| Library / Tipiṭaka / ཏིཔིཊཀ • Tipiṭaka / ཨངྒུཏྟརནིཀཱཡ (ཨཊྛཀཐཱ) • Aṅguttaranikāya (aṭṭhakathā) |
༣. ཨཉྙཏརབྲཱཧྨཎསུཏྟཝཎྞནཱ
3. Aññatarabrāhmaṇasuttavaṇṇanā
༥༤. ཏཏིཡེ སམྨོདནཱིཡནྟི སམྨོདཛནནིཾ། སཱརཎཱིཡནྟི སརིཏབྦཡུཏྟཀཾ། ཝཱིཏིསཱརེཏྭཱཏི པརིཡོསཱཔེཏྭཱ། ཀིཏྟཱཝཏཱཏི ཀིཏྟཀེན། སནྡིཊྛིཀོ དྷམྨོ ཧོཏཱིཏི སཱམཾ པསྶིཏབྦོ ཧོཏི། ཨཀཱལིཀོཏི ན ཀཱལནྟརེ ཕལདཱཡཀོ། ཨེཧིཔསྶིཀོཏི ‘‘ཨེཧི པསྶཱ’’ཏི ཨེཝཾ དསྶེཏུཾ སཀྐཱཏི ཨཱགམནཱིཡཔཊིཔདཾ པུཙྪཏི། ཨོཔནེཡྻིཀོཏི ཨཏྟནོ ཙིཏྟཾ ཨུཔནེཏབྦོ། པཙྩཏྟཾ ཝེདིཏབྦོཏི སཱམཾཡེཝ ཛཱནིཏབྦོ། ཝིཉྙཱུཧཱིཏི པཎྜིཏེཧི། པརིཡཱདིནྣཙིཏྟོཏི ཨཱདིནྣགཧིཏཔརཱམཊྛཙིཏྟོ ཧུཏྭཱ། ཙེཏེཏཱིཏི ཙིནྟེཏི། སེསམེཏྠ ཨུཏྟཱནམེཝ། ཨིམསྨིཾ པན སུཏྟེ བྲཱཧྨཎེན ལོཀུཏྟརམགྒོ པུཙྪིཏོ, སཏྠཱརཱཔི སོཡེཝ ཀཐིཏོ། སོ ཧི སཱམཾ པསྶིཏབྦཏྟཱ སནྡིཊྛིཀོ ནཱམཱཏི།
54. Tatiye sammodanīyanti sammodajananiṃ. Sāraṇīyanti saritabbayuttakaṃ. Vītisāretvāti pariyosāpetvā. Kittāvatāti kittakena. Sandiṭṭhiko dhammo hotīti sāmaṃ passitabbo hoti. Akālikoti na kālantare phaladāyako. Ehipassikoti ‘‘ehi passā’’ti evaṃ dassetuṃ sakkāti āgamanīyapaṭipadaṃ pucchati. Opaneyyikoti attano cittaṃ upanetabbo. Paccattaṃ veditabboti sāmaṃyeva jānitabbo. Viññūhīti paṇḍitehi. Pariyādinnacittoti ādinnagahitaparāmaṭṭhacitto hutvā. Cetetīti cinteti. Sesamettha uttānameva. Imasmiṃ pana sutte brāhmaṇena lokuttaramaggo pucchito, satthārāpi soyeva kathito. So hi sāmaṃ passitabbattā sandiṭṭhiko nāmāti.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / ཨངྒུཏྟརནིཀཱཡ • Aṅguttaranikāya / ༣. ཨཉྙཏརབྲཱཧྨཎསུཏྟཾ • 3. Aññatarabrāhmaṇasuttaṃ
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / ཨངྒུཏྟརནིཀཱཡ (ཊཱིཀཱ) • Aṅguttaranikāya (ṭīkā) / ༣-༤. ཨཉྙཏརབྲཱཧྨཎསུཏྟཱདིཝཎྞནཱ • 3-4. Aññatarabrāhmaṇasuttādivaṇṇanā
