| Library / Tipiṭaka / ತಿಪಿಟಕ • Tipiṭaka / ಅಙ್ಗುತ್ತರನಿಕಾಯ (ಅಟ್ಠಕಥಾ) • Aṅguttaranikāya (aṭṭhakathā) |
೩. ಅಞ್ಞತರಬ್ರಾಹ್ಮಣಸುತ್ತವಣ್ಣನಾ
3. Aññatarabrāhmaṇasuttavaṇṇanā
೫೪. ತತಿಯೇ ಸಮ್ಮೋದನೀಯನ್ತಿ ಸಮ್ಮೋದಜನನಿಂ। ಸಾರಣೀಯನ್ತಿ ಸರಿತಬ್ಬಯುತ್ತಕಂ। ವೀತಿಸಾರೇತ್ವಾತಿ ಪರಿಯೋಸಾಪೇತ್ವಾ। ಕಿತ್ತಾವತಾತಿ ಕಿತ್ತಕೇನ। ಸನ್ದಿಟ್ಠಿಕೋ ಧಮ್ಮೋ ಹೋತೀತಿ ಸಾಮಂ ಪಸ್ಸಿತಬ್ಬೋ ಹೋತಿ। ಅಕಾಲಿಕೋತಿ ನ ಕಾಲನ್ತರೇ ಫಲದಾಯಕೋ। ಏಹಿಪಸ್ಸಿಕೋತಿ ‘‘ಏಹಿ ಪಸ್ಸಾ’’ತಿ ಏವಂ ದಸ್ಸೇತುಂ ಸಕ್ಕಾತಿ ಆಗಮನೀಯಪಟಿಪದಂ ಪುಚ್ಛತಿ। ಓಪನೇಯ್ಯಿಕೋತಿ ಅತ್ತನೋ ಚಿತ್ತಂ ಉಪನೇತಬ್ಬೋ। ಪಚ್ಚತ್ತಂ ವೇದಿತಬ್ಬೋತಿ ಸಾಮಂಯೇವ ಜಾನಿತಬ್ಬೋ। ವಿಞ್ಞೂಹೀತಿ ಪಣ್ಡಿತೇಹಿ। ಪರಿಯಾದಿನ್ನಚಿತ್ತೋತಿ ಆದಿನ್ನಗಹಿತಪರಾಮಟ್ಠಚಿತ್ತೋ ಹುತ್ವಾ। ಚೇತೇತೀತಿ ಚಿನ್ತೇತಿ। ಸೇಸಮೇತ್ಥ ಉತ್ತಾನಮೇವ। ಇಮಸ್ಮಿಂ ಪನ ಸುತ್ತೇ ಬ್ರಾಹ್ಮಣೇನ ಲೋಕುತ್ತರಮಗ್ಗೋ ಪುಚ್ಛಿತೋ, ಸತ್ಥಾರಾಪಿ ಸೋಯೇವ ಕಥಿತೋ। ಸೋ ಹಿ ಸಾಮಂ ಪಸ್ಸಿತಬ್ಬತ್ತಾ ಸನ್ದಿಟ್ಠಿಕೋ ನಾಮಾತಿ।
54. Tatiye sammodanīyanti sammodajananiṃ. Sāraṇīyanti saritabbayuttakaṃ. Vītisāretvāti pariyosāpetvā. Kittāvatāti kittakena. Sandiṭṭhiko dhammo hotīti sāmaṃ passitabbo hoti. Akālikoti na kālantare phaladāyako. Ehipassikoti ‘‘ehi passā’’ti evaṃ dassetuṃ sakkāti āgamanīyapaṭipadaṃ pucchati. Opaneyyikoti attano cittaṃ upanetabbo. Paccattaṃ veditabboti sāmaṃyeva jānitabbo. Viññūhīti paṇḍitehi. Pariyādinnacittoti ādinnagahitaparāmaṭṭhacitto hutvā. Cetetīti cinteti. Sesamettha uttānameva. Imasmiṃ pana sutte brāhmaṇena lokuttaramaggo pucchito, satthārāpi soyeva kathito. So hi sāmaṃ passitabbattā sandiṭṭhiko nāmāti.
Related texts:
ತಿಪಿಟಕ (ಮೂಲ) • Tipiṭaka (Mūla) / ಸುತ್ತಪಿಟಕ • Suttapiṭaka / ಅಙ್ಗುತ್ತರನಿಕಾಯ • Aṅguttaranikāya / ೩. ಅಞ್ಞತರಬ್ರಾಹ್ಮಣಸುತ್ತಂ • 3. Aññatarabrāhmaṇasuttaṃ
ಟೀಕಾ • Tīkā / ಸುತ್ತಪಿಟಕ (ಟೀಕಾ) • Suttapiṭaka (ṭīkā) / ಅಙ್ಗುತ್ತರನಿಕಾಯ (ಟೀಕಾ) • Aṅguttaranikāya (ṭīkā) / ೩-೪. ಅಞ್ಞತರಬ್ರಾಹ್ಮಣಸುತ್ತಾದಿವಣ್ಣನಾ • 3-4. Aññatarabrāhmaṇasuttādivaṇṇanā
