| Library / Tipiṭaka / д̇ибидага • Tipiṭaka / махаавибхан̇г̇а • Mahāvibhaṅga |
6. ан̃н̃аад̇агавин̃н̃ад̇д̇исигкаабад̣̇ам̣
6. Aññātakaviññattisikkhāpadaṃ
515. д̇зна самаязна б̣уд̣̇д̇хо бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз . д̇зна ко бана самаязна ааяасмаа убананд̣̇о сагяабуд̇д̇о баддо 1 ход̇и д̇хаммим̣ гат̇ам̣ гаад̇ум̣. ат̇а ко ан̃н̃ад̇аро сздтибуд̇д̇о язнааяасмаа убананд̣̇о сагяабуд̇д̇о д̇знубасан̇гами ; убасан̇гамид̇ваа ааяасманд̇ам̣ убананд̣̇ам̣ сагяабуд̇д̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисиннам̣ ко д̇ам̣ сздтибуд̇д̇ам̣ ааяасмаа убананд̣̇о сагяабуд̇д̇о д̇хаммияаа гат̇ааяа санд̣̇ассзси самаад̣̇абзси самуд̇д̇зж̇зси самбахам̣сзси. ат̇а ко со сздтибуд̇д̇о ааяасмад̇аа убананд̣̇зна сагяабуд̇д̇зна д̇хаммияаа гат̇ааяа санд̣̇ассид̇о самаад̣̇абид̇о самуд̇д̇зж̇ид̇о самбахам̣сид̇о ааяасманд̇ам̣ убананд̣̇ам̣ сагяабуд̇д̇ам̣ зд̇ад̣̇авожа – ‘‘вад̣̇зяяаат̇а, бханд̇з, язна ад̇т̇о. бадиб̣алаа маяам̣ аяяасса д̣̇аад̇ум̣ яад̣̇ид̣̇ам̣ жийварабин̣д̣абаад̇асзнаасанаг̇илаанаббажжаяабхзсаж̇ж̇абаригкаара’’нд̇и. ‘‘сажз мз д̇вам̣, аавусо, д̣̇аад̇угаамоси, ид̇о згам̣ саадагам̣ д̣̇зхий’’д̇и. ‘‘амхаагам̣ ко, бханд̇з, гулабуд̇д̇аанам̣ гисмим̣ вияа згасаадагам̣ г̇анд̇ум̣. ааг̇амзхи, бханд̇з, яаава гхарам̣ г̇ажчаами. гхарам̣ г̇ад̇о ид̇о ваа згам̣ саадагам̣ бахин̣иссаами ид̇о ваа сунд̣̇арад̇ара’’нд̇и. д̣̇уд̇ияамби ко ааяасмаа убананд̣̇о сагяабуд̇д̇о д̇ам̣ сздтибуд̇д̇ам̣ зд̇ад̣̇авожа ‘‘сажз мз д̇вам̣ аавусо д̣̇аад̇угаамоси ид̇о згам̣ саадагам̣ д̣̇зхий’’д̇и. амхаагам̣ ко бханд̇з гулабуд̇д̇аанам̣ гисмим̣ вияа згасаадагам̣ г̇анд̇ум̣, ааг̇амзхи бханд̇з яаава гхарам̣ г̇ажчаами, гхарам̣ г̇ад̇о ид̇о ваа згам̣ саадагам̣ бахин̣иссаами ид̇о ваа сунд̣̇арад̇аранд̇и. д̇ад̇ияамби ко ааяасмаа убананд̣̇о сагяабуд̇д̇о д̇ам̣ сздтибуд̇д̇ам̣ зд̇ад̣̇авожа ‘‘сажз мз д̇вам̣ аавусо д̣̇аад̇угаамоси, ид̇о згам̣ саадагам̣ д̣̇зхий’’д̇и. амхаагам̣ ко бханд̇з гулабуд̇д̇аанам̣ гисмим̣ вияа згасаадагам̣ г̇анд̇ум̣, ааг̇амзхи бханд̇з яаава гхарам̣ г̇ажчаами, гхарам̣ г̇ад̇о ид̇о ваа згам̣ саадагам̣ бахин̣иссаами ид̇о ваа сунд̣̇арад̇аранд̇и. ‘‘гим̣ бана д̇аяаа, аавусо, ад̣̇аад̇угаамзна баваарид̇зна яам̣ д̇вам̣ баваарзд̇ваа на д̣̇зсий’’д̇и.
515. Tena samayena buddho bhagavā sāvatthiyaṃ viharati jetavane anāthapiṇḍikassa ārāme . Tena kho pana samayena āyasmā upanando sakyaputto paṭṭo 2 hoti dhammiṃ kathaṃ kātuṃ. Atha kho aññataro seṭṭhiputto yenāyasmā upanando sakyaputto tenupasaṅkami ; upasaṅkamitvā āyasmantaṃ upanandaṃ sakyaputtaṃ abhivādetvā ekamantaṃ nisīdi. Ekamantaṃ nisinnaṃ kho taṃ seṭṭhiputtaṃ āyasmā upanando sakyaputto dhammiyā kathāya sandassesi samādapesi samuttejesi sampahaṃsesi. Atha kho so seṭṭhiputto āyasmatā upanandena sakyaputtena dhammiyā kathāya sandassito samādapito samuttejito sampahaṃsito āyasmantaṃ upanandaṃ sakyaputtaṃ etadavoca – ‘‘vadeyyātha, bhante, yena attho. Paṭibalā mayaṃ ayyassa dātuṃ yadidaṃ cīvarapiṇḍapātasenāsanagilānappaccayabhesajjaparikkhāra’’nti. ‘‘Sace me tvaṃ, āvuso, dātukāmosi, ito ekaṃ sāṭakaṃ dehī’’ti. ‘‘Amhākaṃ kho, bhante, kulaputtānaṃ kismiṃ viya ekasāṭakaṃ gantuṃ. Āgamehi, bhante, yāva gharaṃ gacchāmi. Gharaṃ gato ito vā ekaṃ sāṭakaṃ pahiṇissāmi ito vā sundaratara’’nti. Dutiyampi kho āyasmā upanando sakyaputto taṃ seṭṭhiputtaṃ etadavoca ‘‘sace me tvaṃ āvuso dātukāmosi ito ekaṃ sāṭakaṃ dehī’’ti. Amhākaṃ kho bhante kulaputtānaṃ kismiṃ viya ekasāṭakaṃ gantuṃ, āgamehi bhante yāva gharaṃ gacchāmi, gharaṃ gato ito vā ekaṃ sāṭakaṃ pahiṇissāmi ito vā sundarataranti. Tatiyampi kho āyasmā upanando sakyaputto taṃ seṭṭhiputtaṃ etadavoca ‘‘sace me tvaṃ āvuso dātukāmosi, ito ekaṃ sāṭakaṃ dehī’’ti. Amhākaṃ kho bhante kulaputtānaṃ kismiṃ viya ekasāṭakaṃ gantuṃ, āgamehi bhante yāva gharaṃ gacchāmi, gharaṃ gato ito vā ekaṃ sāṭakaṃ pahiṇissāmi ito vā sundarataranti. ‘‘Kiṃ pana tayā, āvuso, adātukāmena pavāritena yaṃ tvaṃ pavāretvā na desī’’ti.
ат̇а ко со сздтибуд̇д̇о ааяасмад̇аа убананд̣̇зна сагяабуд̇д̇зна ниббийл̣ияамаано згам̣ саадагам̣ д̣̇ад̇ваа аг̇амааси. мануссаа д̇ам̣ сздтибуд̇д̇ам̣ зд̇ад̣̇авожум̣ – ‘‘гисса д̇вам̣ аяяо згасаадаго ааг̇ажчасий’’д̇и? ат̇а ко со сздтибуд̇д̇о д̇зсам̣ мануссаанам̣ зд̇амад̇т̇ам̣ аарожзси. мануссаа уж̇жхааяанд̇и кияяанд̇и вибаажзнд̇и – ‘‘махижчаа имз саман̣аа сагяабуд̇д̇ияаа асанд̇удтаа. наяимзсам̣ сугараа д̇хамманиманд̇анааби гаад̇ум̣ 3. гат̇ан̃хи наама сздтибуд̇д̇зна д̇хамманиманд̇анааяа гаяирамаанааяа саадагам̣ г̇ахзссанд̇ий’’д̇и! ассосум̣ ко бхигкуу д̇зсам̣ мануссаанам̣ уж̇жхааяанд̇аанам̣ кияяанд̇аанам̣ вибаажзнд̇аанам̣. яз д̇з бхигкуу аббижчаа…бз… д̇з уж̇жхааяанд̇и кияяанд̇и вибаажзнд̇и – ‘‘гат̇ан̃хи наама ааяасмаа убананд̣̇о сагяабуд̇д̇о сздтибуд̇д̇ам̣ жийварам̣ вин̃н̃аабзссад̇ий’’д̇и! ат̇а ко д̇з бхигкуу ааяасманд̇ам̣ убананд̣̇ам̣ сагяабуд̇д̇ам̣ анзгабарияааязна виг̇арахид̇ваа бхаг̇авад̇о зд̇амад̇т̇ам̣ аарожзсум̣…бз… ‘‘сажжам̣ гира д̇вам̣, убананд̣̇а, сздтибуд̇д̇ам̣ жийварам̣ вин̃н̃аабзсий’’д̇и? ‘‘сажжам̣, бхаг̇аваа’’д̇и. ‘‘н̃аад̇аго д̇з, убананд̣̇а, ан̃н̃аад̇аго’’д̇и? ‘‘ан̃н̃аад̇аго, бхаг̇аваа’’д̇и. ‘‘ан̃н̃аад̇аго, могхабуриса, ан̃н̃аад̇агасса на ж̇аанаад̇и бад̇ируубам̣ ваа аббад̇ируубам̣ ваа санд̇ам̣ ваа асанд̇ам̣ ваа. д̇ад̇т̇а наама д̇вам̣, могхабуриса, ан̃н̃аад̇агам̣ сздтибуд̇д̇ам̣ жийварам̣ вин̃н̃аабзссаси! нзд̇ам̣, могхабуриса, аббасаннаанам̣ ваа басаад̣̇ааяа…бз… зван̃жа бана, бхигкавз, имам̣ сигкаабад̣̇ам̣ уд̣̇д̣̇исзяяаат̇а –
Atha kho so seṭṭhiputto āyasmatā upanandena sakyaputtena nippīḷiyamāno ekaṃ sāṭakaṃ datvā agamāsi. Manussā taṃ seṭṭhiputtaṃ etadavocuṃ – ‘‘kissa tvaṃ ayyo ekasāṭako āgacchasī’’ti? Atha kho so seṭṭhiputto tesaṃ manussānaṃ etamatthaṃ ārocesi. Manussā ujjhāyanti khiyyanti vipācenti – ‘‘mahicchā ime samaṇā sakyaputtiyā asantuṭṭhā. Nayimesaṃ sukarā dhammanimantanāpi kātuṃ 4. Kathañhi nāma seṭṭhiputtena dhammanimantanāya kayiramānāya sāṭakaṃ gahessantī’’ti! Assosuṃ kho bhikkhū tesaṃ manussānaṃ ujjhāyantānaṃ khiyyantānaṃ vipācentānaṃ. Ye te bhikkhū appicchā…pe… te ujjhāyanti khiyyanti vipācenti – ‘‘kathañhi nāma āyasmā upanando sakyaputto seṭṭhiputtaṃ cīvaraṃ viññāpessatī’’ti! Atha kho te bhikkhū āyasmantaṃ upanandaṃ sakyaputtaṃ anekapariyāyena vigarahitvā bhagavato etamatthaṃ ārocesuṃ…pe… ‘‘saccaṃ kira tvaṃ, upananda, seṭṭhiputtaṃ cīvaraṃ viññāpesī’’ti? ‘‘Saccaṃ, bhagavā’’ti. ‘‘Ñātako te, upananda, aññātako’’ti? ‘‘Aññātako, bhagavā’’ti. ‘‘Aññātako, moghapurisa, aññātakassa na jānāti patirūpaṃ vā appatirūpaṃ vā santaṃ vā asantaṃ vā. Tattha nāma tvaṃ, moghapurisa, aññātakaṃ seṭṭhiputtaṃ cīvaraṃ viññāpessasi! Netaṃ, moghapurisa, appasannānaṃ vā pasādāya…pe… evañca pana, bhikkhave, imaṃ sikkhāpadaṃ uddiseyyātha –
516. ‘‘яо бана бхигку ан̃н̃аад̇агам̣ г̇ахабад̇им̣ ваа г̇ахабад̇ааним̣ ваа жийварам̣ вин̃н̃аабзяяа, ниссаг̇г̇ияам̣ баажид̇д̇ияа’’нд̇и.
516.‘‘Yo pana bhikkhu aññātakaṃ gahapatiṃ vā gahapatāniṃ vā cīvaraṃ viññāpeyya, nissaggiyaṃ pācittiya’’nti.
зван̃жид̣̇ам̣ бхаг̇авад̇аа бхигкуунам̣ сигкаабад̣̇ам̣ бан̃н̃ад̇д̇ам̣ ход̇и.
Evañcidaṃ bhagavatā bhikkhūnaṃ sikkhāpadaṃ paññattaṃ hoti.
517. д̇зна ко бана самаязна самб̣ахулаа бхигкуу саагзд̇аа саавад̇т̇им̣ 2 ад̣̇д̇хаанамаг̇г̇аббадибаннаа хонд̇и. анд̇араамаг̇г̇з жораа нигкамид̇ваа д̇з бхигкуу ажчинд̣̇им̣су. ат̇а ко д̇з бхигкуу – ‘‘бхаг̇авад̇аа бадигкид̇д̇ам̣ ан̃н̃аад̇агам̣ г̇ахабад̇им̣ ваа г̇ахабад̇ааним̣ ваа жийварам̣ вин̃н̃аабзд̇у’’нд̇и, гуггужжааяанд̇аа на вин̃н̃аабзсум̣. яат̇аанаг̇г̇аава саавад̇т̇им̣ г̇анд̇ваа бхигкуу абхиваад̣̇знд̇и. бхигкуу звамаахам̣су – ‘‘сунд̣̇араа ко имз, аавусо, ааж̇ийвагаа яз имз бхигкуусу абхиваад̣̇знд̇ий’’д̇и. д̇з звамаахам̣су – ‘‘на маяам̣, аавусо, ааж̇ийвагаа, бхигкуу маяа’’нд̇и. бхигкуу ааяасманд̇ам̣ убаалим̣ зд̇ад̣̇авожум̣ – ‘‘ин̇гхаавусо убаали, имз ануяун̃ж̇аахий’’д̇и. ат̇а ко ааяасмад̇аа убаалинаа ануяун̃ж̇ияамаанаа д̇з бхигкуу зд̇амад̇т̇ам̣ аарожзсум̣. ат̇а ко ааяасмаа убаали д̇з бхигкуу ануяун̃ж̇ид̇ваа бхигкуу зд̇ад̣̇авожа – ‘‘бхигкуу имз, аавусо. д̣̇зт̇а нзсам̣ жийварааний’’д̇и. яз д̇з бхигкуу аббижчаа…бз… д̇з уж̇жхааяанд̇и кияяанд̇и вибаажзнд̇и – ‘‘гат̇ан̃хи наама бхигкуу наг̇г̇аа ааг̇ажчиссанд̇и! нану наама д̇ин̣зна ваа бан̣н̣зна ваа бадижчаад̣̇зд̇ваа ааг̇анд̇аб̣б̣а’’нд̇и. ат̇а ко д̇з бхигкуу д̇з анзгабарияааязна виг̇арахид̇ваа бхаг̇авад̇о зд̇амад̇т̇ам̣ аарожзсум̣. ат̇а ко бхаг̇аваа зд̇асмим̣ нид̣̇аанз зд̇асмим̣ багаран̣з д̇хаммим̣ гат̇ам̣ гад̇ваа бхигкуу ааманд̇зси – ‘‘ануж̇аанаами, бхигкавз, ажчиннажийварасса ваа надтажийварасса ваа ан̃н̃аад̇агам̣ г̇ахабад̇им̣ ваа г̇ахабад̇ааним̣ ваа жийварам̣ вин̃н̃аабзд̇ум̣. яам̣ ааваасам̣ батамам̣ убаг̇ажчад̇и, сажз д̇ад̇т̇а ход̇и сан̇гхасса вихааражийварам̣ ваа уд̇д̇арад̇т̇аран̣ам̣ ваа бхуумад̇т̇аран̣ам̣ ваа бхисижчави ваа, д̇ам̣ г̇ахзд̇ваа баарубид̇ум̣ лабхид̇ваа од̣̇ахиссаамий’’д̇и . но жз ход̇и сан̇гхасса вихааражийварам̣ ваа уд̇д̇арад̇т̇аран̣ам̣ ваа бхумад̇т̇аран̣ам̣ ваа бхисижчави ваа д̇ин̣зна ваа бан̣н̣зна ваа бадижчаад̣̇зд̇ваа ааг̇анд̇аб̣б̣ам̣; на д̇взва наг̇г̇зна ааг̇анд̇аб̣б̣ам̣. яо ааг̇ажчзяяа, аабад̇д̇и д̣̇уггадасса. зван̃жа бана, бхигкавз, имам̣ сигкаабад̣̇ам̣ уд̣̇д̣̇исзяяаат̇а –
517. Tena kho pana samayena sambahulā bhikkhū sāketā sāvatthiṃ 2 addhānamaggappaṭipannā honti. Antarāmagge corā nikkhamitvā te bhikkhū acchindiṃsu. Atha kho te bhikkhū – ‘‘bhagavatā paṭikkhittaṃ aññātakaṃ gahapatiṃ vā gahapatāniṃ vā cīvaraṃ viññāpetu’’nti, kukkuccāyantā na viññāpesuṃ. Yathānaggāva sāvatthiṃ gantvā bhikkhū abhivādenti. Bhikkhū evamāhaṃsu – ‘‘sundarā kho ime, āvuso, ājīvakā ye ime bhikkhūsu abhivādentī’’ti. Te evamāhaṃsu – ‘‘na mayaṃ, āvuso, ājīvakā, bhikkhū maya’’nti. Bhikkhū āyasmantaṃ upāliṃ etadavocuṃ – ‘‘iṅghāvuso upāli, ime anuyuñjāhī’’ti. Atha kho āyasmatā upālinā anuyuñjiyamānā te bhikkhū etamatthaṃ ārocesuṃ. Atha kho āyasmā upāli te bhikkhū anuyuñjitvā bhikkhū etadavoca – ‘‘bhikkhū ime, āvuso. Detha nesaṃ cīvarānī’’ti. Ye te bhikkhū appicchā…pe… te ujjhāyanti khiyyanti vipācenti – ‘‘kathañhi nāma bhikkhū naggā āgacchissanti! Nanu nāma tiṇena vā paṇṇena vā paṭicchādetvā āgantabba’’nti. Atha kho te bhikkhū te anekapariyāyena vigarahitvā bhagavato etamatthaṃ ārocesuṃ. Atha kho bhagavā etasmiṃ nidāne etasmiṃ pakaraṇe dhammiṃ kathaṃ katvā bhikkhū āmantesi – ‘‘anujānāmi, bhikkhave, acchinnacīvarassa vā naṭṭhacīvarassa vā aññātakaṃ gahapatiṃ vā gahapatāniṃ vā cīvaraṃ viññāpetuṃ. Yaṃ āvāsaṃ paṭhamaṃ upagacchati, sace tattha hoti saṅghassa vihāracīvaraṃ vā uttarattharaṇaṃ vā bhūmattharaṇaṃ vā bhisicchavi vā, taṃ gahetvā pārupituṃ labhitvā odahissāmī’’ti . No ce hoti saṅghassa vihāracīvaraṃ vā uttarattharaṇaṃ vā bhumattharaṇaṃ vā bhisicchavi vā tiṇena vā paṇṇena vā paṭicchādetvā āgantabbaṃ; na tveva naggena āgantabbaṃ. Yo āgaccheyya, āpatti dukkaṭassa. Evañca pana, bhikkhave, imaṃ sikkhāpadaṃ uddiseyyātha –
518. ‘‘яо бана бхигку ан̃н̃аад̇агам̣ г̇ахабад̇им̣ ваа г̇ахабад̇ааним̣ ваа жийварам̣ вин̃н̃аабзяяа, ан̃н̃ад̇ра самаяаа, ниссаг̇г̇ияам̣ баажид̇д̇ияам̣. д̇ад̇т̇ааяам̣ самаяо – ажчиннажийваро ваа ход̇и бхигку надтажийваро ваа. аяам̣ д̇ад̇т̇а самаяо’’д̇и.
518.‘‘Yo pana bhikkhu aññātakaṃ gahapatiṃ vā gahapatāniṃ vā cīvaraṃ viññāpeyya, aññatra samayā, nissaggiyaṃ pācittiyaṃ. Tatthāyaṃ samayo – acchinnacīvaro vā hoti bhikkhu naṭṭhacīvaro vā. Ayaṃ tattha samayo’’ti.
519. яо банаад̇и яо яаад̣̇исо…бз… бхигкууд̇и…бз… аяам̣ имасмим̣ ад̇т̇з ад̇хиббзд̇о бхигкууд̇и.
519.Yo panāti yo yādiso…pe… bhikkhūti…pe… ayaṃ imasmiṃ atthe adhippeto bhikkhūti.
ан̃н̃аад̇аго наама маад̇ид̇о ваа бид̇ид̇о ваа яаава сад̇д̇амаа бид̇аамахаяуг̇аа асамб̣ад̣̇д̇хо.
Aññātako nāma mātito vā pitito vā yāva sattamā pitāmahayugā asambaddho.
г̇ахабад̇и наама яо гожи аг̇аарам̣ аж̇жхаавасад̇и.
Gahapati nāma yo koci agāraṃ ajjhāvasati.
г̇ахабад̇ааний наама яаа гаажи аг̇аарам̣ аж̇жхаавасад̇и.
Gahapatānī nāma yā kāci agāraṃ ajjhāvasati.
жийварам̣ наама чаннам̣ жийвараанам̣ ан̃н̃ад̇арам̣ жийварам̣ вигаббанубаг̇ам̣ бажчимам̣.
Cīvaraṃ nāma channaṃ cīvarānaṃ aññataraṃ cīvaraṃ vikappanupagaṃ pacchimaṃ.
ан̃н̃ад̇ра самаяаад̇и табзд̇ваа самаяам̣.
Aññatra samayāti ṭhapetvā samayaṃ.
ажчиннажийваро наама бхигкусса жийварам̣ ажчиннам̣ ход̇и рааж̇уухи ваа жорзхи ваа д̇худ̇д̇зхи ваа, язхи гзхижи ваа ажчиннам̣ ход̇и.
Acchinnacīvaro nāma bhikkhussa cīvaraṃ acchinnaṃ hoti rājūhi vā corehi vā dhuttehi vā, yehi kehici vā acchinnaṃ hoti.
надтажийваро наама бхигкусса жийварам̣ аг̇г̇инаа ваа д̣̇ад̣дхам̣ ход̇и, уд̣̇агзна ваа вул̣хам̣ ход̇и, унд̣̇уурзхи ваа убажигаахи ваа кааяид̇ам̣ ход̇и, барибхог̇аж̇ин̣н̣ам̣ ваа ход̇и.
Naṭṭhacīvaro nāma bhikkhussa cīvaraṃ agginā vā daḍḍhaṃ hoti, udakena vā vuḷhaṃ hoti, undūrehi vā upacikāhi vā khāyitaṃ hoti, paribhogajiṇṇaṃ vā hoti.
ан̃н̃ад̇ра самаяаа вин̃н̃аабзд̇и, баяог̇з д̣̇уггадам̣. бадилаабхзна ниссаг̇г̇ияам̣ ход̇и. ниссаж̇ж̇ид̇аб̣б̣ам̣ сан̇гхасса ваа г̇ан̣асса ваа буг̇г̇аласса ваа. зван̃жа бана, бхигкавз , ниссаж̇ж̇ид̇аб̣б̣ам̣…бз… ид̣̇ам̣ мз, бханд̇з, жийварам̣ ан̃н̃аад̇агам̣ г̇ахабад̇игам̣, ан̃н̃ад̇ра самаяаа вин̃н̃аабид̇ам̣, ниссаг̇г̇ияам̣. имаахам̣ сан̇гхасса ниссаж̇ж̇аамийд̇и…бз… д̣̇ад̣̇зяяаад̇и…бз… д̣̇ад̣̇зяяунд̇и…бз… ааяасмад̇о д̣̇аммийд̇и.
Aññatra samayā viññāpeti, payoge dukkaṭaṃ. Paṭilābhena nissaggiyaṃ hoti. Nissajjitabbaṃ saṅghassa vā gaṇassa vā puggalassa vā. Evañca pana, bhikkhave , nissajjitabbaṃ…pe… idaṃ me, bhante, cīvaraṃ aññātakaṃ gahapatikaṃ, aññatra samayā viññāpitaṃ, nissaggiyaṃ. Imāhaṃ saṅghassa nissajjāmīti…pe… dadeyyāti…pe… dadeyyunti…pe… āyasmato dammīti.
520. ан̃н̃аад̇агз ан̃н̃аад̇агасан̃н̃ий, ан̃н̃ад̇ра самаяаа, жийварам̣ вин̃н̃аабзд̇и, ниссаг̇г̇ияам̣ баажид̇д̇ияам̣. ан̃н̃аад̇агз взмад̇иго, ан̃н̃ад̇ра самаяаа, жийварам̣ вин̃н̃аабзд̇и, ниссаг̇г̇ияам̣ баажид̇д̇ияам̣. ан̃н̃аад̇агз н̃аад̇агасан̃н̃ий, ан̃н̃ад̇ра самаяаа, жийварам̣ вин̃н̃аабзд̇и, ниссаг̇г̇ияам̣ баажид̇д̇ияам̣.
520. Aññātake aññātakasaññī, aññatra samayā, cīvaraṃ viññāpeti, nissaggiyaṃ pācittiyaṃ. Aññātake vematiko, aññatra samayā, cīvaraṃ viññāpeti, nissaggiyaṃ pācittiyaṃ. Aññātake ñātakasaññī, aññatra samayā, cīvaraṃ viññāpeti, nissaggiyaṃ pācittiyaṃ.
н̃аад̇агз ан̃н̃аад̇агасан̃н̃ий, аабад̇д̇и д̣̇уггадасса. н̃аад̇агз взмад̇иго, аабад̇д̇и д̣̇уггадасса. н̃аад̇агз н̃аад̇агасан̃н̃ий, анаабад̇д̇и.
Ñātake aññātakasaññī, āpatti dukkaṭassa. Ñātake vematiko, āpatti dukkaṭassa. Ñātake ñātakasaññī, anāpatti.
521. анаабад̇д̇и самаяз, н̃аад̇агаанам̣, баваарид̇аанам̣, ан̃н̃ассад̇т̇ааяа, ад̇д̇ано д̇ханзна, уммад̇д̇агасса, аад̣̇игаммигассаад̇и.
521. Anāpatti samaye, ñātakānaṃ, pavāritānaṃ, aññassatthāya, attano dhanena, ummattakassa, ādikammikassāti.
ан̃н̃аад̇агавин̃н̃ад̇д̇исигкаабад̣̇ам̣ нидтид̇ам̣ чадтам̣.
Aññātakaviññattisikkhāpadaṃ niṭṭhitaṃ chaṭṭhaṃ.
Footnotes:
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 6. ан̃н̃аад̇агавин̃н̃ад̇д̇исигкаабад̣̇аван̣н̣анаа • 6. Aññātakaviññattisikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 6. ан̃н̃аад̇агавин̃н̃ад̇д̇исигкаабад̣̇аван̣н̣анаа • 6. Aññātakaviññattisikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 6. ан̃н̃аад̇агавин̃н̃ад̇д̇исигкаабад̣̇аван̣н̣анаа • 6. Aññātakaviññattisikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 6. ан̃н̃аад̇агавин̃н̃ад̇д̇исигкаабад̣̇аван̣н̣анаа • 6. Aññātakaviññattisikkhāpadavaṇṇanā
