| Library / Tipiṭaka / д̇ибидага • Tipiṭaka / саарад̇т̇ад̣̇ийбаний-дийгаа • Sāratthadīpanī-ṭīkā |
6. ан̃н̃аад̇агавин̃н̃ад̇д̇исигкаабад̣̇аван̣н̣анаа
6. Aññātakaviññattisikkhāpadavaṇṇanā
515. чадтз бад̇игидтод̇и нихийно, лаамагод̇и ад̇т̇о. лолаж̇аад̇игод̇и лоласабхааво. бадуязва баддо. д̇знааха ‘‘чзго’’д̇иаад̣̇и. гисмим̣ вияаад̇и зд̇т̇а ‘‘гисмим̣ вияаа’’д̇и нибаад̇авасзна самаанад̇т̇ам̣ ‘‘гим̣су вияаа’’д̇и нибаад̇абад̣̇анд̇и ааха ‘‘гим̣су вияаа’’д̇и, гим̣ вияаад̇и ад̇т̇о, д̣̇угкам̣ вияаад̇и ад̇хиббааяо. д̇знааха ‘‘гилзсо вияаа’’д̇иаад̣̇и. д̇хаммавасзна убажааравасзна ниманд̇анаа д̇хамманиманд̇анаад̇и баал̣ибад̣̇асса ад̇т̇о взд̣̇ид̇аб̣б̣о. сажз бана ‘‘вад̣̇зяяаат̇а, бханд̇з, язнад̇т̇о’’д̇и ид̣̇ам̣ сажжамзва вуд̇д̇ам̣ сияаа, баваарид̇оязва ход̇и. яасмаа бана баваарзд̇вааби ад̣̇аад̇угаамо аббаваарид̇адтаанзязва д̇идтад̇и, д̇асмаа бхаг̇аваа баваарид̇аабаваарид̇абхаавам̣ авижаарзд̇ваа ‘‘н̃аад̇аго д̇з, убананд̣̇а, ан̃н̃аад̇аго’’д̇и н̃аад̇агаан̃н̃аад̇агабхаавам̣язва вижаарзси. мусим̣сууд̇и вилумбим̣су.
515. Chaṭṭhe patikiṭṭhoti nihīno, lāmakoti attho. Lolajātikoti lolasabhāvo. Paṭuyeva paṭṭo. Tenāha ‘‘cheko’’tiādi. Kismiṃ viyāti ettha ‘‘kismiṃ viyā’’ti nipātavasena samānatthaṃ ‘‘kiṃsu viyā’’ti nipātapadanti āha ‘‘kiṃsu viyā’’ti, kiṃ viyāti attho, dukkhaṃ viyāti adhippāyo. Tenāha ‘‘kileso viyā’’tiādi. Dhammavasena upacāravasena nimantanā dhammanimantanāti pāḷipadassa attho veditabbo. Sace pana ‘‘vadeyyātha, bhante, yenattho’’ti idaṃ saccameva vuttaṃ siyā, pavāritoyeva hoti. Yasmā pana pavāretvāpi adātukāmo appavāritaṭṭhāneyeva tiṭṭhati, tasmā bhagavā pavāritāpavāritabhāvaṃ avicāretvā ‘‘ñātako te, upananda, aññātako’’ti ñātakaaññātakabhāvaṃyeva vicāresi. Musiṃsūti vilumpiṃsu.
517. анубуб̣б̣агат̇аад̇и анубуб̣б̣зна винижчаяагат̇аа. сзсабаригкаараанам̣ сад̣̇д̇хивихааригзхи г̇ахид̇ад̇д̇аа ниваасанабаарубанамад̇д̇амзва авасидтанд̇и ааха ‘‘ниваасанабаарубанамад̇д̇ам̣язва харид̇ваа’’д̇и. сад̣̇д̇хивихааригаанам̣ д̇аава ааг̇аманасса ваа анааг̇аманасса ваа аж̇аананад̇ааяа вуд̇д̇ам̣ ‘‘т̇зрзхи нзва д̇аава…бз… бхан̃ж̇ид̇аб̣б̣а’’нд̇и. барзсамби ад̇т̇ааяа лабханд̇ийд̇и ад̇д̇ано жийварам̣ д̣̇ад̣̇амаанаа саяам̣ саакаабхан̇г̇зна бадижчаад̣̇знд̇ийд̇и д̇зсам̣ ад̇т̇ааяаби бхан̃ж̇ид̇ум̣ лабханд̇и. ‘‘д̇ин̣зна ваа бан̣н̣зна ваа бадижчаад̣̇зд̇ваа ааг̇анд̇аб̣б̣а’’нд̇и важанад̇о ийд̣̇исзсу бхууд̇аг̇аамабаад̇аб̣яад̇ааби анун̃н̃аад̇ааязва ход̇ийд̇и ааха – ‘‘нзва бхууд̇аг̇аамабаад̇аб̣яад̇ааяа баажид̇д̇ияам̣ ход̇ий’’д̇и. на д̇зсам̣ д̇хааран̣з д̣̇уггаданд̇и д̇зсам̣ д̇ид̇т̇ияад̣̇д̇хаж̇аанам̣ д̇хааран̣зби д̣̇уггадам̣ над̇т̇и.
517.Anupubbakathāti anupubbena vinicchayakathā. Sesaparikkhārānaṃ saddhivihārikehi gahitattā nivāsanapārupanamattameva avasiṭṭhanti āha ‘‘nivāsanapārupanamattaṃyeva haritvā’’ti. Saddhivihārikānaṃ tāva āgamanassa vā anāgamanassa vā ajānanatāya vuttaṃ ‘‘therehi neva tāva…pe… bhañjitabba’’nti. Paresampi atthāya labhantīti attano cīvaraṃ dadamānā sayaṃ sākhābhaṅgena paṭicchādentīti tesaṃ atthāyapi bhañjituṃ labhanti. ‘‘Tiṇena vā paṇṇena vā paṭicchādetvā āgantabba’’nti vacanato īdisesu bhūtagāmapātabyatāpi anuññātāyeva hotīti āha – ‘‘neva bhūtagāmapātabyatāya pācittiyaṃ hotī’’ti. Na tesaṃ dhāraṇe dukkaṭanti tesaṃ titthiyaddhajānaṃ dhāraṇepi dukkaṭaṃ natthi.
яаани жа нзсам̣ вад̇т̇аани д̣̇знд̇ийд̇и самб̣анд̇хо. т̇зраанам̣ саяамзва д̣̇иннад̇д̇аа вуд̇д̇ам̣ ‘‘ажчиннажийварадтаанз тид̇ад̇д̇аа’’д̇и. яад̣̇и лад̣̇д̇хим̣ г̇ан̣хаад̇и, д̇ид̇т̇ияабагганд̇аго наама ход̇и, д̇асмаа вуд̇д̇ам̣ ‘‘лад̣̇д̇хим̣ аг̇г̇ахзд̇ваа’’д̇и. ‘‘но жз ход̇и сан̇гхасса вихааражийварам̣ ваа…бз… аабад̇д̇и д̣̇уггадассаа’’д̇и иминаа анд̇араамаг̇г̇з бавидтавихаарад̇о нигкамид̇ваа ан̃н̃ад̇т̇а ад̇д̇ано абхиружид̇адтаанам̣ г̇ажчанд̇асса д̣̇уггадам̣ вуд̇д̇ам̣. иминаа жа ‘‘яам̣ ааваасам̣ батамам̣ убаг̇ажчад̇ий’’д̇и вуд̇д̇ам̣ анд̇араамаг̇г̇з тид̇авихаарамби сажз наг̇г̇о худ̇ваа г̇ажчад̇и, д̣̇уггадамзваад̇и взд̣̇ид̇аб̣б̣ам̣. яад̣̇и звам̣ д̇ад̇т̇а гасмаа на вуд̇д̇анд̇и жз? аногаасад̇д̇аа. д̇ад̇т̇а хи ‘‘ануж̇аанаами, бхигкавз, ажчиннажийварасса ваа…бз… жийварам̣ вин̃н̃аабзд̇у’’нд̇и иминаа самб̣анд̇хзна сан̇гхигамби жийварам̣ ниваасзд̇ум̣ баарубид̇ун̃жа ануж̇аананд̇о ‘‘яам̣ ааваасам̣ батамам̣…бз… г̇ахзд̇ваа баарубид̇у’’нд̇и ааха, д̇асмаа д̇ад̇т̇а аногаасад̇д̇аа д̣̇уггадам̣ на вуд̇д̇ам̣.
Yāni ca nesaṃ vatthāni dentīti sambandho. Therānaṃ sayameva dinnattā vuttaṃ ‘‘acchinnacīvaraṭṭhāne ṭhitattā’’ti. Yadi laddhiṃ gaṇhāti, titthiyapakkantako nāma hoti, tasmā vuttaṃ ‘‘laddhiṃ aggahetvā’’ti. ‘‘No ce hoti saṅghassa vihāracīvaraṃ vā…pe… āpatti dukkaṭassā’’ti iminā antarāmagge paviṭṭhavihārato nikkhamitvā aññattha attano abhirucitaṭṭhānaṃ gacchantassa dukkaṭaṃ vuttaṃ. Iminā ca ‘‘yaṃ āvāsaṃ paṭhamaṃ upagacchatī’’ti vuttaṃ antarāmagge ṭhitavihārampi sace naggo hutvā gacchati, dukkaṭamevāti veditabbaṃ. Yadi evaṃ tattha kasmā na vuttanti ce? Anokāsattā. Tattha hi ‘‘anujānāmi, bhikkhave, acchinnacīvarassa vā…pe… cīvaraṃ viññāpetu’’nti iminā sambandhena saṅghikampi cīvaraṃ nivāsetuṃ pārupituñca anujānanto ‘‘yaṃ āvāsaṃ paṭhamaṃ…pe… gahetvā pārupitu’’nti āha, tasmā tattha anokāsattā dukkaṭaṃ na vuttaṃ.
вихааражийваранд̇и сзнаасанажийварам̣. жимилигаахийд̇и бадабилод̇игаахи. д̇асса убарийд̇и бхуумад̇т̇аран̣асса убари. вид̣̇зсаг̇ад̇знаад̇и ан̃н̃ам̣ жийварам̣ алабхид̇ваа вид̣̇зсаг̇ад̇зна. згасмим̣…бз… табзд̇аб̣б̣анд̇и зд̇т̇а ‘‘лзсзна г̇ахзд̇ваа аг̇ад̇ад̇д̇аа табзнд̇зна жа сан̇гхигабарибхог̇знзва табид̇ад̇д̇аа ан̃н̃асмим̣ сзнаасанз нияамид̇амби ан̃н̃ад̇т̇а табзд̇ум̣ ваддад̇ий’’д̇и вад̣̇анд̇и. барибхог̇знзваад̇и ан̃н̃ам̣ жийварам̣ алабхид̇ваа барибхун̃ж̇анзна.
Vihāracīvaranti senāsanacīvaraṃ. Cimilikāhīti paṭapilotikāhi. Tassa uparīti bhūmattharaṇassa upari. Videsagatenāti aññaṃ cīvaraṃ alabhitvā videsagatena. Ekasmiṃ…pe… ṭhapetabbanti ettha ‘‘lesena gahetvā agatattā ṭhapentena ca saṅghikaparibhogeneva ṭhapitattā aññasmiṃ senāsane niyamitampi aññattha ṭhapetuṃ vaṭṭatī’’ti vadanti. Paribhogenevāti aññaṃ cīvaraṃ alabhitvā paribhuñjanena.
519-521. барибхог̇аж̇ин̣н̣анд̇и яат̇аа д̇зна жийварзна сарийрам̣ бадижчаад̣̇зд̇ум̣ на саггаа, звам̣ ж̇ин̣н̣ам̣. габбияавохаарзнаад̇и гаяавиггаяаабад̇д̇ид̇о можанад̇т̇ам̣ вуд̇д̇ам̣. ‘‘вин̃н̃аабзнд̇ассаа’’д̇и имассзва ад̇т̇ам̣ вибхаавзд̇и ‘‘жзд̇аабзнд̇асса баривад̇д̇аабзнд̇ассаа’’д̇и. ад̇д̇ано д̇ханзна хи вин̃н̃аабанам̣ наама баривад̇д̇анамзваад̇и ад̇хиббааяо. сан̇гхавасзна баваарид̇аанам̣ вин̃н̃аабанз вад̇д̇ам̣ д̣̇ассзд̇и ‘‘бамаан̣амзва ваддад̇ий’’д̇и. сан̇гхавасзна хи баваарид̇з саб̣б̣зсам̣ саад̇хааран̣ад̇д̇аа ад̇хигам̣ вин̃н̃аабзд̇ум̣ на ваддад̇и. яам̣ яам̣ баваарзд̇ийд̇и яам̣ яам̣ жийвараад̣̇им̣ д̣̇ассаамийд̇и баваарзд̇и. вин̃н̃аабанагижжам̣ над̇т̇ийд̇и винаа вин̃н̃ад̇д̇ияаа д̣̇ийяамаанад̇д̇аа вин̃н̃аабзд̇ваа гим̣ гариссад̇ийд̇и ад̇хиббааяо. ан̃н̃ассад̇т̇ааяаад̇и зд̇т̇ааби ‘‘н̃аад̇агаанам̣ баваарид̇аана’’нд̇и ид̣̇ам̣ анувад̇д̇ад̇иязваад̇и ааха ‘‘ад̇д̇ано н̃аад̇агабаваарид̇з’’д̇иаад̣̇и. вигаббанубаг̇ажийварад̇аа, самаяаабхааво, ан̃н̃аад̇агавин̃н̃ад̇д̇и, д̇ааяа жа бадилаабход̇и имаанзд̇т̇а жад̇д̇аари ан̇г̇аани.
519-521.Paribhogajiṇṇanti yathā tena cīvarena sarīraṃ paṭicchādetuṃ na sakkā, evaṃ jiṇṇaṃ. Kappiyavohārenāti kayavikkayāpattito mocanatthaṃ vuttaṃ. ‘‘Viññāpentassā’’ti imasseva atthaṃ vibhāveti ‘‘cetāpentassa parivattāpentassā’’ti. Attano dhanena hi viññāpanaṃ nāma parivattanamevāti adhippāyo. Saṅghavasena pavāritānaṃ viññāpane vattaṃ dasseti ‘‘pamāṇameva vaṭṭatī’’ti. Saṅghavasena hi pavārite sabbesaṃ sādhāraṇattā adhikaṃ viññāpetuṃ na vaṭṭati. Yaṃ yaṃ pavāretīti yaṃ yaṃ cīvarādiṃ dassāmīti pavāreti. Viññāpanakiccaṃ natthīti vinā viññattiyā dīyamānattā viññāpetvā kiṃ karissatīti adhippāyo. Aññassatthāyāti etthāpi ‘‘ñātakānaṃ pavāritāna’’nti idaṃ anuvattatiyevāti āha ‘‘attano ñātakapavārite’’tiādi. Vikappanupagacīvaratā, samayābhāvo, aññātakaviññatti, tāya ca paṭilābhoti imānettha cattāri aṅgāni.
ан̃н̃аад̇агавин̃н̃ад̇д̇исигкаабад̣̇аван̣н̣анаа нидтид̇аа.
Aññātakaviññattisikkhāpadavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 6. ан̃н̃аад̇агавин̃н̃ад̇д̇исигкаабад̣̇ам̣ • 6. Aññātakaviññattisikkhāpadaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 6. ан̃н̃аад̇агавин̃н̃ад̇д̇исигкаабад̣̇аван̣н̣анаа • 6. Aññātakaviññattisikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 6. ан̃н̃аад̇агавин̃н̃ад̇д̇исигкаабад̣̇аван̣н̣анаа • 6. Aññātakaviññattisikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 6. ан̃н̃аад̇агавин̃н̃ад̇д̇исигкаабад̣̇аван̣н̣анаа • 6. Aññātakaviññattisikkhāpadavaṇṇanā
