| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
5. ан̃н̃ад̇араб̣рахмасуд̇д̇аван̣н̣анаа
5. Aññatarabrahmasuttavaṇṇanā
176. бан̃жамз д̇зж̇од̇хаад̇ум̣ самаабаж̇ж̇ид̇ваад̇и д̇зж̇огасин̣абаригаммам̣ гад̇ваа баад̣̇агаж̇жхаанад̇о вудтааяа, ‘‘сарийрад̇о ж̇аалаа нигкаманд̇уу’’д̇и ад̇хидтаханд̇о ад̇хидтаанажид̇д̇аанубхаавзна сагаласарийрад̇о ж̇аалаа нигкаманд̇и, звам̣ д̇зж̇од̇хаад̇ум̣ самаабанно наама ход̇и, д̇ат̇аа самаабаж̇ж̇ид̇ваа. д̇асмим̣ б̣рахмалогзд̇и гасмаа т̇зро д̇ад̇т̇а аг̇амааси? т̇зрасса гира д̇зж̇од̇хаад̇ум̣ самаабаж̇ж̇ид̇ваа д̇асса б̣рахмуно убари нисиннам̣ д̇ат̇ааг̇ад̇ам̣ д̣̇исваа ‘‘адтивзд̇хий аяам̣ буг̇г̇ало, маяаабзд̇т̇а г̇анд̇аб̣б̣а’’нд̇и ахоси, д̇асмаа аг̇амааси. сзсаанам̣ г̇аманзби зсзва наяо. со хи б̣рахмаа д̇ат̇ааг̇ад̇асса жзва д̇ат̇ааг̇ад̇асаавагаанан̃жа аанубхаавам̣ ад̣̇исваа абхаб̣б̣о винаяам̣ убаг̇анд̇ум̣, д̇зна со саннибаад̇о ахоси. д̇ад̇т̇а д̇ат̇ааг̇ад̇асса сарийрад̇о уг̇г̇ад̇аж̇аалаа сагалаб̣рахмалогам̣ ад̇иггамид̇ваа аж̇адаагаасз багканд̣̇аа, д̇аа жа бана чаб̣б̣ан̣н̣аа ахзсум̣, д̇ат̇ааг̇ад̇асса саавагаанам̣ аабхаа багад̇иван̣н̣аава.
176. Pañcame tejodhātuṃ samāpajjitvāti tejokasiṇaparikammaṃ katvā pādakajjhānato vuṭṭhāya, ‘‘sarīrato jālā nikkhamantū’’ti adhiṭṭhahanto adhiṭṭhānacittānubhāvena sakalasarīrato jālā nikkhamanti, evaṃ tejodhātuṃ samāpanno nāma hoti, tathā samāpajjitvā. Tasmiṃ brahmaloketi kasmā thero tattha agamāsi? Therassa kira tejodhātuṃ samāpajjitvā tassa brahmuno upari nisinnaṃ tathāgataṃ disvā ‘‘aṭṭhivedhī ayaṃ puggalo, mayāpettha gantabba’’nti ahosi, tasmā agamāsi. Sesānaṃ gamanepi eseva nayo. So hi brahmā tathāgatassa ceva tathāgatasāvakānañca ānubhāvaṃ adisvā abhabbo vinayaṃ upagantuṃ, tena so sannipāto ahosi. Tattha tathāgatassa sarīrato uggatajālā sakalabrahmalokaṃ atikkamitvā ajaṭākāse pakkhandā, tā ca pana chabbaṇṇā ahesuṃ, tathāgatassa sāvakānaṃ ābhā pakativaṇṇāva.
бассаси вийд̇ивад̇д̇анд̇анд̇и имасмим̣ б̣рахмалогз ан̃н̃аб̣рахмасарийравимаанаалан̇гаараад̣̇ийнам̣ бабхаа ад̇иггамамаанам̣ б̣уд̣̇д̇хасса бхаг̇авад̇о бабхассарам̣ бабхам̣ бассасийд̇и бужчад̇и. на мз, маариса, саа д̣̇идтийд̇и яаа мзсаа, ‘‘ид̇хааг̇анд̇ум̣ самад̇т̇о ан̃н̃о саман̣о ваа б̣раахман̣о ваа над̇т̇ий’’д̇и бурз д̣̇идти, над̇т̇и мз саа. гат̇ам̣ важ̇ж̇анд̇и гзна гааран̣зна вад̣̇зяяам̣. нижжомхи сассад̇од̇и имасса гира б̣рахмуно лад̣̇д̇хид̣̇идти сассад̇ад̣̇идти жаад̇и д̣̇вз д̣̇идтияо. д̇ад̇раасса д̇ат̇ааг̇ад̇ан̃жзва д̇ат̇ааг̇ад̇асаавагз жа бассад̇о лад̣̇д̇хид̣̇идти бахийнаа. бхаг̇аваа банзд̇т̇а маханд̇ам̣ д̇хаммад̣̇зсанам̣ д̣̇зсзси. б̣рахмаа д̣̇зсанаабарияосаанз сод̇аабад̇д̇ипалз бад̇идтахи. ид̇исса маг̇г̇зна сассад̇ад̣̇идти бахийнаа, д̇асмаа звамааха.
Passasi vītivattantanti imasmiṃ brahmaloke aññabrahmasarīravimānālaṅkārādīnaṃ pabhā atikkamamānaṃ buddhassa bhagavato pabhassaraṃ pabhaṃ passasīti pucchati. Na me, mārisa, sā diṭṭhīti yā mesā, ‘‘idhāgantuṃ samattho añño samaṇo vā brāhmaṇo vā natthī’’ti pure diṭṭhi, natthi me sā. Kathaṃ vajjanti kena kāraṇena vadeyyaṃ. Niccomhi sassatoti imassa kira brahmuno laddhidiṭṭhi sassatadiṭṭhi cāti dve diṭṭhiyo. Tatrāssa tathāgatañceva tathāgatasāvake ca passato laddhidiṭṭhi pahīnā. Bhagavā panettha mahantaṃ dhammadesanaṃ desesi. Brahmā desanāpariyosāne sotāpattiphale patiṭṭhahi. Itissa maggena sassatadiṭṭhi pahīnā, tasmā evamāha.
б̣рахмабаарисаж̇ж̇анд̇и б̣рахмабаарижааригам̣. т̇зраанан̃хи бхан̣д̣аг̇аахагад̣̇ахараа вияа б̣рахмаанамби баарисаж̇ж̇аа б̣рахмаано наама хонд̇и. д̇знубасан̇гамаад̇и гасмаа т̇зрассзва санд̇игам̣ бзсзси? т̇зрз гирасса д̇ад̇д̇агзнзва гат̇аасаллаабзна виссаасо уд̣̇абаад̣̇и, д̇асмаа д̇ассзва санд̇игам̣ бзсзси ан̃н̃збийд̇и яат̇аа д̇умхз жад̇д̇ааро ж̇анаа, гинну ко зваруубаа ан̃н̃зби ад̇т̇и, уд̣̇ааху д̇умхз жад̇д̇ааро зва махид̣̇д̇хигаад̇и? д̇звиж̇ж̇аад̇и буб̣б̣зниваасад̣̇иб̣б̣ажагкуаасавагкаяасан̇каад̇аахи д̇ийхи виж̇ж̇аахи саманнааг̇ад̇аа. ид̣̇д̇хибад̇д̇аад̇и ид̣̇д̇хивид̇хан̃аан̣ам̣ бад̇д̇аа. жзд̇обарияааяаговид̣̇аад̇и барзсам̣ жид̇д̇аажаарз гусалаа. звамзд̇т̇а бан̃жа абхин̃н̃ааби саруубзна вуд̇д̇аа. д̣̇иб̣б̣асод̇ам̣ бана д̇аасам̣ васзна ааг̇ад̇амзва ход̇и. б̣ахууд̇и зваруубаа чал̣абхин̃н̃аа б̣уд̣̇д̇хасаавагаа б̣ахуу г̇ан̣анабат̇ам̣ ад̇игганд̇аа, сагалам̣ ж̇амб̣уд̣̇ийбам̣ гаасаавабаж̇ж̇од̇ам̣ гад̇ваа вижаранд̇ийд̇и. бан̃жамам̣.
Brahmapārisajjanti brahmapāricārikaṃ. Therānañhi bhaṇḍagāhakadaharā viya brahmānampi pārisajjā brahmāno nāma honti. Tenupasaṅkamāti kasmā therasseva santikaṃ pesesi? There kirassa tattakeneva kathāsallāpena vissāso udapādi, tasmā tasseva santikaṃ pesesi aññepīti yathā tumhe cattāro janā, kinnu kho evarūpā aññepi atthi, udāhu tumhe cattāro eva mahiddhikāti? Tevijjāti pubbenivāsadibbacakkhuāsavakkhayasaṅkhātāhi tīhi vijjāhi samannāgatā. Iddhipattāti iddhividhañāṇaṃ pattā. Cetopariyāyakovidāti paresaṃ cittācāre kusalā. Evamettha pañca abhiññāpi sarūpena vuttā. Dibbasotaṃ pana tāsaṃ vasena āgatameva hoti. Bahūti evarūpā chaḷabhiññā buddhasāvakā bahū gaṇanapathaṃ atikkantā, sakalaṃ jambudīpaṃ kāsāvapajjotaṃ katvā vicarantīti. Pañcamaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 5. ан̃н̃ад̇араб̣рахмасуд̇д̇ам̣ • 5. Aññatarabrahmasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 5. ан̃н̃ад̇араб̣рахмасуд̇д̇аван̣н̣анаа • 5. Aññatarabrahmasuttavaṇṇanā
