| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
3. ан̃н̃ад̇арабхигкусуд̇д̇ам̣
3. Aññatarabhikkhusuttaṃ
271. ат̇а ко ан̃н̃ад̇аро бхигку язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисинно ко со бхигку бхаг̇аванд̇ам̣ зд̇ад̣̇авожа – ‘‘гад̇амаа ну ко, бханд̇з, взд̣̇анаа, гад̇амо взд̣̇анаасамуд̣̇аяо, гад̇амаа взд̣̇анаасамуд̣̇аяаг̇ааминий бадибад̣̇аа? гад̇амо взд̣̇анаанирод̇хо, гад̇амаа взд̣̇анаанирод̇хаг̇ааминий бадибад̣̇аа? го взд̣̇анааяа ассаад̣̇о, го аад̣̇ийнаво, гим̣ ниссаран̣а’’нд̇и?
271. Atha kho aññataro bhikkhu yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinno kho so bhikkhu bhagavantaṃ etadavoca – ‘‘katamā nu kho, bhante, vedanā, katamo vedanāsamudayo, katamā vedanāsamudayagāminī paṭipadā? Katamo vedanānirodho, katamā vedanānirodhagāminī paṭipadā? Ko vedanāya assādo, ko ādīnavo, kiṃ nissaraṇa’’nti?
‘‘д̇иссо имаа, бхигку, взд̣̇анаа – сукаа взд̣̇анаа, д̣̇угкаа взд̣̇анаа, ад̣̇угкамасукаа взд̣̇анаа. имаа вужжанд̇и, бхигку, взд̣̇анаа. пассасамуд̣̇аяаа взд̣̇анаасамуд̣̇аяо. д̇ан̣хаа взд̣̇анаасамуд̣̇аяаг̇ааминий бадибад̣̇аа. пассанирод̇хаа взд̣̇анаанирод̇хо. аяамзва арияо адтан̇г̇иго маг̇г̇о взд̣̇анаанирод̇хаг̇ааминий бадибад̣̇аа, сзяяат̇ид̣̇ам̣ – саммаад̣̇идти…бз… саммаасамаад̇хи. яам̣ взд̣̇анам̣ бадижжа уббаж̇ж̇ад̇и сукам̣ соманассам̣, аяам̣ взд̣̇анааяа ассаад̣̇о; яаа взд̣̇анаа анижжаа д̣̇угкаа вибарин̣аамад̇хаммаа, аяам̣ взд̣̇анааяа аад̣̇ийнаво; яо взд̣̇анааяа чанд̣̇арааг̇авинаяо чанд̣̇арааг̇аббахаанам̣, ид̣̇ам̣ взд̣̇анааяа ниссаран̣а’’нд̇и. д̇ад̇ияам̣.
‘‘Tisso imā, bhikkhu, vedanā – sukhā vedanā, dukkhā vedanā, adukkhamasukhā vedanā. Imā vuccanti, bhikkhu, vedanā. Phassasamudayā vedanāsamudayo. Taṇhā vedanāsamudayagāminī paṭipadā. Phassanirodhā vedanānirodho. Ayameva ariyo aṭṭhaṅgiko maggo vedanānirodhagāminī paṭipadā, seyyathidaṃ – sammādiṭṭhi…pe… sammāsamādhi. Yaṃ vedanaṃ paṭicca uppajjati sukhaṃ somanassaṃ, ayaṃ vedanāya assādo; yā vedanā aniccā dukkhā vipariṇāmadhammā, ayaṃ vedanāya ādīnavo; yo vedanāya chandarāgavinayo chandarāgappahānaṃ, idaṃ vedanāya nissaraṇa’’nti. Tatiyaṃ.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 2-10. адтасад̇асуд̇д̇аад̣̇иван̣н̣анаа • 2-10. Aṭṭhasatasuttādivaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 2-10. адтасад̇асуд̇д̇аад̣̇иван̣н̣анаа • 2-10. Aṭṭhasatasuttādivaṇṇanā
