| Library / Tipiṭaka / д̇ибидага • Tipiṭaka / абад̣̇аана-адтагат̇аа • Apadāna-aṭṭhakathā |
3-7. ан̃н̃аасигон̣д̣ан̃н̃ад̇т̇зраабад̣̇аанаван̣н̣анаа
3-7. Aññāsikoṇḍaññattheraapadānavaṇṇanā
бад̣̇умуд̇д̇арасамб̣уд̣̇д̇ханд̇иаад̣̇игам̣ ааяасмад̇о ан̃н̃аасигон̣д̣ан̃н̃ад̇т̇зрасса абад̣̇аанам̣. аяам̣ гира буримаб̣уд̣̇д̇хзсу гад̇аад̇хигааро д̇ад̇т̇а д̇ад̇т̇а бхавз виваддуубаниссаяаани бун̃н̃аани убажинанд̇о бад̣̇умуд̇д̇арасса бхаг̇авад̇о гаалз хам̣савад̇ийнаг̇арз г̇ахабад̇имахаасаалагулз ниб̣б̣ад̇д̇ид̇ваа вин̃н̃уд̇ам̣ бад̇ваа згад̣̇ивасам̣ сад̇т̇у санд̇игз д̇хаммам̣ сун̣анд̇о сад̇т̇аарам̣ згам̣ бхигкум̣ ад̇д̇ано саасанз батамам̣ бадивид̣̇д̇хад̇хаммарад̇д̇ан̃н̃уунам̣ аг̇г̇адтаанз табзнд̇ам̣ д̣̇исваа саяамби д̇ам̣ таананд̇арам̣ бад̇т̇знд̇о сад̇асахассабхигкубариваарасса бхаг̇авад̇о сад̇д̇аахам̣ махаад̣̇аанам̣ бавад̇д̇зд̇ваа бан̣ид̇хаанам̣ агааси. сад̇т̇аабисса ананд̇арааяад̇ам̣ д̣̇исваа бхаавиним̣ самбад̇д̇им̣ б̣яаагааси. со яааваж̇ийвам̣ бун̃н̃аани гаронд̇о сад̇т̇ари бариниб̣б̣уд̇з жзд̇ияз бад̇идтаабияамаанз анд̇ожзд̇ияз рад̇анагхарам̣ гаараабзси, жзд̇ияам̣ бариваарзд̇ваа сахассарад̇анаг̇гхигаани жа гаарзси.
Padumuttarasambuddhantiādikaṃ āyasmato aññāsikoṇḍaññattherassa apadānaṃ. Ayaṃ kira purimabuddhesu katādhikāro tattha tattha bhave vivaṭṭūpanissayāni puññāni upacinanto padumuttarassa bhagavato kāle haṃsavatīnagare gahapatimahāsālakule nibbattitvā viññutaṃ patvā ekadivasaṃ satthu santike dhammaṃ suṇanto satthāraṃ ekaṃ bhikkhuṃ attano sāsane paṭhamaṃ paṭividdhadhammarattaññūnaṃ aggaṭṭhāne ṭhapentaṃ disvā sayampi taṃ ṭhānantaraṃ patthento satasahassabhikkhuparivārassa bhagavato sattāhaṃ mahādānaṃ pavattetvā paṇidhānaṃ akāsi. Satthāpissa anantarāyataṃ disvā bhāviniṃ sampattiṃ byākāsi. So yāvajīvaṃ puññāni karonto satthari parinibbute cetiye patiṭṭhāpiyamāne antocetiye ratanagharaṃ kārāpesi, cetiyaṃ parivāretvā sahassaratanagghikāni ca kāresi.
со звам̣ бун̃н̃аани гад̇ваа д̇ад̇о жавид̇ваа д̣̇звамануссзсу сам̣саранд̇о вибассисса бхаг̇авад̇о гаалз махаагаало наама гудумб̣иго худ̇ваа адтагарийсамад̇д̇з кзд̇д̇з саалиг̇аб̣бхам̣ паалзд̇ваа г̇ахид̇асаалид̇ан̣д̣улзхи асамбхиннакийрабааяаасам̣ самбаад̣̇зд̇ваа д̇ад̇т̇а мад̇хусаббисаггараад̣̇аяо багкибид̇ваа б̣уд̣̇д̇хаббамукасса сан̇гхасса ад̣̇ааси. саалиг̇аб̣бхам̣ паалзд̇ваа г̇ахид̇аг̇ахид̇адтаанам̣ буна буурад̇и. бут̇угагаалз бут̇угаг̇г̇ам̣ наама ад̣̇ааси. лааяанз лааяанаг̇г̇ам̣, взн̣игаран̣з взн̣аг̇г̇ам̣, галаабаад̣̇игаран̣з галаабаг̇г̇ам̣, калаг̇г̇ам̣, бхан̣д̣аг̇г̇ам̣, минаг̇г̇ам̣ годтаг̇г̇анд̇и звам̣ згасассз нава ваарз аг̇г̇ад̣̇аанам̣ ад̣̇ааси, д̇амби сассам̣ ад̇ирзгад̇арам̣ самбаннам̣ ахоси.
So evaṃ puññāni katvā tato cavitvā devamanussesu saṃsaranto vipassissa bhagavato kāle mahākālo nāma kuṭumbiko hutvā aṭṭhakarīsamatte khette sāligabbhaṃ phāletvā gahitasālitaṇḍulehi asambhinnakhīrapāyāsaṃ sampādetvā tattha madhusappisakkarādayo pakkhipitvā buddhappamukhassa saṅghassa adāsi. Sāligabbhaṃ phāletvā gahitagahitaṭṭhānaṃ puna pūrati. Puthukakāle puthukaggaṃ nāma adāsi. Lāyane lāyanaggaṃ, veṇikaraṇe veṇaggaṃ, kalāpādikaraṇe kalāpaggaṃ, khalaggaṃ, bhaṇḍaggaṃ, minaggaṃ koṭṭhagganti evaṃ ekasasse nava vāre aggadānaṃ adāsi, tampi sassaṃ atirekataraṃ sampannaṃ ahosi.
звам̣ яааваж̇ийвам̣ бун̃н̃аани гад̇ваа д̇ад̇о жуд̇о д̣̇звалогз ниб̣б̣ад̇д̇ид̇ваа д̣̇звзсу жа мануссзсу жа сам̣саранд̇о амхаагам̣ бхаг̇авад̇о уббад̇д̇ид̇о бурзд̇арамзва габилавад̇т̇унаг̇арасса авид̣̇уурз д̣̇он̣авад̇т̇унаамагз б̣раахман̣аг̇аамз б̣раахман̣амахаасаалагулз ниб̣б̣ад̇д̇и. д̇асса гон̣д̣ан̃н̃од̇и г̇од̇д̇ад̇о ааг̇ад̇ам̣ наамам̣ ахоси. со ваяаббад̇д̇о д̇аяо взд̣̇з уг̇г̇ахзд̇ваа лагкан̣аманд̇зсу жа баарам̣ аг̇амааси. д̇зна самаязна амхаагам̣ б̣од̇хисад̇д̇о д̇усид̇абурад̇о жавид̇ваа габилавад̇т̇убурз суд̣̇д̇ход̣̇анамахаарааж̇асса г̇зхз ниб̣б̣ад̇д̇и. д̇асса наамаг̇г̇ахан̣ад̣̇ивасз адтуд̇д̇арасад̇зсу б̣раахман̣зсу убанийд̇зсу яз адта б̣раахман̣аа лагкан̣абариг̇г̇ахан̣ад̇т̇ам̣ махаад̇алам̣ убанийд̇аа. со д̇зсу саб̣б̣анаваго худ̇ваа махаабурисасса лагкан̣анибпад̇д̇им̣ д̣̇исваа ‘‘згам̣сзна аяам̣ б̣уд̣̇д̇хо бхависсад̇ий’’д̇и нидтам̣ г̇анд̇ваа махаасад̇д̇асса абхинигкаманам̣ уд̣̇игканд̇о вижарад̇и.
Evaṃ yāvajīvaṃ puññāni katvā tato cuto devaloke nibbattitvā devesu ca manussesu ca saṃsaranto amhākaṃ bhagavato uppattito puretarameva kapilavatthunagarassa avidūre doṇavatthunāmake brāhmaṇagāme brāhmaṇamahāsālakule nibbatti. Tassa koṇḍaññoti gottato āgataṃ nāmaṃ ahosi. So vayappatto tayo vede uggahetvā lakkhaṇamantesu ca pāraṃ agamāsi. Tena samayena amhākaṃ bodhisatto tusitapurato cavitvā kapilavatthupure suddhodanamahārājassa gehe nibbatti. Tassa nāmaggahaṇadivase aṭṭhuttarasatesu brāhmaṇesu upanītesu ye aṭṭha brāhmaṇā lakkhaṇapariggahaṇatthaṃ mahātalaṃ upanītā. So tesu sabbanavako hutvā mahāpurisassa lakkhaṇanipphattiṃ disvā ‘‘ekaṃsena ayaṃ buddho bhavissatī’’ti niṭṭhaṃ gantvā mahāsattassa abhinikkhamanaṃ udikkhanto vicarati.
б̣од̇хисад̇д̇оби ко махад̇аа бариваарзна вад̣дхамаано ануггамзна вуд̣̇д̇хиббад̇д̇о н̃аан̣абарибаагам̣ г̇анд̇ваа згуунад̇им̣сад̇имз вассз махаабхинигкаманам̣ нигкаманд̇о аномаанад̣̇ийд̇ийрз баб̣б̣аж̇ид̇ваа ануггамзна урувзлам̣ г̇анд̇ваа бад̇хаанам̣ бад̣̇ахи. д̇ад̣̇аа гон̣д̣ан̃н̃о маан̣аво махаасад̇д̇асса баб̣б̣аж̇ид̇абхаавам̣ суд̇ваа лагкан̣абариг̇г̇аахагаб̣раахман̣аанам̣ буд̇д̇зхи ваббамаан̣аваад̣̇ийхи сад̣̇д̇хим̣ ад̇д̇абан̃жамо баб̣б̣аж̇ид̇ваа ануггамзна б̣од̇хисад̇д̇асса санд̇игам̣ убасан̇гамид̇ваа чаб̣б̣ассаани д̇ам̣ убадтаханд̇о д̇асса ол̣ааригаахаарабарибхог̇зна ниб̣б̣инно абаггамид̇ваа исибад̇анам̣ аг̇амааси. ат̇а ко б̣од̇хисад̇д̇о ол̣ааригаахаарабарибхог̇зна лад̣̇д̇хагааяаб̣ало взсаакабун̣н̣амааяам̣ б̣од̇хиругкамуулз абарааж̇ид̇абаллан̇гз нисинно д̇ин̣н̣ам̣ маараанам̣ мад̇т̇агам̣ мад̣̇д̣̇ид̇ваа абхисамб̣уд̣̇д̇хо худ̇ваа сад̇д̇асад̇д̇аахам̣ б̣од̇химан̣д̣зязва вийд̇инаамзд̇ваа бан̃жаваг̇г̇ияаанам̣ н̃аан̣абарибаагам̣ н̃ад̇ваа аасаал̣хийбун̣н̣амааяам̣ исибад̇анам̣ г̇анд̇ваа д̇зсам̣ д̇хаммажаггабавад̇д̇анасуд̇д̇анд̇ам̣ (махаава. 13 аад̣̇аяо; сам̣. ни. 5.1081) гат̇зси. д̣̇зсанаабарияосаанз гон̣д̣ан̃н̃ад̇т̇зро адтаарасахи б̣рахмагодийхи сад̣̇д̇хим̣ сод̇аабад̇д̇ипалз бад̇идтааси. ат̇а бан̃жамияам̣ багкасса анад̇д̇алагкан̣асуд̇д̇анд̇ад̣̇зсанааяа (махаава. 20 аад̣̇аяо; сам̣. ни. 3.59) арахад̇д̇ам̣ сажчаагааси.
Bodhisattopi kho mahatā parivārena vaḍḍhamāno anukkamena vuddhippatto ñāṇaparipākaṃ gantvā ekūnatiṃsatime vasse mahābhinikkhamanaṃ nikkhamanto anomānadītīre pabbajitvā anukkamena uruvelaṃ gantvā padhānaṃ padahi. Tadā koṇḍañño māṇavo mahāsattassa pabbajitabhāvaṃ sutvā lakkhaṇapariggāhakabrāhmaṇānaṃ puttehi vappamāṇavādīhi saddhiṃ attapañcamo pabbajitvā anukkamena bodhisattassa santikaṃ upasaṅkamitvā chabbassāni taṃ upaṭṭhahanto tassa oḷārikāhāraparibhogena nibbinno apakkamitvā isipatanaṃ agamāsi. Atha kho bodhisatto oḷārikāhāraparibhogena laddhakāyabalo vesākhapuṇṇamāyaṃ bodhirukkhamūle aparājitapallaṅke nisinno tiṇṇaṃ mārānaṃ matthakaṃ madditvā abhisambuddho hutvā sattasattāhaṃ bodhimaṇḍeyeva vītināmetvā pañcavaggiyānaṃ ñāṇaparipākaṃ ñatvā āsāḷhīpuṇṇamāyaṃ isipatanaṃ gantvā tesaṃ dhammacakkapavattanasuttantaṃ (mahāva. 13 ādayo; saṃ. ni. 5.1081) kathesi. Desanāpariyosāne koṇḍaññatthero aṭṭhārasahi brahmakoṭīhi saddhiṃ sotāpattiphale patiṭṭhāsi. Atha pañcamiyaṃ pakkhassa anattalakkhaṇasuttantadesanāya (mahāva. 20 ādayo; saṃ. ni. 3.59) arahattaṃ sacchākāsi.
596. звам̣ со арахад̇д̇ам̣ бад̇ваа ‘‘гим̣ гаммам̣ гад̇ваа ахам̣ логуд̇д̇арасукам̣ ад̇хиг̇ад̇омхий’’д̇и убад̇хаарзнд̇о ад̇д̇ано буб̣б̣агаммам̣ бажжагкад̇о н̃ад̇ваа соманассавасзна буб̣б̣ажарид̇аабад̣̇аанам̣ уд̣̇аанавасзна д̣̇ассзнд̇о бад̣̇умуд̇д̇арасамб̣уд̣̇д̇ханд̇иаад̣̇имааха. д̇ассад̇т̇о хздтаа вуд̇д̇оязва. логаж̇здтам̣ винааяаганд̇и сагаласса сад̇д̇алогасса ж̇здтам̣ бад̇хаананд̇и ад̇т̇о. висзсзна взнзяяасад̇д̇з сам̣саарасааг̇арасса барад̇ийрам̣ амад̇амахааниб̣б̣аанам̣ нзд̇и самбаабзд̇ийд̇и винааяаго, д̇ам̣ винааяагам̣. б̣уд̣̇д̇хабхуумимануббад̇д̇анд̇и б̣уд̣̇д̇хасса бхууми бад̇идтаанадтаананд̇и б̣уд̣̇д̇хабхууми, саб̣б̣ан̃н̃уд̇ан̃н̃аан̣ам̣, д̇ам̣ ануббад̇д̇о бадивид̣̇д̇ход̇и б̣уд̣̇д̇хабхуумимануббад̇д̇о, д̇ам̣ б̣уд̣̇д̇хабхуумимануббад̇д̇ам̣, саб̣б̣ан̃н̃уд̇аббад̇д̇ам̣ б̣уд̣̇д̇хабхууд̇анд̇и ад̇т̇о. батамам̣ ад̣̇д̣̇асам̣ аханд̇и батамам̣ взсаакабун̣н̣амияаа рад̇д̇ияаа бажжуусасамаяз б̣уд̣̇д̇хабхууд̇ам̣ бад̣̇умуд̇д̇арасамб̣уд̣̇д̇хам̣ ахам̣ ад̣̇д̣̇агкинд̇и ад̇т̇о.
596. Evaṃ so arahattaṃ patvā ‘‘kiṃ kammaṃ katvā ahaṃ lokuttarasukhaṃ adhigatomhī’’ti upadhārento attano pubbakammaṃ paccakkhato ñatvā somanassavasena pubbacaritāpadānaṃ udānavasena dassento padumuttarasambuddhantiādimāha. Tassattho heṭṭhā vuttoyeva. Lokajeṭṭhaṃ vināyakanti sakalassa sattalokassa jeṭṭhaṃ padhānanti attho. Visesena veneyyasatte saṃsārasāgarassa paratīraṃ amatamahānibbānaṃ neti sampāpetīti vināyako, taṃ vināyakaṃ. Buddhabhūmimanuppattanti buddhassa bhūmi patiṭṭhānaṭṭhānanti buddhabhūmi, sabbaññutaññāṇaṃ, taṃ anuppatto paṭividdhoti buddhabhūmimanuppatto, taṃ buddhabhūmimanuppattaṃ, sabbaññutappattaṃ buddhabhūtanti attho. Paṭhamaṃ addasaṃ ahanti paṭhamaṃ vesākhapuṇṇamiyā rattiyā paccūsasamaye buddhabhūtaṃ padumuttarasambuddhaṃ ahaṃ addakkhinti attho.
597. яаавад̇аа б̣од̇хияаа муулзд̇и яад̇д̇агаа б̣од̇хиругкасамийбз яагкаа самааг̇ад̇аа раасибхууд̇аа самб̣уд̣̇д̇хам̣ б̣уд̣̇д̇хабхууд̇ам̣ д̇ам̣ б̣уд̣̇д̇хам̣ бан̃ж̇алийгад̇аа д̣̇асан̇г̇улисамод̇хаанам̣ ан̃ж̇алибудам̣ сираси табзд̇ваа ванд̣̇анд̇и намассанд̇ийд̇и самб̣анд̇хо.
597.Yāvatā bodhiyā mūleti yattakā bodhirukkhasamīpe yakkhā samāgatā rāsibhūtā sambuddhaṃ buddhabhūtaṃ taṃ buddhaṃ pañjalīkatā dasaṅgulisamodhānaṃ añjalipuṭaṃ sirasi ṭhapetvā vandanti namassantīti sambandho.
598. саб̣б̣з д̣̇зваа д̇удтаманаад̇и б̣уд̣̇д̇хабхууд̇адтаанам̣ ааг̇ад̇аа д̇з саб̣б̣з д̣̇зваа д̇удтажид̇д̇аа аагаасз сан̃жаранд̇ийд̇и самб̣анд̇хо. анд̇хагаарад̇амонуд̣̇од̇и ад̇ивияа анд̇хагаарам̣ мохам̣ нуд̣̇о кзбано аяам̣ б̣уд̣̇д̇хо ануббад̇д̇од̇и ад̇т̇о.
598.Sabbe devā tuṭṭhamanāti buddhabhūtaṭṭhānaṃ āgatā te sabbe devā tuṭṭhacittā ākāse sañcarantīti sambandho. Andhakāratamonudoti ativiya andhakāraṃ mohaṃ nudo khepano ayaṃ buddho anuppattoti attho.
599. д̇зсам̣ хаасабарзд̇аананд̇и хаасзхи бийд̇исоманассзхи саманнааг̇ад̇аанам̣ д̇зсам̣ д̣̇зваанам̣ махаанаад̣̇о махаагхосо авад̇д̇ат̇а бавад̇д̇ад̇и, саммаасамб̣уд̣̇д̇хасаасанз гилзсз сам̣гилзсз д̇хаммз жхаабаяиссаамаад̇и самб̣анд̇хо.
599.Tesaṃ hāsaparetānanti hāsehi pītisomanassehi samannāgatānaṃ tesaṃ devānaṃ mahānādo mahāghoso avattatha pavattati, sammāsambuddhasāsane kilese saṃkilese dhamme jhāpayissāmāti sambandho.
600. д̣̇зваанам̣ г̇ираман̃н̃ааяаад̇и ваажааяа т̇уд̇иважанзна саха уд̣̇ийрид̇ам̣ д̣̇зваанам̣ сад̣̇д̣̇ам̣ ж̇аанид̇ваа хадто хадтзна жид̇д̇зна соманассасахаг̇ад̇зна жид̇д̇зна аад̣̇ибхигкам̣ батамам̣ аахаарам̣ б̣уд̣̇д̇хабхууд̇асса ахам̣ ад̣̇аасинд̇и самб̣анд̇хо.
600.Devānaṃ giramaññāyāti vācāya thutivacanena saha udīritaṃ devānaṃ saddaṃ jānitvā haṭṭho haṭṭhena cittena somanassasahagatena cittena ādibhikkhaṃ paṭhamaṃ āhāraṃ buddhabhūtassa ahaṃ adāsinti sambandho.
602. сад̇д̇аахам̣ абхинигкаммаад̇и махаабхинигкаманам̣ нигкамид̇ваа сад̇д̇аахам̣ бад̇хаанам̣ гад̇ваа саб̣б̣ан̃н̃уд̇ан̃н̃аан̣абад̣̇адтаанам̣ арахад̇д̇амаг̇г̇ан̃аан̣асан̇каад̇ам̣ б̣од̇хим̣ аж̇жхаг̇амам̣ ад̇хиг̇ан̃чим̣ аханд̇и ад̇т̇о. ид̣̇ам̣ мз батамам̣ бхад̇д̇анд̇и ид̣̇ам̣ бхад̇д̇ам̣ сарийраяаабанам̣ б̣рахмажаарисса уд̇д̇амажаарисса мз маяхам̣ иминаа д̣̇звабуд̇д̇зна батамам̣ д̣̇иннам̣ ахосийд̇и ад̇т̇о.
602.Sattāhaṃabhinikkhammāti mahābhinikkhamanaṃ nikkhamitvā sattāhaṃ padhānaṃ katvā sabbaññutaññāṇapadaṭṭhānaṃ arahattamaggañāṇasaṅkhātaṃ bodhiṃ ajjhagamaṃ adhigañchiṃ ahanti attho. Idaṃ me paṭhamaṃ bhattanti idaṃ bhattaṃ sarīrayāpanaṃ brahmacārissa uttamacārissa me mayhaṃ iminā devaputtena paṭhamaṃ dinnaṃ ahosīti attho.
603. д̇усид̇аа хи ид̇хааг̇анд̇ваад̇и д̇усид̇абхаванад̇о ид̇ха мануссалогз ааг̇анд̇ваа яо д̣̇звабуд̇д̇о мз мама бхигкам̣ убаанаяи ад̣̇ааси, д̇ам̣ д̣̇звабуд̇д̇ам̣ гид̇д̇аяиссаами гат̇зссаами баагадам̣ гариссаами. бхаасад̇о бхаасанд̇асса мама важанам̣ сун̣аат̇аад̇и самб̣анд̇хо. ид̇о барам̣ ануд̇д̇аанабад̣̇амзва ван̣н̣аяиссаама.
603.Tusitā hi idhāgantvāti tusitabhavanato idha manussaloke āgantvā yo devaputto me mama bhikkhaṃ upānayi adāsi, taṃ devaputtaṃ kittayissāmi kathessāmi pākaṭaṃ karissāmi. Bhāsato bhāsantassa mama vacanaṃ suṇāthāti sambandho. Ito paraṃ anuttānapadameva vaṇṇayissāma.
607. д̇ид̣̇асаад̇и д̇аавад̇им̣сабхаванаа. аг̇аараад̇и ад̇д̇ано уббаннаб̣раахман̣аг̇зхад̇о нигкамид̇ваа баб̣б̣аж̇ид̇ваа ча сам̣важчараани д̣̇уггарагааригам̣ гаронд̇зна б̣од̇хисад̇д̇зна саха васиссад̇ийд̇и самб̣анд̇хо.
607.Tidasāti tāvatiṃsabhavanā. Agārāti attano uppannabrāhmaṇagehato nikkhamitvā pabbajitvā cha saṃvaccharāni dukkarakārikaṃ karontena bodhisattena saha vasissatīti sambandho.
608. д̇ад̇о сад̇д̇амагз вассзд̇и д̇ад̇о баб̣б̣аж̇ид̇агаалад̇о бадтааяа сад̇д̇амз сам̣важчарз. б̣уд̣̇д̇хо сажжам̣ гат̇зссад̇ийд̇и чаб̣б̣ассаани д̣̇уггарагааригам̣ гад̇ваа сад̇д̇амасам̣важчарз б̣уд̣̇д̇хо худ̇ваа б̣аараан̣асияам̣ исибад̇анз миг̇ад̣̇ааяз д̇хаммажаггабавад̇д̇анасуд̇д̇анд̇ад̣̇зсанааяа д̣̇угкасамуд̣̇аяанирод̇хамаг̇г̇асажжасан̇каад̇ам̣ жад̇усажжам̣ гат̇зссад̇ийд̇и ад̇т̇о. гон̣д̣ан̃н̃о наама наамзнаад̇и наамзна г̇од̇д̇анаамавасзна гон̣д̣ан̃н̃о наама. батамам̣ сажчигаахид̇ийд̇и бан̃жаваг̇г̇ияаанаманд̇арз батамам̣ аад̣̇ид̇о зва сод̇аабад̇д̇имаг̇г̇ан̃аан̣ам̣ сажчигаахид̇и бажжагкам̣ гариссад̇ийд̇и ад̇т̇о.
608.Tato sattamake vasseti tato pabbajitakālato paṭṭhāya sattame saṃvacchare. Buddho saccaṃ kathessatīti chabbassāni dukkarakārikaṃ katvā sattamasaṃvacchare buddho hutvā bārāṇasiyaṃ isipatane migadāye dhammacakkapavattanasuttantadesanāya dukkhasamudayanirodhamaggasaccasaṅkhātaṃ catusaccaṃ kathessatīti attho. Koṇḍañño nāma nāmenāti nāmena gottanāmavasena koṇḍañño nāma. Paṭhamaṃ sacchikāhitīti pañcavaggiyānamantare paṭhamaṃ ādito eva sotāpattimaggañāṇaṃ sacchikāhiti paccakkhaṃ karissatīti attho.
609. нигканд̇знаанубаб̣б̣аж̇инд̇и нигканд̇зна б̣од̇хисад̇д̇зна саха нигкамид̇ваа анубаб̣б̣аж̇инд̇и ад̇т̇о. д̇ат̇аа анубаб̣б̣аж̇ид̇ваа маяаа бад̇хаанам̣ вийрияам̣ сугад̇ам̣ судту гад̇ам̣ д̣̇ал̣хам̣ гад̇ваа гад̇анд̇и ад̇т̇о. гилзсз жхаабанад̇т̇ааяаад̇и гилзсз сосанад̇т̇ааяа вид̣̇д̇хам̣санад̇т̇ааяа анаг̇аарияам̣ аг̇аарасса ахид̇ам̣ гасиван̣иж̇ж̇аад̣̇игаммавирахид̇ам̣ саасанам̣ баб̣б̣аж̇им̣ бадибаж̇ж̇инд̇и ад̇т̇о.
609.Nikkhantenānupabbajinti nikkhantena bodhisattena saha nikkhamitvā anupabbajinti attho. Tathā anupabbajitvā mayā padhānaṃ vīriyaṃ sukataṃ suṭṭhu kataṃ daḷhaṃ katvā katanti attho. Kilese jhāpanatthāyāti kilese sosanatthāya viddhaṃsanatthāya anagāriyaṃ agārassa ahitaṃ kasivaṇijjādikammavirahitaṃ sāsanaṃ pabbajiṃ paṭipajjinti attho.
610. абхиг̇анд̇ваана саб̣б̣ан̃н̃ууд̇и саб̣б̣ам̣ ад̇ийд̇аанааг̇ад̇абажжуббаннам̣ ваа сан̇кааравигааралагкан̣аниб̣б̣аанабан̃н̃ад̇д̇исан̇каад̇ам̣ н̃зяяам̣ ваа ж̇аананд̇о д̣̇звзхи саха вад̇д̇амаанз сад̇д̇а логз б̣уд̣̇д̇хо миг̇ааран̃н̃ам̣ миг̇ад̣̇ааяа вихаарам̣ абхиг̇анд̇ваа убасан̇гамид̇ваа мз маяаа сажчигад̇зна иминаа сод̇аабад̇д̇имаг̇г̇ан̃аан̣зна амад̇абхзрим̣ амад̇амахааниб̣б̣аанабхзрим̣ ахари бахари д̣̇ассзсийд̇и ад̇т̇о.
610.Abhigantvānasabbaññūti sabbaṃ atītānāgatapaccuppannaṃ vā saṅkhāravikāralakkhaṇanibbānapaññattisaṅkhātaṃ ñeyyaṃ vā jānanto devehi saha vattamāne satta loke buddho migāraññaṃ migadāya vihāraṃ abhigantvā upasaṅkamitvā me mayā sacchikatena iminā sotāpattimaggañāṇena amatabheriṃ amatamahānibbānabheriṃ ahari pahari dassesīti attho.
611. со д̣̇аанийд̇и со ахам̣ батамам̣ сод̇аабанно ид̣̇аани арахад̇д̇амаг̇г̇ан̃аан̣зна амад̇ам̣ санд̇ам̣ вуубасанд̇асабхаавам̣ бад̣̇ам̣ баж̇ж̇ид̇аб̣б̣ам̣ баабун̣ид̇аб̣б̣ам̣, ануд̇д̇арам̣ уд̇д̇аравирахид̇ам̣ ниб̣б̣аанам̣ бад̇д̇о ад̇хиг̇ад̇од̇и ад̇т̇о. саб̣б̣аасавз барин̃н̃ааяаад̇и гаамаасаваад̣̇аяо саб̣б̣з аасавз барин̃н̃ааяа бахаанабарин̃н̃ааяа баж̇ахид̇ваа анаасаво ниггилзсо вихараами ирияаабат̇авихаарзна ваасам̣ габбзми. бадисамбхид̣̇аа жад̇ассод̇яаад̣̇аяо г̇аат̇ааяо вуд̇д̇ад̇т̇ааязва.
611.So dānīti so ahaṃ paṭhamaṃ sotāpanno idāni arahattamaggañāṇena amataṃ santaṃ vūpasantasabhāvaṃ padaṃ pajjitabbaṃ pāpuṇitabbaṃ, anuttaraṃ uttaravirahitaṃ nibbānaṃ patto adhigatoti attho. Sabbāsave pariññāyāti kāmāsavādayo sabbe āsave pariññāya pahānapariññāya pajahitvā anāsavo nikkileso viharāmi iriyāpathavihārena vāsaṃ kappemi. Paṭisambhidā catassotyādayo gāthāyo vuttatthāyeva.
ат̇а нам̣ сад̇т̇аа абарабхааг̇з ж̇зд̇аванамахаавихаарз бхигкусан̇гхамаж̇жхз бан̃н̃ад̇д̇авараб̣уд̣̇д̇хаасанз нисинно батамам̣ бадивид̣̇д̇хад̇хаммабхаавам̣ д̣̇ийбзнд̇о ‘‘зд̇ад̣̇аг̇г̇ам̣, бхигкавз, мама саавагаанам̣ бхигкуунам̣ рад̇д̇ан̃н̃уунам̣ яад̣̇ид̣̇ам̣ ан̃н̃аасигон̣д̣ан̃н̃о’’д̇и (а. ни. 1.188) зд̇ад̣̇аг̇г̇з табзси. со д̣̇вийхи аг̇г̇асаавагзхи ад̇д̇ани гарияамаанам̣ бараманибажжагаарам̣, г̇ааманд̇асзнаасанз аагин̣н̣авихааран̃жа барихарид̇угаамо, вивзгаабхирад̇ияаа вихарид̇угаамо жа ад̇д̇ано санд̇игам̣ убаг̇ад̇аанам̣ г̇ахадтабаб̣б̣аж̇ид̇аанам̣ бадисант̇аарагаран̣амби бабан̃жам̣ ман̃н̃амаано сад̇т̇аарам̣ аабужчид̇ваа химаванд̇ам̣ бависид̇ваа чад̣̇д̣̇анд̇зхи нааг̇зхи убадтияамаано чад̣̇д̣̇анд̇ад̣̇ахад̇ийрз д̣̇ваад̣̇аса вассаани васи. звам̣ д̇ад̇т̇а васанд̇ам̣ т̇зрам̣ згад̣̇ивасам̣ сагго д̣̇зварааж̇аа убасан̇гамид̇ваа ванд̣̇ид̇ваа тид̇о звамааха ‘‘саад̇ху мз, бханд̇з, аяяо д̇хаммам̣ д̣̇зсзд̇уу’’д̇и. т̇зро д̇асса жад̇усажжаг̇аб̣бхам̣ д̇илагкан̣аахад̇ам̣ сун̃н̃ад̇аабадисам̣яуд̇д̇ам̣ наанаанаяавижид̇д̇ам̣ амад̇ог̇ад̇хам̣ б̣уд̣̇д̇халийлааяа д̇хаммам̣ д̣̇зсзси. д̇ам̣ суд̇ваа сагго ад̇д̇ано басаад̣̇ам̣ бавзд̣̇знд̇о –
Atha naṃ satthā aparabhāge jetavanamahāvihāre bhikkhusaṅghamajjhe paññattavarabuddhāsane nisinno paṭhamaṃ paṭividdhadhammabhāvaṃ dīpento ‘‘etadaggaṃ, bhikkhave, mama sāvakānaṃ bhikkhūnaṃ rattaññūnaṃ yadidaṃ aññāsikoṇḍañño’’ti (a. ni. 1.188) etadagge ṭhapesi. So dvīhi aggasāvakehi attani kariyamānaṃ paramanipaccakāraṃ, gāmantasenāsane ākiṇṇavihārañca pariharitukāmo, vivekābhiratiyā viharitukāmo ca attano santikaṃ upagatānaṃ gahaṭṭhapabbajitānaṃ paṭisanthārakaraṇampi papañcaṃ maññamāno satthāraṃ āpucchitvā himavantaṃ pavisitvā chaddantehi nāgehi upaṭṭhiyamāno chaddantadahatīre dvādasa vassāni vasi. Evaṃ tattha vasantaṃ theraṃ ekadivasaṃ sakko devarājā upasaṅkamitvā vanditvā ṭhito evamāha ‘‘sādhu me, bhante, ayyo dhammaṃ desetū’’ti. Thero tassa catusaccagabbhaṃ tilakkhaṇāhataṃ suññatāpaṭisaṃyuttaṃ nānānayavicittaṃ amatogadhaṃ buddhalīlāya dhammaṃ desesi. Taṃ sutvā sakko attano pasādaṃ pavedento –
‘‘зса бхияяо басийд̣̇аами, суд̇ваа д̇хаммам̣ махаарасам̣;
‘‘Esa bhiyyo pasīdāmi, sutvā dhammaṃ mahārasaṃ;
вирааг̇о д̣̇зсид̇о д̇хаммо, анубаад̣̇ааяа саб̣б̣асо’’д̇и. (т̇зраг̇аа. 673) –
Virāgo desito dhammo, anupādāya sabbaso’’ti. (theragā. 673) –
т̇уд̇им̣ агааси. т̇зро чад̣̇д̣̇анд̇ад̣̇ахад̇ийрз д̣̇ваад̣̇аса вассаани васид̇ваа убагадтз бариниб̣б̣аанз сад̇т̇аарам̣ убасан̇гамид̇ваа бариниб̣б̣аанам̣ ануж̇аанаабзд̇ваа д̇ад̇т̇зва г̇анд̇ваа бариниб̣б̣ааяийд̇и.
Thutiṃ akāsi. Thero chaddantadahatīre dvādasa vassāni vasitvā upakaṭṭhe parinibbāne satthāraṃ upasaṅkamitvā parinibbānaṃ anujānāpetvā tattheva gantvā parinibbāyīti.
ан̃н̃аасигон̣д̣ан̃н̃ад̇т̇зраабад̣̇аанаван̣н̣анаа самад̇д̇аа.
Aññāsikoṇḍaññattheraapadānavaṇṇanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / абад̣̇аанабаал̣и • Apadānapāḷi / 3-7. ан̃н̃аасигон̣д̣ан̃н̃ад̇т̇зраабад̣̇аанам̣ • 3-7. Aññāsikoṇḍaññattheraapadānaṃ
