| Library / Tipiṭaka / д̇ибидага • Tipiṭaka / т̇зраг̇аат̇аа-адтагат̇аа • Theragāthā-aṭṭhakathā |
15. сол̣асаганибаад̇о
15. Soḷasakanipāto
1. ан̃н̃аасигон̣д̣ан̃н̃ад̇т̇зраг̇аат̇ааван̣н̣анаа
1. Aññāsikoṇḍaññattheragāthāvaṇṇanā
сол̣асаганибаад̇з зса бхияяод̇иаад̣̇игаа ааяасмад̇о ан̃н̃аасигон̣д̣ан̃н̃ад̇т̇зрасса г̇аат̇аа. гаа уббад̇д̇и? аяамби бад̣̇умуд̇д̇арасса бхаг̇авад̇о гаалз хам̣савад̇ийнаг̇арз г̇ахабад̇имахаасаалагулз ниб̣б̣ад̇д̇ид̇ваа вин̃н̃уд̇ам̣ бад̇ваа згад̣̇ивасам̣ сад̇т̇у санд̇игз д̇хаммам̣ сун̣анд̇о сад̇т̇аарам̣ згам̣ бхигкум̣ ад̇д̇ано саасанз батамам̣ бадивид̣̇д̇хад̇хаммарад̇д̇ан̃н̃уунам̣ аг̇г̇адтаанз табзнд̇ам̣ д̣̇исваа саяамби д̇ам̣ таананд̇арам̣ бад̇т̇знд̇о сад̇асахассабхигкубариваарасса сад̇т̇уно сад̇д̇аахам̣ махаад̣̇аанам̣ бавад̇д̇зд̇ваа бан̣ид̇хаанам̣ агааси. сад̇т̇аабисса ананд̇арааяад̇ам̣ д̣̇исваа бхаавиним̣ самбад̇д̇им̣ б̣яаагааси. со яааваж̇ийвам̣ бун̃н̃аани гад̇ваа сад̇т̇ари бариниб̣б̣уд̇з жзд̇ияз бад̇идтаабияамаанз анд̇ожзд̇ияз рад̇анагхарам̣ гаарзси, жзд̇ияам̣ бариваарзд̇ваа сахассарад̇анаг̇гхияаани жа гаарзси.
Soḷasakanipāte esa bhiyyotiādikā āyasmato aññāsikoṇḍaññattherassa gāthā. Kā uppatti? Ayampi padumuttarassa bhagavato kāle haṃsavatīnagare gahapatimahāsālakule nibbattitvā viññutaṃ patvā ekadivasaṃ satthu santike dhammaṃ suṇanto satthāraṃ ekaṃ bhikkhuṃ attano sāsane paṭhamaṃ paṭividdhadhammarattaññūnaṃ aggaṭṭhāne ṭhapentaṃ disvā sayampi taṃ ṭhānantaraṃ patthento satasahassabhikkhuparivārassa satthuno sattāhaṃ mahādānaṃ pavattetvā paṇidhānaṃ akāsi. Satthāpissa anantarāyataṃ disvā bhāviniṃ sampattiṃ byākāsi. So yāvajīvaṃ puññāni katvā satthari parinibbute cetiye patiṭṭhāpiyamāne antocetiye ratanagharaṃ kāresi, cetiyaṃ parivāretvā sahassaratanagghiyāni ca kāresi.
со звам̣ бун̃н̃аани гад̇ваа, д̇ад̇о жавид̇ваа, д̣̇звамануссзсу сам̣саранд̇о вибассисса бхаг̇авад̇о гаалз махаагаало наама гудумб̣иго худ̇ваа адтагарийсамад̇д̇з кзд̇д̇з саалиг̇аб̣бхам̣ паалзд̇ваа, г̇ахид̇асаалид̇ан̣д̣улзхи асамбхиннакийрабааяаасам̣ самбаад̣̇зд̇ваа, д̇ад̇т̇а мад̇хусаббисаггараад̣̇аяо багкибид̇ваа, б̣уд̣̇д̇хаббамукасса сан̇гхасса ад̣̇ааси. саалиг̇аб̣бхам̣ паалзд̇ваа г̇ахид̇аг̇ахид̇адтаанам̣ буна буурад̇и, бут̇угагаалз бут̇угаг̇г̇ам̣ наама ад̣̇ааси. лааяанз лааяанаг̇г̇ам̣, взн̣игаран̣з взн̣аг̇г̇ам̣, галаабаад̣̇игаран̣з галаабаг̇г̇ам̣, калаг̇г̇ам̣, бхан̣д̣аг̇г̇ам̣, минаг̇г̇ам̣, годтаг̇г̇анд̇и; звам̣ згасассз нава ваарз аг̇г̇ад̣̇аанам̣ наама ад̣̇ааси. д̇амби сассам̣ ад̇ирзгад̇арам̣ самбаннам̣ ахоси.
So evaṃ puññāni katvā, tato cavitvā, devamanussesu saṃsaranto vipassissa bhagavato kāle mahākālo nāma kuṭumbiko hutvā aṭṭhakarīsamatte khette sāligabbhaṃ phāletvā, gahitasālitaṇḍulehi asambhinnakhīrapāyāsaṃ sampādetvā, tattha madhusappisakkarādayo pakkhipitvā, buddhappamukhassa saṅghassa adāsi. Sāligabbhaṃ phāletvā gahitagahitaṭṭhānaṃ puna pūrati, puthukakāle puthukaggaṃ nāma adāsi. Lāyane lāyanaggaṃ, veṇikaraṇe veṇaggaṃ, kalāpādikaraṇe kalāpaggaṃ, khalaggaṃ, bhaṇḍaggaṃ, minaggaṃ, koṭṭhagganti; evaṃ ekasasse nava vāre aggadānaṃ nāma adāsi. Tampi sassaṃ atirekataraṃ sampannaṃ ahosi.
звам̣ яааваж̇ийвам̣ бун̃н̃аани гад̇ваа, д̇ад̇о жуд̇о д̣̇звалогз ниб̣б̣ад̇д̇ид̇ваа д̣̇звзсу жа мануссзсу жа сам̣саранд̇о, амхаагам̣ бхаг̇авад̇о уббад̇д̇ид̇о бурзд̇арамзва габилавад̇т̇унаг̇арасса авид̣̇уурз д̣̇он̣авад̇т̇унаамагз б̣раахман̣аг̇аамз б̣раахман̣амахаасаалагулз ниб̣б̣ад̇д̇и. д̇асса гон̣д̣ан̃н̃од̇и г̇од̇д̇ад̇о ааг̇ад̇ам̣ наамам̣ ахоси. со ваяаббад̇д̇о д̇аяо взд̣̇з уг̇г̇ахзд̇ваа лагкан̣аманд̇зсу жа баарам̣ аг̇амааси. д̇зна самаязна амхаагам̣ б̣од̇хисад̇д̇о д̇усид̇абурад̇о жавид̇ваа габилавад̇т̇убурз суд̣̇д̇ход̣̇анамахаарааж̇асса г̇зхз ниб̣б̣ад̇д̇и. д̇асса наамаг̇г̇ахан̣ад̣̇ивасз адтуд̇д̇арасад̇зсу б̣раахман̣зсу убанийд̇зсу яз адта б̣раахман̣аа лагкан̣абариг̇г̇ахан̣ад̇т̇ам̣ махаад̇алам̣ убанийд̇аа. со д̇зсу саб̣б̣анаваго худ̇ваа, махаабурисасса лагкан̣анибпад̇д̇им̣ д̣̇исваа, ‘‘згам̣сзна аяам̣ б̣уд̣̇д̇хо бхависсад̇ий’’д̇и нидтам̣ г̇анд̇ваа махаасад̇д̇асса абхинигкаманам̣ уд̣̇игканд̇о вижарад̇и.
Evaṃ yāvajīvaṃ puññāni katvā, tato cuto devaloke nibbattitvā devesu ca manussesu ca saṃsaranto, amhākaṃ bhagavato uppattito puretarameva kapilavatthunagarassa avidūre doṇavatthunāmake brāhmaṇagāme brāhmaṇamahāsālakule nibbatti. Tassa koṇḍaññoti gottato āgataṃ nāmaṃ ahosi. So vayappatto tayo vede uggahetvā lakkhaṇamantesu ca pāraṃ agamāsi. Tena samayena amhākaṃ bodhisatto tusitapurato cavitvā kapilavatthupure suddhodanamahārājassa gehe nibbatti. Tassa nāmaggahaṇadivase aṭṭhuttarasatesu brāhmaṇesu upanītesu ye aṭṭha brāhmaṇā lakkhaṇapariggahaṇatthaṃ mahātalaṃ upanītā. So tesu sabbanavako hutvā, mahāpurisassa lakkhaṇanipphattiṃ disvā, ‘‘ekaṃsena ayaṃ buddho bhavissatī’’ti niṭṭhaṃ gantvā mahāsattassa abhinikkhamanaṃ udikkhanto vicarati.
б̣од̇хисад̇д̇оби ко махад̇аа бариваарзна вад̣дхамаано ануггамзна вуд̣̇д̇хиббад̇д̇о н̃аан̣абарибаагам̣ г̇анд̇ваа згуунад̇им̣сад̇имз вассз махаабхинигкаманам̣ нигкаманд̇о аномаанад̣̇ийд̇ийрз баб̣б̣аж̇ид̇ваа ануггамзна урувзлам̣ г̇анд̇ваа бад̇хаанам̣ бад̣̇ахи. д̇ад̣̇аа гон̣д̣ан̃н̃о маан̣аво махаасад̇д̇асса баб̣б̣аж̇ид̇абхаавам̣ суд̇ваа, лагкан̣абариг̇г̇аахагаб̣раахман̣аанам̣ буд̇д̇зхи ваббамаан̣аваад̣̇ийхи сад̣̇д̇хим̣ ад̇д̇абан̃жамо баб̣б̣аж̇ид̇ваа, ануггамзна б̣од̇хисад̇д̇асса санд̇игам̣ убасан̇гамид̇ваа, чаб̣б̣ассаани д̇ам̣ убадтаханд̇о д̇асса ол̣ааригаахаарабарибхог̇зна ниб̣б̣инно абаггамид̇ваа исибад̇анам̣ аг̇амааси. ат̇а ко б̣од̇хисад̇д̇о ол̣ааригаахаарабарибхог̇зна лад̣̇д̇хагааяаб̣ало взсаакабун̣н̣амааяам̣ б̣од̇хиругкамуулз абарааж̇ид̇абаллан̇гз нисинно д̇ин̣н̣ам̣ маараанам̣ мад̇т̇агам̣ мад̣̇д̣̇ид̇ваа, абхисамб̣уд̣̇д̇хо худ̇ваа, сад̇д̇асад̇д̇аахам̣ б̣од̇химан̣д̣зязва вийд̇инаамзд̇ваа, бан̃жаваг̇г̇ияаанам̣ н̃аан̣абарибаагам̣ н̃ад̇ваа, аасаал̣хийбун̣н̣амааяам̣ исибад̇анам̣ г̇анд̇ваа, д̇зсам̣ д̇хаммажаггабавад̇д̇анасуд̇д̇анд̇ам̣ (махаава. 13 аад̣̇аяо; сам̣. ни. 5.1081) д̣̇зсзси. д̣̇зсанаабарияосаанз гон̣д̣ан̃н̃ад̇т̇зро адтаарасахи б̣рахмагодийхи сад̣̇д̇хим̣ сод̇аабад̇д̇ипалз бад̇идтааси. ат̇а бан̃жамияам̣ багкасса анад̇д̇алагкан̣асуд̇д̇анд̇ад̣̇зсанааяа (махаава. 20; сам̣. ни. 3.59) арахад̇д̇ам̣ сажчаагааси. д̇зна вуд̇д̇ам̣ абад̣̇аанз (аба. т̇зра 1.1.596-612) –
Bodhisattopi kho mahatā parivārena vaḍḍhamāno anukkamena vuddhippatto ñāṇaparipākaṃ gantvā ekūnatiṃsatime vasse mahābhinikkhamanaṃ nikkhamanto anomānadītīre pabbajitvā anukkamena uruvelaṃ gantvā padhānaṃ padahi. Tadā koṇḍañño māṇavo mahāsattassa pabbajitabhāvaṃ sutvā, lakkhaṇapariggāhakabrāhmaṇānaṃ puttehi vappamāṇavādīhi saddhiṃ attapañcamo pabbajitvā, anukkamena bodhisattassa santikaṃ upasaṅkamitvā, chabbassāni taṃ upaṭṭhahanto tassa oḷārikāhāraparibhogena nibbinno apakkamitvā isipatanaṃ agamāsi. Atha kho bodhisatto oḷārikāhāraparibhogena laddhakāyabalo vesākhapuṇṇamāyaṃ bodhirukkhamūle aparājitapallaṅke nisinno tiṇṇaṃ mārānaṃ matthakaṃ madditvā, abhisambuddho hutvā, sattasattāhaṃ bodhimaṇḍeyeva vītināmetvā, pañcavaggiyānaṃ ñāṇaparipākaṃ ñatvā, āsāḷhīpuṇṇamāyaṃ isipatanaṃ gantvā, tesaṃ dhammacakkapavattanasuttantaṃ (mahāva. 13 ādayo; saṃ. ni. 5.1081) desesi. Desanāpariyosāne koṇḍaññatthero aṭṭhārasahi brahmakoṭīhi saddhiṃ sotāpattiphale patiṭṭhāsi. Atha pañcamiyaṃ pakkhassa anattalakkhaṇasuttantadesanāya (mahāva. 20; saṃ. ni. 3.59) arahattaṃ sacchākāsi. Tena vuttaṃ apadāne (apa. thera 1.1.596-612) –
‘‘бад̣̇умуд̇д̇арасамб̣уд̣̇д̇хам̣, логаж̇здтам̣ винааяагам̣;
‘‘Padumuttarasambuddhaṃ, lokajeṭṭhaṃ vināyakaṃ;
б̣уд̣̇д̇хабхуумимануббад̇д̇ам̣, батамам̣ ад̣̇д̣̇асам̣ ахам̣.
Buddhabhūmimanuppattaṃ, paṭhamaṃ addasaṃ ahaṃ.
‘‘яаавад̇аа б̣од̇хияаа муулз, яагкаа саб̣б̣з самааг̇ад̇аа;
‘‘Yāvatā bodhiyā mūle, yakkhā sabbe samāgatā;
самб̣уд̣̇д̇хам̣ бариваарзд̇ваа, ванд̣̇анд̇и бан̃ж̇алийгад̇аа.
Sambuddhaṃ parivāretvā, vandanti pañjalīkatā.
‘‘саб̣б̣з д̣̇зваа д̇удтаманаа, аагаасз сан̃жаранд̇и д̇з;
‘‘Sabbe devā tuṭṭhamanā, ākāse sañcaranti te;
б̣уд̣̇д̇хо аяам̣ ануббад̇д̇о, анд̇хагаарад̇амонуд̣̇о.
Buddho ayaṃ anuppatto, andhakāratamonudo.
‘‘д̇зсам̣ хаасабарзд̇аанам̣, махаанаад̣̇о авад̇д̇ат̇а;
‘‘Tesaṃ hāsaparetānaṃ, mahānādo avattatha;
гилзсз жхаабаяиссаама, саммаасамб̣уд̣̇д̇хасаасанз.
Kilese jhāpayissāma, sammāsambuddhasāsane.
‘‘д̣̇зваанам̣ г̇ираман̃н̃ааяа, ваажаасабхимуд̣̇ийрихам̣;
‘‘Devānaṃ giramaññāya, vācāsabhimudīrihaṃ;
хадто хадтзна жид̇д̇зна, аад̣̇ибхигкамад̣̇аасахам̣.
Haṭṭho haṭṭhena cittena, ādibhikkhamadāsahaṃ.
‘‘мама сан̇габбаман̃н̃ааяа, сад̇т̇аа логз ануд̇д̇аро;
‘‘Mama saṅkappamaññāya, satthā loke anuttaro;
д̣̇звасан̇гхз нисийд̣̇ид̇ваа, имаа г̇аат̇аа абхаасат̇а.
Devasaṅghe nisīditvā, imā gāthā abhāsatha.
‘‘сад̇д̇аахам̣ абхинигкамма, б̣од̇хим̣ аж̇жхаг̇амам̣ ахам̣;
‘‘Sattāhaṃ abhinikkhamma, bodhiṃ ajjhagamaṃ ahaṃ;
ид̣̇ам̣ мз батамам̣ бхад̇д̇ам̣, б̣рахмажаарисса яаабанам̣.
Idaṃ me paṭhamaṃ bhattaṃ, brahmacārissa yāpanaṃ.
‘‘д̇усид̇аа хи ид̇хааг̇анд̇ваа, яо мз бхигкам̣ убаанаяи;
‘‘Tusitā hi idhāgantvā, yo me bhikkhaṃ upānayi;
д̇амахам̣ гид̇д̇аяиссаами, сун̣от̇а мама бхаасад̇о.
Tamahaṃ kittayissāmi, suṇotha mama bhāsato.
‘‘д̇им̣сагаббасахассаани, д̣̇звараж̇ж̇ам̣ гариссад̇и;
‘‘Tiṃsakappasahassāni, devarajjaṃ karissati;
саб̣б̣з д̣̇звз абхибход̇ваа, д̇ид̣̇ивам̣ аавасиссад̇и.
Sabbe deve abhibhotvā, tidivaṃ āvasissati.
‘‘д̣̇звалогаа жавид̇ваана, мануссад̇д̇ам̣ г̇амиссад̇и;
‘‘Devalokā cavitvāna, manussattaṃ gamissati;
сахассад̇хаа жаггавад̇д̇ий, д̇ад̇т̇а раж̇ж̇ам̣ гариссад̇и.
Sahassadhā cakkavattī, tattha rajjaṃ karissati.
‘‘габбасад̇асахассамхи, оггаагагуласамбхаво;
‘‘Kappasatasahassamhi, okkākakulasambhavo;
г̇од̇амо наама г̇од̇д̇зна, сад̇т̇аа логз бхависсад̇и.
Gotamo nāma gottena, satthā loke bhavissati.
‘‘д̇ид̣̇асаа со жавид̇ваана, мануссад̇д̇ам̣ г̇амиссад̇и;
‘‘Tidasā so cavitvāna, manussattaṃ gamissati;
аг̇аараа баб̣б̣аж̇ид̇ваана, чаб̣б̣ассаани васиссад̇и.
Agārā pabbajitvāna, chabbassāni vasissati.
‘‘д̇ад̇о сад̇д̇амагз вассз, б̣уд̣̇д̇хо сажжам̣ гат̇зссад̇и;
‘‘Tato sattamake vasse, buddho saccaṃ kathessati;
гон̣д̣ан̃н̃о наама наамзна, батамам̣ сажчигаахид̇и.
Koṇḍañño nāma nāmena, paṭhamaṃ sacchikāhiti.
‘‘нигканд̇знаанубаб̣б̣аж̇им̣, бад̇хаанам̣ сугад̇ам̣ маяаа;
‘‘Nikkhantenānupabbajiṃ, padhānaṃ sukataṃ mayā;
гилзсз жхаабанад̇т̇ааяа, баб̣б̣аж̇им̣, анаг̇аарияам̣.
Kilese jhāpanatthāya, pabbajiṃ, anagāriyaṃ.
‘‘абхиг̇анд̇ваана саб̣б̣ан̃н̃уу, б̣уд̣̇д̇хо логз сад̣̇звагз;
‘‘Abhigantvāna sabbaññū, buddho loke sadevake;
исинаамз миг̇ааран̃н̃з, амад̇абхзримаахани.
Isināme migāraññe, amatabherimāhani.
‘‘со д̣̇аани бад̇д̇о амад̇ам̣, санд̇ибад̣̇амануд̇д̇арам̣;
‘‘So dāni patto amataṃ, santipadamanuttaraṃ;
саб̣б̣аасавз барин̃н̃ааяа, вихараами анаасаво.
Sabbāsave pariññāya, viharāmi anāsavo.
‘‘бадисамбхид̣̇аа жад̇ассо…бз… гад̇ам̣ б̣уд̣̇д̇хасса саасана’’нд̇и.
‘‘Paṭisambhidā catasso…pe… kataṃ buddhassa sāsana’’nti.
ат̇а нам̣ сад̇т̇аа абарабхааг̇з ж̇зд̇аванамахаавихаарз бхигкусан̇гхамаж̇жхз бан̃н̃ад̇д̇авараб̣уд̣̇д̇хаасанз нисинно батамам̣ бадивид̣̇д̇хад̇хаммабхаавам̣ д̣̇ийбзнд̇о, ‘‘зд̇ад̣̇аг̇г̇ам̣, бхигкавз, мама саавагаанам̣ бхигкуунам̣ рад̇д̇ан̃н̃уунам̣ яад̣̇ид̣̇ам̣ ан̃н̃аасигон̣д̣ан̃н̃о’’д̇и (а. ни. 1.188) зд̇ад̣̇аг̇г̇з табзси. со д̣̇вийхи аг̇г̇асаавагзхи ад̇д̇ани гарийяамаанам̣ бараманибажжагаарам̣ г̇ааманд̇асзнаасанз аагин̣н̣авихааран̃жа барихарид̇угаамо, вивзгаабхирад̇ияаа вихарид̇угаамо жа ад̇д̇ано санд̇игам̣ убаг̇ад̇аанам̣ г̇ахадтабаб̣б̣аж̇ид̇аанам̣ бадисант̇аарагаран̣амби бабан̃жам̣ ман̃н̃амаано сад̇т̇аарам̣ аабужчид̇ваа химаванд̇ам̣ бависид̇ваа чад̣̇д̣̇анд̇зхи нааг̇зхи убадтияамаано чад̣̇д̣̇анд̇ад̣̇ахад̇ийрз д̣̇ваад̣̇аса вассаани васи. звам̣ д̇ад̇т̇а васанд̇ам̣ т̇зрам̣ згад̣̇ивасам̣ сагго д̣̇зварааж̇аа убасан̇гамид̇ваа ванд̣̇ид̇ваа тид̇о звамааха – ‘‘саад̇ху мз, бханд̇з, аяяо д̇хаммам̣ д̣̇зсзд̇уу’’д̇и. т̇зро д̇асса жад̇усажжаг̇аб̣бхам̣ д̇илагкан̣аахад̇ам̣ сун̃н̃ад̇абадисам̣яуд̇д̇ам̣ наанаанаяавижид̇д̇ам̣ амад̇ог̇ад̇хам̣ б̣уд̣̇д̇халийлааяа д̇хаммам̣ д̣̇зсзси. д̇ам̣ суд̇ваа сагго ад̇д̇ано басаад̣̇ам̣ бавзд̣̇знд̇о –
Atha naṃ satthā aparabhāge jetavanamahāvihāre bhikkhusaṅghamajjhe paññattavarabuddhāsane nisinno paṭhamaṃ paṭividdhadhammabhāvaṃ dīpento, ‘‘etadaggaṃ, bhikkhave, mama sāvakānaṃ bhikkhūnaṃ rattaññūnaṃ yadidaṃ aññāsikoṇḍañño’’ti (a. ni. 1.188) etadagge ṭhapesi. So dvīhi aggasāvakehi attani karīyamānaṃ paramanipaccakāraṃ gāmantasenāsane ākiṇṇavihārañca pariharitukāmo, vivekābhiratiyā viharitukāmo ca attano santikaṃ upagatānaṃ gahaṭṭhapabbajitānaṃ paṭisanthārakaraṇampi papañcaṃ maññamāno satthāraṃ āpucchitvā himavantaṃ pavisitvā chaddantehi nāgehi upaṭṭhiyamāno chaddantadahatīre dvādasa vassāni vasi. Evaṃ tattha vasantaṃ theraṃ ekadivasaṃ sakko devarājā upasaṅkamitvā vanditvā ṭhito evamāha – ‘‘sādhu me, bhante, ayyo dhammaṃ desetū’’ti. Thero tassa catusaccagabbhaṃ tilakkhaṇāhataṃ suññatapaṭisaṃyuttaṃ nānānayavicittaṃ amatogadhaṃ buddhalīlāya dhammaṃ desesi. Taṃ sutvā sakko attano pasādaṃ pavedento –
673.
673.
‘‘зса бхияяо басийд̣̇аами, суд̇ваа д̇хаммам̣ махаарасам̣;
‘‘Esa bhiyyo pasīdāmi, sutvā dhammaṃ mahārasaṃ;
вирааг̇о д̣̇зсид̇о д̇хаммо, анубаад̣̇ааяа саб̣б̣асо’’д̇и. – батамам̣ г̇аат̇амааха;
Virāgo desito dhammo, anupādāya sabbaso’’ti. – paṭhamaṃ gāthamāha;
д̇ад̇т̇а зса бхияяо басийд̣̇аами, суд̇ваа д̇хаммам̣ махаарасанд̇и яад̣̇иби анзгаваарам̣ сад̇т̇у санд̇игз д̇хаммам̣ суд̇ваа д̇ад̇т̇а абхиббасанно. ид̣̇аани бана д̇умхзхи гат̇ид̇ам̣ наанаанаяавижид̇д̇ад̇ааяа асзжанагад̇ааяа жа махаарасам̣ д̇хаммам̣ суд̇ваа зсо ахам̣ д̇ад̇о бхияяо басийд̣̇аами. вирааг̇о д̣̇зсид̇о д̇хаммо, анубаад̣̇ааяа саб̣б̣асод̇и саб̣б̣асам̣гилзсад̇о саб̣б̣асан̇каарад̇о жа вираж̇ж̇анад̇о вирааг̇аж̇ананад̇о вирааг̇о. д̇ад̇о зва руубаад̣̇ийсу ган̃жи д̇хаммам̣ анубаад̣̇ааяа аг̇г̇ахзд̇ваа вимуд̇д̇исаад̇ханавасзна бавад̇д̇ад̇д̇аа саб̣б̣асо анубаад̣̇ааяа д̣̇зсид̇о.
Tattha esa bhiyyo pasīdāmi, sutvā dhammaṃ mahārasanti yadipi anekavāraṃ satthu santike dhammaṃ sutvā tattha abhippasanno. Idāni pana tumhehi kathitaṃ nānānayavicittatāya asecanakatāya ca mahārasaṃ dhammaṃ sutvā eso ahaṃ tato bhiyyo pasīdāmi. Virāgo desito dhammo, anupādāya sabbasoti sabbasaṃkilesato sabbasaṅkhārato ca virajjanato virāgajananato virāgo. Tato eva rūpādīsu kañci dhammaṃ anupādāya aggahetvā vimuttisādhanavasena pavattattā sabbaso anupādāya desito.
звам̣ сагго д̣̇зварааж̇аа т̇зрасса д̣̇зсанам̣ т̇омзд̇ваа т̇зрам̣ абхиваад̣̇зд̇ваа сагадтаанамзва г̇ад̇о. ат̇згад̣̇ивасам̣ т̇зро мижчаавид̇аггзхи абхибхуяяамаанаанам̣ згажжаанам̣ бут̇уж̇ж̇анаанам̣ жид̇д̇аажаарам̣ д̣̇исваа д̇аббадибагкабхууд̇ан̃жасса ануггамам̣ ануссарид̇ваа, ад̇д̇ано жа саб̣б̣асо д̇ад̇о винивад̇д̇ид̇амаанасад̇ам̣ ааваж̇ж̇зд̇ваа д̇ад̣̇ад̇т̇ам̣ д̣̇ийбзд̇ваа –
Evaṃ sakko devarājā therassa desanaṃ thometvā theraṃ abhivādetvā sakaṭṭhānameva gato. Athekadivasaṃ thero micchāvitakkehi abhibhuyyamānānaṃ ekaccānaṃ puthujjanānaṃ cittācāraṃ disvā tappaṭipakkhabhūtañcassa anukkamaṃ anussaritvā, attano ca sabbaso tato vinivattitamānasataṃ āvajjetvā tadatthaṃ dīpetvā –
674.
674.
‘‘б̣ахууни логз жид̇раани, асмим̣ бат̇авиман̣д̣алз;
‘‘Bahūni loke citrāni, asmiṃ pathavimaṇḍale;
мат̇знд̇и ман̃н̃з сан̇габбам̣, субхам̣ рааг̇уубасам̣хид̇ам̣.
Mathenti maññe saṅkappaṃ, subhaṃ rāgūpasaṃhitaṃ.
675.
675.
‘‘раж̇амухад̇ан̃жа ваад̇зна, яат̇аа мзгхобасаммаяз;
‘‘Rajamuhatañca vātena, yathā meghopasammaye;
звам̣ самманд̇и сан̇габбаа, яад̣̇аа бан̃н̃ааяа бассад̇ий’’д̇и. – д̣̇вз г̇аат̇аа абхааси;
Evaṃ sammanti saṅkappā, yadā paññāya passatī’’ti. – dve gāthā abhāsi;
д̇ад̇т̇а б̣ахууни логз жид̇раанийд̇и руубаад̣̇ивасзна д̇ад̇т̇ааби нийлабийд̇аад̣̇ивасзна ид̇т̇ибурисаад̣̇ивасзна жа анзгаани логз жид̇д̇авижид̇д̇аани аарамман̣аж̇аад̇аани. асмим̣ бат̇авиман̣д̣алзд̇и бажжагкабхууд̇ам̣ мануссалогам̣ санд̇хааяа вад̣̇ад̇и. мат̇знд̇и ман̃н̃з сан̇габбанд̇и д̇аж̇ж̇ам̣ бурисавааяаамасахид̇ам̣ аран̣исахид̇ам̣ вияа аг̇г̇им̣ аяонисоманасигаараабхисан̇каад̇аани мижчаасан̇габбаани мат̇знд̇и ман̃н̃з мат̇знд̇аани вияа д̇идтанд̇и. гийд̣̇исам̣? субхам̣ рааг̇уубасам̣хид̇ам̣, гаамавид̇агганд̇и ад̇т̇о. со хи субхаагаараг̇г̇ахан̣зна ‘‘субхо’’д̇и вохарийяад̇и.
Tattha bahūni loke citrānīti rūpādivasena tatthāpi nīlapītādivasena itthipurisādivasena ca anekāni loke cittavicittāni ārammaṇajātāni. Asmiṃ pathavimaṇḍaleti paccakkhabhūtaṃ manussalokaṃ sandhāya vadati. Mathenti maññe saṅkappanti tajjaṃ purisavāyāmasahitaṃ araṇisahitaṃ viya aggiṃ ayonisomanasikārābhisaṅkhātāni micchāsaṅkappāni mathenti maññe mathentāni viya tiṭṭhanti. Kīdisaṃ? Subhaṃ rāgūpasaṃhitaṃ, kāmavitakkanti attho. So hi subhākāraggahaṇena ‘‘subho’’ti voharīyati.
раж̇амухад̇ан̃жа ваад̇знаад̇и жа-ид̇и нибаад̇амад̇д̇ам̣. яат̇аа г̇имхаанам̣ бажчимз маасз ваад̇зна уухад̇ам̣ удтид̇ам̣ раж̇ам̣ махаамзгхо вассанд̇о убасаммаяз, вуубасамзяяа. звам̣ самманд̇и сан̇габбаа, яад̣̇аа бан̃н̃ааяа бассад̇ийд̇и яад̣̇аа арияасааваго д̇аани логажид̇раани самуд̣̇аяад̇о, ассаад̣̇ад̇о, аад̣̇ийнавад̇о, ниссаран̣ад̇о жа яат̇аабхууд̇ам̣ бан̃н̃ааяа бассад̇и, ат̇а яат̇аа д̇ам̣ раж̇ам̣ ухад̇ам̣ мзгхзна, звам̣ самманд̇и бан̃н̃ааяа саб̣б̣зби мижчаасан̇габбаа. на хи уббаннааяа саммаад̣̇идтияаа мижчаасан̇габбаа бад̇идтам̣ лабханд̇и. яат̇аа бана бан̃н̃ааяа бассад̇и, д̇ам̣ д̣̇ассзнд̇о –
Rajamuhatañcavātenāti ca-iti nipātamattaṃ. Yathā gimhānaṃ pacchime māse vātena ūhataṃ uṭṭhitaṃ rajaṃ mahāmegho vassanto upasammaye, vūpasameyya. Evaṃ sammanti saṅkappā, yadā paññāya passatīti yadā ariyasāvako tāni lokacitrāni samudayato, assādato, ādīnavato, nissaraṇato ca yathābhūtaṃ paññāya passati, atha yathā taṃ rajaṃ uhataṃ meghena, evaṃ sammanti paññāya sabbepi micchāsaṅkappā. Na hi uppannāya sammādiṭṭhiyā micchāsaṅkappā patiṭṭhaṃ labhanti. Yathā pana paññāya passati, taṃ dassento –
676.
676.
‘‘саб̣б̣з сан̇каараа анижжаад̇и, яад̣̇аа бан̃н̃ааяа бассад̇и;
‘‘Sabbe saṅkhārā aniccāti, yadā paññāya passati;
ат̇а ниб̣б̣инд̣̇ад̇и д̣̇угкз, зса маг̇г̇о висуд̣̇д̇хияаа.
Atha nibbindati dukkhe, esa maggo visuddhiyā.
677.
677.
‘‘саб̣б̣з сан̇каараа д̣̇угкаад̇и…бз… зса маг̇г̇о висуд̣̇д̇хияаа.
‘‘Sabbe saṅkhārā dukkhāti…pe… esa maggo visuddhiyā.
678.
678.
‘‘саб̣б̣з д̇хаммаа анад̇д̇аад̇и, яад̣̇аа бан̃н̃ааяа бассад̇и;
‘‘Sabbe dhammā anattāti, yadā paññāya passati;
ат̇а ниб̣б̣инд̣̇ад̇и д̣̇угкз, зса маг̇г̇о висуд̣̇д̇хияаа’’д̇и. –
Atha nibbindati dukkhe, esa maggo visuddhiyā’’ti. –
д̇иссо г̇аат̇аа абхааси.
Tisso gāthā abhāsi.
д̇ад̇т̇а саб̣б̣з сан̇каараад̇и чал̣аарамман̣асан̇г̇ахаа саб̣б̣з д̇збхуумагаа бан̃жагканд̇хаа. анижжаад̇и ‘‘аад̣̇имаж̇жхаанд̇аванд̇ад̇о, анижжанд̇игад̇о, д̇аавагаалигад̇о, д̇ад̇т̇а д̇ад̇т̇а бхиж̇ж̇анад̇о на нижжаа’’д̇и яад̣̇аа вибассанаабан̃н̃ааяа бассад̇и. ат̇а ниб̣б̣инд̣̇ад̇и д̣̇угкзд̇и ат̇а имасмим̣ ваддад̣̇угкз ниб̣б̣инд̣̇ад̇и, ниб̣б̣инд̣̇анд̇о д̣̇угкабариж̇аананаад̣̇ивид̇хинаа сажжаани бадивиж̇жхад̇и. зса маг̇г̇о висуд̣̇д̇хияаад̇и зса яат̇аавуд̇д̇о вибассанаавид̇хи н̃аан̣ад̣̇ассанависуд̣̇д̇хияаа, ажжанд̇ависуд̣̇д̇хияаа жа маг̇г̇о ад̇хиг̇амубааяо.
Tattha sabbe saṅkhārāti chaḷārammaṇasaṅgahā sabbe tebhūmakā pañcakkhandhā. Aniccāti ‘‘ādimajjhaantavantato, aniccantikato, tāvakālikato, tattha tattha bhijjanato na niccā’’ti yadā vipassanāpaññāya passati. Atha nibbindati dukkheti atha imasmiṃ vaṭṭadukkhe nibbindati, nibbindanto dukkhaparijānanādividhinā saccāni paṭivijjhati. Esa maggo visuddhiyāti esa yathāvutto vipassanāvidhi ñāṇadassanavisuddhiyā, accantavisuddhiyā ca maggo adhigamupāyo.
д̣̇угкаад̇и саббадибхаяад̇о, уд̣̇аяаб̣б̣аяасамбадибийл̣анад̇о, д̣̇угкамад̇о, сукабадигкзбад̇о жа д̣̇угкаа. сзсам̣ вуд̇д̇анаяамзва.
Dukkhāti sappaṭibhayato, udayabbayasampaṭipīḷanato, dukkhamato, sukhapaṭikkhepato ca dukkhā. Sesaṃ vuttanayameva.
саб̣б̣з д̇хаммаа анад̇д̇аад̇и саб̣б̣зби жад̇убхуумагаа д̇хаммаа анад̇д̇аа. ид̇ха бана д̇збхуумагад̇хаммаава г̇ахзд̇аб̣б̣аа. д̇з хи асаарад̇о, авасавад̇д̇анад̇о, сун̃н̃ад̇о, ад̇д̇абадигкзбад̇о жа анад̇д̇аад̇и вибассид̇аб̣б̣аа. сзсам̣ буримасад̣̇исамзва.
Sabbe dhammā anattāti sabbepi catubhūmakā dhammā anattā. Idha pana tebhūmakadhammāva gahetabbā. Te hi asārato, avasavattanato, suññato, attapaṭikkhepato ca anattāti vipassitabbā. Sesaṃ purimasadisameva.
звам̣ вибассанаавид̇хим̣ д̣̇ассзд̇ваа д̇зна вид̇хинаа гад̇агижжам̣ ад̇д̇аанам̣ ан̃н̃ам̣ вияа гад̇ваа д̣̇ассзнд̇о –
Evaṃ vipassanāvidhiṃ dassetvā tena vidhinā katakiccaṃ attānaṃ aññaṃ viya katvā dassento –
679.
679.
‘‘б̣уд̣̇д̇хаануб̣уд̣̇д̇хо яо т̇зро, гон̣д̣ан̃н̃о д̇иб̣б̣аниггамо;
‘‘Buddhānubuddho yo thero, koṇḍañño tibbanikkamo;
бахийнаж̇аад̇имаран̣о, б̣рахмажарияасса гзвалий.
Pahīnajātimaraṇo, brahmacariyassa kevalī.
680.
680.
‘‘огхабаасо д̣̇ал̣хакило, баб̣б̣ад̇о д̣̇уббад̣̇аалаяо;
‘‘Oghapāso daḷhakhilo, pabbato duppadālayo;
чзд̇ваа килан̃жа баасан̃жа, сзлам̣ бхзд̇ваана д̣̇уб̣бхид̣̇ам̣;
Chetvā khilañca pāsañca, selaṃ bhetvāna dubbhidaṃ;
д̇ин̣н̣о бааран̇г̇ад̇о жхааяий, муд̇д̇о со маараб̣анд̇ханаа’’д̇и. –
Tiṇṇo pāraṅgato jhāyī, mutto so mārabandhanā’’ti. –
г̇аат̇аад̣̇ваяамааха.
Gāthādvayamāha.
д̇ад̇т̇а б̣уд̣̇д̇хаануб̣уд̣̇д̇ход̇и б̣уд̣̇д̇хаанам̣ ануб̣уд̣̇д̇хо, саммаасамб̣уд̣̇д̇хзхи б̣уж̇жхид̇аани сажжаани д̇зсам̣ д̣̇зсанаанусаарзна б̣уж̇жхад̇ийд̇и ад̇т̇о. т̇ирзхи асзгкзхи сийласаараад̣̇ийхи саманнааг̇ад̇од̇и, т̇зро. гон̣д̣ан̃н̃од̇и г̇од̇д̇агид̇д̇анам̣. д̇иб̣б̣аниггамод̇и д̣̇ал̣хавийрияо, т̇ирабараггамо. ж̇аад̇имаран̣аанам̣ бахийнагааран̣ад̇д̇аа бахийнаж̇аад̇имаран̣о. б̣рахмажарияасса гзвалийд̇и маг̇г̇аб̣рахмажарияасса анавасзсам̣, анавасзсад̇о ваа маг̇г̇аб̣рахмажарияасса баарибуураго, ат̇а ваа гзвалий наама гилзсзхи асаммиссад̇ааяа маг̇г̇ан̃аан̣ам̣ палан̃аан̣ан̃жа, д̇ам̣ имасмим̣ ад̇т̇ийд̇и гзвалий. яасмаа бана д̇ад̣̇убхаяамби маг̇г̇аб̣рахмажарияасса васзна ход̇и на ан̃н̃ат̇аа, д̇асмаа ‘‘б̣рахмажарияасса гзвалий’’д̇и вуд̇д̇ам̣.
Tattha buddhānubuddhoti buddhānaṃ anubuddho, sammāsambuddhehi bujjhitāni saccāni tesaṃ desanānusārena bujjhatīti attho. Thirehi asekkhehi sīlasārādīhi samannāgatoti, thero. Koṇḍaññoti gottakittanaṃ. Tibbanikkamoti daḷhavīriyo, thiraparakkamo. Jātimaraṇānaṃ pahīnakāraṇattā pahīnajātimaraṇo. Brahmacariyassa kevalīti maggabrahmacariyassa anavasesaṃ, anavasesato vā maggabrahmacariyassa pāripūrako, atha vā kevalī nāma kilesehi asammissatāya maggañāṇaṃ phalañāṇañca, taṃ imasmiṃ atthīti kevalī. Yasmā pana tadubhayampi maggabrahmacariyassa vasena hoti na aññathā, tasmā ‘‘brahmacariyassa kevalī’’ti vuttaṃ.
огхабаасод̇и ‘‘гаамогхо, бхавогхо, д̣̇идтогхо, авиж̇ж̇огхо’’д̇и (д̇ха. са. 1156; вибха. 938) звам̣ вуд̇д̇аа жад̇д̇ааро огхаа – ‘‘анд̇алигкажаро баасо, явааяам̣ жарад̇и маанасо’’д̇и (махаава. 33; сам̣. ни. 1.151) звам̣ вуд̇д̇о рааг̇абаасо жа. д̣̇ал̣хакилод̇и ‘‘сад̇т̇ари ган̇кад̇и, д̇хаммз ган̇кад̇и, сан̇гхз ган̇кад̇и, сигкааяа ган̇кад̇и, саб̣рахмажаарийсу губид̇о ход̇и анад̇д̇амано аахад̇ажид̇д̇о килаж̇аад̇о’’д̇и (ма. ни. 1.185; а. ни. 5.205) звам̣ вуд̇д̇о д̣̇ал̣хо т̇иро бан̃жавид̇хо жзд̇окило жа. бажураж̇анзхи бад̣̇аалзд̇ум̣ асаггун̣зяяад̇ааяа д̣̇уббад̣̇аалаяо. д̇ад̇о зва баб̣б̣ад̇асад̣̇исад̇ааяа баб̣б̣ад̇од̇и жа сан̇кам̣ г̇ад̇о. ‘‘д̣̇угкз ан̃н̃аан̣а’’нд̇иаад̣̇инаа (вибха. 226; сам̣. ни. 2.2) ваа наязна вуд̇д̇о ан̃н̃аан̣аббабхзд̣̇о жа. ид̇и зд̇ам̣ саб̣б̣ам̣ чзд̇ваа килан̃жа баасан̃жаад̇и зд̇зсу жад̇уб̣б̣ид̇хзсу сам̣гилзсад̇хаммзсу яо килан̃жа баасан̃жа арияамаг̇г̇ан̃аан̣аасинаа чинд̣̇ид̇ваа. сзлам̣ бхзд̇ваана д̣̇уб̣бхид̣̇анд̇и язна гзнажи н̃аан̣зна чинд̣̇ид̇ум̣ асаггун̣зяяам̣ ан̃н̃аан̣асзлам̣ важ̇ируубаман̃аан̣зна чинд̣̇ид̇ваа, жад̇д̇аароби огхз д̇арид̇ваа, д̇зсам̣ барад̇ийрз ниб̣б̣аанз тид̇ад̇д̇аа д̇ин̣н̣о бааран̇г̇ад̇о. аарамман̣уубаниж̇жхааналагкан̣зна лагкан̣уубаниж̇жхааналагкан̣знаад̇и д̣̇увид̇хзнаби жхааяий; муд̇д̇о со маараб̣анд̇ханаад̇и со зваруубо кийн̣аасаво саб̣б̣асмааби гилзсамаараб̣анд̇ханаа муд̇д̇о виббамуд̇д̇о висам̣яуд̇д̇од̇и. ад̇д̇аанамзва санд̇хааяа т̇зро вад̣̇ад̇и.
Oghapāsoti ‘‘kāmogho, bhavogho, diṭṭhogho, avijjogho’’ti (dha. sa. 1156; vibha. 938) evaṃ vuttā cattāro oghā – ‘‘antalikkhacaro pāso, yvāyaṃ carati mānaso’’ti (mahāva. 33; saṃ. ni. 1.151) evaṃ vutto rāgapāso ca. Daḷhakhiloti ‘‘satthari kaṅkhati, dhamme kaṅkhati, saṅghe kaṅkhati, sikkhāya kaṅkhati, sabrahmacārīsu kupito hoti anattamano āhatacitto khilajāto’’ti (ma. ni. 1.185; a. ni. 5.205) evaṃ vutto daḷho thiro pañcavidho cetokhilo ca. Pacurajanehi padāletuṃ asakkuṇeyyatāya duppadālayo. Tato eva pabbatasadisatāya pabbatoti ca saṅkhaṃ gato. ‘‘Dukkhe aññāṇa’’ntiādinā (vibha. 226; saṃ. ni. 2.2) vā nayena vutto aññāṇappabhedo ca. Iti etaṃ sabbaṃ chetvā khilañca pāsañcāti etesu catubbidhesu saṃkilesadhammesu yo khilañca pāsañca ariyamaggañāṇāsinā chinditvā. Selaṃ bhetvāna dubbhidanti yena kenaci ñāṇena chindituṃ asakkuṇeyyaṃ aññāṇaselaṃ vajirūpamañāṇena chinditvā, cattāropi oghe taritvā, tesaṃ paratīre nibbāne ṭhitattā tiṇṇo pāraṅgato. Ārammaṇūpanijjhānalakkhaṇena lakkhaṇūpanijjhānalakkhaṇenāti duvidhenapi jhāyī; mutto so mārabandhanāti so evarūpo khīṇāsavo sabbasmāpi kilesamārabandhanā mutto vippamutto visaṃyuttoti. Attānameva sandhāya thero vadati.
ат̇згад̣̇ивасам̣ т̇зро, ад̇д̇ано сад̣̇д̇хивихааригам̣ згам̣ бхигкум̣ агаляаан̣амид̇д̇асам̣саг̇г̇зна гусийд̇ам̣ хийнавийрияам̣ уд̣̇д̇хад̇ам̣ уннал̣ам̣ вихаранд̇ам̣ д̣̇исваа, ид̣̇д̇хияаа д̇ад̇т̇а г̇анд̇ваа, д̇ам̣ ‘‘маа, аавусо, звам̣ гари, агаляаан̣амид̇д̇з бахааяа галяаан̣амид̇д̇з сзванд̇о саман̣ад̇хаммам̣ гарохий’’д̇и овад̣̇и. со т̇зрасса важанам̣ наад̣̇ияи. т̇зро д̇асса анаад̣̇ияанзна д̇хаммасам̣взг̇аббад̇д̇о буг̇г̇алаад̇хидтаанааяа гат̇ааяа мижчаабадибад̇д̇им̣ г̇араханд̇о саммаабадибад̇д̇им̣ вивзгаваасан̃жа басам̣санд̇о –
Athekadivasaṃ thero, attano saddhivihārikaṃ ekaṃ bhikkhuṃ akalyāṇamittasaṃsaggena kusītaṃ hīnavīriyaṃ uddhataṃ unnaḷaṃ viharantaṃ disvā, iddhiyā tattha gantvā, taṃ ‘‘mā, āvuso, evaṃ kari, akalyāṇamitte pahāya kalyāṇamitte sevanto samaṇadhammaṃ karohī’’ti ovadi. So therassa vacanaṃ nādiyi. Thero tassa anādiyanena dhammasaṃvegappatto puggalādhiṭṭhānāya kathāya micchāpaṭipattiṃ garahanto sammāpaṭipattiṃ vivekavāsañca pasaṃsanto –
681.
681.
‘‘уд̣̇д̇хад̇о жабало бхигку, мид̇д̇з ааг̇амма баабагз;
‘‘Uddhato capalo bhikkhu, mitte āgamma pāpake;
сам̣сийд̣̇ад̇и махогхасмим̣, уумияаа бадигуж̇ж̇ид̇о.
Saṃsīdati mahoghasmiṃ, ūmiyā paṭikujjito.
682.
682.
‘‘ануд̣̇д̇хад̇о ажабало, нибаго сам̣вуд̇инд̣̇рияо;
‘‘Anuddhato acapalo, nipako saṃvutindriyo;
галяаан̣амид̇д̇о мзд̇хаавий, д̣̇угкассанд̇агаро сияаа.
Kalyāṇamitto medhāvī, dukkhassantakaro siyā.
683.
683.
‘‘гаалабаб̣б̣ан̇г̇асан̇гаасо, гисо д̇хаманисант̇ад̇о;
‘‘Kālapabbaṅgasaṅkāso, kiso dhamanisanthato;
мад̇д̇ан̃н̃уу аннабаанасмим̣, ад̣̇ийнаманасо наро.
Mattaññū annapānasmiṃ, adīnamanaso naro.
684.
684.
‘‘пудто д̣ам̣сзхи магасзхи, аран̃н̃асмим̣ б̣рахааванз;
‘‘Phuṭṭho ḍaṃsehi makasehi, araññasmiṃ brahāvane;
нааг̇о сан̇г̇аамасийсзва, сад̇о д̇ад̇раад̇хиваасаяз.
Nāgo saṅgāmasīseva, sato tatrādhivāsaye.
685-6.
685-6.
‘‘наабхинанд̣̇аами маран̣ам̣…бз… самбаж̇аано бад̇иссад̇о.
‘‘Nābhinandāmi maraṇaṃ…pe… sampajāno patissato.
687.
687.
‘‘барижин̣н̣о маяаа сад̇т̇аа…бз… бхаванзд̇д̇и самуухад̇аа.
‘‘Pariciṇṇo mayā satthā…pe… bhavanetti samūhatā.
688.
688.
‘‘яасса жад̇т̇ааяа баб̣б̣аж̇ид̇о, аг̇аарасмаанаг̇аарияам̣;
‘‘Yassa catthāya pabbajito, agārasmānagāriyaṃ;
со мз ад̇т̇о ануббад̇д̇о, гим̣ мз сад̣̇д̇хивихааринаа’’д̇и. –
So me attho anuppatto, kiṃ me saddhivihārinā’’ti. –
имаа г̇аат̇аа абхааси.
Imā gāthā abhāsi.
д̇ад̇т̇а уд̣̇д̇хад̇од̇и уд̣̇д̇хажжаяуд̇д̇о асамаахид̇о вигкид̇д̇ажид̇д̇о. жабалод̇и бад̇д̇ажийвараман̣д̣анаад̣̇инаа жаабалязна саманнааг̇ад̇о лолабагад̇иго. мид̇д̇з ааг̇амма баабагзд̇и агаляаан̣амид̇д̇з ниссааяа саман̣ад̇хаммам̣ агаронд̇о. сам̣сийд̣̇ад̇и махогхасмим̣, уумияаа бадигуж̇ж̇ид̇од̇и яат̇аа махаасамуд̣̇д̣̇з бад̇ид̇абурисо самуд̣̇д̣̇авийжийхи од̇т̇адо сийсам̣ угкибид̇ум̣ алабханд̇о д̇ад̇т̇зва сам̣сийд̣̇ад̇и, звам̣ сам̣саарамахогхасмим̣ бариб̣бхаманд̇о год̇хубааяаасауумияаа бадигуж̇ж̇ид̇о од̇т̇адо вибассанаавасзна бан̃н̃аасийсам̣ угкибид̇ум̣ алабханд̇о д̇ад̇т̇зва сам̣сийд̣̇ад̇и.
Tattha uddhatoti uddhaccayutto asamāhito vikkhittacitto. Capaloti pattacīvaramaṇḍanādinā cāpalyena samannāgato lolapakatiko. Mitte āgamma pāpaketi akalyāṇamitte nissāya samaṇadhammaṃ akaronto. Saṃsīdati mahoghasmiṃ, ūmiyā paṭikujjitoti yathā mahāsamudde patitapuriso samuddavīcīhi otthaṭo sīsaṃ ukkhipituṃ alabhanto tattheva saṃsīdati, evaṃ saṃsāramahoghasmiṃ paribbhamanto kodhupāyāsaūmiyā paṭikujjito otthaṭo vipassanāvasena paññāsīsaṃ ukkhipituṃ alabhanto tattheva saṃsīdati.
нибагод̇и нибун̣о, ад̇д̇ад̇т̇абарад̇т̇зсу гусало. сам̣вуд̇инд̣̇рияод̇и манажчадтаанам̣ инд̣̇рияаанам̣ сам̣варан̣зна бихид̇инд̣̇рияо. галяаан̣амид̇д̇од̇и галяаан̣зхи мид̇д̇зхи саманнааг̇ад̇о. мзд̇хаавийд̇и д̇хаммож̇абан̃н̃ааяа саман̇г̇ийбхууд̇о. д̣̇угкассанд̇агаро сияаад̇и со д̇аад̣̇исо сагалассааби ваддад̣̇угкасса анд̇агаро бхавзяяа.
Nipakoti nipuṇo, attatthaparatthesu kusalo. Saṃvutindriyoti manacchaṭṭhānaṃ indriyānaṃ saṃvaraṇena pihitindriyo. Kalyāṇamittoti kalyāṇehi mittehi samannāgato. Medhāvīti dhammojapaññāya samaṅgībhūto. Dukkhassantakaro siyāti so tādiso sakalassāpi vaṭṭadukkhassa antakaro bhaveyya.
гаалабаб̣б̣ан̇г̇асан̇гаасод̇иаад̣̇и вивзгаабхирад̇игид̇д̇анам̣. наабхинанд̣̇аамийд̇иаад̣̇и бана гад̇агижжабхаавад̣̇ассанам̣. д̇ам̣ саб̣б̣ам̣ хздтаа (т̇зраг̇аа. адта. 2.607) вуд̇д̇ад̇т̇амзва. осаанз бана гим̣ мз сад̣̇д̇хивихааринаад̇и ад̇д̇ано сад̣̇д̇хивихааригам̣ санд̇хааяа вуд̇д̇ам̣. д̇асмаа зд̣̇исзна д̣̇уб̣б̣ажзна анаад̣̇арзна сад̣̇д̇хивихааринаа гим̣ мз баяож̇анам̣ згавихаароязва маяхам̣ ружжад̇ийд̇и ад̇т̇о.
Kālapabbaṅgasaṅkāsotiādi vivekābhiratikittanaṃ. Nābhinandāmītiādi pana katakiccabhāvadassanaṃ. Taṃ sabbaṃ heṭṭhā (theragā. aṭṭha. 2.607) vuttatthameva. Osāne pana kiṃ me saddhivihārināti attano saddhivihārikaṃ sandhāya vuttaṃ. Tasmā edisena dubbacena anādarena saddhivihārinā kiṃ me payojanaṃ ekavihāroyeva mayhaṃ ruccatīti attho.
звам̣ бана вад̇ваа чад̣̇д̣̇анд̇ад̣̇ахамзва г̇ад̇о. д̇ад̇т̇а д̣̇ваад̣̇аса вассаани васид̇ваа убагадтз бариниб̣б̣аанз сад̇т̇аарам̣ убасан̇гамид̇ваа бариниб̣б̣аанам̣ ануж̇аанаабзд̇ваа д̇ад̇т̇зва г̇анд̇ваа бариниб̣б̣ааяи.
Evaṃ pana vatvā chaddantadahameva gato. Tattha dvādasa vassāni vasitvā upakaṭṭhe parinibbāne satthāraṃ upasaṅkamitvā parinibbānaṃ anujānāpetvā tattheva gantvā parinibbāyi.
ан̃н̃аасигон̣д̣ан̃н̃ад̇т̇зраг̇аат̇ааван̣н̣анаа нидтид̇аа.
Aññāsikoṇḍaññattheragāthāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зраг̇аат̇аабаал̣и • Theragāthāpāḷi / 1. ан̃н̃аасигон̣д̣ан̃н̃ад̇т̇зраг̇аат̇аа • 1. Aññāsikoṇḍaññattheragāthā
