| Library / Tipiṭaka / তিপিটক • Tipiṭaka / সংযুত্তনিকায (টীকা) • Saṃyuttanikāya (ṭīkā) |
৩. অন্নসুত্তৰণ্ণনা
3. Annasuttavaṇṇanā
৪৩. পত্থেন্তীতি পিহেন্তি। যত্থস্স উপগমনং লোকে পাকটতরং অহোসি, তে উদাহরণৰসেন দস্সেন্তো ‘‘চিত্তগহপতিসীৰলিত্থেরাদিকে ৰিযা’’তি আহ। অন্নন্তি অন্নসঞ্ঞিতো চতুব্বিধোপি পচ্চযো। সব্বেপি দাযকে একজ্ঝং গহেত্ৰা সামঞ্ঞতো একৰসেন ‘‘দাযকমেৰা’’তি ৰুত্তং, যথা চাহ ‘‘কো নাম সো যক্খো, যং অন্নং নাভিনন্দতী’’তি? তত্থ যক্খোতি সত্তো। সামঞ্ঞজোতনা চ নাম যস্মা পুথুঅত্থৰিসযা, তস্মা ‘‘যে নং দদন্তি সদ্ধায, ৰিপ্পসন্নেন চেতসা। তমেৰ অন্নং ভজতী’’তি ৰুত্তং। তত্থ ম-কারো পদসন্ধিকরো, তে এৰাতি অত্থো। দাযকং অপরিচ্চজনমেৰ অনুগচ্ছতি চক্কং ৰিয কুব্বরং।
43.Patthentīti pihenti. Yatthassa upagamanaṃ loke pākaṭataraṃ ahosi, te udāharaṇavasena dassento ‘‘cittagahapatisīvalittherādike viyā’’ti āha. Annanti annasaññito catubbidhopi paccayo. Sabbepi dāyake ekajjhaṃ gahetvā sāmaññato ekavasena ‘‘dāyakamevā’’ti vuttaṃ, yathā cāha ‘‘ko nāma so yakkho, yaṃ annaṃ nābhinandatī’’ti? Tattha yakkhoti satto. Sāmaññajotanā ca nāma yasmā puthuatthavisayā, tasmā ‘‘ye naṃ dadanti saddhāya, vippasannena cetasā. Tameva annaṃ bhajatī’’ti vuttaṃ. Tattha ma-kāro padasandhikaro, te evāti attho. Dāyakaṃ apariccajanameva anugacchati cakkaṃ viya kubbaraṃ.
অন্নসুত্তৰণ্ণনা নিট্ঠিতা।
Annasuttavaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / সংযুত্তনিকায • Saṃyuttanikāya / ৩. অন্নসুত্তং • 3. Annasuttaṃ
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / সংযুত্তনিকায (অট্ঠকথা) • Saṃyuttanikāya (aṭṭhakathā) / ৩. অন্নসুত্তৰণ্ণনা • 3. Annasuttavaṇṇanā
