| Library / Tipiṭaka / තිපිටක • Tipiṭaka / අඞ්‌ගුත්‌තරනිකාය (අට්‌ඨකථා) • Aṅguttaranikāya (aṭṭhakathā) |
3. අඤ්‌ඤතරබ්‍රාහ්‌මණසුත්‌තවණ්‌ණනා
3. Aññatarabrāhmaṇasuttavaṇṇanā
54. තතියෙ සම්‌මොදනීයන්‌ති සම්‌මොදජනනිං. සාරණීයන්‌ති සරිතබ්‌බයුත්‌තකං. වීතිසාරෙත්‌වාති පරියොසාපෙත්‌වා. කිත්‌තාවතාති කිත්‌තකෙන. සන්‌දිට්‌ඨිකො ධම්‌මො හොතීති සාමං පස්‌සිතබ්‌බො හොති. අකාලිකොති න කාලන්‌තරෙ ඵලදායකො. එහිපස්‌සිකොති ‘‘එහි පස්‌සා’’ති එවං දස්‌සෙතුං සක්‌කාති ආගමනීයපටිපදං පුච්‌ඡති. ඔපනෙය්‍යිකොති අත්‌තනො චිත්‌තං උපනෙතබ්‌බො. පච්‌චත්‌තං වෙදිතබ්‌බොති සාමංයෙව ජානිතබ්‌බො. විඤ්‌ඤූහීති පණ්‌ඩිතෙහි. පරියාදින්‌නචිත්‌තොති ආදින්‌නගහිතපරාමට්‌ඨචිත්‌තො හුත්‌වා. චෙතෙතීති චින්‌තෙති. සෙසමෙත්‌ථ උත්‌තානමෙව. ඉමස්‌මිං පන සුත්‌තෙ බ්‍රාහ්‌මණෙන ලොකුත්‌තරමග්‌ගො පුච්‌ඡිතො, සත්‌ථාරාපි සොයෙව කථිතො. සො හි සාමං පස්‌සිතබ්‌බත්‌තා සන්‌දිට්‌ඨිකො නාමාති.
54. Tatiye sammodanīyanti sammodajananiṃ. Sāraṇīyanti saritabbayuttakaṃ. Vītisāretvāti pariyosāpetvā. Kittāvatāti kittakena. Sandiṭṭhiko dhammo hotīti sāmaṃ passitabbo hoti. Akālikoti na kālantare phaladāyako. Ehipassikoti ‘‘ehi passā’’ti evaṃ dassetuṃ sakkāti āgamanīyapaṭipadaṃ pucchati. Opaneyyikoti attano cittaṃ upanetabbo. Paccattaṃ veditabboti sāmaṃyeva jānitabbo. Viññūhīti paṇḍitehi. Pariyādinnacittoti ādinnagahitaparāmaṭṭhacitto hutvā. Cetetīti cinteti. Sesamettha uttānameva. Imasmiṃ pana sutte brāhmaṇena lokuttaramaggo pucchito, satthārāpi soyeva kathito. So hi sāmaṃ passitabbattā sandiṭṭhiko nāmāti.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / අඞ්‌ගුත්‌තරනිකාය • Aṅguttaranikāya / 3. අඤ්‌ඤතරබ්‍රාහ්‌මණසුත්‌තං • 3. Aññatarabrāhmaṇasuttaṃ
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / අඞ්‌ගුත්‌තරනිකාය (ටීකා) • Aṅguttaranikāya (ṭīkā) / 3-4. අඤ්‌ඤතරබ්‍රාහ්‌මණසුත්‌තාදිවණ්‌ණනා • 3-4. Aññatarabrāhmaṇasuttādivaṇṇanā
