| Library / Tipiṭaka / д̇ибидага • Tipiṭaka / важ̇ираб̣уд̣̇д̇хи-дийгаа • Vajirabuddhi-ṭīkā |
6. ан̃н̃аад̇агавин̃н̃ад̇д̇исигкаабад̣̇аван̣н̣анаа
6. Aññātakaviññattisikkhāpadavaṇṇanā
515. баригкаараананд̇и убаяог̇ад̇т̇з саамиважанам̣. згасаадаганд̇и бхааванабум̣сагам̣, ‘‘ан̃н̃аад̇аго могхабурисаа’’д̇и важанзна баваарид̇оби ад̣̇аад̇угаамо ан̃н̃аад̇аго аббаваарид̇адтаанз д̇идтад̇ийд̇и д̣̇ийбид̇ам̣ ход̇и. ан̃н̃ат̇аа ‘‘анаабад̇д̇и баваарид̇аана’’нд̇и иминаа вируж̇жхад̇и.
515.Parikkhārānanti upayogatthe sāmivacanaṃ. Ekasāṭakanti bhāvanapuṃsakaṃ, ‘‘aññātako moghapurisā’’ti vacanena pavāritopi adātukāmo aññātako appavāritaṭṭhāne tiṭṭhatīti dīpitaṃ hoti. Aññathā ‘‘anāpatti pavāritāna’’nti iminā virujjhati.
517. нзва д̇аава вин̃н̃аабзд̇аб̣б̣ам̣, на бхан̃ж̇ид̇аб̣б̣анд̇и анажчиннаанам̣ жийвараанам̣ ад̇д̇ано санд̇агаанам̣ ад̇т̇ид̇ааяа, д̇ад̇т̇а бажжаасаасаб̣бхаавад̇о жа. бажжаасаа гид̇д̇агам̣ гаалам̣ рагкад̇ийд̇и? яаава г̇ааманд̇араа, яаава ад̣̇д̇хаяож̇анаад̇и згз. яаава д̣̇ассанасавануубажаараад̇и згз. яаава ан̃н̃з на бассанд̇ийд̇и згз. яаава бажжаасаа чиж̇ж̇ад̇ийд̇и згз. яаава саакаабалаасабариязсанабхан̃ж̇анасаж̇ж̇анагаалабарижчзд̣̇аад̇и згз. ид̣̇ам̣ саб̣б̣ам̣ яат̇аасамбхавам̣ яуж̇ж̇ад̇и. гат̇ам̣ бан̃н̃ааяад̇ийд̇и жз? ‘‘сажз бана зд̇зсам̣ вуд̇д̇аббагаараанам̣ г̇ихивад̇т̇аад̣̇ийнам̣ бхисичавибарияанд̇аанам̣ гин̃жи на лаб̣бхад̇и, д̇зна д̇ин̣зна ваа бан̣н̣зна ваа бадижчаад̣̇зд̇ваа ааг̇анд̇аб̣б̣а’’нд̇и адтагат̇ааважанад̇о.
517.Neva tāva viññāpetabbaṃ, na bhañjitabbanti anacchinnānaṃ cīvarānaṃ attano santakānaṃ atthitāya, tattha paccāsāsabbhāvato ca. Paccāsā kittakaṃ kālaṃ rakkhatīti? Yāva gāmantarā, yāva addhayojanāti eke. Yāva dassanasavanūpacārāti eke. Yāva aññe na passantīti eke. Yāva paccāsā chijjatīti eke. Yāva sākhāpalāsapariyesanabhañjanasajjanakālaparicchedāti eke. Idaṃ sabbaṃ yathāsambhavaṃ yujjati. Kathaṃ paññāyatīti ce? ‘‘Sace pana etesaṃ vuttappakārānaṃ gihivatthādīnaṃ bhisichavipariyantānaṃ kiñci na labbhati, tena tiṇena vā paṇṇena vā paṭicchādetvā āgantabba’’nti aṭṭhakathāvacanato.
на д̇аава т̇зраанам̣ д̣̇аад̇аб̣б̣аанийд̇и на д̇аава ад̇д̇ано ружияаа д̣̇аад̇аб̣б̣аани, яад̣̇аа т̇зраа ‘‘д̣̇зт̇аавусо’’д̇и вад̣̇анд̇и, д̇ад̣̇аа д̣̇аад̇аб̣б̣аани. ‘‘звам̣ сад̇и д̣̇ахарааби ажчиннажийварадтаанз д̇идтанд̇и, саакаабалаасам̣ бхан̃ж̇ид̇ум̣ ваддад̇и, на ан̃н̃ат̇аа. ‘язхи гзхижи ваа ажчиннам̣ ход̇ий’д̇и хи вуд̇д̇а’’нд̇и вуд̇д̇ам̣. аажарияо бана звам̣ вад̣̇ад̇и ‘‘ад̇д̇ано ружияааби д̣̇аад̇ум̣ лабханд̇ий’’д̇и. д̇ат̇аа хи адтагат̇ааяам̣ ‘‘барибхог̇аж̇ин̣н̣ам̣ ваа’д̇и зд̇т̇а жа ‘ажчиннажийвараанам̣ аажарияубаж̇жхааяаад̣̇ийнам̣ ад̇д̇анаа д̇ин̣абан̣н̣зхи бадижчаад̣̇зд̇ваа д̣̇иннажийварамби сан̇г̇ахам̣ г̇ажчад̇ий’д̇и вад̇д̇ум̣ яуж̇ж̇ад̇ий’’д̇и вуд̇д̇ам̣. ат̇ааби сияаа аажарияаад̣̇ийхи ‘‘аахараавусо’’д̇и вуд̇д̇зязва, наавуд̇д̇зд̇и, на, ‘‘гзхижи ваа ажчинна’’нд̇и зд̇т̇а вуд̇д̇алзсад̇о д̣̇уд̇ияалзсасса ависзсабхааваббасан̇г̇ад̇од̇и. ат̇а гимад̇т̇ам̣ ‘‘на д̇аава т̇зраанам̣ д̣̇аад̇аб̣б̣ааний’’д̇и вуд̇д̇анд̇и жз? яаава т̇зраанам̣ ад̇т̇ааяа саакаабалаасаани бхан̃ж̇ад̇и, д̇аава на д̣̇аад̇аб̣б̣аани, д̇ад̇о д̇аани т̇зруд̣̇д̣̇иссагаани саакаабалаасаани саяам̣ барид̣̇ахид̇ваа винааби т̇зраан̣ад̇д̇ияаа ад̇д̇ано ружияаа д̣̇аад̇аб̣б̣аани, бхууд̇аг̇аамабаад̇аб̣яад̇ааяа баажид̇д̇ияам̣ на ход̇и сад̇т̇унааби анун̃н̃аад̇ад̇д̇аа. ‘‘д̇ин̣зна ваа бан̣н̣зна ваа’’д̇и хи вуд̇д̇ам̣, д̇ам̣ габбияамзва санд̇хааяа вуд̇д̇анд̇и жз? на, ‘‘д̇ад̣̇алаабхз на д̇взва…бз… д̣̇уггадассаа’’д̇и важанавирод̇хад̇о. зд̇т̇ааха – д̣̇уггадабхаяаа баажид̇д̇ияавад̇т̇у жз ад̇иггамид̇аб̣б̣ам̣, д̇ад̣̇алаабхз т̇уллажжаяавад̇т̇у сан̇гхигам̣, д̇ад̣̇алаабхз баарааж̇игавад̇т̇уби ад̇иггамид̇аб̣б̣ам̣ сияаад̇и? на, баарааж̇игасса логаваж̇ж̇ад̇д̇аа. абижа на саб̣б̣ам̣ бхууд̇аг̇аамам̣ баажид̇д̇ияавад̇т̇умзва, д̇ад̇о д̣̇уггадаад̣̇ивад̇т̇уби ад̇т̇и, анаабад̇д̇ивад̇т̇уби гаалод̣̇исагам̣, д̇асмаа ид̣̇ам̣ д̇ад̣̇аа анаабад̇д̇ивад̇т̇уганд̇и взд̣̇ид̇аб̣б̣ам̣. гид̇д̇аавад̇аа бхигку ажчиннажийваро надтажийваро ход̇ийд̇и? зд̇д̇аавад̇аа наг̇г̇о ход̇ийд̇и згз. вигаббанубаг̇абажчимабхаавзна, вигаббанубаг̇абажчимамаад̣̇им̣ гад̇ваа вин̃н̃аабзнд̇асса аабад̇д̇ийд̇и згз. ниваасанабаарубанубаг̇аабхаавзнаад̇и згз. д̇ижийвараабхаавзнаад̇и згз. санд̇аруд̇д̇арабарамаабхаавзнаад̇и згз. аяам̣ згзваад̣̇о яуд̇д̇о ‘‘санд̇аруд̇д̇арабарамам̣ д̇ад̇о жийварам̣ саад̣̇ид̇аб̣б̣а’’нд̇и хи важанад̇о, д̇асмаа санд̇аруд̇д̇арз сад̇и вигаббанубаг̇абажчимам̣ вин̃н̃аабзнд̇асса бадилаабхзна ниссаг̇г̇ияам̣. яад̣̇и звам̣ ‘‘вин̃н̃аабзд̇ваа бадилабхзяяа ниссаг̇г̇ияа’’нд̇и сигкаабад̣̇зна бхавид̇аб̣б̣анд̇и жз? д̇анна, д̇ад̣̇ад̇т̇асид̣̇д̇хид̇о наанад̇т̇ад̇д̇аа д̇хаад̇уунам̣. гим̣ вуд̇д̇ам̣ ход̇и? яат̇аа хи ‘‘д̇игкад̇д̇ум̣ мзт̇унам̣ д̇хаммам̣ абхивин̃н̃аабзсий’’д̇и (баараа. 36) вуд̇д̇з бавад̇д̇зсийд̇и ад̇т̇о, д̇ат̇аа ид̇хааби ‘‘жийварам̣ вин̃н̃аабзяяаа’’д̇и вин̃н̃ад̇д̇ияаа бавад̇д̇зяяа уббаад̣̇зяяаад̇и ад̇т̇о.
Na tāva therānaṃ dātabbānīti na tāva attano ruciyā dātabbāni, yadā therā ‘‘dethāvuso’’ti vadanti, tadā dātabbāni. ‘‘Evaṃ sati daharāpi acchinnacīvaraṭṭhāne tiṭṭhanti, sākhāpalāsaṃ bhañjituṃ vaṭṭati, na aññathā. ‘Yehi kehici vā acchinnaṃ hotī’ti hi vutta’’nti vuttaṃ. Ācariyo pana evaṃ vadati ‘‘attano ruciyāpi dātuṃ labhantī’’ti. Tathā hi aṭṭhakathāyaṃ ‘‘paribhogajiṇṇaṃ vā’ti ettha ca ‘acchinnacīvarānaṃ ācariyupajjhāyādīnaṃ attanā tiṇapaṇṇehi paṭicchādetvā dinnacīvarampi saṅgahaṃ gacchatī’ti vattuṃ yujjatī’’ti vuttaṃ. Athāpi siyā ācariyādīhi ‘‘āharāvuso’’ti vutteyeva, nāvutteti, na, ‘‘kehici vā acchinna’’nti ettha vuttalesato dutiyalesassa avisesabhāvappasaṅgatoti. Atha kimatthaṃ ‘‘na tāva therānaṃ dātabbānī’’ti vuttanti ce? Yāva therānaṃ atthāya sākhāpalāsāni bhañjati, tāva na dātabbāni, tato tāni theruddissakāni sākhāpalāsāni sayaṃ paridahitvā vināpi therāṇattiyā attano ruciyā dātabbāni, bhūtagāmapātabyatāya pācittiyaṃ na hoti satthunāpi anuññātattā. ‘‘Tiṇena vā paṇṇena vā’’ti hi vuttaṃ, taṃ kappiyameva sandhāya vuttanti ce? Na, ‘‘tadalābhe na tveva…pe… dukkaṭassā’’ti vacanavirodhato. Etthāha – dukkaṭabhayā pācittiyavatthu ce atikkamitabbaṃ, tadalābhe thullaccayavatthu saṅghikaṃ, tadalābhe pārājikavatthupi atikkamitabbaṃ siyāti? Na, pārājikassa lokavajjattā. Apica na sabbaṃ bhūtagāmaṃ pācittiyavatthumeva, tato dukkaṭādivatthupi atthi, anāpattivatthupi kālodisakaṃ, tasmā idaṃ tadā anāpattivatthukanti veditabbaṃ. Kittāvatā bhikkhu acchinnacīvaro naṭṭhacīvaro hotīti? Ettāvatā naggo hotīti eke. Vikappanupagapacchimabhāvena, vikappanupagapacchimamādiṃ katvā viññāpentassa āpattīti eke. Nivāsanapārupanupagābhāvenāti eke. Ticīvarābhāvenāti eke. Santaruttaraparamābhāvenāti eke. Ayaṃ ekevādo yutto ‘‘santaruttaraparamaṃ tato cīvaraṃ sāditabba’’nti hi vacanato, tasmā santaruttare sati vikappanupagapacchimaṃ viññāpentassa paṭilābhena nissaggiyaṃ. Yadi evaṃ ‘‘viññāpetvā paṭilabheyya nissaggiya’’nti sikkhāpadena bhavitabbanti ce? Tanna, tadatthasiddhito nānatthattā dhātūnaṃ. Kiṃ vuttaṃ hoti? Yathā hi ‘‘tikkhattuṃ methunaṃ dhammaṃ abhiviññāpesī’’ti (pārā. 36) vutte pavattesīti attho, tathā idhāpi ‘‘cīvaraṃ viññāpeyyā’’ti viññattiyā pavatteyya uppādeyyāti attho.
д̇зна нивад̇т̇од̇и д̇ам̣нивад̇т̇о. ан̃н̃асса алаабхзна д̇амзва барибхун̃ж̇ад̇о ж̇ирад̇и, на лзсзна. ад̇д̇анаад̇и саяамзва вад̇д̇ум̣ яуж̇ж̇ад̇и, д̇асмаа аяуд̇д̇абарибхог̇зна абарибхун̃ж̇ид̇ваа яуд̇д̇абарибхог̇авасзна барибхун̃ж̇ад̇о ж̇ин̣н̣ам̣ барибхог̇аж̇ин̣н̣ам̣ наама. д̇асса сабхааг̇аанам̣ ажчиннагаалз д̣̇аанамби яуд̇д̇абарибхог̇з зва сан̇г̇ахам̣ г̇ажчад̇ийд̇и ад̇хиббааяо. ‘‘имз гира д̣̇вз лзсаа адтагат̇ааяо, ваажзнд̇аанам̣ аажарияаанам̣ мад̇анд̇и д̇хаммасирид̇т̇зро аахаа’’д̇и вуд̇д̇ам̣.
Tena nivatthoti taṃnivattho. Aññassa alābhena tameva paribhuñjato jirati, na lesena. Attanāti sayameva vattuṃ yujjati, tasmā ayuttaparibhogena aparibhuñjitvā yuttaparibhogavasena paribhuñjato jiṇṇaṃ paribhogajiṇṇaṃ nāma. Tassa sabhāgānaṃ acchinnakāle dānampi yuttaparibhoge eva saṅgahaṃ gacchatīti adhippāyo. ‘‘Ime kira dve lesā aṭṭhakathāyo, vācentānaṃ ācariyānaṃ matanti dhammasiritthero āhā’’ti vuttaṃ.
521. нисийд̣̇ид̇ум̣ ваа нибаж̇ж̇ид̇ум̣ ваа на лабхад̇ийд̇и яат̇аасукам̣ на лабхад̇ийд̇и ад̇хиббааяо. ‘‘ан̃н̃ассад̇т̇ааяаа’’д̇и зд̇т̇ааби ‘‘н̃аад̇агаанам̣ баваарид̇аана’’нд̇и анувад̇д̇ад̇и зва. ад̇т̇ааяа гасса? д̇ассзва ан̃н̃асса. яат̇аа ан̃н̃аад̇агз д̇игабаажид̇д̇ияам̣, д̇ат̇аа аббаваарид̇збийд̇и д̣̇ассанад̇т̇ам̣ ‘‘н̃аад̇агаанам̣ баваарид̇аана’’нд̇и вуд̇д̇ам̣. ан̃н̃ат̇аа ‘‘н̃аад̇агз н̃аад̇агасан̃н̃ий’’д̇и иминаа сид̣̇д̇хад̇д̇аа на нижжам̣ сзсам̣ аабаж̇ж̇ад̇и. абижзд̇т̇а ан̃н̃аад̇агаг̇г̇ахан̣зна аббаваарид̇аг̇г̇ахан̣ам̣ ход̇и , аббаваарид̇аг̇г̇ахан̣зна ан̃н̃аад̇агаг̇г̇ахан̣ам̣, ан̃н̃аад̇агаа хи аббаваарид̇аа хонд̇и. д̇ат̇аа н̃аад̇агаг̇г̇ахан̣зна баваарид̇аг̇г̇ахан̣ам̣ ход̇и, гад̇т̇ажи на ход̇и. на баваарид̇аг̇г̇ахан̣зна н̃аад̇агаг̇г̇ахан̣ам̣ ход̇ийд̇и имасса ад̇т̇ависзсасса д̣̇ассанад̇т̇ам̣ ‘‘н̃аад̇агаанам̣ баваарид̇аана’’нд̇и вуд̇д̇ам̣. д̇ат̇аа хи ан̃н̃аад̇игааяа бхигкунияаа аббаваарид̇ааяа жа жийварам̣ ан̃н̃ад̇ра бааривад̇д̇агаа бадиг̇г̇ан̣ханд̇асса аабад̇д̇и. н̃аад̇игааяа бана баваарид̇ааяа жа виссаасам̣ г̇ан̣хаад̇и, анаабад̇д̇и. д̇ат̇аа бураан̣ажийварам̣ н̃аад̇игааяа анаабад̇д̇и, баваарид̇ааяа бана д̇игабаажид̇д̇ияамзва. н̃аад̇агаанан̃жа згажжаанам̣ бураан̣ажийварам̣ наама д̣̇аад̇ум̣ ваддад̇и, на баваарид̇аанам̣. д̇игажчзд̣̇о жа маад̇игаабад̣̇знзва ход̇и, на ан̃н̃зна. д̇ад̇т̇ааби згзнзва, на д̣̇уд̇ияаад̣̇ийхийд̇и аяам̣ винаяз д̇хаммад̇аа взд̣̇ид̇аб̣б̣аа.
521.Nisīdituṃ vā nipajjituṃ vā na labhatīti yathāsukhaṃ na labhatīti adhippāyo. ‘‘Aññassatthāyā’’ti etthāpi ‘‘ñātakānaṃ pavāritāna’’nti anuvattati eva. Atthāya kassa? Tasseva aññassa. Yathā aññātake tikapācittiyaṃ, tathā appavāritepīti dassanatthaṃ ‘‘ñātakānaṃ pavāritāna’’nti vuttaṃ. Aññathā ‘‘ñātake ñātakasaññī’’ti iminā siddhattā na niccaṃ sesaṃ āpajjati. Apicettha aññātakaggahaṇena appavāritaggahaṇaṃ hoti , appavāritaggahaṇena aññātakaggahaṇaṃ, aññātakā hi appavāritā honti. Tathā ñātakaggahaṇena pavāritaggahaṇaṃ hoti, katthaci na hoti. Na pavāritaggahaṇena ñātakaggahaṇaṃ hotīti imassa atthavisesassa dassanatthaṃ ‘‘ñātakānaṃ pavāritāna’’nti vuttaṃ. Tathā hi aññātikāya bhikkhuniyā appavāritāya ca cīvaraṃ aññatra pārivattakā paṭiggaṇhantassa āpatti. Ñātikāya pana pavāritāya ca vissāsaṃ gaṇhāti, anāpatti. Tathā purāṇacīvaraṃ ñātikāya anāpatti, pavāritāya pana tikapācittiyameva. Ñātakānañca ekaccānaṃ purāṇacīvaraṃ nāma dātuṃ vaṭṭati, na pavāritānaṃ. Tikacchedo ca mātikāpadeneva hoti, na aññena. Tatthāpi ekeneva, na dutiyādīhīti ayaṃ vinaye dhammatā veditabbā.
ан̃н̃аад̇агавин̃н̃ад̇д̇исигкаабад̣̇аван̣н̣анаа нидтид̇аа.
Aññātakaviññattisikkhāpadavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 6. ан̃н̃аад̇агавин̃н̃ад̇д̇исигкаабад̣̇ам̣ • 6. Aññātakaviññattisikkhāpadaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 6. ан̃н̃аад̇агавин̃н̃ад̇д̇исигкаабад̣̇аван̣н̣анаа • 6. Aññātakaviññattisikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 6. ан̃н̃аад̇агавин̃н̃ад̇д̇исигкаабад̣̇аван̣н̣анаа • 6. Aññātakaviññattisikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 6. ан̃н̃аад̇агавин̃н̃ад̇д̇исигкаабад̣̇аван̣н̣анаа • 6. Aññātakaviññattisikkhāpadavaṇṇanā
