| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
3. ан̃н̃ад̇араб̣раахман̣асуд̇д̇аван̣н̣анаа
3. Aññatarabrāhmaṇasuttavaṇṇanā
54. д̇ад̇ияз саммод̣̇анийяанд̇и саммод̣̇аж̇ананим̣. сааран̣ийяанд̇и сарид̇аб̣б̣аяуд̇д̇агам̣. вийд̇исаарзд̇ваад̇и барияосаабзд̇ваа. гид̇д̇аавад̇аад̇и гид̇д̇агзна. санд̣̇идтиго д̇хаммо ход̇ийд̇и саамам̣ бассид̇аб̣б̣о ход̇и. агаалигод̇и на гааланд̇арз палад̣̇ааяаго. зхибассигод̇и ‘‘зхи бассаа’’д̇и звам̣ д̣̇ассзд̇ум̣ саггаад̇и ааг̇аманийяабадибад̣̇ам̣ бужчад̇и. обанзяяигод̇и ад̇д̇ано жид̇д̇ам̣ убанзд̇аб̣б̣о. бажжад̇д̇ам̣ взд̣̇ид̇аб̣б̣од̇и саамам̣язва ж̇аанид̇аб̣б̣о. вин̃н̃уухийд̇и бан̣д̣ид̇зхи. барияаад̣̇иннажид̇д̇од̇и аад̣̇иннаг̇ахид̇абараамадтажид̇д̇о худ̇ваа. жзд̇зд̇ийд̇и жинд̇зд̇и. сзсамзд̇т̇а уд̇д̇аанамзва. имасмим̣ бана суд̇д̇з б̣раахман̣зна логуд̇д̇арамаг̇г̇о бужчид̇о, сад̇т̇аарааби соязва гат̇ид̇о. со хи саамам̣ бассид̇аб̣б̣ад̇д̇аа санд̣̇идтиго наамаад̇и.
54. Tatiye sammodanīyanti sammodajananiṃ. Sāraṇīyanti saritabbayuttakaṃ. Vītisāretvāti pariyosāpetvā. Kittāvatāti kittakena. Sandiṭṭhiko dhammo hotīti sāmaṃ passitabbo hoti. Akālikoti na kālantare phaladāyako. Ehipassikoti ‘‘ehi passā’’ti evaṃ dassetuṃ sakkāti āgamanīyapaṭipadaṃ pucchati. Opaneyyikoti attano cittaṃ upanetabbo. Paccattaṃ veditabboti sāmaṃyeva jānitabbo. Viññūhīti paṇḍitehi. Pariyādinnacittoti ādinnagahitaparāmaṭṭhacitto hutvā. Cetetīti cinteti. Sesamettha uttānameva. Imasmiṃ pana sutte brāhmaṇena lokuttaramaggo pucchito, satthārāpi soyeva kathito. So hi sāmaṃ passitabbattā sandiṭṭhiko nāmāti.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 3. ан̃н̃ад̇араб̣раахман̣асуд̇д̇ам̣ • 3. Aññatarabrāhmaṇasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 3-4. ан̃н̃ад̇араб̣раахман̣асуд̇д̇аад̣̇иван̣н̣анаа • 3-4. Aññatarabrāhmaṇasuttādivaṇṇanā
