| Library / Tipiṭaka / д̇ибидага • Tipiṭaka / вимад̇ивинод̣̇аний-дийгаа • Vimativinodanī-ṭīkā |
6. ан̃н̃аад̇агавин̃н̃ад̇д̇исигкаабад̣̇аван̣н̣анаа
6. Aññātakaviññattisikkhāpadavaṇṇanā
515. чадтз баду зва баддо. баал̣ияам̣ д̇хамманиманд̇анаад̇и саман̣зсу вад̇д̇аб̣б̣аажаарад̇хаммамад̇д̇авасзна ниманд̇анаа, д̣̇аад̇угаамад̇ааяа гад̇аниманд̇анаа на ход̇ийд̇и ад̇т̇о. д̇знзва ‘‘вин̃н̃аабзссад̇ий’’д̇и вуд̇д̇ам̣. ан̃н̃аад̇агааббаваарид̇ад̇о хи вин̃н̃ад̇д̇и наама ход̇и.
515. Chaṭṭhe paṭu eva paṭṭo. Pāḷiyaṃ dhammanimantanāti samaṇesu vattabbācāradhammamattavasena nimantanā, dātukāmatāya katanimantanā na hotīti attho. Teneva ‘‘viññāpessatī’’ti vuttaṃ. Aññātakaappavāritato hi viññatti nāma hoti.
517. ‘‘д̇ин̣зна ваа бан̣н̣зна ваа бадижчаад̣̇зд̇ваа ааг̇анд̇аб̣б̣а’’нд̇и иминаа бхууд̇аг̇аамавигобанам̣ анун̃н̃аад̇анд̇и ааха ‘‘нзва бхууд̇аг̇аамабаад̇аб̣яад̇ааяаа’’д̇иаад̣̇и. батамам̣ суд̣̇д̇хажид̇д̇зна лин̇г̇ам̣ г̇ахзд̇ваа бажчаа лад̣̇д̇хим̣ г̇ан̣ханд̇оби д̇ид̇т̇ияабагганд̇аго зваад̇и ааха ‘‘ниваасзд̇вааби лад̣̇д̇хи на г̇ахзд̇аб̣б̣аа’’д̇и.
517. ‘‘Tiṇena vā paṇṇena vā paṭicchādetvā āgantabba’’nti iminā bhūtagāmavikopanaṃ anuññātanti āha ‘‘neva bhūtagāmapātabyatāyā’’tiādi. Paṭhamaṃ suddhacittena liṅgaṃ gahetvā pacchā laddhiṃ gaṇhantopi titthiyapakkantako evāti āha ‘‘nivāsetvāpi laddhi na gahetabbā’’ti.
яам̣ ааваасам̣ батамам̣ убаг̇ажчад̇ийд̇и зд̇т̇ааби вихааражийвараад̣̇иад̇т̇ааяа бависанд̇знаби д̇ин̣аад̣̇ийхи бадижчаад̣̇зд̇ваава г̇анд̇аб̣б̣ам̣, на д̇взва наг̇г̇зна ааг̇анд̇аб̣б̣анд̇и сааман̃н̃ад̇о д̣̇уггадасса вуд̇д̇ад̇д̇аа. жимилигаахийд̇и бадабилод̇игаахи. барибхог̇знзваад̇и ан̃н̃ам̣ жийварам̣ алабхид̇ваа барибхун̃ж̇анзна. барибхог̇аж̇ин̣н̣анд̇и яат̇аа д̇ам̣ жийварам̣ барибхун̃ж̇ияамаанам̣ обхаг̇г̇авибхаг̇г̇ад̇ааяа асааруббам̣ ход̇и, звам̣ ж̇ин̣н̣ам̣.
Yaṃ āvāsaṃ paṭhamaṃ upagacchatīti etthāpi vihāracīvarādiatthāya pavisantenapi tiṇādīhi paṭicchādetvāva gantabbaṃ, na tveva naggena āgantabbanti sāmaññato dukkaṭassa vuttattā. Cimilikāhīti paṭapilotikāhi. Paribhogenevāti aññaṃ cīvaraṃ alabhitvā paribhuñjanena. Paribhogajiṇṇanti yathā taṃ cīvaraṃ paribhuñjiyamānaṃ obhaggavibhaggatāya asāruppaṃ hoti, evaṃ jiṇṇaṃ.
521. ан̃н̃ассад̇т̇ааяаад̇и зд̇т̇ааби ‘‘н̃аад̇агаанам̣ баваарид̇аана’’нд̇и ид̣̇ам̣ анувад̇д̇ад̇и зваад̇и ааха ‘‘ад̇д̇ано н̃аад̇агабаваарид̇з’’д̇иаад̣̇и. ид̇ха бана ан̃н̃асса ажчиннанадтажийварасса ад̇т̇ааяа ан̃н̃аад̇агааббаваарид̇з вин̃н̃аабзнд̇асса ниссаг̇г̇иязна анаабад̇д̇ийд̇и ад̇т̇о г̇ахзд̇аб̣б̣о, ид̇арат̇аа ‘‘н̃аад̇агаанам̣ баваарид̇аана’’нд̇и иминаа висзсо на бхавзяяа. д̇знзва ананд̇арасигкаабад̣̇з вагкад̇и ‘‘адтагат̇аасу бана н̃аад̇агабариваад̇адтаанз…бз… бамаан̣амзва ваддад̇ийд̇и вуд̇д̇ам̣, д̇ам̣ баал̣ияаа на самзд̇ий’’д̇и (баараа. адта. 2.526) жа ‘‘яасмаа банид̣̇ам̣ сигкаабад̣̇ам̣ ан̃н̃ассад̇т̇ааяа вин̃н̃аабанавад̇т̇усмим̣язва бан̃н̃ад̇д̇ам̣, д̇асмаа ид̇ха ‘ан̃н̃ассад̇т̇ааяаа’д̇и на вуд̇д̇а’’нд̇и (баараа. адта. 2.526) жа. вигаббанубаг̇ажийварад̇аа, самаяаабхааво, ан̃н̃аад̇агавин̃н̃ад̇д̇и, д̇ааяа бадилаабход̇и имаанзд̇т̇а жад̇д̇аари ан̇г̇аани.
521.Aññassatthāyāti etthāpi ‘‘ñātakānaṃ pavāritāna’’nti idaṃ anuvattati evāti āha ‘‘attano ñātakapavārite’’tiādi. Idha pana aññassa acchinnanaṭṭhacīvarassa atthāya aññātakaappavārite viññāpentassa nissaggiyena anāpattīti attho gahetabbo, itarathā ‘‘ñātakānaṃ pavāritāna’’nti iminā viseso na bhaveyya. Teneva anantarasikkhāpade vakkhati ‘‘aṭṭhakathāsu pana ñātakaparivātaṭṭhāne…pe… pamāṇameva vaṭṭatīti vuttaṃ, taṃ pāḷiyā na sametī’’ti (pārā. aṭṭha. 2.526) ca ‘‘yasmā panidaṃ sikkhāpadaṃ aññassatthāya viññāpanavatthusmiṃyeva paññattaṃ, tasmā idha ‘aññassatthāyā’ti na vutta’’nti (pārā. aṭṭha. 2.526) ca. Vikappanupagacīvaratā, samayābhāvo, aññātakaviññatti, tāya paṭilābhoti imānettha cattāri aṅgāni.
ан̃н̃аад̇агавин̃н̃ад̇д̇исигкаабад̣̇аван̣н̣анаа нидтид̇аа.
Aññātakaviññattisikkhāpadavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 6. ан̃н̃аад̇агавин̃н̃ад̇д̇исигкаабад̣̇ам̣ • 6. Aññātakaviññattisikkhāpadaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 6. ан̃н̃аад̇агавин̃н̃ад̇д̇исигкаабад̣̇аван̣н̣анаа • 6. Aññātakaviññattisikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 6. ан̃н̃аад̇агавин̃н̃ад̇д̇исигкаабад̣̇аван̣н̣анаа • 6. Aññātakaviññattisikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 6. ан̃н̃аад̇агавин̃н̃ад̇д̇исигкаабад̣̇аван̣н̣анаа • 6. Aññātakaviññattisikkhāpadavaṇṇanā
