| Library / Tipiṭaka / д̇ибидага • Tipiṭaka / ган̇каавид̇аран̣ий-абхинава-дийгаа • Kaṅkhāvitaraṇī-abhinava-ṭīkā |
6. ан̃н̃аад̇агавин̃н̃ад̇д̇исигкаабад̣̇аван̣н̣анаа
6. Aññātakaviññattisikkhāpadavaṇṇanā
г̇зхасса бад̇и ж̇здтод̇и г̇ахабад̇и, д̇ам̣ г̇ахабад̇им̣, ид̇ха бана абаб̣б̣аж̇ид̇о яо гожи мануссо ад̇хиббзд̇о. д̇знааха ‘‘бхигкуусу абаб̣б̣аж̇ид̇аманусса’’нд̇и. зсзва наяо г̇ахабад̇аанинд̇и зд̇т̇ааби. ‘‘вин̃н̃аабзяяаа’’д̇и ид̣̇ам̣ суд̣̇д̇хагад̇д̇уад̇т̇з жа хзд̇угад̇д̇уад̇т̇з жа вад̇д̇ад̇ийд̇и ааха ‘‘яаажзяяа ваа яаажаабзяяа ваа’’д̇и. яаажаабанан̃жзд̇т̇а ад̇д̇ано ад̇т̇ааязваад̇и д̣̇адтаб̣б̣ам̣. зван̃жа бана гад̇ваа ‘‘анаан̣ад̇д̇ига’’нд̇и ид̣̇ам̣ самад̇т̇ид̇ам̣ ход̇и. ан̃н̃ад̇ра самаяаад̇и самзд̇и зд̇т̇а, зд̇зна ваа сам̣г̇ажчад̇и сад̇д̇о, сабхаавад̇хаммо ваа сахаж̇аад̇аад̣̇ийхи, уббаад̣̇аад̣̇ийхи ваад̇и самаяо, гаало, д̇хаммаббавад̇д̇имад̇д̇ад̇ааяа ад̇т̇ад̇о абхууд̇оби хи гаало д̇хаммаббавад̇д̇ияаа ад̇хигаран̣ам̣, гаран̣ам̣ вияа жа габбанаамад̇д̇асид̣̇д̇хзна руубзна вохарийяад̇и, д̇ам̣ самаяам̣ табзд̇ваад̇и ад̇т̇о. д̇знааха ‘‘яо ажчиннажийваро ваа ход̇ий’’д̇иаад̣̇и. д̇ад̇т̇а рааж̇аад̣̇ийсу язхи гзхижи ажчиннам̣ жийварам̣ зд̇ассаад̇и ажчиннажийваро. яат̇ааха ‘‘ажчиннажийваро наама бхигкусса жийварам̣ ажчиннам̣ ход̇и, рааж̇уухи ваа жорзхи ваа д̇худ̇д̇зхи ваа язхи гзхижи ваа ажчиннам̣ ход̇ий’’д̇и. аг̇г̇иаад̣̇ийсу язна гзнажи надтам̣ жийварамзд̇ассаад̇и надтажийваро. яат̇ааха ‘‘надтажийваро наама бхигкусса жийварам̣ аг̇г̇инаа ваа д̣̇ад̣дхам̣ ход̇и, уд̣̇агзна ваа вуул̣хам̣ ход̇и, унд̣̇уурзхи ваа убажигаахи ваа кааяид̇ам̣ ход̇и , барибхог̇аж̇ин̣н̣ам̣ ваа ход̇ий’’д̇и (баараа. 519). самаяаад̇и ан̃н̃ад̇расад̣̇д̣̇аабзгкааяа убаяог̇ад̇т̇з ниссаггаважананд̇и ааха ‘‘д̇ам̣ самаяа’’нд̇и. ан̃н̃асминд̇и ан̃н̃асмим̣ самаяз.
Gehassa pati jeṭṭhoti gahapati, taṃ gahapatiṃ, idha pana apabbajito yo koci manusso adhippeto. Tenāha ‘‘bhikkhūsu apabbajitamanussa’’nti. Eseva nayo gahapatāninti etthāpi. ‘‘Viññāpeyyā’’ti idaṃ suddhakattuatthe ca hetukattuatthe ca vattatīti āha ‘‘yāceyya vā yācāpeyya vā’’ti. Yācāpanañcettha attano atthāyevāti daṭṭhabbaṃ. Evañca pana katvā ‘‘anāṇattika’’nti idaṃ samatthitaṃ hoti. Aññatra samayāti sameti ettha, etena vā saṃgacchati satto, sabhāvadhammo vā sahajātādīhi, uppādādīhi vāti samayo, kālo, dhammappavattimattatāya atthato abhūtopi hi kālo dhammappavattiyā adhikaraṇaṃ, karaṇaṃ viya ca kappanāmattasiddhena rūpena voharīyati, taṃ samayaṃ ṭhapetvāti attho. Tenāha ‘‘yo acchinnacīvaro vā hotī’’tiādi. Tattha rājādīsu yehi kehici acchinnaṃ cīvaraṃ etassāti acchinnacīvaro. Yathāha ‘‘acchinnacīvaro nāma bhikkhussa cīvaraṃ acchinnaṃ hoti, rājūhi vā corehi vā dhuttehi vā yehi kehici vā acchinnaṃ hotī’’ti. Aggiādīsu yena kenaci naṭṭhaṃ cīvarametassāti naṭṭhacīvaro. Yathāha ‘‘naṭṭhacīvaro nāma bhikkhussa cīvaraṃ agginā vā daḍḍhaṃ hoti, udakena vā vūḷhaṃ hoti, undūrehi vā upacikāhi vā khāyitaṃ hoti , paribhogajiṇṇaṃ vā hotī’’ti (pārā. 519). Samayāti aññatrasaddāpekkhāya upayogatthe nissakkavacananti āha ‘‘taṃ samaya’’nti. Aññasminti aññasmiṃ samaye.
д̇игабаажид̇д̇ияанд̇и ан̃н̃аад̇агз ан̃н̃аад̇агасан̃н̃ивзмад̇иган̃н̃аад̇агасан̃н̃ийнам̣ васзна д̇ийн̣и баажид̇д̇ияаани. самаязд̇и яат̇аавуд̇д̇з ажчиннажийварагаалз жа надтажийварагаалз жа. н̃аад̇агаббаваарид̇з ваа вин̃н̃аабзнд̇ассаад̇и н̃аад̇агз, баваарид̇з жа ‘‘д̇умхаагам̣ сант̇ад̇ам̣ д̣̇зт̇аа’’д̇и яаажанд̇асса. зд̇т̇а (баараа. адта. 2.521) жа сан̇гхавасзна баваарид̇з бамаан̣амзва яаажид̇ум̣ ваддад̇и, буг̇г̇алигавасзна баваарид̇з бана яам̣ яам̣ баваарзнд̇и, д̇ам̣ д̇амзва вин̃н̃аабзд̇аб̣б̣ам̣. яо хи жад̇уухи бажжаязхи баваарзд̇ваа саяамзва саллагкзд̇ваа гаалаанугаалам̣ жийвараад̣̇ийни д̣̇ивасз д̣̇ивасз яааг̇убхад̇д̇аад̣̇ийни д̣̇зд̇и, звам̣ язна язна ад̇т̇о, д̇ам̣ д̇ам̣ д̣̇зд̇и, д̇асса вин̃н̃аабанагижжам̣ над̇т̇и. яо бана баваарзд̇ваа б̣аалад̇ааяа ваа сад̇исаммосзна ваа на д̣̇зд̇и, со вин̃н̃аабзд̇аб̣б̣о. яо ‘‘маяхам̣ г̇зхам̣ баваарзмий’’д̇и вад̣̇ад̇и, д̇асса г̇зхам̣ г̇анд̇ваа яат̇аасукам̣ нисийд̣̇ид̇аб̣б̣ам̣ нибаж̇ж̇ид̇аб̣б̣ам̣, на гин̃жи г̇ахзд̇аб̣б̣ам̣. яо бана ‘‘яам̣ маяхам̣ г̇зхз ад̇т̇и, д̇ам̣ баваарзмий’’д̇и вад̣̇ад̇и, яам̣ д̇ад̇т̇а габбияам̣, д̇ам̣ вин̃н̃аабзд̇аб̣б̣ам̣. г̇зхз бана нисийд̣̇ид̇ум̣ ваа нибаж̇ж̇ид̇ум̣ ваа на лаб̣бхад̇и. д̇ассзвад̇т̇ааяаад̇и ‘‘ан̃н̃ассаа’’д̇и лад̣̇д̇хавохаарасса д̇ассзва б̣уд̣̇д̇харагкид̇асса ваа д̇хаммарагкид̇асса ваа ад̇т̇ааяа. ад̇д̇ано д̇ханзна г̇ан̣ханд̇ассаад̇и ад̇д̇ано габбияабхан̣д̣зна габбияавохаарзнзва г̇ан̣ханд̇асса жзд̇аабзнд̇асса, баривад̇д̇аабзнд̇ассаад̇и ад̇т̇о.
Tikapācittiyanti aññātake aññātakasaññivematikaññātakasaññīnaṃ vasena tīṇi pācittiyāni. Samayeti yathāvutte acchinnacīvarakāle ca naṭṭhacīvarakāle ca. Ñātakappavārite vā viññāpentassāti ñātake, pavārite ca ‘‘tumhākaṃ santhataṃ dethā’’ti yācantassa. Ettha (pārā. aṭṭha. 2.521) ca saṅghavasena pavārite pamāṇameva yācituṃ vaṭṭati, puggalikavasena pavārite pana yaṃ yaṃ pavārenti, taṃ tameva viññāpetabbaṃ. Yo hi catūhi paccayehi pavāretvā sayameva sallakkhetvā kālānukālaṃ cīvarādīni divase divase yāgubhattādīni deti, evaṃ yena yena attho, taṃ taṃ deti, tassa viññāpanakiccaṃ natthi. Yo pana pavāretvā bālatāya vā satisammosena vā na deti, so viññāpetabbo. Yo ‘‘mayhaṃ gehaṃ pavāremī’’ti vadati, tassa gehaṃ gantvā yathāsukhaṃ nisīditabbaṃ nipajjitabbaṃ, na kiñci gahetabbaṃ. Yo pana ‘‘yaṃ mayhaṃ gehe atthi, taṃ pavāremī’’ti vadati, yaṃ tattha kappiyaṃ, taṃ viññāpetabbaṃ. Gehe pana nisīdituṃ vā nipajjituṃ vā na labbhati. Tassevatthāyāti ‘‘aññassā’’ti laddhavohārassa tasseva buddharakkhitassa vā dhammarakkhitassa vā atthāya. Attano dhanena gaṇhantassāti attano kappiyabhaṇḍena kappiyavohāreneva gaṇhantassa cetāpentassa, parivattāpentassāti attho.
ан̃н̃аад̇агавин̃н̃ад̇д̇исигкаабад̣̇аван̣н̣анаа нидтид̇аа.
Aññātakaviññattisikkhāpadavaṇṇanā niṭṭhitā.
