsavaralakkhaṇehi sampannaṃ lokapajjotaṃ sakalalokadīpabhūtaṃ appameyyaṃ pamāṇavirahitaṃ anopamaṃ upamāvirahitaṃ jutindharaṃ pabhādhāraṃ nīlapītādichabbaṇṇabuddharaṃsiyo dhārakaṃ siddhatthaṃ disvā paramaṃ uttamaṃ pītiṃ alatthaṃ alabhinti sambandho. Sesaṃ suviññeyyamevāti.
аннасам̣саавагад̇т̇зраабад̣̇аанаван̣н̣анаа самад̇д̇аа.
Annasaṃsāvakattheraapadānavaṇṇanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / абад̣̇аанабаал̣и • Apadānapāḷi / 5. аннасам̣саавагад̇т̇зраабад̣̇аанам̣ • 5. Annasaṃsāvakattheraapadānaṃ
