| Library / Tipiṭaka / ཏིཔིཊཀ • Tipiṭaka / སཾཡུཏྟནིཀཱཡ (ཊཱིཀཱ) • Saṃyuttanikāya (ṭīkā) |
༣. ཨནྣསུཏྟཝཎྞནཱ
3. Annasuttavaṇṇanā
༤༣. པཏྠེནྟཱིཏི པིཧེནྟི། ཡཏྠསྶ ཨུཔགམནཾ ལོཀེ པཱཀཊཏརཾ ཨཧོསི, ཏེ ཨུདཱཧརཎཝསེན དསྶེནྟོ ‘‘ཙིཏྟགཧཔཏིསཱིཝལིཏྠེརཱདིཀེ ཝིཡཱ’’ཏི ཨཱཧ། ཨནྣནྟི ཨནྣསཉྙིཏོ ཙཏུབྦིདྷོཔི པཙྩཡོ། སབྦེཔི དཱཡཀེ ཨེཀཛ྄ཛྷཾ གཧེཏྭཱ སཱམཉྙཏོ ཨེཀཝསེན ‘‘དཱཡཀམེཝཱ’’ཏི ཝུཏྟཾ, ཡཐཱ ཙཱཧ ‘‘ཀོ ནཱམ སོ ཡཀྑོ, ཡཾ ཨནྣཾ ནཱབྷིནནྡཏཱི’’ཏི? ཏཏྠ ཡཀྑོཏི སཏྟོ། སཱམཉྙཛོཏནཱ ཙ ནཱམ ཡསྨཱ པུཐུཨཏྠཝིསཡཱ, ཏསྨཱ ‘‘ཡེ ནཾ དདནྟི སདྡྷཱཡ, ཝིཔྤསནྣེན ཙེཏསཱ། ཏམེཝ ཨནྣཾ བྷཛཏཱི’’ཏི ཝུཏྟཾ། ཏཏྠ མ-ཀཱརོ པདསནྡྷིཀརོ, ཏེ ཨེཝཱཏི ཨཏྠོ། དཱཡཀཾ ཨཔརིཙྩཛནམེཝ ཨནུགཙྪཏི ཙཀྐཾ ཝིཡ ཀུབྦརཾ།
43.Patthentīti pihenti. Yatthassa upagamanaṃ loke pākaṭataraṃ ahosi, te udāharaṇavasena dassento ‘‘cittagahapatisīvalittherādike viyā’’ti āha. Annanti annasaññito catubbidhopi paccayo. Sabbepi dāyake ekajjhaṃ gahetvā sāmaññato ekavasena ‘‘dāyakamevā’’ti vuttaṃ, yathā cāha ‘‘ko nāma so yakkho, yaṃ annaṃ nābhinandatī’’ti? Tattha yakkhoti satto. Sāmaññajotanā ca nāma yasmā puthuatthavisayā, tasmā ‘‘ye naṃ dadanti saddhāya, vippasannena cetasā. Tameva annaṃ bhajatī’’ti vuttaṃ. Tattha ma-kāro padasandhikaro, te evāti attho. Dāyakaṃ apariccajanameva anugacchati cakkaṃ viya kubbaraṃ.
ཨནྣསུཏྟཝཎྞནཱ ནིཊྛིཏཱ།
Annasuttavaṇṇanā niṭṭhitā.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / སཾཡུཏྟནིཀཱཡ • Saṃyuttanikāya / ༣. ཨནྣསུཏྟཾ • 3. Annasuttaṃ
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / སཾཡུཏྟནིཀཱཡ (ཨཊྛཀཐཱ) • Saṃyuttanikāya (aṭṭhakathā) / ༣. ཨནྣསུཏྟཝཎྞནཱ • 3. Annasuttavaṇṇanā
