| Library / Tipiṭaka / ติปิฎก • Tipiṭaka / สํยุตฺตนิกาย (ฎีกา) • Saṃyuttanikāya (ṭīkā) |
๓. อนฺนสุตฺตวณฺณนา
3. Annasuttavaṇṇanā
๔๓. ปเตฺถนฺตีติ ปิเหนฺติฯ ยตฺถสฺส อุปคมนํ โลเก ปากฎตรํ อโหสิ, เต อุทาหรณวเสน ทเสฺสโนฺต ‘‘จิตฺตคหปติสีวลิเตฺถราทิเก วิยา’’ติ อาหฯ อนฺนนฺติ อนฺนสญฺญิโต จตุพฺพิโธปิ ปจฺจโยฯ สเพฺพปิ ทายเก เอกชฺฌํ คเหตฺวา สามญฺญโต เอกวเสน ‘‘ทายกเมวา’’ติ วุตฺตํ, ยถา จาห ‘‘โก นาม โส ยโกฺข, ยํ อนฺนํ นาภินนฺทตี’’ติ? ตตฺถ ยโกฺขติ สโตฺตฯ สามญฺญโชตนา จ นาม ยสฺมา ปุถุอตฺถวิสยา, ตสฺมา ‘‘เย นํ ททนฺติ สทฺธาย, วิปฺปสเนฺนน เจตสาฯ ตเมว อนฺนํ ภชตี’’ติ วุตฺตํฯ ตตฺถ ม-กาโร ปทสนฺธิกโร, เต เอวาติ อโตฺถฯ ทายกํ อปริจฺจชนเมว อนุคจฺฉติ จกฺกํ วิย กุพฺพรํฯ
43.Patthentīti pihenti. Yatthassa upagamanaṃ loke pākaṭataraṃ ahosi, te udāharaṇavasena dassento ‘‘cittagahapatisīvalittherādike viyā’’ti āha. Annanti annasaññito catubbidhopi paccayo. Sabbepi dāyake ekajjhaṃ gahetvā sāmaññato ekavasena ‘‘dāyakamevā’’ti vuttaṃ, yathā cāha ‘‘ko nāma so yakkho, yaṃ annaṃ nābhinandatī’’ti? Tattha yakkhoti satto. Sāmaññajotanā ca nāma yasmā puthuatthavisayā, tasmā ‘‘ye naṃ dadanti saddhāya, vippasannena cetasā. Tameva annaṃ bhajatī’’ti vuttaṃ. Tattha ma-kāro padasandhikaro, te evāti attho. Dāyakaṃ apariccajanameva anugacchati cakkaṃ viya kubbaraṃ.
อนฺนสุตฺตวณฺณนา นิฎฺฐิตาฯ
Annasuttavaṇṇanā niṭṭhitā.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / สํยุตฺตนิกาย • Saṃyuttanikāya / ๓. อนฺนสุตฺตํ • 3. Annasuttaṃ
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / สํยุตฺตนิกาย (อฎฺฐกถา) • Saṃyuttanikāya (aṭṭhakathā) / ๓. อนฺนสุตฺตวณฺณนา • 3. Annasuttavaṇṇanā
