| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
5. ан̃н̃ад̇араб̣раахман̣асуд̇д̇ам̣
5. Aññatarabrāhmaṇasuttaṃ
391. звам̣ мз суд̇ам̣ – згам̣ самаяам̣ бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. ат̇а ко ан̃н̃ад̇аро б̣раахман̣о язна бхаг̇аваа д̇знубасан̇гами; убасан̇гамид̇ваа бхаг̇авад̇аа сад̣̇д̇хим̣ саммод̣̇и. саммод̣̇анийяам̣ гат̇ам̣ сааран̣ийяам̣ вийд̇исаарзд̇ваа згаманд̇ам̣ нисийд̣̇и. згаманд̇ам̣ нисинно ко со б̣раахман̣о бхаг̇аванд̇ам̣ зд̇ад̣̇авожа – ‘‘го ну ко, бхо г̇од̇ама, хзд̇у, го бажжаяо язна д̇ат̇ааг̇ад̇з бариниб̣б̣уд̇з сад̣̇д̇хаммо на жирадтид̇иго ход̇и? го бана, бхо г̇од̇ама, хзд̇у, го бажжаяо язна д̇ат̇ааг̇ад̇з бариниб̣б̣уд̇з сад̣̇д̇хаммо жирадтид̇иго ход̇ий’’д̇и?
391. Evaṃ me sutaṃ – ekaṃ samayaṃ bhagavā sāvatthiyaṃ viharati jetavane anāthapiṇḍikassa ārāme. Atha kho aññataro brāhmaṇo yena bhagavā tenupasaṅkami; upasaṅkamitvā bhagavatā saddhiṃ sammodi. Sammodanīyaṃ kathaṃ sāraṇīyaṃ vītisāretvā ekamantaṃ nisīdi. Ekamantaṃ nisinno kho so brāhmaṇo bhagavantaṃ etadavoca – ‘‘ko nu kho, bho gotama, hetu, ko paccayo yena tathāgate parinibbute saddhammo na ciraṭṭhitiko hoti? Ko pana, bho gotama, hetu, ko paccayo yena tathāgate parinibbute saddhammo ciraṭṭhitiko hotī’’ti?
‘‘жад̇уннам̣ ко, б̣раахман̣а, сад̇ибадтаанаанам̣ абхаавид̇ад̇д̇аа аб̣ахулийгад̇ад̇д̇аа д̇ат̇ааг̇ад̇з бариниб̣б̣уд̇з сад̣̇д̇хаммо на жирадтид̇иго ход̇и. жад̇уннан̃жа ко, б̣раахман̣а, сад̇ибадтаанаанам̣ бхаавид̇ад̇д̇аа б̣ахулийгад̇ад̇д̇аа д̇ат̇ааг̇ад̇з бариниб̣б̣уд̇з сад̣̇д̇хаммо жирадтид̇иго ход̇и.
‘‘Catunnaṃ kho, brāhmaṇa, satipaṭṭhānānaṃ abhāvitattā abahulīkatattā tathāgate parinibbute saddhammo na ciraṭṭhitiko hoti. Catunnañca kho, brāhmaṇa, satipaṭṭhānānaṃ bhāvitattā bahulīkatattā tathāgate parinibbute saddhammo ciraṭṭhitiko hoti.
‘‘гад̇амзсам̣ жад̇уннам̣? ид̇ха, б̣раахман̣а, бхигку гааяз гааяаанубассий вихарад̇и аад̇аабий самбаж̇аано сад̇имаа, винзяяа логз абхиж̇жхаад̣̇оманассам̣; взд̣̇анаасу…бз… жид̇д̇з…бз… д̇хаммзсу д̇хаммаанубассий вихарад̇и аад̇аабий самбаж̇аано сад̇имаа, винзяяа логз абхиж̇жхаад̣̇оманассам̣. имзсам̣ ко, б̣раахман̣а, жад̇уннам̣ сад̇ибадтаанаанам̣ абхаавид̇ад̇д̇аа аб̣ахулийгад̇ад̇д̇аа д̇ат̇ааг̇ад̇з бариниб̣б̣уд̇з сад̣̇д̇хаммо на жирадтид̇иго ход̇и. имзсан̃жа ко, б̣раахман̣а, жад̇уннам̣ сад̇ибадтаанаанам̣ бхаавид̇ад̇д̇аа б̣ахулийгад̇ад̇д̇аа д̇ат̇ааг̇ад̇з бариниб̣б̣уд̇з сад̣̇д̇хаммо жирадтид̇иго ход̇ий’’д̇и.
‘‘Katamesaṃ catunnaṃ? Idha, brāhmaṇa, bhikkhu kāye kāyānupassī viharati ātāpī sampajāno satimā, vineyya loke abhijjhādomanassaṃ; vedanāsu…pe… citte…pe… dhammesu dhammānupassī viharati ātāpī sampajāno satimā, vineyya loke abhijjhādomanassaṃ. Imesaṃ kho, brāhmaṇa, catunnaṃ satipaṭṭhānānaṃ abhāvitattā abahulīkatattā tathāgate parinibbute saddhammo na ciraṭṭhitiko hoti. Imesañca kho, brāhmaṇa, catunnaṃ satipaṭṭhānānaṃ bhāvitattā bahulīkatattā tathāgate parinibbute saddhammo ciraṭṭhitiko hotī’’ti.
звам̣ вуд̇д̇з со б̣раахман̣о бхаг̇аванд̇ам̣ зд̇ад̣̇авожа – ‘‘абхигганд̇ам̣ , бхо г̇од̇ама…бз… убаасагам̣ мам̣ бхавам̣ г̇од̇амо д̇хаарзд̇у аж̇ж̇ад̇аг̇г̇з баан̣убзд̇ам̣ саран̣ам̣ г̇ад̇а’’нд̇и. бан̃жамам̣.
Evaṃ vutte so brāhmaṇo bhagavantaṃ etadavoca – ‘‘abhikkantaṃ , bho gotama…pe… upāsakaṃ maṃ bhavaṃ gotamo dhāretu ajjatagge pāṇupetaṃ saraṇaṃ gata’’nti. Pañcamaṃ.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 3-5. барихаанасуд̇д̇аад̣̇иван̣н̣анаа • 3-5. Parihānasuttādivaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 3-5. барихаанасуд̇д̇аад̣̇иван̣н̣анаа • 3-5. Parihānasuttādivaṇṇanā
