| Library / Tipiṭaka / ਤਿਪਿਟਕ • Tipiṭaka / ਅਪਦਾਨ-ਅਟ੍ਠਕਥਾ • Apadāna-aṭṭhakathā |
੫. ਅਨ੍ਨਸਂਸਾવਕਤ੍ਥੇਰਅਪਦਾਨવਣ੍ਣਨਾ
5. Annasaṃsāvakattheraapadānavaṇṇanā
ਸੁવਣ੍ਣવਣ੍ਣਂ ਸਮ੍ਬੁਦ੍ਧਨ੍ਤਿਆਦਿਕਂ ਆਯਸ੍ਮਤੋ ਅਨ੍ਨਸਂਸਾવਕਤ੍ਥੇਰਸ੍ਸ ਅਪਦਾਨਂ। ਅਯਮ੍ਪਿ ਪੁਰਿਮਬੁਦ੍ਧੇਸੁ ਕਤਾਧਿਕਾਰੋ ਤਤ੍ਥ ਤਤ੍ਥ ਭવੇ વਿવਟ੍ਟੂਪਨਿਸ੍ਸਯਾਨਿ ਪੁਞ੍ਞਾਨਿ ਉਪਚਿਨਨ੍ਤੋ ਸਿਦ੍ਧਤ੍ਥਸ੍ਸ ਭਗવਤੋ ਕਾਲੇ ਏਕਸ੍ਮਿਂ ਕੁਲਗੇਹੇ ਨਿਬ੍ਬਤ੍ਤੋ ਪਿਣ੍ਡਾਯ ਚਰਨ੍ਤਂ ਦ੍વਤ੍ਤਿਂਸਮਹਾਪੁਰਿਸਲਕ੍ਖਣਬ੍ਯਾਮਪ੍ਪਭਾਮਣ੍ਡਲੋਪਸੋਭਿਤਂ ਭਗવਨ੍ਤਂ ਦਿਸ੍વਾ ਪਸਨ੍ਨਮਾਨਸੋ ਭਗવਨ੍ਤਂ ਨਿਮਨ੍ਤੇਤ੍વਾ ਗੇਹਂ ਨੇਤ੍વਾ વਰਅਨ੍ਨਪਾਨੇਨ ਸਨ੍ਤਪ੍ਪੇਤ੍વਾ ਸਮ੍ਪવਾਰੇਤ੍વਾ ਭੋਜੇਸਿ। ਸੋ ਤੇਨੇવ ਚਿਤ੍ਤਪ੍ਪਸਾਦੇਨ ਤਤੋ ਚੁਤੋ ਦੇવਲੋਕੇ ਨਿਬ੍ਬਤ੍ਤਿਤ੍વਾ ਦਿਬ੍ਬਸਮ੍ਪਤ੍ਤਿਂ ਅਨੁਭવਿਤ੍વਾ ਤਤੋ ਚવਿਤ੍વਾ ਮਨੁਸ੍ਸਲੋਕੇ ਨਿਬ੍ਬਤ੍ਤਿਤ੍વਾ ਮਨੁਸ੍ਸਸਮ੍ਪਤ੍ਤਿਂ ਅਨੁਭવਿਤ੍વਾ ਤਤੋ ਅਪਰਾਪਰਂ ਦੇવਮਨੁਸ੍ਸਸਮ੍ਪਤ੍ਤਿਯੋ ਅਨੁਭવਿਤ੍વਾ ਇਮਸ੍ਮਿਂ ਬੁਦ੍ਧੁਪ੍ਪਾਦੇ ਏਕਸ੍ਮਿਂ ਕੁਲੇ ਨਿਬ੍ਬਤ੍ਤੋ ਸਾਸਨੇ ਪਸੀਦਿਤ੍વਾ ਪਬ੍ਬਜਿਤ੍વਾ વਿਪਸ੍ਸਨਂ વਡ੍ਢੇਤ੍વਾ ਅਰਹਤ੍ਤਂ ਪਾਪੁਣਿ। ਸੋ ਪੁਬ੍ਬੇ ਕਤਪੁਞ੍ਞਨਾਮવਸੇਨ ਅਨ੍ਨਸਂਸਾવਕਤ੍ਥੇਰੋਤਿ ਪਾਕਟਨਾਮੋ ਅਹੋਸਿ।
Suvaṇṇavaṇṇaṃ sambuddhantiādikaṃ āyasmato annasaṃsāvakattherassa apadānaṃ. Ayampi purimabuddhesu katādhikāro tattha tattha bhave vivaṭṭūpanissayāni puññāni upacinanto siddhatthassa bhagavato kāle ekasmiṃ kulagehe nibbatto piṇḍāya carantaṃ dvattiṃsamahāpurisalakkhaṇabyāmappabhāmaṇḍalopasobhitaṃ bhagavantaṃ disvā pasannamānaso bhagavantaṃ nimantetvā gehaṃ netvā varaannapānena santappetvā sampavāretvā bhojesi. So teneva cittappasādena tato cuto devaloke nibbattitvā dibbasampattiṃ anubhavitvā tato cavitvā manussaloke nibbattitvā manussasampattiṃ anubhavitvā tato aparāparaṃ devamanussasampattiyo anubhavitvā imasmiṃ buddhuppāde ekasmiṃ kule nibbatto sāsane pasīditvā pabbajitvā vipassanaṃ vaḍḍhetvā arahattaṃ pāpuṇi. So pubbe katapuññanāmavasena annasaṃsāvakattheroti pākaṭanāmo ahosi.
੧੫੫-੬. ਸੋ ਅਪਰਭਾਗੇ ਅਤ੍ਤਨੋ ਪੁਬ੍ਬਕਮ੍ਮਂ ਸਰਿਤ੍વਾ ਸੋਮਨਸ੍ਸਜਾਤੋ ‘‘ਏવਂ ਮਯਾ ਇਮਿਨਾ ਪੁਞ੍ਞਸਮ੍ਭਾਰਾਨੁਭਾવੇਨ ਪਤ੍ਤਂ ਅਰਹਤ੍ਤ’’ਨ੍ਤਿ ਅਤ੍ਤਨੋ ਪੁਬ੍ਬਚਰਿਤਾਪਦਾਨਂ ਉਦਾਨવਸੇਨ ਪਕਾਸੇਨ੍ਤੋ ਸੁવਣ੍ਣવਣ੍ਣਨ੍ਤਿਆਦਿਮਾਹ । ਤਤ੍ਥ ਸੁવਣ੍ਣਸ੍ਸ વਣ੍ਣੋ વਿਯ વਣ੍ਣੋ ਯਸ੍ਸ ਭਗવਤੋ ਸੋਯਂ ਸੁવਣ੍ਣવਣ੍ਣੋ, ਤਂ ਸੁવਣ੍ਣવਣ੍ਣਂ ਸਮ੍ਬੁਦ੍ਧਂ ਸਿਦ੍ਧਤ੍ਥਨ੍ਤਿ ਅਤ੍ਥੋ। ਗਚ੍ਛਨ੍ਤਂ ਅਨ੍ਤਰਾਪਣੇਤਿ વੇਸ੍ਸਾਨਂ ਆਪਣਪਨ੍ਤੀਨਂ ਅਨ੍ਤਰવੀਥਿਯਂ ਗਚ੍ਛਮਾਨਂ। ਕਞ੍ਚਨਗ੍ਘਿਯਸਂਕਾਸਨ੍ਤਿ ਸੁવਣ੍ਣਤੋਰਣਸਦਿਸਂ ਬਾਤ੍ਤਿਂਸવਰਲਕ੍ਖਣਂ ਦ੍વਤ੍ਤਿਂਸવਰਲਕ੍ਖਣੇਹਿ ਸਮ੍ਪਨ੍ਨਂ ਲੋਕਪਜ੍ਜੋਤਂ ਸਕਲਲੋਕਦੀਪਭੂਤਂ ਅਪ੍ਪਮੇਯ੍ਯਂ ਪਮਾਣવਿਰਹਿਤਂ ਅਨੋਪਮਂ ਉਪਮਾવਿਰਹਿਤਂ ਜੁਤਿਨ੍ਧਰਂ ਪਭਾਧਾਰਂ ਨੀਲਪੀਤਾਦਿਛਬ੍ਬਣ੍ਣਬੁਦ੍ਧਰਂਸਿਯੋ ਧਾਰਕਂ ਸਿਦ੍ਧਤ੍ਥਂ ਦਿਸ੍વਾ ਪਰਮਂ ਉਤ੍ਤਮਂ ਪੀਤਿਂ ਅਲਤ੍ਥਂ ਅਲਭਿਨ੍ਤਿ ਸਮ੍ਬਨ੍ਧੋ। ਸੇਸਂ ਸੁવਿਞ੍ਞੇਯ੍ਯਮੇવਾਤਿ।
155-6. So aparabhāge attano pubbakammaṃ saritvā somanassajāto ‘‘evaṃ mayā iminā puññasambhārānubhāvena pattaṃ arahatta’’nti attano pubbacaritāpadānaṃ udānavasena pakāsento suvaṇṇavaṇṇantiādimāha . Tattha suvaṇṇassa vaṇṇo viya vaṇṇo yassa bhagavato soyaṃ suvaṇṇavaṇṇo, taṃ suvaṇṇavaṇṇaṃ sambuddhaṃ siddhatthanti attho. Gacchantaṃ antarāpaṇeti vessānaṃ āpaṇapantīnaṃ antaravīthiyaṃ gacchamānaṃ. Kañcanagghiyasaṃkāsanti suvaṇṇatoraṇasadisaṃ bāttiṃsavaralakkhaṇaṃ dvattiṃsavaralakkhaṇehi sampannaṃ lokapajjotaṃ sakalalokadīpabhūtaṃ appameyyaṃ pamāṇavirahitaṃ anopamaṃ upamāvirahitaṃ jutindharaṃ pabhādhāraṃ nīlapītādichabbaṇṇabuddharaṃsiyo dhārakaṃ siddhatthaṃ disvā paramaṃ uttamaṃ pītiṃ alatthaṃ alabhinti sambandho. Sesaṃ suviññeyyamevāti.
ਅਨ੍ਨਸਂਸਾવਕਤ੍ਥੇਰਅਪਦਾਨવਣ੍ਣਨਾ ਸਮਤ੍ਤਾ।
Annasaṃsāvakattheraapadānavaṇṇanā samattā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਖੁਦ੍ਦਕਨਿਕਾਯ • Khuddakanikāya / ਅਪਦਾਨਪਾਲ਼ਿ • Apadānapāḷi / ੫. ਅਨ੍ਨਸਂਸਾવਕਤ੍ਥੇਰਅਪਦਾਨਂ • 5. Annasaṃsāvakattheraapadānaṃ
