| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
3. ан̃н̃ад̇араб̣раахман̣асуд̇д̇ам̣
3. Aññatarabrāhmaṇasuttaṃ
54. ат̇а ко ан̃н̃ад̇аро б̣раахман̣о язна бхаг̇аваа д̇знубасан̇гами; убасан̇гамид̇ваа бхаг̇авад̇аа сад̣̇д̇хим̣ саммод̣̇и…бз… згаманд̇ам̣ нисинно ко со б̣раахман̣о бхаг̇аванд̇ам̣ зд̇ад̣̇авожа – ‘‘‘санд̣̇идтиго д̇хаммо санд̣̇идтиго д̇хаммо’д̇и, бхо г̇од̇ама, вужжад̇и. гид̇д̇аавад̇аа ну ко, бхо г̇од̇ама, санд̣̇идтиго д̇хаммо ход̇и агаалиго зхибассиго обанзяяиго 1 бажжад̇д̇ам̣ взд̣̇ид̇аб̣б̣о вин̃н̃уухий’’д̇и?
54. Atha kho aññataro brāhmaṇo yena bhagavā tenupasaṅkami; upasaṅkamitvā bhagavatā saddhiṃ sammodi…pe… ekamantaṃ nisinno kho so brāhmaṇo bhagavantaṃ etadavoca – ‘‘‘sandiṭṭhiko dhammo sandiṭṭhiko dhammo’ti, bho gotama, vuccati. Kittāvatā nu kho, bho gotama, sandiṭṭhiko dhammo hoti akāliko ehipassiko opaneyyiko 2 paccattaṃ veditabbo viññūhī’’ti?
‘‘рад̇д̇о ко, б̣раахман̣а, рааг̇зна абхибхууд̇о барияаад̣̇иннажид̇д̇о ад̇д̇аб̣яааб̣аад̇хааяаби жзд̇зд̇и, бараб̣яааб̣аад̇хааяаби жзд̇зд̇и, убхаяаб̣яааб̣аад̇хааяаби жзд̇зд̇и, жзд̇асигамби д̣̇угкам̣ д̣̇оманассам̣ бадисам̣взд̣̇зд̇и. рааг̇з бахийнз нзвад̇д̇аб̣яааб̣аад̇хааяаби жзд̇зд̇и, на бараб̣яааб̣аад̇хааяаби жзд̇зд̇и, на убхаяаб̣яааб̣аад̇хааяаби жзд̇зд̇и, на жзд̇асигам̣ д̣̇угкам̣ д̣̇оманассам̣ бадисам̣взд̣̇зд̇и. (рад̇д̇о ко…бз… гааязна д̣̇ужжарид̇ам̣ жарад̇и, ваажааяа д̣̇ужжарид̇ам̣ жарад̇и, манасаа д̣̇ужжарид̇ам̣ жарад̇и. рааг̇з бахийнаа нзва гааязна д̣̇ужжарид̇ам̣ жарад̇и, на ваажааяа д̣̇ужжарид̇ам̣ жарад̇и, на манасаа д̣̇ужжарид̇ам̣ жарад̇и. рад̇д̇о ко…бз… ад̇д̇ад̇т̇амби яат̇аабхууд̇ам̣ наббаж̇аанаад̇и, барад̇т̇амби яат̇аабхууд̇ам̣ наббаж̇аанаад̇и, убхаяад̇т̇амби яат̇аабхууд̇ам̣ наббаж̇аанаад̇и. рааг̇з бахийнз ад̇д̇ад̇т̇амби яат̇аабхууд̇ам̣ баж̇аанаад̇и, барад̇т̇амби яат̇аабхууд̇ам̣ баж̇аанаад̇и, убхаяад̇т̇амби яат̇аабхууд̇ам̣ баж̇аанаад̇и.) 3 звамби ко, б̣раахман̣а, санд̣̇идтиго д̇хаммо ход̇и…бз….
‘‘Ratto kho, brāhmaṇa, rāgena abhibhūto pariyādinnacitto attabyābādhāyapi ceteti, parabyābādhāyapi ceteti, ubhayabyābādhāyapi ceteti, cetasikampi dukkhaṃ domanassaṃ paṭisaṃvedeti. Rāge pahīne nevattabyābādhāyapi ceteti, na parabyābādhāyapi ceteti, na ubhayabyābādhāyapi ceteti, na cetasikaṃ dukkhaṃ domanassaṃ paṭisaṃvedeti. (Ratto kho…pe… kāyena duccaritaṃ carati, vācāya duccaritaṃ carati, manasā duccaritaṃ carati. Rāge pahīnā neva kāyena duccaritaṃ carati, na vācāya duccaritaṃ carati, na manasā duccaritaṃ carati. Ratto kho…pe… attatthampi yathābhūtaṃ nappajānāti, paratthampi yathābhūtaṃ nappajānāti, ubhayatthampi yathābhūtaṃ nappajānāti. Rāge pahīne attatthampi yathābhūtaṃ pajānāti, paratthampi yathābhūtaṃ pajānāti, ubhayatthampi yathābhūtaṃ pajānāti.) 4 Evampi kho, brāhmaṇa, sandiṭṭhiko dhammo hoti…pe….
‘‘д̣̇удто ко, б̣раахман̣а, д̣̇осзна абхибхууд̇о барияаад̣̇иннажид̇д̇о ад̇д̇аб̣яааб̣аад̇хааяаби жзд̇зд̇и, бараб̣яааб̣аад̇хааяаби жзд̇зд̇и, убхаяаб̣яааб̣аад̇хааяаби жзд̇зд̇и, жзд̇асигамби д̣̇угкам̣ д̣̇оманассам̣ бадисам̣взд̣̇зд̇и. д̣̇осз бахийнз нзвад̇д̇аб̣яааб̣аад̇хааяаби жзд̇зд̇и, на бараб̣яааб̣аад̇хааяаби жзд̇зд̇и, на убхаяаб̣яааб̣аад̇хааяаби жзд̇зд̇и, на жзд̇асигамби 5 д̣̇угкам̣ д̣̇оманассам̣ бадисам̣взд̣̇зд̇и. звамби ко, б̣раахман̣а, санд̣̇идтиго д̇хаммо ход̇и…бз….
‘‘Duṭṭho kho, brāhmaṇa, dosena abhibhūto pariyādinnacitto attabyābādhāyapi ceteti, parabyābādhāyapi ceteti, ubhayabyābādhāyapi ceteti, cetasikampi dukkhaṃ domanassaṃ paṭisaṃvedeti. Dose pahīne nevattabyābādhāyapi ceteti, na parabyābādhāyapi ceteti, na ubhayabyābādhāyapi ceteti, na cetasikampi 6 dukkhaṃ domanassaṃ paṭisaṃvedeti. Evampi kho, brāhmaṇa, sandiṭṭhiko dhammo hoti…pe….
‘‘муул̣хо ко, б̣раахман̣а, мохзна абхибхууд̇о барияаад̣̇иннажид̇д̇о ад̇д̇аб̣яааб̣аад̇хааяаби жзд̇зд̇и, бараб̣яааб̣аад̇хааяаби жзд̇зд̇и, убхаяаб̣яааб̣аад̇хааяаби жзд̇зд̇и, жзд̇асигамби д̣̇угкам̣ д̣̇оманассам̣ бадисам̣взд̣̇зд̇и. мохз бахийнз нзвад̇д̇аб̣яааб̣аад̇хааяаби жзд̇зд̇и, на бараб̣яааб̣аад̇хааяаби жзд̇зд̇и, на убхаяаб̣яааб̣аад̇хааяаби жзд̇зд̇и, на жзд̇асигам̣ д̣̇угкам̣ д̣̇оманассам̣ бадисам̣взд̣̇зд̇и . звам̣ ко, б̣раахман̣а, санд̣̇идтиго д̇хаммо ход̇и агаалиго зхибассиго обанзяяиго бажжад̇д̇ам̣ взд̣̇ид̇аб̣б̣о вин̃н̃уухий’’д̇и.
‘‘Mūḷho kho, brāhmaṇa, mohena abhibhūto pariyādinnacitto attabyābādhāyapi ceteti, parabyābādhāyapi ceteti, ubhayabyābādhāyapi ceteti, cetasikampi dukkhaṃ domanassaṃ paṭisaṃvedeti. Mohe pahīne nevattabyābādhāyapi ceteti, na parabyābādhāyapi ceteti, na ubhayabyābādhāyapi ceteti, na cetasikaṃ dukkhaṃ domanassaṃ paṭisaṃvedeti . Evaṃ kho, brāhmaṇa, sandiṭṭhiko dhammo hoti akāliko ehipassiko opaneyyiko paccattaṃ veditabbo viññūhī’’ti.
‘‘абхигганд̇ам̣, бхо г̇од̇ама, абхигганд̇ам̣, бхо г̇од̇ама! сзяяат̇ааби, бхо г̇од̇ама, ниггуж̇ж̇ид̇ам̣ ваа уггуж̇ж̇зяяа, бадижчаннам̣ ваа виварзяяа, муул̣хасса ваа маг̇г̇ам̣ аажигкзяяа, анд̇хагаарз ваа д̇злабаж̇ж̇од̇ам̣ д̇хаарзяяа – ‘жагкуманд̇о руубаани д̣̇агканд̇ий’д̇и; звамзвам̣ бход̇аа г̇од̇амзна анзгабарияааязна д̇хаммо багаасид̇о. зсаахам̣ бхаванд̇ам̣ г̇од̇амам̣ саран̣ам̣ г̇ажчаами д̇хамман̃жа бхигкусан̇гхан̃жа. убаасагам̣ мам̣ бхавам̣ г̇од̇амо д̇хаарзд̇у аж̇ж̇ад̇аг̇г̇з баан̣убзд̇ам̣ саран̣ам̣ г̇ад̇а’’нд̇и. д̇ад̇ияам̣.
‘‘Abhikkantaṃ, bho gotama, abhikkantaṃ, bho gotama! Seyyathāpi, bho gotama, nikkujjitaṃ vā ukkujjeyya, paṭicchannaṃ vā vivareyya, mūḷhassa vā maggaṃ ācikkheyya, andhakāre vā telapajjotaṃ dhāreyya – ‘cakkhumanto rūpāni dakkhantī’ti; evamevaṃ bhotā gotamena anekapariyāyena dhammo pakāsito. Esāhaṃ bhavantaṃ gotamaṃ saraṇaṃ gacchāmi dhammañca bhikkhusaṅghañca. Upāsakaṃ maṃ bhavaṃ gotamo dhāretu ajjatagge pāṇupetaṃ saraṇaṃ gata’’nti. Tatiyaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 3. ан̃н̃ад̇араб̣раахман̣асуд̇д̇аван̣н̣анаа • 3. Aññatarabrāhmaṇasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 3-4. ан̃н̃ад̇араб̣раахман̣асуд̇д̇аад̣̇иван̣н̣анаа • 3-4. Aññatarabrāhmaṇasuttādivaṇṇanā
