| Library / Tipiṭaka / ติปิฎก • Tipiṭaka / องฺคุตฺตรนิกาย (อฎฺฐกถา) • Aṅguttaranikāya (aṭṭhakathā) |
๓. อญฺญตรพฺราหฺมณสุตฺตวณฺณนา
3. Aññatarabrāhmaṇasuttavaṇṇanā
๕๔. ตติเย สโมฺมทนียนฺติ สโมฺมทชนนิํฯ สารณียนฺติ สริตพฺพยุตฺตกํฯ วีติสาเรตฺวาติ ปริโยสาเปตฺวาฯ กิตฺตาวตาติ กิตฺตเกนฯ สนฺทิฎฺฐิโก ธโมฺม โหตีติ สามํ ปสฺสิตโพฺพ โหติฯ อกาลิโกติ น กาลนฺตเร ผลทายโกฯ เอหิปสฺสิโกติ ‘‘เอหิ ปสฺสา’’ติ เอวํ ทเสฺสตุํ สกฺกาติ อาคมนียปฎิปทํ ปุจฺฉติฯ โอปเนยฺยิโกติ อตฺตโน จิตฺตํ อุปเนตโพฺพฯ ปจฺจตฺตํ เวทิตโพฺพติ สามํเยว ชานิตโพฺพฯ วิญฺญูหีติ ปณฺฑิเตหิฯ ปริยาทินฺนจิโตฺตติ อาทินฺนคหิตปรามฎฺฐจิโตฺต หุตฺวาฯ เจเตตีติ จิเนฺตติฯ เสสเมตฺถ อุตฺตานเมวฯ อิมสฺมิํ ปน สุเตฺต พฺราหฺมเณน โลกุตฺตรมโคฺค ปุจฺฉิโต, สตฺถาราปิ โสเยว กถิโตฯ โส หิ สามํ ปสฺสิตพฺพตฺตา สนฺทิฎฺฐิโก นามาติฯ
54. Tatiye sammodanīyanti sammodajananiṃ. Sāraṇīyanti saritabbayuttakaṃ. Vītisāretvāti pariyosāpetvā. Kittāvatāti kittakena. Sandiṭṭhiko dhammo hotīti sāmaṃ passitabbo hoti. Akālikoti na kālantare phaladāyako. Ehipassikoti ‘‘ehi passā’’ti evaṃ dassetuṃ sakkāti āgamanīyapaṭipadaṃ pucchati. Opaneyyikoti attano cittaṃ upanetabbo. Paccattaṃ veditabboti sāmaṃyeva jānitabbo. Viññūhīti paṇḍitehi. Pariyādinnacittoti ādinnagahitaparāmaṭṭhacitto hutvā. Cetetīti cinteti. Sesamettha uttānameva. Imasmiṃ pana sutte brāhmaṇena lokuttaramaggo pucchito, satthārāpi soyeva kathito. So hi sāmaṃ passitabbattā sandiṭṭhiko nāmāti.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / องฺคุตฺตรนิกาย • Aṅguttaranikāya / ๓. อญฺญตรพฺราหฺมณสุตฺตํ • 3. Aññatarabrāhmaṇasuttaṃ
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / องฺคุตฺตรนิกาย (ฎีกา) • Aṅguttaranikāya (ṭīkā) / ๓-๔. อญฺญตรพฺราหฺมณสุตฺตาทิวณฺณนา • 3-4. Aññatarabrāhmaṇasuttādivaṇṇanā
