| Library / Tipiṭaka / ਤਿਪਿਟਕ • Tipiṭaka / ਮਹਾવਿਭਙ੍ਗ • Mahāvibhaṅga |
੬. ਅਞ੍ਞਾਤਕવਿਞ੍ਞਤ੍ਤਿਸਿਕ੍ਖਾਪਦਂ
6. Aññātakaviññattisikkhāpadaṃ
੫੧੫. ਤੇਨ ਸਮਯੇਨ ਬੁਦ੍ਧੋ ਭਗવਾ ਸਾવਤ੍ਥਿਯਂ વਿਹਰਤਿ ਜੇਤવਨੇ ਅਨਾਥਪਿਣ੍ਡਿਕਸ੍ਸ ਆਰਾਮੇ । ਤੇਨ ਖੋ ਪਨ ਸਮਯੇਨ ਆਯਸ੍ਮਾ ਉਪਨਨ੍ਦੋ ਸਕ੍ਯਪੁਤ੍ਤੋ ਪਟ੍ਟੋ 1 ਹੋਤਿ ਧਮ੍ਮਿਂ ਕਥਂ ਕਾਤੁਂ। ਅਥ ਖੋ ਅਞ੍ਞਤਰੋ ਸੇਟ੍ਠਿਪੁਤ੍ਤੋ ਯੇਨਾਯਸ੍ਮਾ ਉਪਨਨ੍ਦੋ ਸਕ੍ਯਪੁਤ੍ਤੋ ਤੇਨੁਪਸਙ੍ਕਮਿ ; ਉਪਸਙ੍ਕਮਿਤ੍વਾ ਆਯਸ੍ਮਨ੍ਤਂ ਉਪਨਨ੍ਦਂ ਸਕ੍ਯਪੁਤ੍ਤਂ ਅਭਿવਾਦੇਤ੍વਾ ਏਕਮਨ੍ਤਂ ਨਿਸੀਦਿ। ਏਕਮਨ੍ਤਂ ਨਿਸਿਨ੍ਨਂ ਖੋ ਤਂ ਸੇਟ੍ਠਿਪੁਤ੍ਤਂ ਆਯਸ੍ਮਾ ਉਪਨਨ੍ਦੋ ਸਕ੍ਯਪੁਤ੍ਤੋ ਧਮ੍ਮਿਯਾ ਕਥਾਯ ਸਨ੍ਦਸ੍ਸੇਸਿ ਸਮਾਦਪੇਸਿ ਸਮੁਤ੍ਤੇਜੇਸਿ ਸਮ੍ਪਹਂਸੇਸਿ। ਅਥ ਖੋ ਸੋ ਸੇਟ੍ਠਿਪੁਤ੍ਤੋ ਆਯਸ੍ਮਤਾ ਉਪਨਨ੍ਦੇਨ ਸਕ੍ਯਪੁਤ੍ਤੇਨ ਧਮ੍ਮਿਯਾ ਕਥਾਯ ਸਨ੍ਦਸ੍ਸਿਤੋ ਸਮਾਦਪਿਤੋ ਸਮੁਤ੍ਤੇਜਿਤੋ ਸਮ੍ਪਹਂਸਿਤੋ ਆਯਸ੍ਮਨ੍ਤਂ ਉਪਨਨ੍ਦਂ ਸਕ੍ਯਪੁਤ੍ਤਂ ਏਤਦવੋਚ – ‘‘વਦੇਯ੍ਯਾਥ, ਭਨ੍ਤੇ, ਯੇਨ ਅਤ੍ਥੋ। ਪਟਿਬਲਾ ਮਯਂ ਅਯ੍ਯਸ੍ਸ ਦਾਤੁਂ ਯਦਿਦਂ ਚੀવਰਪਿਣ੍ਡਪਾਤਸੇਨਾਸਨਗਿਲਾਨਪ੍ਪਚ੍ਚਯਭੇਸਜ੍ਜਪਰਿਕ੍ਖਾਰ’’ਨ੍ਤਿ। ‘‘ਸਚੇ ਮੇ ਤ੍વਂ, ਆવੁਸੋ, ਦਾਤੁਕਾਮੋਸਿ, ਇਤੋ ਏਕਂ ਸਾਟਕਂ ਦੇਹੀ’’ਤਿ। ‘‘ਅਮ੍ਹਾਕਂ ਖੋ, ਭਨ੍ਤੇ, ਕੁਲਪੁਤ੍ਤਾਨਂ ਕਿਸ੍ਮਿਂ વਿਯ ਏਕਸਾਟਕਂ ਗਨ੍ਤੁਂ। ਆਗਮੇਹਿ, ਭਨ੍ਤੇ, ਯਾવ ਘਰਂ ਗਚ੍ਛਾਮਿ। ਘਰਂ ਗਤੋ ਇਤੋ વਾ ਏਕਂ ਸਾਟਕਂ ਪਹਿਣਿਸ੍ਸਾਮਿ ਇਤੋ વਾ ਸੁਨ੍ਦਰਤਰ’’ਨ੍ਤਿ। ਦੁਤਿਯਮ੍ਪਿ ਖੋ ਆਯਸ੍ਮਾ ਉਪਨਨ੍ਦੋ ਸਕ੍ਯਪੁਤ੍ਤੋ ਤਂ ਸੇਟ੍ਠਿਪੁਤ੍ਤਂ ਏਤਦવੋਚ ‘‘ਸਚੇ ਮੇ ਤ੍વਂ ਆવੁਸੋ ਦਾਤੁਕਾਮੋਸਿ ਇਤੋ ਏਕਂ ਸਾਟਕਂ ਦੇਹੀ’’ਤਿ। ਅਮ੍ਹਾਕਂ ਖੋ ਭਨ੍ਤੇ ਕੁਲਪੁਤ੍ਤਾਨਂ ਕਿਸ੍ਮਿਂ વਿਯ ਏਕਸਾਟਕਂ ਗਨ੍ਤੁਂ, ਆਗਮੇਹਿ ਭਨ੍ਤੇ ਯਾવ ਘਰਂ ਗਚ੍ਛਾਮਿ, ਘਰਂ ਗਤੋ ਇਤੋ વਾ ਏਕਂ ਸਾਟਕਂ ਪਹਿਣਿਸ੍ਸਾਮਿ ਇਤੋ વਾ ਸੁਨ੍ਦਰਤਰਨ੍ਤਿ। ਤਤਿਯਮ੍ਪਿ ਖੋ ਆਯਸ੍ਮਾ ਉਪਨਨ੍ਦੋ ਸਕ੍ਯਪੁਤ੍ਤੋ ਤਂ ਸੇਟ੍ਠਿਪੁਤ੍ਤਂ ਏਤਦવੋਚ ‘‘ਸਚੇ ਮੇ ਤ੍વਂ ਆવੁਸੋ ਦਾਤੁਕਾਮੋਸਿ, ਇਤੋ ਏਕਂ ਸਾਟਕਂ ਦੇਹੀ’’ਤਿ। ਅਮ੍ਹਾਕਂ ਖੋ ਭਨ੍ਤੇ ਕੁਲਪੁਤ੍ਤਾਨਂ ਕਿਸ੍ਮਿਂ વਿਯ ਏਕਸਾਟਕਂ ਗਨ੍ਤੁਂ, ਆਗਮੇਹਿ ਭਨ੍ਤੇ ਯਾવ ਘਰਂ ਗਚ੍ਛਾਮਿ, ਘਰਂ ਗਤੋ ਇਤੋ વਾ ਏਕਂ ਸਾਟਕਂ ਪਹਿਣਿਸ੍ਸਾਮਿ ਇਤੋ વਾ ਸੁਨ੍ਦਰਤਰਨ੍ਤਿ। ‘‘ਕਿਂ ਪਨ ਤਯਾ, ਆવੁਸੋ, ਅਦਾਤੁਕਾਮੇਨ ਪવਾਰਿਤੇਨ ਯਂ ਤ੍વਂ ਪવਾਰੇਤ੍વਾ ਨ ਦੇਸੀ’’ਤਿ।
515. Tena samayena buddho bhagavā sāvatthiyaṃ viharati jetavane anāthapiṇḍikassa ārāme . Tena kho pana samayena āyasmā upanando sakyaputto paṭṭo 2 hoti dhammiṃ kathaṃ kātuṃ. Atha kho aññataro seṭṭhiputto yenāyasmā upanando sakyaputto tenupasaṅkami ; upasaṅkamitvā āyasmantaṃ upanandaṃ sakyaputtaṃ abhivādetvā ekamantaṃ nisīdi. Ekamantaṃ nisinnaṃ kho taṃ seṭṭhiputtaṃ āyasmā upanando sakyaputto dhammiyā kathāya sandassesi samādapesi samuttejesi sampahaṃsesi. Atha kho so seṭṭhiputto āyasmatā upanandena sakyaputtena dhammiyā kathāya sandassito samādapito samuttejito sampahaṃsito āyasmantaṃ upanandaṃ sakyaputtaṃ etadavoca – ‘‘vadeyyātha, bhante, yena attho. Paṭibalā mayaṃ ayyassa dātuṃ yadidaṃ cīvarapiṇḍapātasenāsanagilānappaccayabhesajjaparikkhāra’’nti. ‘‘Sace me tvaṃ, āvuso, dātukāmosi, ito ekaṃ sāṭakaṃ dehī’’ti. ‘‘Amhākaṃ kho, bhante, kulaputtānaṃ kismiṃ viya ekasāṭakaṃ gantuṃ. Āgamehi, bhante, yāva gharaṃ gacchāmi. Gharaṃ gato ito vā ekaṃ sāṭakaṃ pahiṇissāmi ito vā sundaratara’’nti. Dutiyampi kho āyasmā upanando sakyaputto taṃ seṭṭhiputtaṃ etadavoca ‘‘sace me tvaṃ āvuso dātukāmosi ito ekaṃ sāṭakaṃ dehī’’ti. Amhākaṃ kho bhante kulaputtānaṃ kismiṃ viya ekasāṭakaṃ gantuṃ, āgamehi bhante yāva gharaṃ gacchāmi, gharaṃ gato ito vā ekaṃ sāṭakaṃ pahiṇissāmi ito vā sundarataranti. Tatiyampi kho āyasmā upanando sakyaputto taṃ seṭṭhiputtaṃ etadavoca ‘‘sace me tvaṃ āvuso dātukāmosi, ito ekaṃ sāṭakaṃ dehī’’ti. Amhākaṃ kho bhante kulaputtānaṃ kismiṃ viya ekasāṭakaṃ gantuṃ, āgamehi bhante yāva gharaṃ gacchāmi, gharaṃ gato ito vā ekaṃ sāṭakaṃ pahiṇissāmi ito vā sundarataranti. ‘‘Kiṃ pana tayā, āvuso, adātukāmena pavāritena yaṃ tvaṃ pavāretvā na desī’’ti.
ਅਥ ਖੋ ਸੋ ਸੇਟ੍ਠਿਪੁਤ੍ਤੋ ਆਯਸ੍ਮਤਾ ਉਪਨਨ੍ਦੇਨ ਸਕ੍ਯਪੁਤ੍ਤੇਨ ਨਿਪ੍ਪੀਲ਼ਿਯਮਾਨੋ ਏਕਂ ਸਾਟਕਂ ਦਤ੍વਾ ਅਗਮਾਸਿ। ਮਨੁਸ੍ਸਾ ਤਂ ਸੇਟ੍ਠਿਪੁਤ੍ਤਂ ਏਤਦવੋਚੁਂ – ‘‘ਕਿਸ੍ਸ ਤ੍વਂ ਅਯ੍ਯੋ ਏਕਸਾਟਕੋ ਆਗਚ੍ਛਸੀ’’ਤਿ? ਅਥ ਖੋ ਸੋ ਸੇਟ੍ਠਿਪੁਤ੍ਤੋ ਤੇਸਂ ਮਨੁਸ੍ਸਾਨਂ ਏਤਮਤ੍ਥਂ ਆਰੋਚੇਸਿ। ਮਨੁਸ੍ਸਾ ਉਜ੍ਝਾਯਨ੍ਤਿ ਖਿਯ੍ਯਨ੍ਤਿ વਿਪਾਚੇਨ੍ਤਿ – ‘‘ਮਹਿਚ੍ਛਾ ਇਮੇ ਸਮਣਾ ਸਕ੍ਯਪੁਤ੍ਤਿਯਾ ਅਸਨ੍ਤੁਟ੍ਠਾ। ਨਯਿਮੇਸਂ ਸੁਕਰਾ ਧਮ੍ਮਨਿਮਨ੍ਤਨਾਪਿ ਕਾਤੁਂ 3। ਕਥਞ੍ਹਿ ਨਾਮ ਸੇਟ੍ਠਿਪੁਤ੍ਤੇਨ ਧਮ੍ਮਨਿਮਨ੍ਤਨਾਯ ਕਯਿਰਮਾਨਾਯ ਸਾਟਕਂ ਗਹੇਸ੍ਸਨ੍ਤੀ’’ਤਿ! ਅਸ੍ਸੋਸੁਂ ਖੋ ਭਿਕ੍ਖੂ ਤੇਸਂ ਮਨੁਸ੍ਸਾਨਂ ਉਜ੍ਝਾਯਨ੍ਤਾਨਂ ਖਿਯ੍ਯਨ੍ਤਾਨਂ વਿਪਾਚੇਨ੍ਤਾਨਂ। ਯੇ ਤੇ ਭਿਕ੍ਖੂ ਅਪ੍ਪਿਚ੍ਛਾ…ਪੇ॰… ਤੇ ਉਜ੍ਝਾਯਨ੍ਤਿ ਖਿਯ੍ਯਨ੍ਤਿ વਿਪਾਚੇਨ੍ਤਿ – ‘‘ਕਥਞ੍ਹਿ ਨਾਮ ਆਯਸ੍ਮਾ ਉਪਨਨ੍ਦੋ ਸਕ੍ਯਪੁਤ੍ਤੋ ਸੇਟ੍ਠਿਪੁਤ੍ਤਂ ਚੀવਰਂ વਿਞ੍ਞਾਪੇਸ੍ਸਤੀ’’ਤਿ! ਅਥ ਖੋ ਤੇ ਭਿਕ੍ਖੂ ਆਯਸ੍ਮਨ੍ਤਂ ਉਪਨਨ੍ਦਂ ਸਕ੍ਯਪੁਤ੍ਤਂ ਅਨੇਕਪਰਿਯਾਯੇਨ વਿਗਰਹਿਤ੍વਾ ਭਗવਤੋ ਏਤਮਤ੍ਥਂ ਆਰੋਚੇਸੁਂ…ਪੇ॰… ‘‘ਸਚ੍ਚਂ ਕਿਰ ਤ੍વਂ, ਉਪਨਨ੍ਦ, ਸੇਟ੍ਠਿਪੁਤ੍ਤਂ ਚੀવਰਂ વਿਞ੍ਞਾਪੇਸੀ’’ਤਿ? ‘‘ਸਚ੍ਚਂ, ਭਗવਾ’’ਤਿ। ‘‘ਞਾਤਕੋ ਤੇ, ਉਪਨਨ੍ਦ, ਅਞ੍ਞਾਤਕੋ’’ਤਿ? ‘‘ਅਞ੍ਞਾਤਕੋ, ਭਗવਾ’’ਤਿ। ‘‘ਅਞ੍ਞਾਤਕੋ, ਮੋਘਪੁਰਿਸ, ਅਞ੍ਞਾਤਕਸ੍ਸ ਨ ਜਾਨਾਤਿ ਪਤਿਰੂਪਂ વਾ ਅਪ੍ਪਤਿਰੂਪਂ વਾ ਸਨ੍ਤਂ વਾ ਅਸਨ੍ਤਂ વਾ। ਤਤ੍ਥ ਨਾਮ ਤ੍વਂ, ਮੋਘਪੁਰਿਸ, ਅਞ੍ਞਾਤਕਂ ਸੇਟ੍ਠਿਪੁਤ੍ਤਂ ਚੀવਰਂ વਿਞ੍ਞਾਪੇਸ੍ਸਸਿ! ਨੇਤਂ, ਮੋਘਪੁਰਿਸ, ਅਪ੍ਪਸਨ੍ਨਾਨਂ વਾ ਪਸਾਦਾਯ…ਪੇ॰… ਏવਞ੍ਚ ਪਨ, ਭਿਕ੍ਖવੇ, ਇਮਂ ਸਿਕ੍ਖਾਪਦਂ ਉਦ੍ਦਿਸੇਯ੍ਯਾਥ –
Atha kho so seṭṭhiputto āyasmatā upanandena sakyaputtena nippīḷiyamāno ekaṃ sāṭakaṃ datvā agamāsi. Manussā taṃ seṭṭhiputtaṃ etadavocuṃ – ‘‘kissa tvaṃ ayyo ekasāṭako āgacchasī’’ti? Atha kho so seṭṭhiputto tesaṃ manussānaṃ etamatthaṃ ārocesi. Manussā ujjhāyanti khiyyanti vipācenti – ‘‘mahicchā ime samaṇā sakyaputtiyā asantuṭṭhā. Nayimesaṃ sukarā dhammanimantanāpi kātuṃ 4. Kathañhi nāma seṭṭhiputtena dhammanimantanāya kayiramānāya sāṭakaṃ gahessantī’’ti! Assosuṃ kho bhikkhū tesaṃ manussānaṃ ujjhāyantānaṃ khiyyantānaṃ vipācentānaṃ. Ye te bhikkhū appicchā…pe… te ujjhāyanti khiyyanti vipācenti – ‘‘kathañhi nāma āyasmā upanando sakyaputto seṭṭhiputtaṃ cīvaraṃ viññāpessatī’’ti! Atha kho te bhikkhū āyasmantaṃ upanandaṃ sakyaputtaṃ anekapariyāyena vigarahitvā bhagavato etamatthaṃ ārocesuṃ…pe… ‘‘saccaṃ kira tvaṃ, upananda, seṭṭhiputtaṃ cīvaraṃ viññāpesī’’ti? ‘‘Saccaṃ, bhagavā’’ti. ‘‘Ñātako te, upananda, aññātako’’ti? ‘‘Aññātako, bhagavā’’ti. ‘‘Aññātako, moghapurisa, aññātakassa na jānāti patirūpaṃ vā appatirūpaṃ vā santaṃ vā asantaṃ vā. Tattha nāma tvaṃ, moghapurisa, aññātakaṃ seṭṭhiputtaṃ cīvaraṃ viññāpessasi! Netaṃ, moghapurisa, appasannānaṃ vā pasādāya…pe… evañca pana, bhikkhave, imaṃ sikkhāpadaṃ uddiseyyātha –
੫੧੬. ‘‘ਯੋ ਪਨ ਭਿਕ੍ਖੁ ਅਞ੍ਞਾਤਕਂ ਗਹਪਤਿਂ વਾ ਗਹਪਤਾਨਿਂ વਾ ਚੀવਰਂ વਿਞ੍ਞਾਪੇਯ੍ਯ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯ’’ਨ੍ਤਿ।
516.‘‘Yo pana bhikkhu aññātakaṃ gahapatiṃ vā gahapatāniṃ vā cīvaraṃ viññāpeyya, nissaggiyaṃ pācittiya’’nti.
ਏવਞ੍ਚਿਦਂ ਭਗવਤਾ ਭਿਕ੍ਖੂਨਂ ਸਿਕ੍ਖਾਪਦਂ ਪਞ੍ਞਤ੍ਤਂ ਹੋਤਿ।
Evañcidaṃ bhagavatā bhikkhūnaṃ sikkhāpadaṃ paññattaṃ hoti.
੫੧੭. ਤੇਨ ਖੋ ਪਨ ਸਮਯੇਨ ਸਮ੍ਬਹੁਲਾ ਭਿਕ੍ਖੂ ਸਾਕੇਤਾ ਸਾવਤ੍ਥਿਂ ੨ ਅਦ੍ਧਾਨਮਗ੍ਗਪ੍ਪਟਿਪਨ੍ਨਾ ਹੋਨ੍ਤਿ। ਅਨ੍ਤਰਾਮਗ੍ਗੇ ਚੋਰਾ ਨਿਕ੍ਖਮਿਤ੍વਾ ਤੇ ਭਿਕ੍ਖੂ ਅਚ੍ਛਿਨ੍ਦਿਂਸੁ। ਅਥ ਖੋ ਤੇ ਭਿਕ੍ਖੂ – ‘‘ਭਗવਤਾ ਪਟਿਕ੍ਖਿਤ੍ਤਂ ਅਞ੍ਞਾਤਕਂ ਗਹਪਤਿਂ વਾ ਗਹਪਤਾਨਿਂ વਾ ਚੀવਰਂ વਿਞ੍ਞਾਪੇਤੁ’’ਨ੍ਤਿ, ਕੁਕ੍ਕੁਚ੍ਚਾਯਨ੍ਤਾ ਨ વਿਞ੍ਞਾਪੇਸੁਂ। ਯਥਾਨਗ੍ਗਾવ ਸਾવਤ੍ਥਿਂ ਗਨ੍ਤ੍વਾ ਭਿਕ੍ਖੂ ਅਭਿવਾਦੇਨ੍ਤਿ। ਭਿਕ੍ਖੂ ਏવਮਾਹਂਸੁ – ‘‘ਸੁਨ੍ਦਰਾ ਖੋ ਇਮੇ, ਆવੁਸੋ, ਆਜੀવਕਾ ਯੇ ਇਮੇ ਭਿਕ੍ਖੂਸੁ ਅਭਿવਾਦੇਨ੍ਤੀ’’ਤਿ। ਤੇ ਏવਮਾਹਂਸੁ – ‘‘ਨ ਮਯਂ, ਆવੁਸੋ, ਆਜੀવਕਾ, ਭਿਕ੍ਖੂ ਮਯ’’ਨ੍ਤਿ। ਭਿਕ੍ਖੂ ਆਯਸ੍ਮਨ੍ਤਂ ਉਪਾਲਿਂ ਏਤਦવੋਚੁਂ – ‘‘ਇਙ੍ਘਾવੁਸੋ ਉਪਾਲਿ, ਇਮੇ ਅਨੁਯੁਞ੍ਜਾਹੀ’’ਤਿ। ਅਥ ਖੋ ਆਯਸ੍ਮਤਾ ਉਪਾਲਿਨਾ ਅਨੁਯੁਞ੍ਜਿਯਮਾਨਾ ਤੇ ਭਿਕ੍ਖੂ ਏਤਮਤ੍ਥਂ ਆਰੋਚੇਸੁਂ। ਅਥ ਖੋ ਆਯਸ੍ਮਾ ਉਪਾਲਿ ਤੇ ਭਿਕ੍ਖੂ ਅਨੁਯੁਞ੍ਜਿਤ੍વਾ ਭਿਕ੍ਖੂ ਏਤਦવੋਚ – ‘‘ਭਿਕ੍ਖੂ ਇਮੇ, ਆવੁਸੋ। ਦੇਥ ਨੇਸਂ ਚੀવਰਾਨੀ’’ਤਿ। ਯੇ ਤੇ ਭਿਕ੍ਖੂ ਅਪ੍ਪਿਚ੍ਛਾ…ਪੇ॰… ਤੇ ਉਜ੍ਝਾਯਨ੍ਤਿ ਖਿਯ੍ਯਨ੍ਤਿ વਿਪਾਚੇਨ੍ਤਿ – ‘‘ਕਥਞ੍ਹਿ ਨਾਮ ਭਿਕ੍ਖੂ ਨਗ੍ਗਾ ਆਗਚ੍ਛਿਸ੍ਸਨ੍ਤਿ! ਨਨੁ ਨਾਮ ਤਿਣੇਨ વਾ ਪਣ੍ਣੇਨ વਾ ਪਟਿਚ੍ਛਾਦੇਤ੍વਾ ਆਗਨ੍ਤਬ੍ਬ’’ਨ੍ਤਿ। ਅਥ ਖੋ ਤੇ ਭਿਕ੍ਖੂ ਤੇ ਅਨੇਕਪਰਿਯਾਯੇਨ વਿਗਰਹਿਤ੍વਾ ਭਗવਤੋ ਏਤਮਤ੍ਥਂ ਆਰੋਚੇਸੁਂ। ਅਥ ਖੋ ਭਗવਾ ਏਤਸ੍ਮਿਂ ਨਿਦਾਨੇ ਏਤਸ੍ਮਿਂ ਪਕਰਣੇ ਧਮ੍ਮਿਂ ਕਥਂ ਕਤ੍વਾ ਭਿਕ੍ਖੂ ਆਮਨ੍ਤੇਸਿ – ‘‘ਅਨੁਜਾਨਾਮਿ, ਭਿਕ੍ਖવੇ, ਅਚ੍ਛਿਨ੍ਨਚੀવਰਸ੍ਸ વਾ ਨਟ੍ਠਚੀવਰਸ੍ਸ વਾ ਅਞ੍ਞਾਤਕਂ ਗਹਪਤਿਂ વਾ ਗਹਪਤਾਨਿਂ વਾ ਚੀવਰਂ વਿਞ੍ਞਾਪੇਤੁਂ। ਯਂ ਆવਾਸਂ ਪਠਮਂ ਉਪਗਚ੍ਛਤਿ, ਸਚੇ ਤਤ੍ਥ ਹੋਤਿ ਸਙ੍ਘਸ੍ਸ વਿਹਾਰਚੀવਰਂ વਾ ਉਤ੍ਤਰਤ੍ਥਰਣਂ વਾ ਭੂਮਤ੍ਥਰਣਂ વਾ ਭਿਸਿਚ੍ਛવਿ વਾ, ਤਂ ਗਹੇਤ੍વਾ ਪਾਰੁਪਿਤੁਂ ਲਭਿਤ੍વਾ ਓਦਹਿਸ੍ਸਾਮੀ’’ਤਿ । ਨੋ ਚੇ ਹੋਤਿ ਸਙ੍ਘਸ੍ਸ વਿਹਾਰਚੀવਰਂ વਾ ਉਤ੍ਤਰਤ੍ਥਰਣਂ વਾ ਭੁਮਤ੍ਥਰਣਂ વਾ ਭਿਸਿਚ੍ਛવਿ વਾ ਤਿਣੇਨ વਾ ਪਣ੍ਣੇਨ વਾ ਪਟਿਚ੍ਛਾਦੇਤ੍વਾ ਆਗਨ੍ਤਬ੍ਬਂ; ਨ ਤ੍વੇવ ਨਗ੍ਗੇਨ ਆਗਨ੍ਤਬ੍ਬਂ। ਯੋ ਆਗਚ੍ਛੇਯ੍ਯ, ਆਪਤ੍ਤਿ ਦੁਕ੍ਕਟਸ੍ਸ। ਏવਞ੍ਚ ਪਨ, ਭਿਕ੍ਖવੇ, ਇਮਂ ਸਿਕ੍ਖਾਪਦਂ ਉਦ੍ਦਿਸੇਯ੍ਯਾਥ –
517. Tena kho pana samayena sambahulā bhikkhū sāketā sāvatthiṃ 2 addhānamaggappaṭipannā honti. Antarāmagge corā nikkhamitvā te bhikkhū acchindiṃsu. Atha kho te bhikkhū – ‘‘bhagavatā paṭikkhittaṃ aññātakaṃ gahapatiṃ vā gahapatāniṃ vā cīvaraṃ viññāpetu’’nti, kukkuccāyantā na viññāpesuṃ. Yathānaggāva sāvatthiṃ gantvā bhikkhū abhivādenti. Bhikkhū evamāhaṃsu – ‘‘sundarā kho ime, āvuso, ājīvakā ye ime bhikkhūsu abhivādentī’’ti. Te evamāhaṃsu – ‘‘na mayaṃ, āvuso, ājīvakā, bhikkhū maya’’nti. Bhikkhū āyasmantaṃ upāliṃ etadavocuṃ – ‘‘iṅghāvuso upāli, ime anuyuñjāhī’’ti. Atha kho āyasmatā upālinā anuyuñjiyamānā te bhikkhū etamatthaṃ ārocesuṃ. Atha kho āyasmā upāli te bhikkhū anuyuñjitvā bhikkhū etadavoca – ‘‘bhikkhū ime, āvuso. Detha nesaṃ cīvarānī’’ti. Ye te bhikkhū appicchā…pe… te ujjhāyanti khiyyanti vipācenti – ‘‘kathañhi nāma bhikkhū naggā āgacchissanti! Nanu nāma tiṇena vā paṇṇena vā paṭicchādetvā āgantabba’’nti. Atha kho te bhikkhū te anekapariyāyena vigarahitvā bhagavato etamatthaṃ ārocesuṃ. Atha kho bhagavā etasmiṃ nidāne etasmiṃ pakaraṇe dhammiṃ kathaṃ katvā bhikkhū āmantesi – ‘‘anujānāmi, bhikkhave, acchinnacīvarassa vā naṭṭhacīvarassa vā aññātakaṃ gahapatiṃ vā gahapatāniṃ vā cīvaraṃ viññāpetuṃ. Yaṃ āvāsaṃ paṭhamaṃ upagacchati, sace tattha hoti saṅghassa vihāracīvaraṃ vā uttarattharaṇaṃ vā bhūmattharaṇaṃ vā bhisicchavi vā, taṃ gahetvā pārupituṃ labhitvā odahissāmī’’ti . No ce hoti saṅghassa vihāracīvaraṃ vā uttarattharaṇaṃ vā bhumattharaṇaṃ vā bhisicchavi vā tiṇena vā paṇṇena vā paṭicchādetvā āgantabbaṃ; na tveva naggena āgantabbaṃ. Yo āgaccheyya, āpatti dukkaṭassa. Evañca pana, bhikkhave, imaṃ sikkhāpadaṃ uddiseyyātha –
੫੧੮. ‘‘ਯੋ ਪਨ ਭਿਕ੍ਖੁ ਅਞ੍ਞਾਤਕਂ ਗਹਪਤਿਂ વਾ ਗਹਪਤਾਨਿਂ વਾ ਚੀવਰਂ વਿਞ੍ਞਾਪੇਯ੍ਯ, ਅਞ੍ਞਤ੍ਰ ਸਮਯਾ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ। ਤਤ੍ਥਾਯਂ ਸਮਯੋ – ਅਚ੍ਛਿਨ੍ਨਚੀવਰੋ વਾ ਹੋਤਿ ਭਿਕ੍ਖੁ ਨਟ੍ਠਚੀવਰੋ વਾ। ਅਯਂ ਤਤ੍ਥ ਸਮਯੋ’’ਤਿ।
518.‘‘Yo pana bhikkhu aññātakaṃ gahapatiṃ vā gahapatāniṃ vā cīvaraṃ viññāpeyya, aññatra samayā, nissaggiyaṃ pācittiyaṃ. Tatthāyaṃ samayo – acchinnacīvaro vā hoti bhikkhu naṭṭhacīvaro vā. Ayaṃ tattha samayo’’ti.
੫੧੯. ਯੋ ਪਨਾਤਿ ਯੋ ਯਾਦਿਸੋ…ਪੇ॰… ਭਿਕ੍ਖੂਤਿ…ਪੇ॰… ਅਯਂ ਇਮਸ੍ਮਿਂ ਅਤ੍ਥੇ ਅਧਿਪ੍ਪੇਤੋ ਭਿਕ੍ਖੂਤਿ।
519.Yo panāti yo yādiso…pe… bhikkhūti…pe… ayaṃ imasmiṃ atthe adhippeto bhikkhūti.
ਅਞ੍ਞਾਤਕੋ ਨਾਮ ਮਾਤਿਤੋ વਾ ਪਿਤਿਤੋ વਾ ਯਾવ ਸਤ੍ਤਮਾ ਪਿਤਾਮਹਯੁਗਾ ਅਸਮ੍ਬਦ੍ਧੋ।
Aññātako nāma mātito vā pitito vā yāva sattamā pitāmahayugā asambaddho.
ਗਹਪਤਿ ਨਾਮ ਯੋ ਕੋਚਿ ਅਗਾਰਂ ਅਜ੍ਝਾવਸਤਿ।
Gahapati nāma yo koci agāraṃ ajjhāvasati.
ਗਹਪਤਾਨੀ ਨਾਮ ਯਾ ਕਾਚਿ ਅਗਾਰਂ ਅਜ੍ਝਾવਸਤਿ।
Gahapatānī nāma yā kāci agāraṃ ajjhāvasati.
ਚੀવਰਂ ਨਾਮ ਛਨ੍ਨਂ ਚੀવਰਾਨਂ ਅਞ੍ਞਤਰਂ ਚੀવਰਂ વਿਕਪ੍ਪਨੁਪਗਂ ਪਚ੍ਛਿਮਂ।
Cīvaraṃ nāma channaṃ cīvarānaṃ aññataraṃ cīvaraṃ vikappanupagaṃ pacchimaṃ.
ਅਞ੍ਞਤ੍ਰ ਸਮਯਾਤਿ ਠਪੇਤ੍વਾ ਸਮਯਂ।
Aññatra samayāti ṭhapetvā samayaṃ.
ਅਚ੍ਛਿਨ੍ਨਚੀવਰੋ ਨਾਮ ਭਿਕ੍ਖੁਸ੍ਸ ਚੀવਰਂ ਅਚ੍ਛਿਨ੍ਨਂ ਹੋਤਿ ਰਾਜੂਹਿ વਾ ਚੋਰੇਹਿ વਾ ਧੁਤ੍ਤੇਹਿ વਾ, ਯੇਹਿ ਕੇਹਿਚਿ વਾ ਅਚ੍ਛਿਨ੍ਨਂ ਹੋਤਿ।
Acchinnacīvaro nāma bhikkhussa cīvaraṃ acchinnaṃ hoti rājūhi vā corehi vā dhuttehi vā, yehi kehici vā acchinnaṃ hoti.
ਨਟ੍ਠਚੀવਰੋ ਨਾਮ ਭਿਕ੍ਖੁਸ੍ਸ ਚੀવਰਂ ਅਗ੍ਗਿਨਾ વਾ ਦਡ੍ਢਂ ਹੋਤਿ, ਉਦਕੇਨ વਾ વੁਲ਼੍ਹਂ ਹੋਤਿ, ਉਨ੍ਦੂਰੇਹਿ વਾ ਉਪਚਿਕਾਹਿ વਾ ਖਾਯਿਤਂ ਹੋਤਿ, ਪਰਿਭੋਗਜਿਣ੍ਣਂ વਾ ਹੋਤਿ।
Naṭṭhacīvaro nāma bhikkhussa cīvaraṃ agginā vā daḍḍhaṃ hoti, udakena vā vuḷhaṃ hoti, undūrehi vā upacikāhi vā khāyitaṃ hoti, paribhogajiṇṇaṃ vā hoti.
ਅਞ੍ਞਤ੍ਰ ਸਮਯਾ વਿਞ੍ਞਾਪੇਤਿ, ਪਯੋਗੇ ਦੁਕ੍ਕਟਂ। ਪਟਿਲਾਭੇਨ ਨਿਸ੍ਸਗ੍ਗਿਯਂ ਹੋਤਿ। ਨਿਸ੍ਸਜ੍ਜਿਤਬ੍ਬਂ ਸਙ੍ਘਸ੍ਸ વਾ ਗਣਸ੍ਸ વਾ ਪੁਗ੍ਗਲਸ੍ਸ વਾ। ਏવਞ੍ਚ ਪਨ, ਭਿਕ੍ਖવੇ , ਨਿਸ੍ਸਜ੍ਜਿਤਬ੍ਬਂ…ਪੇ॰… ਇਦਂ ਮੇ, ਭਨ੍ਤੇ, ਚੀવਰਂ ਅਞ੍ਞਾਤਕਂ ਗਹਪਤਿਕਂ, ਅਞ੍ਞਤ੍ਰ ਸਮਯਾ વਿਞ੍ਞਾਪਿਤਂ, ਨਿਸ੍ਸਗ੍ਗਿਯਂ। ਇਮਾਹਂ ਸਙ੍ਘਸ੍ਸ ਨਿਸ੍ਸਜ੍ਜਾਮੀਤਿ…ਪੇ॰… ਦਦੇਯ੍ਯਾਤਿ…ਪੇ॰… ਦਦੇਯ੍ਯੁਨ੍ਤਿ…ਪੇ॰… ਆਯਸ੍ਮਤੋ ਦਮ੍ਮੀਤਿ।
Aññatra samayā viññāpeti, payoge dukkaṭaṃ. Paṭilābhena nissaggiyaṃ hoti. Nissajjitabbaṃ saṅghassa vā gaṇassa vā puggalassa vā. Evañca pana, bhikkhave , nissajjitabbaṃ…pe… idaṃ me, bhante, cīvaraṃ aññātakaṃ gahapatikaṃ, aññatra samayā viññāpitaṃ, nissaggiyaṃ. Imāhaṃ saṅghassa nissajjāmīti…pe… dadeyyāti…pe… dadeyyunti…pe… āyasmato dammīti.
੫੨੦. ਅਞ੍ਞਾਤਕੇ ਅਞ੍ਞਾਤਕਸਞ੍ਞੀ, ਅਞ੍ਞਤ੍ਰ ਸਮਯਾ, ਚੀવਰਂ વਿਞ੍ਞਾਪੇਤਿ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ। ਅਞ੍ਞਾਤਕੇ વੇਮਤਿਕੋ, ਅਞ੍ਞਤ੍ਰ ਸਮਯਾ, ਚੀવਰਂ વਿਞ੍ਞਾਪੇਤਿ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ। ਅਞ੍ਞਾਤਕੇ ਞਾਤਕਸਞ੍ਞੀ, ਅਞ੍ਞਤ੍ਰ ਸਮਯਾ, ਚੀવਰਂ વਿਞ੍ਞਾਪੇਤਿ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ।
520. Aññātake aññātakasaññī, aññatra samayā, cīvaraṃ viññāpeti, nissaggiyaṃ pācittiyaṃ. Aññātake vematiko, aññatra samayā, cīvaraṃ viññāpeti, nissaggiyaṃ pācittiyaṃ. Aññātake ñātakasaññī, aññatra samayā, cīvaraṃ viññāpeti, nissaggiyaṃ pācittiyaṃ.
ਞਾਤਕੇ ਅਞ੍ਞਾਤਕਸਞ੍ਞੀ, ਆਪਤ੍ਤਿ ਦੁਕ੍ਕਟਸ੍ਸ। ਞਾਤਕੇ વੇਮਤਿਕੋ, ਆਪਤ੍ਤਿ ਦੁਕ੍ਕਟਸ੍ਸ। ਞਾਤਕੇ ਞਾਤਕਸਞ੍ਞੀ, ਅਨਾਪਤ੍ਤਿ।
Ñātake aññātakasaññī, āpatti dukkaṭassa. Ñātake vematiko, āpatti dukkaṭassa. Ñātake ñātakasaññī, anāpatti.
੫੨੧. ਅਨਾਪਤ੍ਤਿ ਸਮਯੇ, ਞਾਤਕਾਨਂ, ਪવਾਰਿਤਾਨਂ, ਅਞ੍ਞਸ੍ਸਤ੍ਥਾਯ, ਅਤ੍ਤਨੋ ਧਨੇਨ, ਉਮ੍ਮਤ੍ਤਕਸ੍ਸ, ਆਦਿਕਮ੍ਮਿਕਸ੍ਸਾਤਿ।
521. Anāpatti samaye, ñātakānaṃ, pavāritānaṃ, aññassatthāya, attano dhanena, ummattakassa, ādikammikassāti.
ਅਞ੍ਞਾਤਕવਿਞ੍ਞਤ੍ਤਿਸਿਕ੍ਖਾਪਦਂ ਨਿਟ੍ਠਿਤਂ ਛਟ੍ਠਂ।
Aññātakaviññattisikkhāpadaṃ niṭṭhitaṃ chaṭṭhaṃ.
Footnotes:
Related texts:
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਮਹਾવਿਭਙ੍ਗ-ਅਟ੍ਠਕਥਾ • Mahāvibhaṅga-aṭṭhakathā / ੬. ਅਞ੍ਞਾਤਕવਿਞ੍ਞਤ੍ਤਿਸਿਕ੍ਖਾਪਦવਣ੍ਣਨਾ • 6. Aññātakaviññattisikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ੬. ਅਞ੍ਞਾਤਕવਿਞ੍ਞਤ੍ਤਿਸਿਕ੍ਖਾਪਦવਣ੍ਣਨਾ • 6. Aññātakaviññattisikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ੬. ਅਞ੍ਞਾਤਕવਿਞ੍ਞਤ੍ਤਿਸਿਕ੍ਖਾਪਦવਣ੍ਣਨਾ • 6. Aññātakaviññattisikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ੬. ਅਞ੍ਞਾਤਕવਿਞ੍ਞਤ੍ਤਿਸਿਕ੍ਖਾਪਦવਣ੍ਣਨਾ • 6. Aññātakaviññattisikkhāpadavaṇṇanā
